VAEFWESO6
1Henye vana kwakuva mwihantsitse na Mutwa muvahesimilaje valeli venyu, kwasawuli ihyo fyo yin'ganika mudite.2Nambe amuli tsa Mulungu tsityaga, “Uvahesimilaje dado na yuwo, iyo yo amuli ndongola yo yongelitswe chila cho avaga alontsile Mulungu kuta akutupela,3ili Mulungu akuditile wuwuyana na kikala luvala lutali muinyi.”4Henye nanye va dada mulekaje kuvaditila vana venyu wubi wowuve, ino muvakagatsaje mu madahitso go mwanuche kuhuma kwa Mutwa.5Henye vatantsi muvahulikitsaje vatwa venyu kwa kuvahesimila iha ha inyi. Nanye muditaje ihyo kuhuma mu numbula ntsenyu kota hila fyo mungumuhulikitsa Chilisito.6Mulekaje kudita hala ho anguvawona hela ili mwilajile halutalo hake, ila muvatumichilaje kwa wukangatso kota hila fyo an'gana Mulungu. Muditaje ihyo kwasawuli henye mu vatantsi va Mulungu.7Mukolaje katsi tsenyu kwa kuhechelela kota mungumuditila Mutwa Mulungu na siyo vanu hela.8Mwihukaje kuta Mutwa akumupela gweko chila munu yo an'dita ndongwa kwa wuwuya, nambe ave mutantsi awu siyo mutantsi.9Henye nanye vatwa muvaditilaje hihyo vatantsi venyu, na kaha mulekaje kuvakabusa. Mwihukaje kuta na henye munakota vene, kaha mwihukaje kuta munayo Mutwa va Kilanga yo alihela wubagulo wowuve.10Hawudugo ha baluva yino ntsin'gana mukangale mu wuhantso wa Mutwa na mu wuvetso wake wukomi.11Ihyo mufwalaje fitovelo fyo avapelye Mulungu, na ihyo ho mufuluche kujisuma mipanjo jeka ja Lihoka,12kwakuva kitova kwa hetwe si twitovaga na vanu ndaya, ino twitovaga na vatavala, na vanya mamulaka na wuvetso va jitsa mu inyi yo sinambeyiwoneche. Kaha twitovaga na majesi ga mihoka ga inyi yo sinambeyiwoneche.13Ihyo lelo mufwalaje fitovelo fyeka fya Mulungu, ili muvetse kusumana na luvala lwa ng'odeko. Ihyo ho hila ho mukuva kusinda kitovana mukwendelela kwima hihilaga.14Duve lelo mwivikaje chang'ani kuno wukweli wuvaje kota musipi mu figudi fyenyu, na kudichilwa na Mulungu kuvaje kota ngwebe ya mu mambaga tsenyu.15Nacho chimuhemuhe cha kuvikula Ndongwa Nofu ya wusichimafu chivaje kota filatu mu magulu genyu.16Chila luvala litumbilo livaje kota ngwebe mu mawoko genyu, ili yivatanje kutsitsimya magali tseka tsinya moto tso tsintotswa na Lihoka.17Kaha muwanuchilaje wukuluso ili wuve kota heti yenyu ya chuma, na mutegulaje Ndongwa tsa Mulungutsivaje kota waladi wo mumpelwa na Muhe va Mulungu.18Musukaje kwa kutangwa na Muhe va Mulungu chila luvala, ili Mulungu avatanje, na kaha muvasuchilaje bila wudugo vanu veka va Mulungu.19Musuchilaje na heni ili hala honguva ntsinvikula Ndongwa tsa Mulungu, mwene Mulungu amele ndongwa tsa kuvikula fiho tsa Ndongwa Nofu bila muloto goguve.20Heni yo jumbe va Ndongwa Nofu, nayivaje sambi ntsili mu nyumba ya vawopwa mbombitwe nyololo. Musuchilaje na heni ili ntsive na wukangatso wa kuyivikula Ndongwa Nofu kota fyo yin'ganika.21Ntsingumutuma kwenyu mung'olotsetu yo anchemwa Tikiko, nayo yo mutantsi muwuya va Mutwa. Mwene uyo akuvalonjela ndongwa tseka tsa heni, na henye ho mukuntsela fyontsili na chila cho ntsinkola kuno.22Ntsingumutuma kwenyu avalonjele ndongwa tsangu, ili avakangatswe numbula tsenyu.23Ihyo vang'olotsangu ntsingumusuka Dada Mulungu na Mutwa Yesu Chilisito avapele henye wusichimafu, na wugano, na litumbilo.24Kaha ntsingumusuka Mulungu avapele wuwuya henye nyeka wo mungumugana Yesu Chilisito Mutwa vetu kwa wugano wo wugaya wudugo.
The Word for the World International