VAEFWESO5
1Henye muveye vana va Mulungu yo anguvagana ndalahela, ihyo mun'ganika muvaje kota mwene Mulungu fyoali.2Nanye hila fyo mungikala mun'ganika muvaje na wugano kota hila Chilisito fyo atuganite nambe akitawulaje kwasawuli ya hetwe, ili ave nambiko yinya wununyililo na sadaka yo ayiganile Mulungu.3Lechelelo henye sambi muveye vahagulwa va Mulungu, ndongwa tsa kuvasa na valume na vadala vanji, na ndongwa tsa kuhanga nyoni, na kiwiniwa fyalahogola kuwoneka hagati henyu.4Kaha mulekaje kuva na ndongwa tsa chipufi na tsa nyoni, awu tsa wubisi, awu tsa wudasi. Henye mun'ganika muvaje vanu va kumulumba Mulungu.5Mun'ganika kutsela kuta munu yoyuve yo anvasa na valume na vadala vanji, awu yo an'dita ndongwa tsa kuhonga nyoni, na munya kiwiniwa awu munu yoyuve yo an'dita ndongwa kota itso, siakuhogola kupata chinu chochive mu Wuntsajila wa Chilisito na wa Mulungu. Kwasawuli munu munya kiwiniwa ihwanaga na munu yo angujifugamila milungu jinji.6Mwalahogola kidichila kudeteletswa na munu kwa ndongwa tsake tsa chipufi hela, kwasawuli Mulungu siavaganaga vanu vala wo sinambevamuhulikitse.7Ino sambi henye mwalahogola kihantsa nawo vanu kota iwo,8kwasawuli hala ha hamutalo henye mwavaga simumutsele Mulungu kota mwavaga mu jitsa, lechelelo sambi henye mumutsele Mulungu munakota muli mu mwangatsa kwa hila fyo mwihantsitse na Mutwa. Ino duve mun'ganika mwikalaje hila kota fyo an'gana Mulungu,9kwasawuli manyi muve mungikala mu mwangatsa mukuva na wuwuya nachene, na mukidichilwa na Mulungu na kaha mukuva na wukweli.10Mun'ganika mujelaje kudita kota hila fyo an'gana Mutwa.11Ino mwalahogola kihantsa mu ndongwa ntsibi, ila mun'ganika mumung'anulile chila munu yo an'gana kudita ndongwa kota itso.12Kwakuva ndongwa tso vangutsidita mu wufiho vanu wo sinambevamuhulikitse Mulungu, tsivaga tsa kuhonga nyoni, natso sitsifuluche tsilonjeche halutalo ha vanu.13Lechelelo chila chinu cho chigubulwaga mu mwangatsa, icho chiwonekaga.14Kwakuva chila chinu cho chigubulwaga chivaga mwangatsa. Kota hila fyo valongaga, “Ulamuche heve yo uvasise, na utsilipuche heve yo ufweye, nayo Chilisito akukwangatsila.”15Ino lelo mwikalaje kwa kiyangalila. Munganika mwikalaje kota vanu vanya ntselo, na siyo kota vanu vapufi.16Luvala lo munalo muwutumilaje kwa kudita ndongwa nofu, kwasawuli siku tsino tsimemile wubi.17Ihyo mulekaje kuva kota vanu vapufi, ila mun'ganika kutsela chila Mutwa cho anguchigana muchidite.18Mulekaje kugala wujimbi, kwasawuli uwo wukwananga wumi wenyu, ila mulongotswaje na Muhe va Mulungu.19Nanye mwimbaje tsabuli na ntsimbo tsa kumutsumila Mulungu na ntsimbo tsinji tsa kulongontswa na Muhe va Mulungu. Mwimbaje na kumutsumila Mutwa mu numbula tsenyu.20Siku tseka mumulumbaje Dada Mulungu kukolela kwa Mutwa Yesu Chilisito kwasawuli ya ndongwa tseka.21Chila munu an'ganika amuhesimilaje muyage, kwasawuli ya hesima yila wo vanayo kwa Chilisito.22Henye vadala muvahulikitsaje valume venyu kota hila fyo mungumuhulikitsa Mutwa.23Mulume amulongotsaje mudala vake, kota hila Chilisito fyo anguchilongotsa chikundi cha vanu wo vangumutumba mwene. Nayo Chilisito yo mukulusi va chikundi chake, nacho cho muvili gwake.24Kota hila chikundi cha vanya litumbilo lya Chilisito fyo chimuhulikitsaga Chilisito, ho hihyo vadala nawo van'ganika vavahulikitse valume vawo kwa chila chinu.25Henye nanye valume muvaganaje vadala venyu kota hila Chilisito fyo achiganile chikundi chake, na akitawulaje mwene kwasawuli ya icho.26Chilisito adisile ihyo kukolela kwa Ndongwa tsake na ili chive chihagulwa na kuchidita chidichilwe na Mulungu kwa kuchihofuga kwa malenga.27Ihyo Chilisito afweye ili achipate chikundi chake chihagulwa cho chilihela nongwa yoyive awu chinu chochive cho chinhwana na ndongwa itso.28Hohihyo valume nawo van'ganika kuvagana vadala vawo kota hila fyo vangujigana mivili jawo, kwasawuli mulume yo angumugana mudala vake ankuva angigana mwene.29Kwakuva kuduhuli munu yoyuve yo aguvipilaga muvili gwake, ila agulisaga na kugufwika myenda. Hihyo nayo Chilisito fyo achituntsaga chikundi chake.30Hetwe tweka tuli filungo fya muvili gwake.31Mandiko ganlonga, “Kwasawuli iyo mulume akumuleka dade na yuve, nayo akihantsa na mudala vake, nawo iwo vavili vakuva muvili gumwe.”32Kuna wukweli wo wifihite mu ndongwa tsino, lechelelo heni ntsinlonga ndongwa tsa Chilisito na chikundi chake hela.33Nambe ihyo, chila mulume an'ganika amugane mudala vake kota fyo angigana mwene. Nayo mudala an'ganika amuhesimilaje mulume vake.
The Word for the World International