1VAKOLINDO14
1Mwikangatsaje kuva na wugano, na kaha muganaje hilo kuva na fifunje fya kuhuma kwa Muhe va Mulungu, ila chifunje chochin'ganika kulutila fyeka kuvikula wujumbe wa Mulungu.2Munu yo alongaga wulontsi wa kuhuma kwa Muhe va Mulungu sialongaga na vanu ila alongaga na Mulungu, kwakuva kuduhu munu yo angumwelewa cho anlonga. Ila alongaga ndongwa tsa fiho kwa kutangwa na wuvetso wa muhe.3Lechelelo yula yo anguvavikulila vanu wujumbe wa Mulungu avatangaga vanu, na kuvahongetsa na kuvakangatsa mu litumbilo lya Chilisito.4Mwene yo alongaga wulontsi wa kuhuma kwa Muhe va Mulungu ikangatsaga mwene mu numbula yake, lechelelo yula yo anvikula ndongwa tsa Mulungu anguvakangatsa vanu vanya litumbilo lya Chilisito.5Heni ntsin'gana henye nyeka mulonje kwa wulontsi wa kuhuma kwa Muhe va Mulungu, lechelelo kulutila ifyo fyeka ntsin'gana muve na wuvetso wa kuvikula wujumbe wa Mulungu. Kwakuva yula munya wuvetso wa kuvikula wujumbe wa Mulungu avatangaga vanu hilo kulutila yula munya kulonga kwa wulontsi wa kuhuma kwa Muhe va Mulungu. Ila han'ganika have na munu va kudadafula chila cho anlonga ili kuvakangatsa vanu vanya litumbilo lya Chilisito.6Ihyo lelo vang'olotsangu, manyi ntsitse kwenyu na kulonga na henye kwa wulontsi wa kuhuma kwa Muhe va Mulungu bila kuvadadafulila mukwelewa chinu chachi? Yikuva bule hela, ila yika kuva chiba ndonje na henye kwa wugubulo, awu kwa malifwa, awu kwa madahitso.7Hohihyo nambe kwa finu fyo figaya wumi finya litsi, kota hila fwilimbi awu ching'weng'we, hala ho fintowa fileche kuhumya matsi go gan'tselanika. Mbe, munu afuluche atsele chinya ndawuli kuta ulo lo lwimbo lwachi?8Manyi libalati lipembwe, na munya kupemba aleche kupemba kwa litsi lyo lin'tselanika, nani yo afuluche iviche chang'ani kwasawuli ya ligalu?9Hohihyo na henye nanye manyi mulonje ndongwa tsosinambetsin'tselaniche, vanu vakutsela chinya ndawuli chila cho munlonga? Ndongwa tsenyu tsikuyaga hela.10Kotsili ndonga ntsolofu ku inyi, lechelelo kuduhuli ndonga nambe yimwe yo yilihela mana.11Lechelelo manyi ndeche kutsela ndonga ya munu mutunga, heni nguva ntsi mujentsi kwake, na mwene ankuva mujentsi kwa heni.12Hohihyo na henye nanye, mun'ganika kiwiniwa ili muve vanu vanya fifunje fya Muhe va Mulungu, mwikangatsaje ndalahela kupata fila fifuche fyo fikuvakangatsa vanya litumbilo lya Chilisito.13Ihyo lelo, munu yula yo akulonga kwa wulontsi wa kuhuma kwa Muhe va Mulungu, an'ganiaka asuche kwa Mulungu ili avetse na kudadafula chila cho anlonga.14Manyi suche kwa wulontsi wa kuhuma kwa Muhe va Mulungu, nguva ntsinsuka kwa numbula yangu, lechelelo nyala tsangu nambe tsitsele chinu chochive.15Nditaje ndawuli lelo? Ngusuka kwa Muhe va Mulungu, na kaha ngusuka kwa luhala lwangu. Ngwimba kwa Muhe va Mulungu, kaha ngwimba kwa luhala lwangu.16Manyi umutsumitse Mulungu kwa chimuhe, munu yunji yo alihagati henyu iho ho mungumufugamila Mulungu yosi nambe atsele cho unlonga, afuluche ndawuli idikitse “Eena” Na kuno sinambe atsele cho unlonga?17Mufuluche muve mungumulumba Mulungu finofu ndalahela, lechelelo munu yunji sinambe atangwe chinu chochive.18Ntsingumulumba Mulungu kwakuva heni ntsinlonga kwa wulontsi wa kuhuma kwa Muhe va Mulungu kuvalutila henye nyeka.19Lechelelo mugati mwa Nyumba ya Mulungu yikuva chiba ndonje ndongwa tsihanu tsa kuvadahitsa vanu wolofu, kulutila ndonje ndongwa elufu kumi kwa wulontsi wa kuhuma kwa Muhe va Mulungu.20Vang'olotsangu, mulekaje kuhotsa kota fyali. Ila mu ndongwa ntsibi muvaje kota vana, lechelelo mu mahotso genyu, muvaje kota vanu wo mukalaje.21Mandiko ga Mulungu gandiche, “Kukolela kwa vanu vanya wulontsi wa kuhuma kwa Muhe va Mulungu, na kwa milomo ja vanu vajentsi, ngulonga na vanu vano, nambe ihyo sivakunyulikitsa ndaya.”22Lelo mutselaje kuta chifunje cha kulonga kwa wulontsi wa kuhuma kwa Muhe va Mulungu yo ndajilo kwa iwo wo sinambevamutumbile Mulungu, ila chifunje cha kuvikula ndongwa tsa Mulungu siyo kwasawuli ya vala wo sinambevamutumbile, ila kwasawuli ya wo vamutumbye Chilisito.23Ihyo manyi vanu vanya litumbilo lya Chilisito vakong'ine hono hamwe, na chila munu ankwantsa kulonga kwa wulontsi wa kuhuma kwa Muhe va Mulungu, lelo manyi vinjile vanu vanji wo sinambe vatsele awu valihela litumbilo. Ndawuli? Sivafuluche valonje kuta henye nyeka muna lukwale?24Lechelelo manyi vanu veka vave vanvikula ndongwa tsa Mulungu, kaha atse munu yo alihela litumbilo awu munu yunji hela, ndongwa tsila tso anhulika tsikumudita atsele kuta mwene ana ndongwa ntsibi na akuhigwa na chila cho anhulika,25na fiho tsake tsa munumbula tsikugubulwa, nayo akufugama na kumusuka Mulungu kuno anlonga, “Kweli Mulungu alihamwe na henye.”26Nyee vang'olotsangu lelo tulonje chichi? Hala ho mungitang'ana hamwe kumufugamila Mulungu, yumwe imbe tsabuli, na yunji adahitse, na yunji alonje chila cho agubulwe na Mulungu, na yunji alonje kwa wulontsi wa kuhuma kwa Muhe va Mulungu, na yumwe adadafule chila cho anlonga yula yo anlonga wulontsi wa kuhuma kwa Muhe va Mulungu. Ndongwa tseka tsiditwaje kwasawuli ya kuvakangatsa vanya litumbilo lya Chilisito.27Manyi kuna munu yoyuve yo akulonga wulontsi wa kuhuma kwa Muhe va Mulungu, yin'ganika valonje vanu vavili awu vadatu duve kwa kiyanuchila yumwe yumwe, na hagati ha vanu iwo yin'ganika yumwe adadafule cho chinlongwa.28Lechelelo manyi kuve kuduhu munu yo akuvetsa kudadafula cho chinlongwa, duve yula yo akulonga wulontsi wa kuhuma kwa Muhe va Mulungu akatukaje aleche kulonga hamukong'ano ugo, alonje na numbula yake mwene na Mulungu vake.29Vanu wo vanya chifunje cha kuvikula ndongwa tsa Mulungu van'ganika vave vavili awu vadatu, na vanu vanji vatsihimaje ndongwa itso.30Manyi munu yoyuve ha mukong'ano ugo ankwendelela kulonga na yunji agubulilwe lulongwa kuhuma kwa Mulungu, duve yula yo avije anlonga akatukaje.31Kwasawuli nyeka mufuluche muvikule wujumbe wa Mulungu, mulongaje munu yumwe yumwe, ili chila munu avetse kidahitsa na kukangatswa numbula yake.32Chifunje cha kuvikula wujumbe wa Mulungu chin'ganika chimililwe na mwene munya chifunje icho,33kwakuva Mulungu siyo Mulungu va chitika ndaya, ila va wusichimafu.
Kota fyoyili mu makong'ano geka ga vanu va Mulungu,34na kota fyoyili ntsovelo kwa vanu veka wo vanya litumbilo lya Chilisito, kuta vadala veka vakatukaje myee mu mikong'ano ja vanu vanya litumbilo. Kwakuva valihela luhusa ya kulonga ila vavaje vadeche kota fyo ganlonga malajitso ga Musa.35Manyi van'gana kuwutsa chinu chochive, vakavawutse valume vawo kukaye. Kwasawuli yinkuva nyoni kwa mudala kulonga halutalo ha vanya litumbilo lya Chilisito.36Mbe, muntijila Ndongwa tsa Mulungu tsihumye kwenyu? Awu kuta tsatsitse kwajili ya henye ng'ani?37Manyi hana munu yoyuve anhotsa kuta mwene yo mutantsi va Mulungu awu kuta ana chifunje cha Muhe va Mulungu, duve atselaje kuta finu fino fyo ntsinguvandichila henye iyo yo amuli ya Mutwa.38Lechelelo manyi munu akutsibedala ndongwa tsino, duve na henye mumubedalaje.39Ihyo lelo, vang'olotsangu, mun'ganika kiwiniwa kuvikula Ndongwa tsa Mulungu, lechelelo mulekaje kumulemetsa munu yoyuve kulonga kwa wulontsi wa kuhuma kwa Muhe va Mulungu.40Ihyo lelo chila chinu chiditwaje kwa hesima na kota fyo yin'ganika kuditwa.
Kota fyoyili mu makong'ano geka ga vanu va Mulungu,34na kota fyoyili ntsovelo kwa vanu veka wo vanya litumbilo lya Chilisito, kuta vadala veka vakatukaje myee mu mikong'ano ja vanu vanya litumbilo. Kwakuva valihela luhusa ya kulonga ila vavaje vadeche kota fyo ganlonga malajitso ga Musa.35Manyi van'gana kuwutsa chinu chochive, vakavawutse valume vawo kukaye. Kwasawuli yinkuva nyoni kwa mudala kulonga halutalo ha vanya litumbilo lya Chilisito.36Mbe, muntijila Ndongwa tsa Mulungu tsihumye kwenyu? Awu kuta tsatsitse kwajili ya henye ng'ani?37Manyi hana munu yoyuve anhotsa kuta mwene yo mutantsi va Mulungu awu kuta ana chifunje cha Muhe va Mulungu, duve atselaje kuta finu fino fyo ntsinguvandichila henye iyo yo amuli ya Mutwa.38Lechelelo manyi munu akutsibedala ndongwa tsino, duve na henye mumubedalaje.39Ihyo lelo, vang'olotsangu, mun'ganika kiwiniwa kuvikula Ndongwa tsa Mulungu, lechelelo mulekaje kumulemetsa munu yoyuve kulonga kwa wulontsi wa kuhuma kwa Muhe va Mulungu.40Ihyo lelo chila chinu chiditwaje kwa hesima na kota fyo yin'ganika kuditwa.
The Word for the World International