Jona4
1Ape Jona ngamo rngo m'sanga balêp olin aê lon mwapri.2Aê i m'tangro banê Warsangul aê epea, “Ta ngane nê m'pe banê êk ela, Warsangul, re wamran ane nê m'sek ronga ran nak ere. Tanre ngane nê m'pet las kêrênê tê ba Tarsis olin. Olin ane nê mwakêlê epe o m'be Bwatkôlkôl ane lolom m'pwat me antôn aê nam lolbeeberan aê i mwabra, aê lom taapripri kuukus aê lolom an mwagmwi antôn aê i m'betlap, aê lom beeber po antôn êr aê o taalonglongmê êr nga.3Rundelo Warsangul, aê o t'pilkui nak miran jingi nê. I m'betôô ne nê t'mat nga, ran ane nê metemir.”4Aê Warsangul pea, taabe nam tatesu natê epe lom tepri olin.5Aê Jona m'pii jingin lierelêp anre aê eba hlôô bare beretê ane iêl mamramra maôt re aê eba ômnê nan berenggal su. I mwahlôô pan manutê aê ele bagran ane i metelsê epe sa met'dêng re lierelêp enre.6Aê Warsangul Bwatkôlkôl mwamwê ne têtêa su mwamur lon tan ba ngamre po Jona, olin ane i metehlôô pan manutê aê epilkui nan rongo sangaan, aê Jona mwarngo m'betôô balêp olin.7Pangrankonkon, pangran natê aê Bwatkôlkôl mwahrô tamsuhgel aê i mwagtê têtêa anre aê i mwagrô.8Wamran ane iêl mamra aê Bwatkôlkôl mwalngi lang rii sure an pangpang ne i m'ba roo ma re ôt ane iêl mamramra re aê ema pangsê bôtô Jona. Aê lon tarben mwahlee, aê i mwarngo epe i met'mat sênê aê i m'pea, “I m'betôô ne nê t'mat ran ane nê met'mir.”9Ape Bwatkôlkôl pe banê Jona epea, “?O mwadmê epe i m'betôô olin ane lom metepri olin li bôtôa anlo?” Aê Jona m'pea, “Ee, i m'betôô nga olin ane lok metepri olin, aê i mwangrê ane nê met'mat sênê.”10Aê Warsangul pea, “Lom beeber po têtêa ane o taarui aê elepon ne i tetlap. I m'dôp nga lopwas aê emo mat nga lopwas.11?O mwadmê epe lok taabeeber po lierelêp an Niniba, ane antôn êr gatgat ne sek lon? Êr mamtar ba nuulsangul su aê nuul beru aê etap re, aê êr taakêlê ne talelenê sekan êr an mwaknoknon jingin sekan êr an taaknoknon, aê langlang na bwê êr môn aê êr gatgat ne sek re.”
Pioneer Bible Translators