Jona3

1Dal na Warsangul bamanê Jona baruan natê aê epea,2“O temra aê ebanê lierelêp an Niniba, aê eba paetnê nak dal banê êr; Dal ane nê m'sahra banê êk.”
3Aê Jona mamra aê ebanê ôt Niniba nga papanê ane Warsangul pe. Niniba aê i m'be lierelêp su an betlap, aê i mwangrê ane i metelê bông betêl bonga olin ane o met'roo lon lierelêp natê.4Jona m'tabtôn ne sala lon lierelêp, ran kêrêan na bông aê epaetnê epea, “Nga be nuul bông beêt ngatê aê Warsangul met'longlongmê ôt Niniba nga.”5Antôn êr na ôt Niniba m'kakoknga ra Bwatkôlkôl aê esahra epe êr met'lingling aê epal; i m'tabtôn re êr an jiljilêp aê eba sotê êr an tekankan. Êr bonga m'korkui nar bwelaul êr antôôtôô aê ekro nar bwelaul êr en sangsanga.
6Aê wamran ene dal natê m'ba sotê warsangul lêp na ôt Niniba, aê i mamra jingi nan adodo na warsangul lêp aê ekorkui nan bwelaul antôôtôô jingi i aê ekro bwelaul en sanga aê ehlôô lon taasêp.7Anlo aê dal na warsangul lêp, ane i m'sanê lon lierelêp an Niniba: I m'pea,
“Nê ane nê m'be warsangul lêp me nak antôn êr an jiljilêp sa dal lon lierelêp na ôt Niniba epea,
‘Antôn êr aê langlang na bwê êr bonga, aê tesu re êr taet'po gne tatesu tê, aê tesu re êr taet'po minê wa tesu tê.
8Antôn êr bonga men langlang na bwê êr bonga metekro bwelaul êr an sangsanga aê eka pwiris banê Bwatkôlkôl. Aê gasu met'po tlee jingin nan sal êr an taaknoknon aê sekan êr an mwapwiris nga togonê bwalbwalan aê eritrit bini antôn nga.9?Sê mwaklê? Nêmaan na Bwatkôlkôl tenga baran tan, aê i t'nga tleenê nan dodotan aê lon tenga beeber po kêt ronga, aê kêt taet'matmat.’”
10Aê Bwatkôlkôl mwalsê ane êr mwatlee jingin nar sal êr an taaknoknon, aê lon beeber por aê i taalonglongmê êr papanê ane i m'sahra epe i met'ômnê re êr.

Pioneer Bible Translators

https://app.library.bible/content/0f63f6f842ebe8e7