Re Tabtôan22
1Pon soksok êr anlo aê Bwatkôlkôl tang kêlê Ebraham. I m'pe banê Ebraham epea, “Ebraham! Ebraham ê!” Aê Ebraham pat môlnê banê i epea, “Nê ngala.”2Aê Bwatkôlkôl pea, “Nê m'pe banêk epe o met'ka wanjum, Aesak, waa wanjum su nga ane o m'dorngi i, aê eba ngahpom me i baran tan na ôt Moria aê eba ran wau su ane nê met'pe banê êk, aê eba pangsê i re ne i metebe nam pilan na tangroan.”3Pangrankonkon natê aê i mamra ngatê aê eba ling gogonê nan male hlôôan ran nan dongki aê eka nan antôn na ômwan beru me wanjun admwan an Aesak aê epotê utap na pilan an met'pangsê aê epii banê ôt ane Bwatkôlkôl pe banê i.4Ran têlan na bông aê Ebraham le ba keket aê elsê ôt natê; i m'be wabu masêa su ronga jingi edpat.5Aê Ebraham m'pe banê nan antôn na ômwan rakô epea, “Mkô t'sek bagra makô ngala me dongki, aê nê me watloji admwan anlo metea tai, aê eba tangro monok aê enga môl manê mkô.”6Ebraham mwahgo utap êr na pilan an metapangsê aê elngi bara wanjun an Aesak, aê edbe buatngis an pang aê wanju ai aê rakô m'bil aê eba.7Wamran ane rakô m'laa bil ne ba aê Aesak pe banê teman an Ebraham epea, “?Tadat ê?” Aê teman pat môlnê banê i epea, “?Sa, wanjuk admwan?” Aê Aesak pea, “?Buatngis an pang aê utap nga pôn elo, ape sipsip an metebe pilan olin an metapangsê pôn ebê?”8Ebraham pat môlnê banê i aê epea, “Bwatkôlkôl ngahpon aê i met'sunê sipsip an metebe pilan olin an metapangsê, wanjuk admwan.” Aê rakô m'laa bil aê eba.9Aê wamran ane rakô m'sasar re ôt ane Bwatkôlkôl pe banê i, aê Ebraham mwadngi at aê eômnê ot sure aê eling gogonê utap êr ran. I m'pis gêtê wanjun Aesak aê elngi i baran utap êr an ran ot anre.10Aê Ebraham m'kis ba aê edbe wanju ai olin ane i me'tang bini wanjun admwan nga nê.11Aê Absôbsôr Kon na Warsangul an lon tôngtông ka banê i aê epea, “Ebraham a! Ebraham!” Aê Ebraham pat môlnê banê i epea, “Nê ngala.”12Aê Absôbsôr Kon na Warsangul m'pea, “O ngalokis ne tang bini watloji admwan nga, aê o ngalomwê tatesu nê i. Rundelo aê Nê mwaklê epe nam mêmêan aê i mwapwiris re Bwatkôlkôl olin ane o taabwitnê wanjum admwan nga jingi nê, waa wanjum admwan su nga.”13Ebraham m'bêrnê mtan ba ere aê elsê sipsip bôtôlso su ne hôônan sa re erse lo li bôtôa su nga re. Aê Ebraham ba aê eba dbe sipsip bôtôlso anre aê esunê ne i ngamo be pilan an met'pangsê po melen lê wanjun admwan.14Ebraham kanê sêôt re epe, “Warsangul Met'nga Lsêlsê Sal Natê.” Aê m'kanê ronga ma rundelo epe, “Ran wau na Warsangul an mwalsêlsê sal natê.”15Absôbsôr Kon na Warsangul ka lon tôngtông baruan natê banê Ebraham,16aê epe dal na Warsangul epea, “Nê m'jing re nê ngahpok epe, olin soksok êr ane o m'seknê; ne o taabwitnê wanjum admwan nga jingi nê, waa wanjum admwan su nga,17aê nê met'po konnê êk balêp tê aê emwê ne wanjum êr an metadodo ma pom ronga aê êr met'gatgat papanê jubuubur êr na lo masêa aê epapanê on an ran sê tas. Mabim êr an metadodo ma pom ronga, aê êr met'pilkui lierelêp êr na nar wêlêr êr.18Re mabim êr an metadodo ma pom ronga, aê or antôn êr bonga na ratan met'nga lê konan, olin ane o m'tong banê tolok.”19Aê Ebraham mo môl ma bwêlê nan antôn rakô na ômwan aê rakô mamra aê edpat môl bil banê ôt Beaseba. Aê Ebraham ba sek Beaseba.
Pioneer Bible Translators