Re Tabtôan1
1Re tabtôan aê Bwatkôlkôl mwakoe tôngtông aê ratan.2Ratan pwat mahnga aê taalsê tatesu ran, aê Nunua na Bwatkôlkôl salsal ran po wa an mwablô, ene mêlêk kaakaaji.3Aê Bwatkôlkôl pea, “Mareran tedu.” Aê i m'dêng.4Bwatkôlkôl mwalsê mareran aê i m'betôô, aê i m'sêknê mareran jingi lo mêlêk.5Bwatkôlkôl kanê mareran epe “Ran ngaran nga.” Aê ekanê lo mêlêk epe “Ran lopwas.” Aê ôt pwas ne mo baran aê i m'be kêrêan na bông.6Aê Bwatkôlkôl pea, “Masêa tedu lon tobol na wa aê esêknê wa rakô.”7Aê papanre aê Bwatkôlkôl môômnê masêa aê i m'seknê wa an ba pan jingin wa an bamre. Aê i m'papanre.8Aê Bwatkôlkôl kanê masêa epe “Mtaran.” Aê ôt pwas ne mo baran aê i m'be ruan na bông.9Aê Bwatkôlkôl pea, “Wa êr an pan mtaran tema pwer bil ma re buôt tesu nga, aê ra tanôt tepôt.” Aê i m'papanre.10Aê Bwatkôlkôl kanê ra tanôt epe, “Ratan,” aê wa etlap an mama pwer bil epe, “Tas.” Aê Bwatkôlkôl mwalsê aê i m'betôô.11Aê Bwatkôlkôl pea, “Raa gsagsan êr tedôpdôp ran ratan: soksok êr na lo ôt bonga an metemir ne bwarsutê metedu, aê bwatrea êr en met'bwabwa, aê gasu met'po bwanê bwaetê.” Aê i m'papanre.12Aê papanre aê raa gsagsan êr dôpdôp ran ratan, aê soksok êr na lo ôt bonga an mwamir ne bwarsutê m'du, aê bwatrea êr an bwabwa, aê langlang gasu m'po bwanê bwaetê. Aê Bwatkôlkôl mwalsê aê i m'betôô.13Aê ôt pwas ne mo baran aê i m'be têlan na bông.14Aê Bwatkôlkôl pea, “Apjungjung êr tema du re mtaran olin ngane i met'sêknê ran ngaran nga jingin ran lopwas, aê êr tebe matlelean na wamran êr aê bông êr aê dam êr.15Aê êr met'mabe apjungjung re mtaran ne sunê mareran baran ratan.” Aê i m'papanre.16Aê Bwatkôlkôl môômnê apjungjung beru an jiljilap; ngane maretê mwapwiris aê i met'pang ngaran nga aê ngane maretê taapwiris aê i met'pang lopwas. Aê I môômnê jubuubur êr môn.17Aê Bwatkôlkôl mwalngi êr lon masêa na mtaran, olin ngane êr met'sunê mareran ma ran tan.18Aê ngan met'pang ngaran nga, aê an met'pang lopwas, olin ngane i met'sêknê mareran jingin lo mêlêk. Aê Bwatkôlkôl mwalsê aê i m'betôô.19Aê ôt pwas ne mo baran aê i m'be êtan na bông.20Aê Bwatkôlkôl pea, “Lo wa tepwernê taltal na soksok êr ane miran du lor, aê soksok êr an gaga pon ratan re masêa.”21Aê Bwatkôlkôl mwakoe soksok êr an jiljilap na lo tas aê soksok êr bonga an mwakrakra, aê an galgal, aê êr be taltal natê aê esek lon wa aê lon tas, aê soksok êr bonga ane albêr du ne êr gaga; ngan be jiljilap aê ngan tekankan. Aê Bwatkôlkôl mwalsê aê i m'betôô.22Aê Bwatkôlkôl konnê êr aê epea, “Gimi tebsubsus aê edal aê lo tas aê lo wa tepwernê gimi, aê soksok êr an gaga tedal ran ratan.”23Aê ôt pwas ne mo baran aê i m'be liman na bông.24Aê Bwatkôlkôl pea, “Soksok êr lele ane miran du lor; ngan jiljilap aê ngan tekankan tedu ran ratan. Aê soksok êr lele an lelepor, aê soksok êr an mwakrakra aê egalgal aê dubôr êr an jiljilap aê ngan tekankan.” Aê i m'papanre.25Bwatkôlkôl môômnê dubôr êr aê êr po sôôsôô tê. Langlang na bwê êr an lelepor aê êr po sôôsôô tê, aê soksok êr an mwakrakra aê êr an galgal lon tan bonga aê êr po sôôsôô tê. Aê Bwatkôlkôl mwalsê aê i m'betôô.26Aê Bwatkôlkôl pea, “Kêt teômnê antôn aê i t'sol nunu kêt aê epapanê kêt. Aê êr met'lelepo mahlo êr na lo tas aê soksok êr an gaga re masêa, aê soksok êr an lelepor aê soksok êr bonga an mwakrakra aê egalgal ran ratan bonga.”27Aê Bwatkôlkôl mwakoe antôn aê i sol nunun, aê Bwatkôlkôl mwakoe rakô ne su m'be admwan aê su m'be êsên.28Aê Bwatkôlkôl konnê rakô aê epe banê rakô epea, “Mkô tebsubsus aê edal aê esek keba noknê ratan aê edu bonê aê elelepo mahlo êr na lo tas aê soksok êr an gaga re masêa aê soksok êr bonga ane miran du lor, an mwakrakra aê an galgal ran ratan.”29Aê Bwatkôlkôl pea, “Mkô telsê! Nê m'sunê soksok êr na lo ôt bonga an mamir ne bwarsutê m'du, aê bwatrea êr en bwabwa ne gasu m'po bwanê bwaetê aê bôtôa êr bonga ane bwarsutê m'du lon bwaetê, ran ratan. Aê êr metebe am mkô anin.30Aê banê langlang na bwê êr bonga na ratan aê soksok êr an gaga bonga aê soksok êr bonga an sek ran tan ne êr mwabngos ne mir, papanê soksok êr an mwakrakra, aê nga êr an galgal, aê nê m'sunê raa gsagsan aê i m'be ar anin.” Aê i m'papanre.31Bwatkôlkôl mwalsê soksok êr bonga ane i môômnê, aê epea, “Môê! I m'betôô pangpang!” Aê ôt pwas ne mo baran aê i m'be lêsuan na bông.
Pioneer Bible Translators