Re Tabtôan12
1Aê Warsangul pe banê Ebram epea,“O telngi nam ere,aê elngi berem êr,aê epii jingin sar na temam,aê ebanê ere ane nê metebsênê banê êk.2Nê metemwê ne nam buluim aê i met'mi betlap balêp,aê nê met'konnê êk,aê emwê ne sêm met'roo,aê o metebe tobodboan banê antôn êr.3Nê met'konnê êr an konnê êk,aê êr an le tnô êk, aê nê met'kakanê êr.Metebe êk bwa aê buluim êr bonga na ratan met'nga kon.”4Aê Ebram pii nga papanê ane Warsangul pe banê i, aê Lot sodutôn. Ebram be nuul dam belêôru aê m'belim, re wamran ane i m'pii jingin ôt Haran.5Ebram ka Seerae anbe nan êsên, aê wanju selan, Lot, aê ehgo nan soksok êr bonga antê ne i nga ma ôm kui Haran aê men nan antôn êr na ômwan, aê epii aê eba sasar Keenan.6Ebram roo ran tan na ôt Keenan aê ebanê li bôtôa an du More ran tan na ôt Sekem. Wamran anre aê ta Keenan êr sek ronga re ere.7Aê Warsangul mi pôt bwêlê Ebram aê epea, “Nê met'sunê lo bwela ee anlo banê mabim êr an metamama pom ronga.” Aê Ebram môômnê ot su na Warsangul an mi pôt bwêlên.8Aê i m'rôs jingin ôt re, aê eba bartanê nan wabrenggal ran wau êr an du lon tobol na ôt Betel aê Ai. Ai aê i m'du bare breôt ane iêl mamramra ma re, aê Betel du bare breôt ane iêl ba hdohdor bare. I mwabsa eat aê i m'be ot na Warsangul, aê i m'dodmaanê aê etangtang pa sê Warsangul.9Aê Ebram mo pii re aê emo pii banê ôt Negeb.
Pioneer Bible Translators