Re Tabtôan11
1Re wamran anre aê dal su nga pôn ne antôn êr bonga na ratan m'sahrô ran.2Wamran ane êr pii re breôt ane iêl mamramra re, aê êr ba jikrênê lo lirat su, lon tan na ôt Sinaa aê eba sek re.3Êr pe re êr epea, “Kêt a! Eba ômnê birikis re tan bulut, kêt met'barê aê êr met'pangpang balêp aê epwiris papanê at.” Êr langtanê birikis êr anre aê eblut gêtêgtê nê kolta.4Êr pea, “Kêt a! Eba ômnê nakêt lierelêp atlap men im tesu an metebra balon masêa, aê eba sotê lo tôngtông, aê emwê ne sê kêt met'roo ran ôt, tanre tê aê kêt met'sêk bwelak ran ratan.”5Ape Warsangul mamlel mama pan aê emi lsê lierelêp atlap anre men im an mwabra balon masêa ane antôn êr môômnê ere.6Aê i m'pea, “Antôn êr anlo aê êr besu nga monok aê êr sahrô ngaran dal su nga, rundelo aê i m'be nar tabtôan ane met'pe êr metedmê epe êr met'ômnê tasu, aê êr met'po ômnê baran nar dorngian.7Kêt a! Emlel baba pan aê eba tang bwelaknê nar dal nga, aê nar dal met'sôôsôô aê êr tae'tong bwêrê tolor ronga.”8Warsangul sêknê êr aê êr sêk bwelak ran ratan, aê elngi ane eômnê lierelêp atlap anre.9Tanre ngane m'kanê sêôt re ne i m'be Babilon olin, olin ane ôt re ne Warsangul mwamwê ne dal êr bonga na ratan sôôsôô aê emwê ne antôn êr sêk bwelak ran ratan.10Anlo aê i m'be dun na mabi Seem êr. Dam m'beru pon ane wahle atlap pwer aê Seem be nuulsangul na dam su aê enga pasu Apaksad.11Pon ane Seem pasu Apaksad aê i mo seknê nuulsangul na dam belim aê lon wamran anre aê i mo pasu wanjun admwan êr ga me wanjun êsên êr ga môn.12Apaksad seknê nuul dam betêl aê m'belim aê epasu Seela.13Pon ane Apaksad pasu Seela aê i mo seknê nuulsangul na dam beêt aê m'betêl aê lon wamran anre aê i mo pasu wanjun admwan êr ga me wanjun êsên êr ga môn.14Seela m'seknê nuul dam betêl aê epasu Eber.15Pon ane Seela m'pasu Eber, aê i mo seknê nuulsangul na dam beêt aê m'betêl, aê lon wamran anre aê i mo pasu wanjun admwan êr ga me wanjun êsên êr ga môn.16Eber m'seknê nuul dam betêl aê m'beêt aê epasu Peleg.17Pon ane Eber m'pasu Peleg, aê i mo seknê nuulsangul na dam beêt aê nuul betêl aê lon wamran anre aê i mo pasu wanjun admwan êr ga me wanjun êsên êr ga môn.18Peleg seknê nuul dam betêl aê epasu Reu.19Pon ane Peleg pasu Reu, aê i mo seknê nuulsangul na dam beru aê m'beliapat aê lon wamran anre aê i mo pasu wanjun admwan êr ga me wanjun êsên êr ga môn.20Reu seknê nuul dam betêl aê m'beru aê i m'pasu Serug.21Pon ane Reu m'pasu Serug, aê i mo seknê nuulsangul na dam m'beru aê m'belêôru aê lon wamran anre aê i mo pasu wanjun admwan êr ga me wanjun êsên êr ga môn.22Serug seknê nuul dam betêl, aê epasu Nahor.23Pon ane Serug pasu Nahor, aê i mo seknê nuulsangul na dam m'beru aê lon wamran anre aê i mo pasu wanjun admwan êr ga me wanjun êsên êr ga môn.24Nahor seknê nuul dam beru aê m'beliapat aê epasu Tera.25Pon ane Nahor pasu Tera, aê i mo seknê nuulsangul na dam su aê nuulsu aê liapat, aê lon wamran anre aê i mo pasu wanjun admwan êr ga me wanjun êsên êr ga môn.26Tera m'seknê nuul dam belêôru, aê epasu Ebram, aê Nahor, aê Halan.27Anlo aê i m'be dun na mabi Tera êr. Tera m'pasu Ebram aê Nahor, aê Halan. Aê Halan pasu Lot.28Re wamran ane Tera m'sek ronga, aê Halan mat. I mat ran ere ane i m'do ran, Ur, ran tan na ôt Babilon.29Ebram tên Nahor aê rakô ngadkes tê aê rakô m'ka êsên. Sê êsên na Ebram aê i m'be Seerae, aê sê êsên na Nahor aê i m'be Milka. Milka tên Isika aê tema rakô enbe Halan.30Seerae taapasu watloji tesu olin ane i m'dubobonga.31Tera m'ka wanjun anbe Ebram aê mabin anbe Lot, wanju Halan, aê dasên an Seerae, êsên na wanjun an Ebram aê epii me êr jingi lo lierelêp an Ur, ran tan na ôt Babilon aê epe êr meteanê ôt Keenan. Ape wamran ane êr sasar Haran, aê eba sek nga re, re u sal an banê ôt Keenan.32Tera m'ba mat Haran, re wamran ane an dam be nuulsangul beru aê m'belim.
Pioneer Bible Translators