Dolabololo31
1Nena-ne Lemuel 'olana Masa ai demo-demo, ga'a ma ngina mo doto'o.2<<Ngoi balasu to kanau 'oru, 'ari ngowa'a nau'u, 'ari ngowa'a nau'u madutu,'ari nyiata ma sa-sangoro?3Awa na sihalibiru 'ani de-de'e toma we-were'a,re na simoini 'ani 'ori i'a rana ra ananga ga'a ga'a raḏi sijira 'ola-'olana.4Hei Lemuel, patasa ua di'a 'olana, no ka'e 'anggur tau-taunu,bolo di'a ngowa'a la-lamo'o ga'a nyafusu ngo-ngo'e lai te'e.5Awa singadolo no ka'e pai'i woḏi re ngana sidaioranga hukumure siseko ngowa-ngowa'a lamahana manga haku.6Ngo-ngo'e ma de-de'e gena-ge di'a ngowa'a ga'a sa'i sengene,re 'anggur di'a ananga ga'a manga 'akala re sinyingara 'i susa re sangisara!7Sieanga i'a ananga 'aḏi ka'e la 'aḏi sidaioranga manga dinga'unu uare 'aḏi 'elingi riwara manga susa re sangisara.8Welanga 'ani madanga di'a ngowa'a ga'a nga'unu ua ya riono manga diri,di'a ngowa'a lamahana mo-moini manga haku.9Welanga 'ani madanga, re 'oro putusanga rema 'adili,re sipula'a toma ngowa'a ga'a lamahana re ma dinga'unu ua, manga haku.10Kangela masala wo sanga were'a ga'a pahe!Munanga 'ami ijana lebe lamo'o reo parmata.11'Ami nau'u 'ai 'akala re sinyingara 'i ngaku ti-tiai ra munanga,'ami nau'u 'o basono kuranga ua.12Munanga mo gasa la-la ḇato tami nau'u re mo 'a'a cira ua,tami 'umuru ma giḏanga.13Munanga mo disa doba ma gogo re 'o rami re mo cufala munara masiretene.14Munanga ma tero sa'olo kapala ga'a 'i gasa gina,toma kiḏanga munanga mo gasa ngo-ngoromo.15Munanga mo momi'i toma 'orasa hafu-hafu moju,di'a mo sidodahe ngitu re ngale manga ngo-ngoromo,re mo si'aturu we-were'a manga munara.16Munanga mo tibo tana'a ḇotu moi ga'a munanga mo nyafusu,re munanga mo so'ana guḏa 'anggur tami 'utungu masiretene.17Munanga mo ḏu-ḏuanga ḏua di'a mo munara, e, munanga mo munara rami de-de'e, 18Munanga mo waro ma hasili 'i pai-pai'i,re mo munara singadolo utu i'a.19Munanga mo lolo 'ami lawere mo 'a'a 'ami pakeanga masiretene.20Munanga mi giama kare toma ngowa'a ga'a manga 'ahu kangela,mo sitoa'a 'ami giama toma ngowa'a ma dinga'unu ua.21Munanga mo mojongo ua 'ami wala ma dara toma 'orasa 'alo-'alo,sababu munanga remo sidodahe ananga manga pakeanga lape.22Munanga masiretene mo 'a'a ḇa'a di'a 'ami jingi'i ma re'u,munanga mo pake pakeanga si'a'a reo ḇa'a linen 'alusu ma tana'a ungu.23'Ami nau'u ngowa'a 'u silamo'o toma limau gena-ge,wakutu unanga 'o tegoro ma'u rimoi re nagara ma bi-biri'i.24Munanga mo 'a'a pakeanga lenan kara ma wu'unu,re mo wu'unu golona ma bi-biri'u toma toko ma dutu,25'Ami pakeanga gena-ge de-de'e re mulia,munanga mo mo mojongo ua 'ami 'ahu toma biono i'a re nyelo'o.26Munanga mo kanau rami 'akala soro'unu,'ami do-doto'o ma demo 'i lolara masala.27Munanga ma si'aturu 'ami ngowa 'olo manga munara mo-moini,munanga mo munara kama togumu ua.28'Ami ngowa 'olo 'aḏi silamo'o munangare ḏi'i 'ami nau'u 'o sihie munanga:29<We-were'a manga repe 'aḏi 'a'a 'ori i'a ma la-la,mada'a ngana lebe la-la i'a reo ananga mo-moini.>30Rupa ga'a 'i rousu gena-ge sakala re jamani gena-ge 'i parasaja,mada'a were'a ga'a silamo'o re mojongo Ma JOU, ḏuanga i'a mo sanga sitoro.31Pula'a munanga 'ami balangu ga'a munanga 'ami hasili masiretene,sieanga ḇato 'ami ga'a gena-ge si'a'a munanga ngowa'a mi silamo'o toma limau!
The Seed Company