Dolabololo30
1Nena-ne 'a 'Agur, 'a Yake 'ai ngowa'a nau'u ga'a toma Masa ino, unanga 'ai demo-demo so'o ne:Ya Ma Jou'ongu Madutu ngoi to momoro,Ngoi to momoro woḏi, 'ari de-de'e ri moini,2Ngoi lebe haga reo ngowa'a lelegu,ngoi ma tero ua manusia ga'a remanga wo-waro lai ngido.3Re ḏi'i ngoi to madoto'o 'ua 'akala soro'unu,singadolo ngoi to nana'o ua Ma Jou'ongu Madutu.4Ngowa'a 'oru ga'a 'uci pere ḏua toma soroga?Ngowa'a 'oru ga'a gu'u ḏua karawiana rai giama?Ngowa'a 'oru ga'a sao 'o ḇanyo re'o ḇa'a?Ngowa'a 'oru ga'a sitatapu dungia ma bati-bati?Unanga 'ai lomanga 'a guna, re 'ai ngowa'a ma lomanga 'a guna?Tantu ḏua ngana na waro!5Ma Jou'ongu Madutu 'ai demo mo-moini, gena-ge te-tero re ma pari cua.Unanga ma tero ta-taini di'a ngowa'a ga'a Unanga ya'u saolo.6Awa no dogo Unanga 'Ai demo,la Unanga 'o ḇangata ngana ua re site-tero ngowa'a sa-sakala.7<<Ya Ma Jou'ongu Madutu sikunu'i ngoi to sengene nyangu, ngoi to golo'o,No pula'a ra ngoi fara ḏiḏi nena-ne:8Sikiḏanga cira re sa-sakala ra ngoi,awa simaha ngoi to dadi ngowa'a rema-enanga bolo ma dinga'unu ua,mada'a No pula'a ra ngoi pa'i ngo-ngoromo ga'a ngoi to paralu,9Sababu, na'o to dadi ngowa'a rema enanga, ngoi to sidaioranga Ma JOU,re to kanau, <<Ma JOU gena-ge 'a guna?>>Bolo na'o to ma dinga'unu ua, ngoi nyengara to tori'isingadolo ta sicamari 'ari Jou'ongu Madutu 'Ai lomanga.>>10Awa no sijarita falalomu manga ga'a ma jira tamanga tuanga,la awa ananga 'aḏi sikutuki re sisala ngana.11'Age rema ngowa'a ga'a 'aḏi sikutuki ma ḇaḇare sibarakati ma ngina ua.12'Age rema ngowa'a ga'a 'aḏi ta'ajiri manga diri 'i 'ofi-'ofimomongolo ua 'aḏi sigofi ua manga faja.13'Age rema ngowa'a ga'a 'aḏi momole lai siḏi,ga'a 'aḏi ma hie-hie manga diri.14'Age rema ngowa'a ga'a manga ngiḏi ma tero sa'olo samaranga re golowadi'a 'aḏi oromo simoini ngowa-ngowa'a ga'a lamahana toma dungiare sikangela ngowa- ngowa'a ma dinga'unu ua toma manusia manga sigolona.15Kocowo ma ngowa were'a romoḏiḏi, manga lomanga<<Di'a ngoi!>>Rema hali ro'ange ga'a basono ḏugala yoḏu'u,rema hali rata ga'a 'i kanau ua, <<ḏua!>>:16Ngowa'a senge-sengene manga ngi'i,re were'a kama siḏe-ḏegoro i'a ngowa'a ua,re tana'a ga'a ḏugala ua reo ḇanyore u'u ga'a 'i kanau ua <<Ngadolo ḏua!>>17Ngowa'a ga'a 'aḏi situ-tuhu manga ḇaḇa,re 'aḏi 'isene ua ma ngina, namo ḇokaka toma picaru ya tubu'u manga la'ore namo kareba ma ngowa 'i oromo manga mayeti.18Rema hali ro'ange ga'a ngoi ta basono heranga woḏire hali rata ga'a ngoi ta sahe ua:19I'a sa'olo namo kareba 'i soloro toma ngawa-ngawa,I'a sa'olo cuku'u 'i tare toma maḏi ma re'uI'a sa'olo kapala 'i sidete toma ngoloto ma golona,re i'a sa'olo tubaie reo mosolese ananga 'aḏi ma'u dadalara.20Nena-ne were'a tinikai 'ami duhu:munanga mo 'a'a tinikai togumu i'a kara ma si'ofi 'ami diri,re mo kanau, <<Ngoi to 'a'a cira ua.>>21Rema hali ro'ange dungia 'i tiwiwi'i,re ḏi'i rema hali rata dungia ya tahana yoḏu'u:22sababu budaka matengo na'o 'o dadi 'olana,sababu ngowa'a matengo ga'a emono wo-waro, na'o unanga 'o oromo wunusu,23sababu were'a matengo ga'a ngowa'a mi nyafusu ua, mada'a ma ḏo-ḏogumu tala munanga mo sanga nau'u,re sababu budaka we-were'a matengo ga'a mo rabasa 'ami nyonya mi ḏe-ḏegoro.24Toma dungia nena-ne 'age rema haiwani ce-ceka'a fara rata,mada'a pahe madutu:25Bifi, haiwani ga'a te'e uamada'a 'i sidodahe ma ngo-ngoromo toma 'orasa ngogoro.26Pelanduk, haiwani ga'a te'e ua,mada'a 'i 'a'a ma wala toma sau maḏi.27Sasaba, haiwani ga'a ma 'olana cua,mada'a 'i tagi ma fato rousu madutu.28Dukutu, haiwani ga'a nyengara wa cako'o renanga giama,mada'a 'i tegoro toma kadato.29'Age rema haiwani fara ro'ange ga'a ma hele lai rousure haiwani fara rata ga'a ma hele lai rousu, gena-ge:30Singa, haiwani ga'a lebe te'e reo haiwani ma lelegu,ga'a kama mojongo ceka'a i'a mai ua 'o 'oru ḇato.31'Abingi ma nau'u bolo namo ma nau'u ga'a tagi mo-mole,re ma 'olana ga'a 'o tagi tai rayata manga biono.32Na'o ngana no mahie 'ani diri kama fikiri ua,pu'i 'ani madanga rani giama!33Sababu na'o susu na capuru, enanga 'isupu mantega,re na'o ngunungu na ca'olo ma ngaunu 'i supu,re na'o ngana no sibaolo ruta, ngowa'a 'aḏi ma'u tolabe.
The Seed Company