Efesus5
1Ngini Ma Jou'ongu Madutu 'ai ngowa-ngowa'a ga'a 'a dadalara. Sababu gena-ge, ngini balasu ni cuḏuḏu'u 'Ai de'oso re ḏegoro.2Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.3Ngini Ma Jou'ongu Madutu 'ai 'umata. Sababu gena-ge: Tinikai bolo sudala awa, da-danata awa sababu 'ahu ma duhu so'o gena-ge 'i patasa ua di'a ngini, Unanga 'ai 'umata. Mo-moini gena-ge awa 'age taninga sigolona singadolo toma ngowa-ngowa'a lelegu 'i osama 'akala ua, ninga 'ahu ma duhu so'o gena-ge.4Patasa ua ḏi'i, ngini ni kanau demo-demo ma cafarune, ma faeda 'i cua, masipaḏala'a. Siḏibo ḏi'i, ngini balasu ni sibere ie murasa ma la ra Ma Jou'ongu Madutu.5Ni tailako la-la ino: Ngowa'a ga'a su-sudala, 'a'a tinikai bolo da-danata ma tero sa'olo ngowa'a ga'a 'aḏi silamo'o re siḏubuso jou'ongu ma somoara. Sababu gena-ge, ngowa'a so'o gena-ge 'aḏi sanga warisi ua ra Kristus re ra Ma Jou'ongu Madutu 'ai Pareta ma dara.6Awa ngini ngowa'a nu'u sihaga reo ngowa-ngowa'a manga demo ma faeda 'i cua. Ananga gena-ge 'aḏi kanau 'o ḏosa ua mo-moini so'o ne: su-sudala, tinikai, da-danata. Ḏuanga i'a, ngowa'a gena-ge ga'a mete'e ua Ma Jou'ongu Madutu 'ai 'akala ma mau, 'aḏi sibaolo Unanga 'ai borata.7Sababu gena-ge, awa ngini ni maḏagilomu reo ngowa-ngowa'a ga'a manga 'ahu ma duhu so'o gena-ge.8'Au nga'ene, ngini ni 'ahu toma hafu-hafu, dadi ngini madiga'a so'o gena. Mada'a 'orasa nange-ne, ngini reni dadi Ma Jou 'ai 'umata, dadi ngini reni tegoro toma tarangi ma dara. Sababu gena-ge, ngini balasu 'ahu toma tarangi tau-taunu.9Sababu na'o ngini ni 'ahu toma tarangi gena-ge, ngini ḏuanga i'a madaga'a 'ori i'a la-la mo-moini re ninga de'oso re ḏegoro 'i boloto re banari ra Ma Jou'ongu Madutu 'ai momina.10Ni makutale ni madaga'a 'oru ḇato ga'a sisanangi Ma Jou'ongu Madutu 'ai 'akala re sinyingara.11Awa ni madaga'a 'ori i'a ma faeda 'i cua, sa'olo ngowa'a 'aḏi 'ahu toma hafu-hafu ma dara. Siḏibo ḏi'i, ngini balasu ni sitaḇela'a i'a ananga manga duhu ma jira.12Na'o ngene wo sijarita mangale manga duhu ma faja ga'a ananga gena-ge 'aḏi si'a'a 'aḏi masigo-gogoro, ngene basono wo mara'a.13Mada'a na'o ngini ni sitaḇela'a i'a manga duhu ma faja, gena-ge ma tero sa'olo ni tagala lapuru toma hafu-hafu. Ḏua ngowa'a ya oḏi'i re 'aḏi 'a'a rawara duhu gena-ge,14kara ngowa'a gena-ge 'aḏi 'ahu toma tarangi sababu 'o tarangi. Ma sababu gena-ge, ngowa'a 'aḏi kanau,“Momi'i, ngana ga'a no oture dadunu no 'ahu moju toma ngowa'a senge-sengene ma sigolona.Ḏua Kristus 'ai cahaya ḏuanga i'a 'age ra ngana.”15Sababu gena-ge, ni tailako la-la ino ninga 'ahu ma duhu. Awa ninga 'ahu ma tero sa'olo ngowa'a haga, mada'a 'ahu ma tero sa'olo ngowa'a manga 'akala soro'unu.16Na'o reni sanga donga, ni pake la-la donga gena-ge, sababu 'orasa nange-ne 'orasa ma jira.17Sababu gena-ge, awa ni dadi sa'olo ngowa'a haga, mada'a ni disa waro Ma Jou'ongu Madutu 'ai 'akala ma mau.18Gena-ge: Awa ni ka'e singadolo ni 'etolo, sababu na'o reni 'etolo ni waro diri riwara. Siḏibo ḏi'i, ngini balasu ni sidoa'a ninga 'ahu toma Ngagara 'Ofi-'Ofi, la nu'u ḏegoro:19Ni pake mazmur, nyanyi Rohani re puji-pujiana di'a ni puji re silamo'o Ma Jou'ongu Madutu, la ni site'e matengo re matengo ninga ngo-ngaku. Ni manyanyi reninga 'akala re sinyingara mode-mode'e ra Ma Jou'ongu Madutu.20Ni sibere ie murasa ma la tau-taunu ra Ma Jou'ongu Madutu, nanga Ḇaḇa, di'a 'ori i'a mo-moini, sababu ngini ni marimoi rananga Jou Yesus Kristus.21Ni ma'u ta'aloko matengo re matengo, la ngini ni silamo'o Kristus:22Were'a balasu ni ta'aloko taninga nau'u, ma tero sa'olo ni ta'aloko ra Ma Jou.23Nau'u 'o dadi sae'e tai were'a, ma tero ḇato sa'olo Kristus 'o dadi sae'e Tai jama'ata. Re Unanga masiretene 'a sisalamata ngowa-ngowa'a ngaku Unanga; ananga gena-ge ga'a ma tero sa'olo bageanga-bageanga Tai lese.24Ma tero sa'olo jama'ata ta'aloko ra Kristus, so'o gena ḏi'i toma 'oru ḇato were'a balasu ta'aloko tami nau'u.25Nau'u balasu ni dadalara ninga were'a ma tero sa'olo Kristus 'o dadalara 'Ai jama'ata, singadolo 'A sidoa'a 'Ai diri di'a ngowa'a 'U sisengene, la 'O sisalamata 'Ai jama'ata26Kristus 'o 'a'a so'o gena, la Unanga 'a sidadi ngene 'Ai 'umata. Unanga gena-ge ro si'ofi 'Ai jama'ata reo 'Ai do-doto'o re ḇanyo na'o wo sanga baptis.27Unanga 'o 'a'a gena-ge, la 'Ai jama'ata nyengara talaḏi ra Unanga 'ai biono sa'olo 'ofi-'ofi kamanga ḏosa ua; ma tero sa'olo mosolese mo madiai ro-rousu mo totoma 'ami tubaie di'a mo molo'ara.28So'o gena ḏi'i, nau'u balasu ni dadalara ninga were'a ma tero sa'olo ni dadalara ninga lese masiretene. Unanga ga'a 'a dadalara 'ai were'a, ma duhu gena-ge unanga 'a dadalara 'ai lese masiretene ḏi'i,29sababu matengo i'a mai ua 'a emono 'ai diri masiretene! Siḏibo ḏi'i unanga 'a kalesanga re 'a jaga, ma tero sa'olo Kristus 'a palihara re 'A jaga 'Ai jama'ata,30sababu ngene wo dadi bageanga-bageanga ra Unanga 'ai lese.31Toma Boku 'Ofi-'Ofi 'i silefo so'o ne: “Sababu gena-ge, na-nau'u matengo ḏuanga i'a 'a sisoi'i tala 'ai ḇaḇa re ngina, di'a 'o marimoi tai were'a re ananga nga muḏiḏi raḏi dadi rimoi.”32Bu-bula'a gena-ge, enanga ma maksudu lai ngido. Mada'a ngoi ta site-tero sa'olo nau'u re were'a ma tero sa'olo Kristus re 'Ai jama'ata.33Kalaha so'o gena, bu-bula'a gena-ge di'a ngini ḏi'i: Nau'u balasu 'o dadalara 'ai were'a ma tero sa'olo unanga 'o dadalara 'ai lese re were'a balasu mo silamo'o 'ami nau'u.
The Seed Company