Abalewi27
Gucungura ibintu vy’Uhoraho
1Uhoraho abwira Mose ati:2“Vugana n’Abisirayeli ubabwire uti: ‘Umuntu niyasezerana isezerano ryo gushikanira Uhoraho umuntu, aze abikore abicishije mu gutanga amahera angana n’igiciro ciwe,3muze mushinge ko igiciro c’izina muhungu ari hagati y’imyaka mirongo ibiri na mirongo itandatu gihuye na shekeli mirongo itanu z’ifeza, hakoreshejwe ingero shekeli y’Ahera;4niyaba ari umuntu w’igitsina gore, muze mushinge shekeli mirongo itatu. 5Niyaba umuntu ari hagati y’imyaka itanu na mirongo ibiri, muze mushinge igiciro c’umuhungu kuri shekeli mirongo ibiri na shekeli icumi ku mukobwa.6Niyaba ari umuntu ari hagati y’ukwezi kumwe n’imyaka itanu, ku muhungu muze mushinge shekeli zitanu na shekeli zitatu z’ifeza ku mukobwa.7Niyaba ari umuntu afise imyaka mirongo itandatu n’iyirenga, muze mushinge shekeli icumi na zitanu ku mugabo na shekeli icumi z’ifeza ku mugore.8Uwagize iyo ndahiro niyaba ari umukene cane ku buryo atoshobora kuriha ico kiguzi cashinzwe, aze azane uwo muntu ku muherezi, na we aze amushingire igiciro gihwanye n’ico nyene gusezerana ashobora kuronka.9Ico yasezeranye nicaba ari igikoko cemewe gutangwako ikimazi gishikanirwa Uhoraho, ico gikoko gihawe Uhoraho kizoba kibaye icera.10Ntaze akiguze n’ikindi, ari ciza ngo agisubirize na kibi canke ari kibi ngo agisubirize na ciza; bikenewe ko asubiriza ico gikoko, caba ico gusubirizwa canke ikigisubirira, vyompi bizoba bibaye ivyera.11Niyaba ico yasezeranye ari igihumanye, kidashobora gushikanirwa Uhoraho nk’ikimazi, ico gikoko kize kizanirwe umuherezi,12na we aze arabe uko kimeze ko ari ciza canke kibi. Igiciro uwo muherezi azoshinga ico ari co cose kizoba ari ico nyene.13Nyeneco niyashaka kugicungura, aze yongereko ikigira gatanu c’igiciro caco.14Umuntu niyatanga inzu yiwe ngo ibe iyerejwe Uhoraho, umuherezi aze avuge ko ari nziza canke ari mbi. Igiciro ico ari co cose umuherezi azoshinga kizoguma ari ico nyene.15Uwo muntu nyene kuyitanga niyagomba kuyicungura, aze yongereko ica gatanu ku giciro cayo, iyo nzu rero izoheza isubire kumwegukira.16Umuntu niyatanga igice c’itongo ry’umuryango wiwe ngo ribe iryerejwe Uhoraho, igiciro caryo kize gishingwe baravye imbuto ziterwa muri ryo uko zingana: shekeli mirongo itanu ku ngero homeru imwe ya sayiri.17Niyatanga iryo tongo mu mwaka wa Yubile, igiciro cashinzwe kizoguma ari ico nyene.18Ariko niyatanga iryo tongo inyuma ya Yubile, umuherezi aze ashinge igiciro yisunze imyaka isigaye kugira ngo Yubile yindi ishike, kugira ngo igiciro caryo kigabanurwe.19Uwo muntu yaritanze niyagomba kuricungura, aze yongereko ica gatanu c’igiciro caryo, hanyuma iryo tongo rize risubire kumwegukira.20Ariko natacungura iryo tongo, canke niyaba yarigurishije n’uwundi, ntirize ryigere ricungurwa.21Igihe iryo tongo rizosubirizwa kuri Yubile, rizoca riba iryera, nk’uko bigenda kw’itongo ryeguriwe Uhoraho; rizoca riba iry’abaherezi.22Umuntu niyatanga itongo yaguze ngo ribe iryerejwe Uhoraho, itongo atari iry’umuryango,23umuherezi aze ashinge igiciro caryo aharuye imyaka isigaye ngo Yubile ishike, hanyuma uwo muntu aze arihe ico kiguzi kuri uwo musi nyene nk’ikintu cerejwe Uhoraho.24Mu mwaka wa Yubile iryo tongo rizoca risubizwa nyene kurigurisha, nyeneryo imbere y’uko rigurishwa.25Ikiguzi cose kize gishingwe hakoreshejwe ingero shekeli y’Ahera, ingero gera mirongo ibiri zibe shekeli imwe.26Ariko ntihaze hagire n’umwe azotanga igikoko c’uburiza, kuko ivy’uburiza vyose bisanzwe ari ivy’Uhoraho; yaba inka, canke intama, ni ivy’Uhoraho.27Nicaba ari kimwe mu bikoko bihumanye, ashobora kugitangira ikiguzi cashinzwe, akongerako ica gatanu caco. Natagicungura, kize kigurishwe ku giciro cashinzwe.28Ariko ntihaze hagire ikintu na kimwe ceguriwe Uhoraho, yaba umuntu canke igikoko canke itongo ry’umuryango, kizogurishwa canke ngo gicungurwe; ikintu cose ceguriwe Uhoraho kizoba ari icera cane k’Uhoraho.29Naho yoba ari umuntu yeguriwe Uhoraho ngo yicwe, ntaze acungurwe; aze yicwe.30Ikigiracumi c’ibintu vyose biva mu mirima, vyaba ivyo mu kuzimu canke ivyama ku biti, ni ic’Uhoraho; kandi ni icera k’Uhoraho.31Umuntu niyacungura na kimwe mu bigiracumi, aze yongereko ica gatanu c’igiciro caco.32Ikigiracumi gikwiye co mu masho no mu mikuku, ni ukuvuga ikigiracumi mu vyo umwungere aharuye biciye musi y’inkoni yiwe, kizoba ari icera k’Uhoraho.33Ntaze atoranyemwo nziza muri mbi canke ngo agire iyo asubiriza iyindi. Niyagira iyo asubiriza, iyasubirijwe n’iyayisubiriye zose zizoba ari izera kandi ntizize zicungurwe.’ ”34Ayo ni yo mategeko Uhoraho yahaye Mose ku musozi Sinayi ngo ayashikirize Abisirayeli.Biblica, Inc.