Yobu42
Yobu
1Maze Yobu yishura Uhoraho ati:2“Ndazi ko ushobora vyose,kandi ko ata co wiyumviriye gukora kitaja mu ngiro.3Urabaza uti: ‘Uwo ni nde, mu bujuju bwiwe,agomba kuzimanganya imigambi yanje?’Ni ukuri navuze ivyo ntatahura,ibitangaza birengeye uko nomenya.4Wambwiye uti: ‘Tega amatwi, ngira mvuge;ndakubaze, nawe unyishure.’5Amatwi yanje yari yarakwumvise,none amaso yanje arakwiboneye.6None rero ndigaye ivyo navuze vyose.Ndihanye nicaye mu mukungugu no mu munyota.”Ivyakurikiye
7Uhoraho amaze kubwira Yobu ayo majambo, aca abwira Elifazi Umunyatemani ati: “Ndabarakiye mwe na bagenzi banyu, ko mutamvuzeko ibigororotse, nk’uko umusavyi wanje Yobu yabimvuzeko.8None rero nimufate amapfizi indwi y’inka n’amapfizi indwi y’intama, muje imbere y’umusavyi wanje Yobu, mwitangire ibimazi mwebwe nyene. Umusavyi wanje Yobu azobasengera, maze nanje nzokwumva amasengesho yiwe, ndeke kubahana ibikwiranye n’ubujuju bwanyu. Ntiwamvuzeko ibigororotse nk’uko umusavyi wanje Yobu yabimvuzeko.”9Nuko Elifazi Umunyatemani, ari kumwe na Biludadi Umunyeshuhi, na Zofari Umunyenayamati, bakora ivyo Uhoraho ababwiye, maze Uhoraho na we yemera isengesho rya Yobu.10Yobu amaze gusengera bagenziwe, Uhoraho asubira kumuha ubutunzi buruta incuro zibiri ubwo yari afise ubwa mbere.11Abo bavukana bose, hamwe n’abo bari bazinanyi kuva kera, baraza basangira na we i muhira iwe. Baramwirura ku bw’amagorwa Uhoraho yari yamuteye, kandi umwumwe wese amugabira ifeza n’impeta z’inzahabu.12Uhoraho ahezagira ubuzima bwa Yobu bwakurikiye gusumba ubwa mbere. Aronka intama ibihumbi cumi na bine, ingamiya ibihumbi bitandatu, inka zirima igihumbi, hamwe n’indogoba igihumbi,13yongera aronka abahungu indwi n’abakobwa batatu.14Umukobwa wa mbere yamwise Yemima, uwa kabiri amwita Keziya, uwa gatatu na we amwita Kereni-Hapuki.15Muri ico gihugu cabo, nta bandi bakobwa bariho banganya ubwiza n’abakobwa ba Yobu, kandi sewabo yabahaye gutorana hamwe n’abahungu biwe.16Inyuma y’ivyo, Yobu yabayeho iyindi myaka ijana na mirongo ine, abona abuzukuru n’abuzukuruza gushika kuri iconiki.17Nuko Yobu apfa ashaje cane, ageze mu zabukuru.Biblica, Inc.