Ezekiyeli31
Farawo agereranywa n’isederi ry’i Libani
1Mu mwaka ugira icumi na rimwe, mu kwezi kwa gatatu, ku musi wakwo wa mbere umwami Yehoyakini ari mu kinyago, ijambo ry’Uhoraho ryatumwe kuri jewe riti:2“Mwana w’umuntu, barira Farawo umwami wa Egiputa n’isinzi ry’abantu biwe uti:‘Ni nde yogereranywa nawe mu bukuru bwawe?3Umeze nk’uko Ashuri hahora hameze hari nk’isederi ry’i Libani,amashami yaryo meza yapfuka ishamba,ryagera mu kirere,agasunwa karyo kagakora kw’ijuru.4Ryavomererwa amazi ava mu mariba agera i bwina,bigatuma rikura rikaba rirerire;inzuzi zarica hirya no hino y’imizi,imigende yazo ikavomera ibindi biti vyo muri iryo shamba.5Ni co catumye uburebure bwaryoburuta ubw’ibindi biti vyo mw’ishamba.Amashami yaryo yabaye menshikandi aba maremare,riratagarara, kubera amazi menshi.6Ibisiga vyo mu kirere vyosevyaritse mu mashami yaryo,ibikoko vyo mw’ishambana vyo bivyarira musi y’amashami yaryo.Amahanga akomakomeye yoseyibera mu gitutu caryo.7Uko ni ko ryabaye irihambaye mu bwiza,hamwe no mu gusagarara kw’amashami yaryo,kuko imizi yaryoyashoreye mu mazi menshi.8Amasederi yo mw’itongo ry’Imanantiyashobora kwigereranya na ryo,canke ngo amapinusiagereranye amashami yayo n’ayaryo,canke ibiti vyo mu kiyaya ngobigereranye amashami yavyo n’ayaryo.Nta giti co mw’itongo ry’Imanacanganya ubwiza na ryo.9Narigize ryiza canendariha amashami menshi,rikipfuzwa n’ibiti vyose vyo muri Edeni,itongo ry’Imana.10None rero uku ni ko jewe Uhoraho Nyeninganji mvuze: Ko ryaduze hejuru cane, rigashitsa agasunwa hejuru y’ibicu, rikishimira uburebure bwaryo,11narirekuriye mu maboko y’uwuganza amahanga ngo aryishure ibihwanye n’ivyaha vyaryo. Jewe ubwanje nararyirukanye.12Ingabo ziteye ubwoba z’abanyamahanga ziraryiciye, zisiga riryamye hasi. Amashami yaryo agwa ku misozi no mu biyaya, ayandi avunagurikira ku migende y’amazi yose yo mu gihugu. Amahanga yose yari mu gitutu caryo avayo aragenda.13Ibisiga vyo mu kirere biraza biba ku mutumba waryo uryamye hasi, n’inyamaswa zo mw’ishamba ziraza zibera mu mashami yaco.14Ni co gituma ata giti co hafi y’amazi kizokwirata uburebure bwaco, canke ngo kiduze agasunwa kaco gushika hejuru y’ibicu. Nta n’ibikomeye vyo muri vyo bivomerewe neza bizoshikira ubwo burebure, kuko vyose bigenewe gupfa bikaja i kuzimu, co kimwe n’abamanuka baja mu rwobo.15Uku ni ko jewe Uhoraho Nyeninganji mvuze: Ku musi Ashuri yamanuwe ajanwa mu mva, iwabo w’abapfuye, amariba nayapfukishije ukumugandarira; nahagaritse imigende yaho, n’amazi menshi ndayagomera. Kubera we, nambitse Libani umwijima, n’ibiti vyo mw’ishamba vyose birakabirana.16Natumye amahanga ahinda agashitsi yumvise ukugwa kwiwe, igihe namumanura mu mva, iwabo w’abapfuye ngo aje kubana n’abamanutse bakaja mu rwobo. Maze ibiti vyose vyo muri Edeni, ivyiza kurusha ibindi vyose vyo muri Libani, ibiti imizi yavyo ishorera mu mazi, vyarahumurijwe no kumusanga i bwina mu kuzimu.17Na vyo nyene, co kimwe n’amasederi, vyaragiye iwabo w’abapfuye, aho abishwe n’inkota bari, aho bari kumwe n’abagabo bari bafise ibigwanisho, bakibera mu gitutu ciwe mu mahanga.18Mu biti vyo muri Edeni ni ikihe munganya ubwiza no gukomera? Ariko na wewe uzocishwa bugufi co kimwe n’ibiti vyo muri Edeni, mujanwe i kuzimu. Uzorambarara hagati y’abatakebwe, hamwe n’abicishijwe inkota.Abo ni Farawo hamwe n’amasinzi y’ingabo ziwe, ni jewe Uhoraho Nyeninganji ndabivuze.’ ”
Biblica, Inc.