لواحي13
1ࢲْرِيغ يجّن ن ڒْوَحْش يفّغ-د زِي ڒبْحَر، غَارس سبْعَا ن يقيُّوْعن ذ عشْرَا ن وَاشَّاون، خ وَاشَّاون نّس عشْرَا ن تَّاجَاث. ؤُرِين خ يقيُّوْعن نّس يسمَاون وَار يحْڒِين خ أَربِّـي.2ڒْوَحْش-أَ إِي ࢲْرِيغ يتَشَابَّاه ذݣ وغيِڒَاس، ئِضَارن نّس ݣِّين اَم يضَارن ن دُّب، أَقمُّوْم نّس يݣَّا اَم ؤُقمُّوْم ن سّْبَع. ونِّي يدْجَان اَم دَّيْنَاصُوْر يُوْشَا-اَس إِ ڒْوَحْش-أَ جّْهذ نّس ذ لْعَرْش نّس ذ يِجّن ن سُّلْطا ثمْغَار.3ئِجّن زݣ يقيُّوْعن نّس يظْهَار-د ذَايس يج وجَرِّيح اَخْمِي يمُّوْث، وَلَكِن يݣنْفَا زݣ وجَرِّيح نِّي ن ڒْموْث. أُو مَارَّا يمزْذَاغ ن ثْمُوْرْث تْعجّْبن، ذفَّارن ڒْوَحْش-أَ.4سجّْذن-اَس يِوْذَان إِ ونِّي يݣِّين اَم دَّيْنَاصُوْر ڒَاحقَّاش يُوْشَا-اَس إِ ڒْوَحْش-أَ سُّلْطَا نّس. عَاوذ سجّْذن-اَس إِ ڒْوَحْش-أَ نَّان: "ؤُو غَا يِيڒِين اَم ڒْوَحْش-أَ؟ ؤُݣ يزمَّرن اَث يحَرب؟"5ئِمُّوْش-اَس ؤُقمُّوْم إِ ڒْوَحْش-أَ إِي زِي غَا يسِّيوڒ س تَّكبُّر ذ وَاوَاڒ وَار يحْڒِين خ أَربِّـي. ثمُّوْش-اَس سُّلْطَا إِي زِي غَا يخْذم ثْنَاين أُو اَرْبعِين ن شْهُوْرَاث.6يبْذَا يسَّاوَاڒ س وَاوَاڒ وَار يحْڒِين خ أَربِّـي، يعْنِي س وَاوَاڒ وَار يحْڒِين خ يِيسم نّس ذ ثْزدِّيغْث نّس ذ يمزْذَاغ وجنَّا.7ئِتْوَاسْمح-اَس اَذ يحَارب ڒْمُوْمِنِين صَّالِحِين، اَثن يغْڒب. ثمُوْش-اَس سُّلْطَا خ كُڒ ڒْقُوْم ذ شَّعْب ذ لُّغَا ذ ڒْݣنْس.8مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.9صنّط مْلِيح آ ونِّي يتْسْڒَان.10ونِّي مِيْنْخف يُوْرَا اَذ يتْوَاحبّس، أَتَاف اَذ يتْوَاحبّس.ونِّي مِيْنْخف يُوْرَا اَذ يتْوَانغ س سِّيف، أَتَاف اَذ يتْوَانغ س سِّيف.ذِي لْحَالَا نِّي يتْخصَّا ڒْمُوْمِنِين صَّالِحِين اَذ صْبَارن اَذ اَمْنن.11ࢲْرِيغ يجّن ن ڒْوَحْش نّغْنِي يفّغ-د زِي ثْمُوْرْث، غَارس ثْنَاين ن وَاشَّاون اَم وَاشَّاون ن يِزْمَار وَلَكِن نتَّا يسَّاوڒ اَم دَّيْنَاصُوْر.12ئِسخْذم مَارَّا سُّلْطَا ن ڒْوَحْش اَمزْوَارُو أُو نتَّا اَقَاث زَّاثس. يَارَّا مَارَّا ثَمُوْرْث ذ يمزْذَاغ نّس اَذَاس سجّْذن إِ ڒْوَحْش نِّي اَمزْوَارُو إِي يݣنْفَان زݣ وجَرِّيح نِّي ن ڒْموْث.13ئِݣَّا لْمُعْجِزَاث ذ ثِمقّْرَانِين، ئِسْهوَّا-د ثِمسِّي زݣ وجنَّا غَار ثْمُوْرْث زَّاث إِ يِوْذَان.14ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو.
يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.15ئِتْوَاسْمح-اَس اَذ يݣّ بُوْحْبڒ ذِي لْأَصْنَام-أَ يتْوَاصنْعن خ صِّفث ن ڒْوَحْش اَمزْوَارُو حمَا اَذ يسِّيوڒ اَذ ينغ مَارَّا يِنِّي وَار يسجّْذن شَا إِ لْأَصْنَام-أَ اَم ڒْوَحْش نِّي.16يݣَّا بزّز خ مَارَّا يوْذَان س يمقّْرَانن ذ يمزْيَانن، ذ تْوَاجَر ذ يمسْعَان، ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن اَذ ݣّن يجّن ن طَّبَع خ وفُوْس اَفُوْسِي نْسن نِغ خ ثنْيَارْث نْسن.17ؤُڒَا ذ يجّن وَار يزمَّر اَذ يسغ نِغ اَذ يزّنْز إِلَّا ونِّي غَار يدْجَا طَّبَع نِّي، يعْنِي يسم ن ڒْوَحْش نِّي نِغ ذ رَّقم ن يِيسم نّس.18ذِي مَانَايَا تْخصَّا ڒفْهَامث. ونِّي غَار يدْجَا ڒَعْقڒ اَذ يرْزُو خ ڒْمَعْنَا ن رَّقم ن ڒْوَحْش-أَ ڒَاحقَّاش نتَّا ذ رَّقم ن يِجّن ن بْنَاذم. رَّقم نِّي نتَّا ذ ستّمِيَّا أُو ستَّا أُو سْتِّين.
يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.15ئِتْوَاسْمح-اَس اَذ يݣّ بُوْحْبڒ ذِي لْأَصْنَام-أَ يتْوَاصنْعن خ صِّفث ن ڒْوَحْش اَمزْوَارُو حمَا اَذ يسِّيوڒ اَذ ينغ مَارَّا يِنِّي وَار يسجّْذن شَا إِ لْأَصْنَام-أَ اَم ڒْوَحْش نِّي.16يݣَّا بزّز خ مَارَّا يوْذَان س يمقّْرَانن ذ يمزْيَانن، ذ تْوَاجَر ذ يمسْعَان، ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن اَذ ݣّن يجّن ن طَّبَع خ وفُوْس اَفُوْسِي نْسن نِغ خ ثنْيَارْث نْسن.17ؤُڒَا ذ يجّن وَار يزمَّر اَذ يسغ نِغ اَذ يزّنْز إِلَّا ونِّي غَار يدْجَا طَّبَع نِّي، يعْنِي يسم ن ڒْوَحْش نِّي نِغ ذ رَّقم ن يِيسم نّس.18ذِي مَانَايَا تْخصَّا ڒفْهَامث. ونِّي غَار يدْجَا ڒَعْقڒ اَذ يرْزُو خ ڒْمَعْنَا ن رَّقم ن ڒْوَحْش-أَ ڒَاحقَّاش نتَّا ذ رَّقم ن يِجّن ن بْنَاذم. رَّقم نِّي نتَّا ذ ستّمِيَّا أُو ستَّا أُو سْتِّين.
Wycliffe Bible Translators, Inc.