يوحنا20
1ذِي نْهَار اَمزْوَارُو ن سِّيمَانَا، ثُوْسَا-د مَرْيَم ثَمَݣْدَالِيث غَار يِيفْرِي ن ونْضڒ ن عِيْسَى زِيش. تُوْغَا عَاذ ثَادْجسْت، ثُوْفَا اَزْرُو يتْوَاكّس خ يِيفْرِي ن ونْضڒ.2ثُوْزّڒ-د ثُوْسَا-د غَار سِمْعَان بُطْرُس ذ ومحْضَار نّغْنِي ونِّي يعِيزّن خ عِيْسَى اَطَّاس، ثنَّا-ٱسن قَا يْسِين عِيْسَى زݣ يِيفْرِي ن ونْضڒ، وَار نسِّين مَانِي ث ݣّين.3ئِفّغ بُطْرُس ذ ومحْضَار نِّي نّغْنِي رُوْحن س ثَازّْڒَا س ثْنَاين إِذْسن غَار يِيفْرِي ن ونْضڒ. أَمحْضَار نِّي يزْوَار-اَس إِ بُطْرُس يُوْوض ذ اَمزْوَارُو غَار يِيفْرِي ن ونْضڒ.5ئِسِيجّ خ يِيفْرِي يُوْفَا ڒشْفن يمَارْس ذِنِّي وَلَكِن وَار يُوْذِيف شَا.6ئِذفَّار-يث-يذ سِمْعَان بُطْرُس ئِخْضڒ، يُوْذف ذݣ يِيفْرِي ن ونْضڒ. ئِتْوَاڒَا ڒشْفن نِّي7يُوْفَا ڒْقَبّ إِي زِي تُوْغَا يغطَّا وزدْجِيف ن عِيْسَى وَار يدْجِي شَا اَݣ ڒشْفن، ئِضْفس وَاحْذس.8ڒخْدّنِّي يُوْذف ومحْضَار نِّي يزْوَارن غَار يِيفْرِي ن ونْضڒ، يࢲْرَا مَانَاينِّي يُوْمن.9وَلَكِن نِثْنِي عَاذ وَار فْهِيمن شَا زِي لْكِتَاب بلِّي لَابُد اَذ يكَّر عِيْسَى زِي ڒْموْث.10سّنِّي روّْحن يمحْضَارن.11مَرْيَم ثْبدّ غَار ثوَّارْث ن يِيفْرِي ن ونْضڒ ثقِّيم ثتْرُو. وَامِي ثتْرُو ثْسِيجّ خ يِيفْرِي ن ونْضڒ12ثُوْفَا ثْنَاين ن لمَالَائِكَاث س وَارُّوْض ذ اَشمْڒَاڒ يشْتن ثقِّيم غَار وزدْجِيف يشْتن ثقِّيم غَار يضَارن مَانِي تُوْغَا ثدْجَا دَّات ن عِيْسَى.13نَّانْت-اَس: "آ ثَمْغَارْث مِين شم يُوْغِين ثتْرُوذ؟"
ثنَّا-ٱسنْت: "يْسِين سِيذِي، وَار سِّينغ مَانِي ث سرْسن."14ثنَّا مَانَاينِّي ثخْزَر غَار ذفَّار ثُوْفَا ذِنِّي عِيْسَى، وَلَكِن نتَّاث وَار ثسِّين شَا نتَّا ذ عِيْسَى.15ينَّا-ٱس عِيْسَى إِ مَرْيَم: "آ ثَمْغَارْث مِين شم يُوْغِين ثتْرُوْذ، مِيخف ثْرزُّوْذ؟"
مَرْيَم تْغِير-اَس ذ بَاب ن جَرْدَا نِّي، ثنَّا-ٱس: "آ سِيذِي مڒَا ذ شك إِي ث ييْسِين، إِن-اَيِي مَانِي ث ثْسرْسذ حمَا اَث يْسِيغ."16ينَّا-ٱس عِيْسَى: "آ مَرْيَم!"
ڒخْدّنِّي ثعْقڒ-يث ثنَّا-ٱس س وَاوَاڒ ن يسْرَائِيلِيْين: "آ رَابُنِي!" (زَعْمَا <آ لْمُعَلِّم.>)17ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."18ثْرُوْح مَرْيَم ثَمَݣْدَالِيث ثسِّيوض-ٱسن ڒخْبَار إِ يمحْضَارن ثنَّا-ٱسن قَا ࢲْرِيغ سِيذِيثْنغ يسِّيوڒ-د اَكِذِي اَقَا مِين ذَايِي ينَّا...19نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."20ينَّا-ٱسن مَانَايَا، يسْبيّن-اَسن-د يفَاسّن نّس ذ وغزْذِيس نّس. فَرْحن يمحْضَارن وَامِي ࢲْرِين سِيذِيثْسن.21ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ."22وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.23ونِّي ؤُمِي ثْسَمْحم إِ دّْنُوْب نّس، أَذَاس تْوَاسَمْحنْت. ونِّي ؤُمِي وَار ثسْمِيحم شَا، وَار ذَاس تْوَاسْمِيحنْت شَا."24وَلَكِن يجّن زِي ثنْعَاش ن يمحْضَارن نّس ؤُمي قَّارن تُوْمَا تْڒَاغَان-اَس أَشْنِيو، وَار كِسن يدْجِي شَا وَامِي د يُوْسَا عِيْسَى.25نَّان-اَس يمحْضَارن نِّي نّغْنِي قَا نࢲْرَا سِيذِيثْنغ!
ئِكَّر تُوْمَا ينَّا-ٱسن: "مڒَا وَار ࢲْرِيغ شَا لْأَثَر ن يمسْمِيڒن ذݣ يفَاسّن نّس اَذ ݣّغ ضَاض ينُو ذݣ ومْشَان ن يمسْمِيڒن نِّي، أَذ سرْسغ فُوْس ينُو خ وغزْذِيس نّس، وَار تِيمْنغ شَا."26منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"27ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."28ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"29ينَّا-ٱس عِيْسَى: "أَڒ وَامِي ذَايِي ثࢲْرِيذ، عَاذ إِي ثُوْمْنذ؟ سَّعْذ ن يِنِّي وَار ذَايِي ࢲْرِين شَا، ؤُمْنن."30يݣّا عِيْسَى اَطَّاس ن لْمُعْجِيزَاث نّغْنِي زَّاث إِ يمحْضَارن نّس، نِثنْتِي وَار ؤُرِينْت شَا ذِي لْكِتَاب-أَ.31ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.
ثنَّا-ٱسنْت: "يْسِين سِيذِي، وَار سِّينغ مَانِي ث سرْسن."14ثنَّا مَانَاينِّي ثخْزَر غَار ذفَّار ثُوْفَا ذِنِّي عِيْسَى، وَلَكِن نتَّاث وَار ثسِّين شَا نتَّا ذ عِيْسَى.15ينَّا-ٱس عِيْسَى إِ مَرْيَم: "آ ثَمْغَارْث مِين شم يُوْغِين ثتْرُوْذ، مِيخف ثْرزُّوْذ؟"
مَرْيَم تْغِير-اَس ذ بَاب ن جَرْدَا نِّي، ثنَّا-ٱس: "آ سِيذِي مڒَا ذ شك إِي ث ييْسِين، إِن-اَيِي مَانِي ث ثْسرْسذ حمَا اَث يْسِيغ."16ينَّا-ٱس عِيْسَى: "آ مَرْيَم!"
ڒخْدّنِّي ثعْقڒ-يث ثنَّا-ٱس س وَاوَاڒ ن يسْرَائِيلِيْين: "آ رَابُنِي!" (زَعْمَا <آ لْمُعَلِّم.>)17ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."18ثْرُوْح مَرْيَم ثَمَݣْدَالِيث ثسِّيوض-ٱسن ڒخْبَار إِ يمحْضَارن ثنَّا-ٱسن قَا ࢲْرِيغ سِيذِيثْنغ يسِّيوڒ-د اَكِذِي اَقَا مِين ذَايِي ينَّا...19نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."20ينَّا-ٱسن مَانَايَا، يسْبيّن-اَسن-د يفَاسّن نّس ذ وغزْذِيس نّس. فَرْحن يمحْضَارن وَامِي ࢲْرِين سِيذِيثْسن.21ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ."22وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.23ونِّي ؤُمِي ثْسَمْحم إِ دّْنُوْب نّس، أَذَاس تْوَاسَمْحنْت. ونِّي ؤُمِي وَار ثسْمِيحم شَا، وَار ذَاس تْوَاسْمِيحنْت شَا."24وَلَكِن يجّن زِي ثنْعَاش ن يمحْضَارن نّس ؤُمي قَّارن تُوْمَا تْڒَاغَان-اَس أَشْنِيو، وَار كِسن يدْجِي شَا وَامِي د يُوْسَا عِيْسَى.25نَّان-اَس يمحْضَارن نِّي نّغْنِي قَا نࢲْرَا سِيذِيثْنغ!
ئِكَّر تُوْمَا ينَّا-ٱسن: "مڒَا وَار ࢲْرِيغ شَا لْأَثَر ن يمسْمِيڒن ذݣ يفَاسّن نّس اَذ ݣّغ ضَاض ينُو ذݣ ومْشَان ن يمسْمِيڒن نِّي، أَذ سرْسغ فُوْس ينُو خ وغزْذِيس نّس، وَار تِيمْنغ شَا."26منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"27ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."28ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"29ينَّا-ٱس عِيْسَى: "أَڒ وَامِي ذَايِي ثࢲْرِيذ، عَاذ إِي ثُوْمْنذ؟ سَّعْذ ن يِنِّي وَار ذَايِي ࢲْرِين شَا، ؤُمْنن."30يݣّا عِيْسَى اَطَّاس ن لْمُعْجِيزَاث نّغْنِي زَّاث إِ يمحْضَارن نّس، نِثنْتِي وَار ؤُرِينْت شَا ذِي لْكِتَاب-أَ.31ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.
Wycliffe Bible Translators, Inc.