يعقوب1
أَرَّسُوْل يَعْقُوْب يتْسدْجَام خ ڒْمُوْمِنِين
1نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.لْإِيمَان ذ ڒمْحَاين
2آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين.3كنِّيو ثسّْنم مَارَّا ڒمْحَاين-أَ إِي ثْسعْذُوْم عْلَاحْسَاب لْإِيمَان نْوم تَاوِينْت-يد صّْبَار.4أُو لَابُد صّْبَار-أَ اَذَايْوم يكمّڒ شّْغڒ نّس حمَا ٱذ تمْغَارم اَذ تْعمَّرم س لْإِيمَان وَار ذَاوم ثْنقِّيص ؤُڒَا ذ يجّن ن ڒْحَاجث.5مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ.6وَلَكِن مَانَايَا يتْخصَّا-يَاس اَذَاس ث يتَّار س لْإِيمَان بْڒَا مَا ٱذ يشكّ ڒَاحقَّاش ونِّي يتْشكَّان يݣَّا اَم ڒْمُوْجث ن ڒبْحَر يسْهَاجَا-ت اَرِّيح يتَاوِي-ت يتَارَّا-ت-يد.7بْنَاذم-أَ يتْخصَّا-يَاس وَار يتْفكِّير شَا بلِّي سِيذِي أَربِّـي اَذَاس يُوْش شَان ڒْحَاجث.8ئِتْشكَّا، كُڒ ڒَعْقڒ نّس مِين ذَاس يقَّار منْبَعْد يتْذوَّاخ ذݣ يبْرِيذن نّس مَارَّا.9فَا يتْخصَّا-يَاس إِ ڒْمسْكِين إِݣ يُوْمْنن اَذ يفْتَخَر مِينْزِي يسْݣَعّذ-يث أَربِّـي.10ئِتْخصَّا-يَاس إِ تَّاجَر إِݣ يُوْمْنن اَذ يفْتَخَر مِينْزِي نتَّا يسهْوَا-ث أَربِّـي، ڒَاحقَّاش تَّاجَر يݣَّا اَم نْوَار ن اَرْبِيع وَار يتْدُوْمِّين شَا.11تْسُوْمَّار-د ثْفُوْشْت، س ڒحْمُو نّس يسّشْمَاضن ثْسَازَّاغ اَرْبِيع، ئِوطَّا نْوَار نّس يتْرَاح زِّين نّس. أَمُّو إِي ذَاس يتوْقِيع إِ تَّاجَر-أَ، نتَّا يتِيْسْرَاو اَخْمِي يخدّم شّْغڒ نّس.12سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.13مڒَا يتْوَاغَرَّا شَان يِجّن، ئِتْخصَّا-يَاس وَار يقَّار شَا قَا ذ أَربِّـي إِي ذَايِي يتْغَرَّان. لَّا، أَربِّـي وَار يتْغَرِّي حَدّ، وَار يتْوَاغَرِّي شَا س شَّرّْ.14نتَّا بْنَاذم يتْوَاغَرَّا س سَّبَاب ن شّهْوث نّس ثَعفَّانْت، نتَّاث إِي ث يتْجَرَّان نتَّاث إِي ث يخدّْعن.15ثُمَّا شّهْوث-أَ وَامِي ثيْسِي اَعدِّيس ثُوْرو-د ڒْمُعْصِيّث، ثُمَّا ڒْمُعْصِيّث-أَ وَامِي ثمْغَار ثجَّا-د ڒْموْث.16آي أَيثْمَا يمْعِيزّن ينُو، وَار خدّْعث شَا يخف نْوم.17مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.18وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.19شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.20مِينْزِي اَعصّب ن بْنَاذم وَار د يسِيوِّيض شَا مِين يدْجَان ذ ڒْحَقّ غَار أَربِّـي.21بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.22فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.23مَثَلَان، ئِجّن يخزَّر ذݣ وغمْبُوْب نّس مْلِيح ذِي ثِيسِيث وَاهَا. وَامِي يخْزَر مْلِيح، ئِرُوْح يتُّو ذغْيَا يخف نّس مَامّش يدْجَا. أَمُّو إِݣ يدْجَا ونِّي يتْسْڒَان إِ وَاوَاڒ ن أَربِّـي وَار زَّايس يخدّم شَا.25وَلَكِن ونِّي يخزَّرن ذِي شَّرِيعَا يكمْڒن ثنِّي إِي ذِي ثدْجَا لْحُرِّيَا، ئِتطّف ذَايس وَار يتتُّو شَا مِين يتْسْڒَا يخدّم زَّايس، أَتَاف اَزَّايس يَاوِي لْبَرَكَا ذِي مِين يتݣّ.26ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.27دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.Wycliffe Bible Translators, Inc.