ارسل9
1شَاوْل عَاذ يتْهدَّاذ س ڒْموْث يمحْضَارن ن سِيذِيثْنغ. ئِكَّر يرُوْح غَار اَرَّايس ن ڒْفُقَهَا،2ئِتَّار زَّايس اَرُّخْصَاث اَثنْت ييْسِي غَار ثمْزِيذَاوِين ن أَيث-إِسْرَائِيل ذِي دِمَشق بَاش يِنِّي غَا يَاف ذفَّارن اَبْرِيذ ن عِيْسَى س ثمْغَارِين ذ يرْيَازن اَثن يَاوِي ذ يمحْبَاس غَار لْقُدْس.3وَامِي يݣُّوْر غَار دِمَشق يقِّيم-اَس شْوَايْت اَذ يَاوض، عْلَاغَفْلَا ينّض-اَس-د يجّن ن نُّوْر يتْشعْشِيع-د خَاس زݣ وجنَّا.4ئِوْضَا غَار ثْمُوْرْث، ئِتسْڒَا إِ يِجّن ن ثْمِيجَّا ثقَّار-اَس-د: "آ شَاوُل آ شَاوُل، مَايمِّي ذَايِي تْعدَّابذ؟"5يَارَّا خَاس شَاوْل ينَّا-ٱس: "مِين ثعْنِيذ شك آ سِيذِي؟"
ثنَّا-ٱس ثْمِيجَّا نِّي: "نش ذ عِيْسَى ونِّي إِي تْعدَّابذ."6ينَّا-ٱس: "كَّر اَذف غَار ثنْدِينْت، أَذَاش يتْوَانَّا ذِنِّي مِين يتْخصَّا اَذ تݣّذ."7يرْيَازن نِّي يسَفَارن اَك شَاوُل بدّن ذِنِّي ذوْڒن وَار سِّيوِيڒن شَا. سْڒِين إِ ثْمِيجَّا وَلَكِن وَار تْوِيڒِين حَدّ.8ئِكَّر شَاوُل زِي ثْمُوْرْث يرْزم ثِيطَّاوِين نّس يذْوڒ وَار يتْوِيڒِي وَالُو. طّْفن-ث زݣ وفُوْس نّس ؤُوِين-ث غَار دِمَشق.9ئِقِّيم ذِنِّي ثڒْتِيَّام وَار يتتّ شَا، وَار يسسّ شَا، وَار يتْوِيڒِي شَا.10ذِنِّي ذِي دِمَشق يجّن ن ومحْضَار قَّارن-اَس أَنَاس. ئِمظْهَار-اَس-د سِيذِيثْنغ ذِي لْوَاحِي ينَّا-ٱس: "آي أَنَاس."
يَارَّا خَاس ينَّا-ٱس: "أَقَايِي آ سِيذِي."11ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.12تُوْغَا يࢲْرَا ذِي لْوَحِي يجّن ن ورْيَاز قَّارن-اَس أَنَاس اَذ د يَاس اَخَاس يسرْس يفَاسّن نّس بَاش اَذ يذْوڒ يتْوَاڒَا."13يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.14ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."15ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.16نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."17ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."18ڒخْدّنِّي ثوْضَا-يَاس-د يجّن ن ڒْحَاجث زِي ثِيطَّاوِين نّس اَم ثقْشُوْرْث، يذْوڒ يتْوَاڒَا. ئِكَّر يتْوَاطهَّار س وَامَان.19وَامِي يشَّا، ئِذْوڒ-د غَارس جّْهذ نّس. شَاوُل يتْبشَّار ذِي ثنْدِينْت ن دِمَشق
ئِقِّيم شَاوُل ڒبْعَاض ن وُوْسَّان اَك يمحْضَارن ذِي دِمَشق.20ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.21تْعجّْبن مَارَّا ينِّي يتسْڒَان قَّارن: مَا وَار يدْجي ذ وَانِيتَا يرْزُوْن اَذ يقْضَا خ يِنِّي يتْڒَاغَان خ يِيسم-أَ ن عِيْسَى ذِي لْقُدْس؟ مَا وَار يدْجِي غَارْسن إِي د يُوْسَا ذَانِيتَا بَاش اَثن يطّف اَثن يَاوِي غَار اَرُّوْيَاس ن ڒْفُقَهَا؟22شَاوُل نتَّا يَرْنِي يتْحدَّاث س جّْهذ، يسذْهَاش أَيث-إِسْرَائِيل إِݣ يزدّْغن ذِي دِمَشق، ئِسبيّن-اَسن-د س وَاوَاڒ نّس قَا عِيْسَى ذ لْمَسِيح.23وَامِي عْذُوْن اَطَّاس ن وُوْسَّان، مْشَاوَارن أَيث-إِسْرَائِيل جَارَاسن حمَا اَذ نْغن شَاوُل، نتَّا يَارَّا-د ڒخْبَار. دْجِيڒث ذ نْهَار حطَّان ثِوُّوْرَا ن ثنْدِينْت حمَا اَث نْغن.25ئِجّن ن دْجِيڒث يمحْضَارن نّس سرْوْڒن-ث، سهْوَان-ث-يذ س يسغْوَان ذݣ يِجّن ن وقْبُوْب زݣ يِجّن ن ثْبُوْرْجَات ن صُّوْر ن ثنْدِينْت.26وَامِي د يُوْوض شَاوُل غَار لْقُدْس يرزُّو اَذ يمُوْن اَك يمحْضَارن، وَلَكِن ݣّْوْذن زَّايس مَارَّا وَار ذَايس تِّيقن شَا نتَّا ذ اَمحْضَار ن صَّح.27بَرْنَابَا يكَّر يكلّف زَّايس يُوْوِي-ث غَار اَرُّسُل. ئِعَاوذ-اَسن خَاس مَامّش ذَاس د يمظْهَار سِيذِيثْنغ إِ شَاوُل ذݣ وبْرِيذ نِّي ذ مَامّش إِي كِس يسِّيوڒ ذ مَامّش يتْحدَّاث س زْعَامث عْلَاحْسَاب يسم ن عِيْسَى ذِي دِمَشق.28سّنِّي صَافِي، ئِتْرَاح يتَاس-د شَاوُل اَكِذْسن ذِي لْقُدْس، يتْحدَّاث س يِجّن ن زْعَامث عْلَاحْسَاب يسم ن سِيذِيثْنغ.29ئِسَّاوَاڒ اَك يسْرَائِيلِيْين يِنِّي يسَّاوَاڒن س لُّغَا ثَيُوْنَانِيث يتمْنَاقَار اَكِذْسن، سّنِّي نِثْنِي رزُّوْن اَث نْغن.30وَامِي د اَرِّين ڒخْبَار اَيثْمَاثْنغ، ؤُوِين-ث غَار قَيْصَارِيَا سّنِّي سّكّن-ث غَار ثنْدِينْت ن طَرْسُوْس.31ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.32بُطْرُس يتْرَاح زݣ ومْشَان غَار ومْشَان، ئِرُوْح يࢲْرَا ڒْمُوْمِنِين صَّالِحِين إِي زدّْغن ذݣ وبِيلَاج ن لُوْدَّا.33يُوْفَا ذِنِّي يجّن ن ورْيَاز قَّارن-اَس عِيْنْيَاس، نتَّا يزّڒ ثْمنْيَا يسݣّْوُوْسَا ذِي ثَاسُّوْث مُّوْثن-اَس يضَارن.34ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.35مَارَّا يوْذَان إِي زدّْغن ذݣ وبِيلَاج ن لُوْدَّا ذ ڒوْضَا ن شَارُوْن ࢲْرِين-ث تُوْبن غَار سِيذِي أَربِّـي.36ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.37ذِي ڒْوقْث نّي ثهْڒش ثمُّوْث، يْسِينْت-تث سِيرْذنْت-تث سْݣَعّْذن-تث غَار يِجّن ن ثْغُوْرْفَات.38سْڒِين يمحْضَارن ذِي ثنْدِينْت ن يَافَا بلِّي بُطْرُس اَقَاث ذݣ وبِيلَاج ن لُوْدَّا. لُوْدَّا ثُوْذس-د إِ يَافَا، سّكّن غَارس ثْنَاين ن يِوْذَان حشْمن-ث نَّان-اَس: "عَافك اَرْوَاح اَكِذْنغ ذغْيَا!"39ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.40سّنِّي يسُوْفغ-يثن بُطْرُس مَارَّا زِي ثْغُوْرْفَات، يوْضَا خ يفَادّن يبْذَا يتْࢲَادْجَا. ئِخْزَر غَار دَّات نّس ينَّا-ٱس: "يَا طَابِيتَا، كَّر!" أُوْشَا نتَّاث ثرْزم ثِيطَّاوِين نّس، وَامِي ثࢲْرَا بُطْرُس ثكَّر ثقِّيم.41ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.42ئِفّغ ڒخْبَار ذِي ثنْدِينْت ن يَافَا مَارَّا، ؤُمْنن زي سِيذِيثْنغ اَطَّاس ن يِوْذَان.43ئِقِّيم بُطْرُس ذِي يَافَا اَطَّاس ن وُوْسَّان اَك يِجّن ن بُو-يِيڒْمَاون قَّارن-اَس سِمْعَان.
ثنَّا-ٱس ثْمِيجَّا نِّي: "نش ذ عِيْسَى ونِّي إِي تْعدَّابذ."6ينَّا-ٱس: "كَّر اَذف غَار ثنْدِينْت، أَذَاش يتْوَانَّا ذِنِّي مِين يتْخصَّا اَذ تݣّذ."7يرْيَازن نِّي يسَفَارن اَك شَاوُل بدّن ذِنِّي ذوْڒن وَار سِّيوِيڒن شَا. سْڒِين إِ ثْمِيجَّا وَلَكِن وَار تْوِيڒِين حَدّ.8ئِكَّر شَاوُل زِي ثْمُوْرْث يرْزم ثِيطَّاوِين نّس يذْوڒ وَار يتْوِيڒِي وَالُو. طّْفن-ث زݣ وفُوْس نّس ؤُوِين-ث غَار دِمَشق.9ئِقِّيم ذِنِّي ثڒْتِيَّام وَار يتتّ شَا، وَار يسسّ شَا، وَار يتْوِيڒِي شَا.10ذِنِّي ذِي دِمَشق يجّن ن ومحْضَار قَّارن-اَس أَنَاس. ئِمظْهَار-اَس-د سِيذِيثْنغ ذِي لْوَاحِي ينَّا-ٱس: "آي أَنَاس."
يَارَّا خَاس ينَّا-ٱس: "أَقَايِي آ سِيذِي."11ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.12تُوْغَا يࢲْرَا ذِي لْوَحِي يجّن ن ورْيَاز قَّارن-اَس أَنَاس اَذ د يَاس اَخَاس يسرْس يفَاسّن نّس بَاش اَذ يذْوڒ يتْوَاڒَا."13يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.14ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."15ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.16نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."17ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."18ڒخْدّنِّي ثوْضَا-يَاس-د يجّن ن ڒْحَاجث زِي ثِيطَّاوِين نّس اَم ثقْشُوْرْث، يذْوڒ يتْوَاڒَا. ئِكَّر يتْوَاطهَّار س وَامَان.19وَامِي يشَّا، ئِذْوڒ-د غَارس جّْهذ نّس. شَاوُل يتْبشَّار ذِي ثنْدِينْت ن دِمَشق
ئِقِّيم شَاوُل ڒبْعَاض ن وُوْسَّان اَك يمحْضَارن ذِي دِمَشق.20ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.21تْعجّْبن مَارَّا ينِّي يتسْڒَان قَّارن: مَا وَار يدْجي ذ وَانِيتَا يرْزُوْن اَذ يقْضَا خ يِنِّي يتْڒَاغَان خ يِيسم-أَ ن عِيْسَى ذِي لْقُدْس؟ مَا وَار يدْجِي غَارْسن إِي د يُوْسَا ذَانِيتَا بَاش اَثن يطّف اَثن يَاوِي غَار اَرُّوْيَاس ن ڒْفُقَهَا؟22شَاوُل نتَّا يَرْنِي يتْحدَّاث س جّْهذ، يسذْهَاش أَيث-إِسْرَائِيل إِݣ يزدّْغن ذِي دِمَشق، ئِسبيّن-اَسن-د س وَاوَاڒ نّس قَا عِيْسَى ذ لْمَسِيح.23وَامِي عْذُوْن اَطَّاس ن وُوْسَّان، مْشَاوَارن أَيث-إِسْرَائِيل جَارَاسن حمَا اَذ نْغن شَاوُل، نتَّا يَارَّا-د ڒخْبَار. دْجِيڒث ذ نْهَار حطَّان ثِوُّوْرَا ن ثنْدِينْت حمَا اَث نْغن.25ئِجّن ن دْجِيڒث يمحْضَارن نّس سرْوْڒن-ث، سهْوَان-ث-يذ س يسغْوَان ذݣ يِجّن ن وقْبُوْب زݣ يِجّن ن ثْبُوْرْجَات ن صُّوْر ن ثنْدِينْت.26وَامِي د يُوْوض شَاوُل غَار لْقُدْس يرزُّو اَذ يمُوْن اَك يمحْضَارن، وَلَكِن ݣّْوْذن زَّايس مَارَّا وَار ذَايس تِّيقن شَا نتَّا ذ اَمحْضَار ن صَّح.27بَرْنَابَا يكَّر يكلّف زَّايس يُوْوِي-ث غَار اَرُّسُل. ئِعَاوذ-اَسن خَاس مَامّش ذَاس د يمظْهَار سِيذِيثْنغ إِ شَاوُل ذݣ وبْرِيذ نِّي ذ مَامّش إِي كِس يسِّيوڒ ذ مَامّش يتْحدَّاث س زْعَامث عْلَاحْسَاب يسم ن عِيْسَى ذِي دِمَشق.28سّنِّي صَافِي، ئِتْرَاح يتَاس-د شَاوُل اَكِذْسن ذِي لْقُدْس، يتْحدَّاث س يِجّن ن زْعَامث عْلَاحْسَاب يسم ن سِيذِيثْنغ.29ئِسَّاوَاڒ اَك يسْرَائِيلِيْين يِنِّي يسَّاوَاڒن س لُّغَا ثَيُوْنَانِيث يتمْنَاقَار اَكِذْسن، سّنِّي نِثْنِي رزُّوْن اَث نْغن.30وَامِي د اَرِّين ڒخْبَار اَيثْمَاثْنغ، ؤُوِين-ث غَار قَيْصَارِيَا سّنِّي سّكّن-ث غَار ثنْدِينْت ن طَرْسُوْس.31ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.32بُطْرُس يتْرَاح زݣ ومْشَان غَار ومْشَان، ئِرُوْح يࢲْرَا ڒْمُوْمِنِين صَّالِحِين إِي زدّْغن ذݣ وبِيلَاج ن لُوْدَّا.33يُوْفَا ذِنِّي يجّن ن ورْيَاز قَّارن-اَس عِيْنْيَاس، نتَّا يزّڒ ثْمنْيَا يسݣّْوُوْسَا ذِي ثَاسُّوْث مُّوْثن-اَس يضَارن.34ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.35مَارَّا يوْذَان إِي زدّْغن ذݣ وبِيلَاج ن لُوْدَّا ذ ڒوْضَا ن شَارُوْن ࢲْرِين-ث تُوْبن غَار سِيذِي أَربِّـي.36ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.37ذِي ڒْوقْث نّي ثهْڒش ثمُّوْث، يْسِينْت-تث سِيرْذنْت-تث سْݣَعّْذن-تث غَار يِجّن ن ثْغُوْرْفَات.38سْڒِين يمحْضَارن ذِي ثنْدِينْت ن يَافَا بلِّي بُطْرُس اَقَاث ذݣ وبِيلَاج ن لُوْدَّا. لُوْدَّا ثُوْذس-د إِ يَافَا، سّكّن غَارس ثْنَاين ن يِوْذَان حشْمن-ث نَّان-اَس: "عَافك اَرْوَاح اَكِذْنغ ذغْيَا!"39ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.40سّنِّي يسُوْفغ-يثن بُطْرُس مَارَّا زِي ثْغُوْرْفَات، يوْضَا خ يفَادّن يبْذَا يتْࢲَادْجَا. ئِخْزَر غَار دَّات نّس ينَّا-ٱس: "يَا طَابِيتَا، كَّر!" أُوْشَا نتَّاث ثرْزم ثِيطَّاوِين نّس، وَامِي ثࢲْرَا بُطْرُس ثكَّر ثقِّيم.41ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.42ئِفّغ ڒخْبَار ذِي ثنْدِينْت ن يَافَا مَارَّا، ؤُمْنن زي سِيذِيثْنغ اَطَّاس ن يِوْذَان.43ئِقِّيم بُطْرُس ذِي يَافَا اَطَّاس ن وُوْسَّان اَك يِجّن ن بُو-يِيڒْمَاون قَّارن-اَس سِمْعَان.
Wycliffe Bible Translators, Inc.