ارسل10
1ذِي ثنْدِينْت ن قَيْصَارِيَا تُوْغَا ذِنِّي يجّن ن ورْيَاز قَّارن-اَس كُوْرْنِينْيُوْس. نتَّا ذ يجّن ن وعَسْكَارِي ذ اَمقّْرَان ن اَرُّوْمَانُوْس اَقَاث ذݣ يِجّن ن لْفِرْقَا ن ڒْعَسْكَار ؤُمِي قَّارن <أَطَالْيَان.>2ذَايس دِّين يتݣّْوذ أَربِّـي، نتَّا ذ مَارَّا اَيثْبَاب ن ثدَّارْث نّس. ئِتݣّ ڒْخِير اَطَّاس ذݣ يِنِّي يحْذَاجن، وَار يخطِّي شَا ثْࢲَادْجِيث نّس.3ئِجّن ن نْهَار غَار ثْڒَاثَا وعشِّي، يࢲْرَا نِيشَان ذِي لْوَحِي يجّن ن لْمَلَاك ن أَربِّـي يتَاذف-د خَاس يتْڒَاغَا-يَاس-د: "آ كُوْرْنِينْيُوْس."4ئِخْزَر ذَايس كُوْرْنِينْيُوْس مْلِيح يݣّْوذ ينَّا-ٱس: "آ سِيذِي، مِين ثْرزُّوْذ؟"
ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.5سكّ ڒخُّو يرْيَازن غَار ثنْدِينْت ن يَافَا اَذَاش د اَوِين يجّن ن بنَاذم يسم نّس سِمْعَان ؤُمِي قَّارن بُطْرُس.6أَقَاث ذ اَنوْجِي غَار يِجّن ن بُو-يِيڒْمَاون قَّارن-اَس سِمْعَان، ثَدَّارْث نّس اَقَات خ طَّارْف ن ڒبْحَر."7وَامِي يرُوْح لْمَلَاك نِّي إِي كِيس د يسِّيوْڒن، ئِڒَاغَا-د إِ ثْنَاين زݣ يخدَّامن نّس ذ يِجّن ن وعسْكَارِي ذَايس دِّين، يتِيڒِي ڒبْدَا اَكِذس.8ئِعَاوذ-اَسن مَارَّا مِين يوقْعن، ئِسّكّ-يثن غَار ثنْدِينْت ن يَافَا.9ثِيوشَّا نّس، يِنِّي يتْوَاسّكّن زي كُوْرْنِينْيُوْس غَار ثنْدِينْت ن يَافَا وَامِي عْڒَاين اَذ اَوْضن ذِنِّي، يُوْڒِي بُطْرُس غَار ثْزقَّا غَار وزْين ن نْهَار اَذ يࢲَّادْج.10ئِدْجُوْز اَطَّاس يخس اَذ يشّ. وَامِي عَاذ سوْجَاذن-اَس مشَّا يُوْحَا-يَاس-د أَربِّـي ذِي لْوَاحِي.11ئِࢲْرَا اَجنَّا ينُوْرْزم سْهوَّان-د زَّايس غَار ثْمُوْرْث يجّن ن ڒْحَاجث ثݣَّا اَم ثْشُوْقّت ذ ثَمقّْرَانْت تْوَاشدّ زِي ثْغمُّوْرَا نّس س اَربْعَا.12ذَايس مَارَّا لْحَيَوَانَاث يݣُّوْرن خ اَرْبعَا ن يضَارن ذ مِين يتنْحُوْرُوْذن خ وعدِّيس ذ يجْضَاض ن وجنَّا.13ثنْدق-د يجّن ن ثْمِيجَّا ثنَّا-ٱس: "كَّر آ بُطْرُس، غَرص، اشّ!"14ينَّا-ٱس نتَّا: "لَّا وَالُو آ سِيذِي! نش عمَّارْص مَا شِّيغ مِين يدْجَان حْرَام نِغ مكْرُوْه."15ثنْدق-د ثْمِيجَّا نِّي وِيس مَرّْثَاين ثنَّا-ٱس: "شك وَار تْحَرَّام شَا مِين يحدْجڒ أَربِّـي يَارِّي-ث حَلَال!"16ئِوْقع مَانَايَا ثْڒَاثَا ن ثْوَاڒَاثِين، سّنِّي ثْنجْمع ثْشُوْقّت نِّي ثذْوڒ غَار وجنَّا.17ئِقِّيم بُطْرُس يتْخمَّام يتْعجّب ذِي ڒْمَعْنَا ن لْوَحِي-يَا إِي يࢲْرَا، ڒخْدّنِّي يرْيَازن نِّي إِي د يسّكّ كُوْرْنِينْيُوْس ؤُفِين ثَدَّارْث ن سِمْعَان بدّن غَار ثوَّارْث نّس.18ڒَاغَان نَّان: "سِمْعَان ونِّي ؤُمِي قَّارن بُطْرُس، مَا ٱقَاث ذِنِّي ذ اَنوْجِي؟"19بُطْرُس عَاذ يتْخمَّام ذِي لْوَحِي نِّي ينَّا-ٱس أَرُّوْح ن أَربِّـي، "قَا ثْڒَاثَا ن يرْيَازن رزُّوْن خَاك.20كَّر هْوَا غَارْسن، رُوْح اَكِذْسن بْڒَا مَا ٱذَايْسن ثْشكّذ قَا ذ نش إِي ثن د يسّكّن."21ئِهْوَا-د بُطْرُس غَار يرْيَازن نِّي ينَّا-ٱسن، "أَقَا ذ نش إِي خف ثْرزُّوْم. مَايمِّي غَارِي د ثُوْسِيم؟"22نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."23ئِكَّر بُطْرُس يسِيذف-يثن غَار ذَاخڒ يسْنوْجو-يثن.
ثِيوشَّا نّس يرُوْح اَكِذْسن بُطْرُس. مُوْنن اَكِذس ڒبْعَاض ن اَيثْمَاس زِي ثنْدِينْت ن يَافَا.24فَرْوِيشَّا نّس يُوْوض بُطْرُس غَار ثنْدِينْت ن قَيْصَارِيَا. ئِتْرَاجَا-ثن ذِنِّي كُوْرْنِينْيُوس، أَكِذس ڒبْعَاض ن ڒحْبَاب نّس ذ ڒبْعَاض ن يمدُّوْكَاڒ نّس إِي د يعَرض.25وَامِي يُوْوض بُطْرُس غَار ثدَّارْث نِّي، ئِفّغ-د غَارس كُوْرْنِينْيُوْس يوْضَا-يَاس غَار يضَارن نّس يسجّذ-اَس.26ئِسْبدّ-يث بُطْرُس خ يضَارن ينَّا-ٱس: "لَّا، كَّر بدّ. قَا نش ذ بْنَاذم اَم نش اَم شك."27يُوْذف بُطْرُس يسَّاوَاڒ اَكِذس يُوْفَا ذِنِّي اَطَّاس ن يِوْذَان مُوْنن.28ينَّا-ٱسن: "قَا ثسّْنم بلِّي يسْرَائِيلِيْين غَارْسن حْرَام اَذ خلّْطن اَك ڒْبَارَّانِي نِغ اَذ اَذْفن ثَدَّارْث نْسن. وَلَكِن أَربِّـي يسْفَاهم-اَيِي-د قْبڒ وَار قَّارغ إِ حَدّ قَا شك حْرَام نِغ مكْرُوْه.29وَامِي ذَايِي د ثْڒَاغِيم ؤُسِيغ-د بْڒَا مَا ٱذ ينِيغ لَّا. أَكنِّيو سّقْسِيغ، مَايمِّي غَارِي د ثسّكّم؟"30ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.31ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.32سكّ غَار ثنْدِينْت ن يَافَا، أَوِي-د سِمْعَان ونِّي ؤُمي قَّارن بُطْرُس. أَقَاث ذِنِّي ذ اَنوْجِي ذِي ثدَّارْث ن يِجّن ن بُو-يِيڒْمَاون قَّارن-اَس سِمْعَان خ طَّارْف ن ڒبْحَر.33إِيوَا خ مَانَايَا إِي غَارك د سّكّغ ذغْيَا، ثݣِّيذ مْلِيح وَامِي د ثُوْسِيذ. نشِّين ڒخُّو مَارَّا اَقَانغ نحْضَار زَّاث إِ أَربِّـي بَاش أَ نْصنّط مَارَّا مِينْزِي شك يوصَّا سِيذِي أَربِّـي."34ئِبْذَا بُطْرُس يسَّاوَاڒ ينَّا-ٱسن: "ذ صَّح تْوَاڒِيغ أَربِّـي وَار يتݣّ شَا س وُوْذمَاون جَار يِوْذَان.35أَربِّـي يقبّڒ يوْذَان زِي مْكُڒ ڒْݣنْس يِنِّي إِي ث يتݣّْوْذن تݣّن مِين يدْجَان نِيشَان.36ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.37كنِّيو قَا ثسّْنم مِين يوقْعن ذِي مَارَّا ثَمُوْرْث ن يَهُوْذِيَا. أَقَا نَّبِي يَحْيَى تُوْغَا يتْبشَّر يوْذَان حمَا اَذ تْوَاطهَّارن س وَامَان. سّنِّي زِي ثْمُوْرْث ن لْجَلِيل يبْذَا عِيْسَى نَاصِرِي يتْبشَّار يشُّوْر-يث أَربِّـي س جّْهذ ذ أَرُّوْح يقدّْسن. نتَّا يتْرَاح زݣ ومْشَان غار ومْشَان يتݣّ ڒْخِير، ئِسْݣنْفَا مَارَّا ينِّي يتْعدَّاب إِبْڒِيس مِنْزِي أَربِّـي اَقَاث اَكِذس.39نشِّين ذ ڒشْهُوْذ خ مَارَّا مِين يتݣّ عِيْسَى ذِي ثْمُوْرْث ن أَيث-إِسْرَائِيل ذ ثنْدِينْت ن لْقُدْس. نْغِين-ث وَامِي ث رفْعن خ ثحْنَاشْت. 40نْهَار وِيس ثڒْتِيَّام يسكَّر-يث-يذ أَربِّـي زِي ڒْموْث يسْمظْهَار-يث-يذ.41مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.42نشِّين يوصَّا-يَانغ عِيْسَى اَ نْبشَّر شَّعْب، أَ نشْهذ بلِّي أَربِّـي يخْضَر-يث اَذ يحَاسب يِنِّي يدَّرن ذ يِنِّي يمُّوْثن.43مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."44وَامِي عَاذ يسَّاوَاڒ بُطْرُس ذِي مَانَايَا، يُوْسَا-د أَرُّوْح يقدّْسن يهْوَا-د خ مَارَّا ينِّي يتسْڒَان إِ وَاوَاڒ نّس.45ڒْمُوْمِنِين زݣ أَيث-إِسْرَائِيل إِي د يُوْسِين اَك بُطْرُس قِّيمن تْعجّْبن وَامِي ؤُفِين أَرُّوْح يقدّْسن يتْوَافيّض ؤُڒَا خ يِنِّي وَار يدْجِين شَا ذ يسْرَائِيلِيْين.46ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي.
أُوْشَا ينَّا بُطْرُس:47"مَا ذِنِّي شَان بْنَاذم إِي غَا يسْبدّن يوْذَان-أَ بَاش وَار تتْوَاطهِّيرن شَا س وَامَان؟ يِيْنَا يمُّوْش-اَسن أَرُّوْح يقدّْسن اَم نشِّين اَم نِثْنِي!"48س مَانَايَا يوصَّا-اَثن بُطْرُس اَذ تْوَاطهَّارن س وَامَان عْلَاحْسَاب يسم ن عِيْسَى لْمَسِيح. سّنِّي تَّارن زَّايس اَكِذْسن يقِّيم شَان وُوْسَّان.
ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.5سكّ ڒخُّو يرْيَازن غَار ثنْدِينْت ن يَافَا اَذَاش د اَوِين يجّن ن بنَاذم يسم نّس سِمْعَان ؤُمِي قَّارن بُطْرُس.6أَقَاث ذ اَنوْجِي غَار يِجّن ن بُو-يِيڒْمَاون قَّارن-اَس سِمْعَان، ثَدَّارْث نّس اَقَات خ طَّارْف ن ڒبْحَر."7وَامِي يرُوْح لْمَلَاك نِّي إِي كِيس د يسِّيوْڒن، ئِڒَاغَا-د إِ ثْنَاين زݣ يخدَّامن نّس ذ يِجّن ن وعسْكَارِي ذَايس دِّين، يتِيڒِي ڒبْدَا اَكِذس.8ئِعَاوذ-اَسن مَارَّا مِين يوقْعن، ئِسّكّ-يثن غَار ثنْدِينْت ن يَافَا.9ثِيوشَّا نّس، يِنِّي يتْوَاسّكّن زي كُوْرْنِينْيُوْس غَار ثنْدِينْت ن يَافَا وَامِي عْڒَاين اَذ اَوْضن ذِنِّي، يُوْڒِي بُطْرُس غَار ثْزقَّا غَار وزْين ن نْهَار اَذ يࢲَّادْج.10ئِدْجُوْز اَطَّاس يخس اَذ يشّ. وَامِي عَاذ سوْجَاذن-اَس مشَّا يُوْحَا-يَاس-د أَربِّـي ذِي لْوَاحِي.11ئِࢲْرَا اَجنَّا ينُوْرْزم سْهوَّان-د زَّايس غَار ثْمُوْرْث يجّن ن ڒْحَاجث ثݣَّا اَم ثْشُوْقّت ذ ثَمقّْرَانْت تْوَاشدّ زِي ثْغمُّوْرَا نّس س اَربْعَا.12ذَايس مَارَّا لْحَيَوَانَاث يݣُّوْرن خ اَرْبعَا ن يضَارن ذ مِين يتنْحُوْرُوْذن خ وعدِّيس ذ يجْضَاض ن وجنَّا.13ثنْدق-د يجّن ن ثْمِيجَّا ثنَّا-ٱس: "كَّر آ بُطْرُس، غَرص، اشّ!"14ينَّا-ٱس نتَّا: "لَّا وَالُو آ سِيذِي! نش عمَّارْص مَا شِّيغ مِين يدْجَان حْرَام نِغ مكْرُوْه."15ثنْدق-د ثْمِيجَّا نِّي وِيس مَرّْثَاين ثنَّا-ٱس: "شك وَار تْحَرَّام شَا مِين يحدْجڒ أَربِّـي يَارِّي-ث حَلَال!"16ئِوْقع مَانَايَا ثْڒَاثَا ن ثْوَاڒَاثِين، سّنِّي ثْنجْمع ثْشُوْقّت نِّي ثذْوڒ غَار وجنَّا.17ئِقِّيم بُطْرُس يتْخمَّام يتْعجّب ذِي ڒْمَعْنَا ن لْوَحِي-يَا إِي يࢲْرَا، ڒخْدّنِّي يرْيَازن نِّي إِي د يسّكّ كُوْرْنِينْيُوْس ؤُفِين ثَدَّارْث ن سِمْعَان بدّن غَار ثوَّارْث نّس.18ڒَاغَان نَّان: "سِمْعَان ونِّي ؤُمِي قَّارن بُطْرُس، مَا ٱقَاث ذِنِّي ذ اَنوْجِي؟"19بُطْرُس عَاذ يتْخمَّام ذِي لْوَحِي نِّي ينَّا-ٱس أَرُّوْح ن أَربِّـي، "قَا ثْڒَاثَا ن يرْيَازن رزُّوْن خَاك.20كَّر هْوَا غَارْسن، رُوْح اَكِذْسن بْڒَا مَا ٱذَايْسن ثْشكّذ قَا ذ نش إِي ثن د يسّكّن."21ئِهْوَا-د بُطْرُس غَار يرْيَازن نِّي ينَّا-ٱسن، "أَقَا ذ نش إِي خف ثْرزُّوْم. مَايمِّي غَارِي د ثُوْسِيم؟"22نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."23ئِكَّر بُطْرُس يسِيذف-يثن غَار ذَاخڒ يسْنوْجو-يثن.
ثِيوشَّا نّس يرُوْح اَكِذْسن بُطْرُس. مُوْنن اَكِذس ڒبْعَاض ن اَيثْمَاس زِي ثنْدِينْت ن يَافَا.24فَرْوِيشَّا نّس يُوْوض بُطْرُس غَار ثنْدِينْت ن قَيْصَارِيَا. ئِتْرَاجَا-ثن ذِنِّي كُوْرْنِينْيُوس، أَكِذس ڒبْعَاض ن ڒحْبَاب نّس ذ ڒبْعَاض ن يمدُّوْكَاڒ نّس إِي د يعَرض.25وَامِي يُوْوض بُطْرُس غَار ثدَّارْث نِّي، ئِفّغ-د غَارس كُوْرْنِينْيُوْس يوْضَا-يَاس غَار يضَارن نّس يسجّذ-اَس.26ئِسْبدّ-يث بُطْرُس خ يضَارن ينَّا-ٱس: "لَّا، كَّر بدّ. قَا نش ذ بْنَاذم اَم نش اَم شك."27يُوْذف بُطْرُس يسَّاوَاڒ اَكِذس يُوْفَا ذِنِّي اَطَّاس ن يِوْذَان مُوْنن.28ينَّا-ٱسن: "قَا ثسّْنم بلِّي يسْرَائِيلِيْين غَارْسن حْرَام اَذ خلّْطن اَك ڒْبَارَّانِي نِغ اَذ اَذْفن ثَدَّارْث نْسن. وَلَكِن أَربِّـي يسْفَاهم-اَيِي-د قْبڒ وَار قَّارغ إِ حَدّ قَا شك حْرَام نِغ مكْرُوْه.29وَامِي ذَايِي د ثْڒَاغِيم ؤُسِيغ-د بْڒَا مَا ٱذ ينِيغ لَّا. أَكنِّيو سّقْسِيغ، مَايمِّي غَارِي د ثسّكّم؟"30ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.31ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.32سكّ غَار ثنْدِينْت ن يَافَا، أَوِي-د سِمْعَان ونِّي ؤُمي قَّارن بُطْرُس. أَقَاث ذِنِّي ذ اَنوْجِي ذِي ثدَّارْث ن يِجّن ن بُو-يِيڒْمَاون قَّارن-اَس سِمْعَان خ طَّارْف ن ڒبْحَر.33إِيوَا خ مَانَايَا إِي غَارك د سّكّغ ذغْيَا، ثݣِّيذ مْلِيح وَامِي د ثُوْسِيذ. نشِّين ڒخُّو مَارَّا اَقَانغ نحْضَار زَّاث إِ أَربِّـي بَاش أَ نْصنّط مَارَّا مِينْزِي شك يوصَّا سِيذِي أَربِّـي."34ئِبْذَا بُطْرُس يسَّاوَاڒ ينَّا-ٱسن: "ذ صَّح تْوَاڒِيغ أَربِّـي وَار يتݣّ شَا س وُوْذمَاون جَار يِوْذَان.35أَربِّـي يقبّڒ يوْذَان زِي مْكُڒ ڒْݣنْس يِنِّي إِي ث يتݣّْوْذن تݣّن مِين يدْجَان نِيشَان.36ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.37كنِّيو قَا ثسّْنم مِين يوقْعن ذِي مَارَّا ثَمُوْرْث ن يَهُوْذِيَا. أَقَا نَّبِي يَحْيَى تُوْغَا يتْبشَّر يوْذَان حمَا اَذ تْوَاطهَّارن س وَامَان. سّنِّي زِي ثْمُوْرْث ن لْجَلِيل يبْذَا عِيْسَى نَاصِرِي يتْبشَّار يشُّوْر-يث أَربِّـي س جّْهذ ذ أَرُّوْح يقدّْسن. نتَّا يتْرَاح زݣ ومْشَان غار ومْشَان يتݣّ ڒْخِير، ئِسْݣنْفَا مَارَّا ينِّي يتْعدَّاب إِبْڒِيس مِنْزِي أَربِّـي اَقَاث اَكِذس.39نشِّين ذ ڒشْهُوْذ خ مَارَّا مِين يتݣّ عِيْسَى ذِي ثْمُوْرْث ن أَيث-إِسْرَائِيل ذ ثنْدِينْت ن لْقُدْس. نْغِين-ث وَامِي ث رفْعن خ ثحْنَاشْت. 40نْهَار وِيس ثڒْتِيَّام يسكَّر-يث-يذ أَربِّـي زِي ڒْموْث يسْمظْهَار-يث-يذ.41مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.42نشِّين يوصَّا-يَانغ عِيْسَى اَ نْبشَّر شَّعْب، أَ نشْهذ بلِّي أَربِّـي يخْضَر-يث اَذ يحَاسب يِنِّي يدَّرن ذ يِنِّي يمُّوْثن.43مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."44وَامِي عَاذ يسَّاوَاڒ بُطْرُس ذِي مَانَايَا، يُوْسَا-د أَرُّوْح يقدّْسن يهْوَا-د خ مَارَّا ينِّي يتسْڒَان إِ وَاوَاڒ نّس.45ڒْمُوْمِنِين زݣ أَيث-إِسْرَائِيل إِي د يُوْسِين اَك بُطْرُس قِّيمن تْعجّْبن وَامِي ؤُفِين أَرُّوْح يقدّْسن يتْوَافيّض ؤُڒَا خ يِنِّي وَار يدْجِين شَا ذ يسْرَائِيلِيْين.46ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي.
أُوْشَا ينَّا بُطْرُس:47"مَا ذِنِّي شَان بْنَاذم إِي غَا يسْبدّن يوْذَان-أَ بَاش وَار تتْوَاطهِّيرن شَا س وَامَان؟ يِيْنَا يمُّوْش-اَسن أَرُّوْح يقدّْسن اَم نشِّين اَم نِثْنِي!"48س مَانَايَا يوصَّا-اَثن بُطْرُس اَذ تْوَاطهَّارن س وَامَان عْلَاحْسَاب يسم ن عِيْسَى لْمَسِيح. سّنِّي تَّارن زَّايس اَكِذْسن يقِّيم شَان وُوْسَّان.
Wycliffe Bible Translators, Inc.