ارسل26
1ينَّا-ٱس وزدْجِيذ أَغْرِيبَاس إِ بُوْلُس: "قَا نشِّين نسْمح-اَش اَذ تْدَافْعذ خ يِيخف نّش."
ئِشيَّر بُوْلُس س وفُوْس نّس يبْذَا يتْذَافَاع خ يِيخف نّس ينَّا-ٱس:2"آ سَّعْذ ينُو نش آ سِي اَزدْجِيذ أَغْرِيبَاس وَامِي ذَايِي ثجِّيذ ٱذ ذَافْعغ خ يِيخف ينُو نْهَارَا زَّاثش شك خ مَارَّا تُّهْمَاث إِي زَّايِي تَهَامن أَيث-إِسْرَائِيل.3خَاصَّتَن مِينْزِي شك ثسّْنذ مَارَّا لْعَادَاث ن أَيث-إِسْرَائِيل ذ لْخِلَافَاث نْسن. س مَانَايَا تتَّارغ زَّايك اَذ تصْبَارذ اَذَايِي ثْصنّْطذ.4قَا مَارَّا أَيث-إِسْرَائِيل سّْنن مَامّش تُوْغَا ثدْجَا ثُوْذَارْث ينُو زِي ثمْࢲِي ينُو إِي عِيشغ ذِي ثْمُوْرْث ينُو، عَاوذ ؤُڒَا ذِي ثنْدِينْت ن لْقُدْس.5نِثْنِي سّْنن-اَيِي اَطَّاس زݣ وَامِي. مڒَا خْسن اَخَافِي شهْذن نش عِيشغ ذ اَفَرِّيسِي، ڒْحِزب نِّي يقسْحن اَطَّاس ذِي دِّين نّغ.6شُوْف، مَايمِّي إِي دْجِيغ نش نْهَارَا ذِي لْمَحْكَامَا-يَا؟ لِأَنَّا غَارِي لْأَمَل زِي ڒْعَهذ نِّي إِي ذَانغ يُوْشَا أَربِّـي زِي ڒجْذُوْذ نّغ.7دْجِيڒث ذ نْهَار ثنْعَاش ن ثْقبَّاڒ ن أَيث-إِسْرَائِيل عبّْذن أَربِّـي مِنْزِي غَارْسن لْأَمَل ڒْعَهذ نِّي اَذ يِيڒِي. شُوْف، آ سِي اَزدْجِيذ، لْأَمَل-أَ نتَّا ذ تُّهْمَا إِي خَافِي نَّان أَيث-إِسْرَائِيل!8مَايمِّي ثنْوِيم قَا أَربِّـي وَار يتمْكِين شَا اَذ د يسْنكَّر يِنِّي يمُّوْثن زِي ڒْموْث؟9نش قنْعغ س يِيخف ينُو تُوْغَا ضَارُوْرِي اَذ ݣّغ مَارَّا مِين زمَّرغ بَاش اَذ عَارّْضغ إِ يِيْسم ن عِيْسَى زِي نَاصِرَا.10أَمنِّي إِي ݣِّيغ ذِي ثنْدِينْت ن لْقُدْس. س اَرُّخْصَا ن اَرُّوْيَاس ن ڒْفُقَهَا تْحبَّاسغ اَطَّاس ن ڒْمُوْمِنِين صَّالِحِين. خْمِي خَاسن تَاحْكَامن س ڒْموْث، نش تَافَاقغ خ مَانَاينِّي.11مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.12س مَانَايَا إِي رُوْحغ يجّن ن نْهَار غَار ثنْدِينْت ن دِمَشق، يْسِيغ-د اَرُّوْخْصَا ن اَرُّوْيَاس ن ڒْفُقَهَا ذ تّسْرِيح نْسن.13آ سِي اَزدْجِيذ، وَامِي ݣُّوْرغ غَار وزْين نْهَار ࢲْرِيغ يجّن ن نُّوْر ذݣ وجنَّا ثْفَاوْث نّس تْسقْسِيق كْتَار زِي ثْفُوْشْت، ئِنّض-اَيِي-د يتْشَعشِيع خَافِي نش ذ يِنِّي إِي كِذِي يݣُّوْرن.14نوْضَا مَارَّا غَار ثْمُوْرْث، سْرِيغ إِ يِجّن ن ثْمِيجَّا ثسَّاوَاڒ س لُّغَا لْعِبْرِيَا ثقَّار-ٱيِي-د: آ شَاوُل آ شَاوُل، مَايمِّي ذَايِي تْعدَّابذ؟ تݣّذ اَم ونِّي إِي ذِي ثدْجَا ثْغنَّانْت يسُوْݣُّوْر-يث أَربِّـي س ثْسنَّانْت. 15نِّيغ-اَس: مِين ثعْنِيذ شك آ سِيذِي؟ ينَّا-ٱيِي قَا نش ذ عِيْسَى ونِّي إِي تْعدَّابذ.16ڒخُّو كَّر، بدّ خ يضَارن نّش. أَقَا نش مظْهَارغ-اَش-د بَاش اَش د يخْضَرغ اَذ تْذوْڒذ ذ اَخدَّام ينُو اَذ تِيڒِيذ ذ يجّن ن شَّاهذ خ مِين زَّايِي ثࢲْرِيذ ذ مِين عَاذ ذَاش د غَا سْبيّْنغ.17أَش سْنجْمغ زِي لْأُمَّا نّش، أَش سْنجْمغ عَاوذ زݣ يِنِّي وَار يدْجِين شَا زِي أَيث-إِسْرَائِيل. أَش سّكّغ غَارْسن18بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.19نش آ سِي اَزدْجِيذ أَغْرِيبَاس، وَار عْصِيغ شَا لْوَحِي نِّي إِي خَافِي د يهْوَان زݣ وجنَّا.20لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.21خ مَانَايَا طّْفن-اَيِي أَيث-إِسْرَائِيل ذِي ثمْزِيذَا ثَمقّْرَانْت، خْسن اَذَايِي نْغن.22وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.23يعْنِي، لْمَسِيح وَا لَابُد اَذ يتْوَاعدّب اَذ يبشَّر لْأُمَّا نّغ س نُّوْر ذ مَارَّا يِنِّي وَار يدْجِين شَا زِي أَيث-إِسْرَائِيل لِأَنَّا ذ نتَّا إِي د غَا يكَّرن ذ اَمزْوَارُو زِي ڒْموْث."24بُوْلُس نتَّا اَقَاث عَاذ يسَّاوَاڒ يتْذَافَاع خ يِيخف نّس، ئِكَّر لْوَالِي فَسْتُوْس ينَّا-ٱس س جّْهذ: "آ بُوْلُس، شك مَا ثفْلِيپَّـاذ؟ ثْغُوْرِي نّش ثمْغَار قَا ثسْبُوْهڒِي-يِش!"25ينَّا-ٱس بُوْلُس: "آ سِي لْوَالِي فَسْتُوْس، لَّا نش وَار فْلِيپَّـاغ شَا. مِين قَّارغ ذ صَّح أُو س ڒَعْقڒ.26أَزدْجيذ أَغْرِيبَاس يسّن نتَّا مْلِيح خ مَانَايَا، نش رزُّوْغ اَكِذس سِّيوْڒغ س صَرَاحَا مَارَّا. نش مسْتقْنع وَار ثقِّيم ؤُڒَا ذ يجّن ن ڒْحَاجث زِي مَانَايَا وَار ت يسِّين شَا، لِأَنَّا وَار ثوْقِيع شَا ذِي شَان ن ثْغمَّارْث وَاهَا.27آ سِي اَزدْجيذ أَغْرِيبَاس، شك مَا تَامْنذ س لْأَنْبِيَا؟ نش سّْنغ إِلَّا شك تَامْنذ."28ينَّا-ٱس وزدْجِيذ أَغْرِيبَاس: "مَا س شْوَايْت ن ڒْوقْث ثَا شك ثنْوِيذ اَذَايِي ثَارّذ ذ اَمَسِيحِي؟"29ينَّا-ٱس بُوْلُس: "س شْوَايْت ن ڒْوقْث ثَا نِغ س وَاطَّاس، نش تتَّارغ زِي أَربِّـي إِ شك ذ يِنِّي إِي ذَايِي يتسْڒَان نْهَارَا اَذ تْذوْڒم اَم نش وَلَكِن بْڒَا سْنَاسڒ-أَ."30ئِكَّر ؤُزدْجِيذ ذ لْوَالِي ذ بْرِيْنْكَا ذ يِنِّي كِذْسن يقِّيمن.31فّْغن، نَّان إِ وَايَاوْيَا قَا بْنَاذم-أَ وَار يتݣّ شَا مِينْخف يسْذَاهدْج ڒْموْث نِغ ذ ڒحْبس."32ينَّا-ٱس وزدْجِيذ أَغْرِيبَاس إِ لْوَالِي فَسْتُوْس: "بْنَاذم-أَ مَعْلِيك وَار يسْتَانف دَّعْوث نّس غَار قَيْصَر اَتَاف تُوْغَاث يتْوَاضْڒق."
ئِشيَّر بُوْلُس س وفُوْس نّس يبْذَا يتْذَافَاع خ يِيخف نّس ينَّا-ٱس:2"آ سَّعْذ ينُو نش آ سِي اَزدْجِيذ أَغْرِيبَاس وَامِي ذَايِي ثجِّيذ ٱذ ذَافْعغ خ يِيخف ينُو نْهَارَا زَّاثش شك خ مَارَّا تُّهْمَاث إِي زَّايِي تَهَامن أَيث-إِسْرَائِيل.3خَاصَّتَن مِينْزِي شك ثسّْنذ مَارَّا لْعَادَاث ن أَيث-إِسْرَائِيل ذ لْخِلَافَاث نْسن. س مَانَايَا تتَّارغ زَّايك اَذ تصْبَارذ اَذَايِي ثْصنّْطذ.4قَا مَارَّا أَيث-إِسْرَائِيل سّْنن مَامّش تُوْغَا ثدْجَا ثُوْذَارْث ينُو زِي ثمْࢲِي ينُو إِي عِيشغ ذِي ثْمُوْرْث ينُو، عَاوذ ؤُڒَا ذِي ثنْدِينْت ن لْقُدْس.5نِثْنِي سّْنن-اَيِي اَطَّاس زݣ وَامِي. مڒَا خْسن اَخَافِي شهْذن نش عِيشغ ذ اَفَرِّيسِي، ڒْحِزب نِّي يقسْحن اَطَّاس ذِي دِّين نّغ.6شُوْف، مَايمِّي إِي دْجِيغ نش نْهَارَا ذِي لْمَحْكَامَا-يَا؟ لِأَنَّا غَارِي لْأَمَل زِي ڒْعَهذ نِّي إِي ذَانغ يُوْشَا أَربِّـي زِي ڒجْذُوْذ نّغ.7دْجِيڒث ذ نْهَار ثنْعَاش ن ثْقبَّاڒ ن أَيث-إِسْرَائِيل عبّْذن أَربِّـي مِنْزِي غَارْسن لْأَمَل ڒْعَهذ نِّي اَذ يِيڒِي. شُوْف، آ سِي اَزدْجِيذ، لْأَمَل-أَ نتَّا ذ تُّهْمَا إِي خَافِي نَّان أَيث-إِسْرَائِيل!8مَايمِّي ثنْوِيم قَا أَربِّـي وَار يتمْكِين شَا اَذ د يسْنكَّر يِنِّي يمُّوْثن زِي ڒْموْث؟9نش قنْعغ س يِيخف ينُو تُوْغَا ضَارُوْرِي اَذ ݣّغ مَارَّا مِين زمَّرغ بَاش اَذ عَارّْضغ إِ يِيْسم ن عِيْسَى زِي نَاصِرَا.10أَمنِّي إِي ݣِّيغ ذِي ثنْدِينْت ن لْقُدْس. س اَرُّخْصَا ن اَرُّوْيَاس ن ڒْفُقَهَا تْحبَّاسغ اَطَّاس ن ڒْمُوْمِنِين صَّالِحِين. خْمِي خَاسن تَاحْكَامن س ڒْموْث، نش تَافَاقغ خ مَانَاينِّي.11مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.12س مَانَايَا إِي رُوْحغ يجّن ن نْهَار غَار ثنْدِينْت ن دِمَشق، يْسِيغ-د اَرُّوْخْصَا ن اَرُّوْيَاس ن ڒْفُقَهَا ذ تّسْرِيح نْسن.13آ سِي اَزدْجِيذ، وَامِي ݣُّوْرغ غَار وزْين نْهَار ࢲْرِيغ يجّن ن نُّوْر ذݣ وجنَّا ثْفَاوْث نّس تْسقْسِيق كْتَار زِي ثْفُوْشْت، ئِنّض-اَيِي-د يتْشَعشِيع خَافِي نش ذ يِنِّي إِي كِذِي يݣُّوْرن.14نوْضَا مَارَّا غَار ثْمُوْرْث، سْرِيغ إِ يِجّن ن ثْمِيجَّا ثسَّاوَاڒ س لُّغَا لْعِبْرِيَا ثقَّار-ٱيِي-د: آ شَاوُل آ شَاوُل، مَايمِّي ذَايِي تْعدَّابذ؟ تݣّذ اَم ونِّي إِي ذِي ثدْجَا ثْغنَّانْت يسُوْݣُّوْر-يث أَربِّـي س ثْسنَّانْت. 15نِّيغ-اَس: مِين ثعْنِيذ شك آ سِيذِي؟ ينَّا-ٱيِي قَا نش ذ عِيْسَى ونِّي إِي تْعدَّابذ.16ڒخُّو كَّر، بدّ خ يضَارن نّش. أَقَا نش مظْهَارغ-اَش-د بَاش اَش د يخْضَرغ اَذ تْذوْڒذ ذ اَخدَّام ينُو اَذ تِيڒِيذ ذ يجّن ن شَّاهذ خ مِين زَّايِي ثࢲْرِيذ ذ مِين عَاذ ذَاش د غَا سْبيّْنغ.17أَش سْنجْمغ زِي لْأُمَّا نّش، أَش سْنجْمغ عَاوذ زݣ يِنِّي وَار يدْجِين شَا زِي أَيث-إِسْرَائِيل. أَش سّكّغ غَارْسن18بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.19نش آ سِي اَزدْجِيذ أَغْرِيبَاس، وَار عْصِيغ شَا لْوَحِي نِّي إِي خَافِي د يهْوَان زݣ وجنَّا.20لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.21خ مَانَايَا طّْفن-اَيِي أَيث-إِسْرَائِيل ذِي ثمْزِيذَا ثَمقّْرَانْت، خْسن اَذَايِي نْغن.22وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.23يعْنِي، لْمَسِيح وَا لَابُد اَذ يتْوَاعدّب اَذ يبشَّر لْأُمَّا نّغ س نُّوْر ذ مَارَّا يِنِّي وَار يدْجِين شَا زِي أَيث-إِسْرَائِيل لِأَنَّا ذ نتَّا إِي د غَا يكَّرن ذ اَمزْوَارُو زِي ڒْموْث."24بُوْلُس نتَّا اَقَاث عَاذ يسَّاوَاڒ يتْذَافَاع خ يِيخف نّس، ئِكَّر لْوَالِي فَسْتُوْس ينَّا-ٱس س جّْهذ: "آ بُوْلُس، شك مَا ثفْلِيپَّـاذ؟ ثْغُوْرِي نّش ثمْغَار قَا ثسْبُوْهڒِي-يِش!"25ينَّا-ٱس بُوْلُس: "آ سِي لْوَالِي فَسْتُوْس، لَّا نش وَار فْلِيپَّـاغ شَا. مِين قَّارغ ذ صَّح أُو س ڒَعْقڒ.26أَزدْجيذ أَغْرِيبَاس يسّن نتَّا مْلِيح خ مَانَايَا، نش رزُّوْغ اَكِذس سِّيوْڒغ س صَرَاحَا مَارَّا. نش مسْتقْنع وَار ثقِّيم ؤُڒَا ذ يجّن ن ڒْحَاجث زِي مَانَايَا وَار ت يسِّين شَا، لِأَنَّا وَار ثوْقِيع شَا ذِي شَان ن ثْغمَّارْث وَاهَا.27آ سِي اَزدْجيذ أَغْرِيبَاس، شك مَا تَامْنذ س لْأَنْبِيَا؟ نش سّْنغ إِلَّا شك تَامْنذ."28ينَّا-ٱس وزدْجِيذ أَغْرِيبَاس: "مَا س شْوَايْت ن ڒْوقْث ثَا شك ثنْوِيذ اَذَايِي ثَارّذ ذ اَمَسِيحِي؟"29ينَّا-ٱس بُوْلُس: "س شْوَايْت ن ڒْوقْث ثَا نِغ س وَاطَّاس، نش تتَّارغ زِي أَربِّـي إِ شك ذ يِنِّي إِي ذَايِي يتسْڒَان نْهَارَا اَذ تْذوْڒم اَم نش وَلَكِن بْڒَا سْنَاسڒ-أَ."30ئِكَّر ؤُزدْجِيذ ذ لْوَالِي ذ بْرِيْنْكَا ذ يِنِّي كِذْسن يقِّيمن.31فّْغن، نَّان إِ وَايَاوْيَا قَا بْنَاذم-أَ وَار يتݣّ شَا مِينْخف يسْذَاهدْج ڒْموْث نِغ ذ ڒحْبس."32ينَّا-ٱس وزدْجِيذ أَغْرِيبَاس إِ لْوَالِي فَسْتُوْس: "بْنَاذم-أَ مَعْلِيك وَار يسْتَانف دَّعْوث نّس غَار قَيْصَر اَتَاف تُوْغَاث يتْوَاضْڒق."
Wycliffe Bible Translators, Inc.