𐴔𐴡𐴃𐴞22
𐴁𐴡𐴘𐴌𐴝𐴙𐴃𐴧𐴝 𐴈𐴝𐴥𐴕𐴝𐴌 𐴔𐴠𐴀𐴏𐴝𐴓𐴢
1𐴀𐴞𐴏𐴝𐴤𐴘𐴠 𐴀𐴞𐴥𐴃𐴝𐴌𐴝𐴌𐴠 𐴀𐴝𐴌𐴡𐴤 𐴀𐴠𐴑𐴁𐴝𐴌 𐴔𐴠𐴀𐴏𐴝𐴓𐴢 𐴊𐴞𐴥 𐴈𐴡𐴀𐴌 𐴊𐴠:2”𐴀𐴝𐴏𐴔𐴝𐴕𐴞 𐴌𐴝𐴙𐴅𐴧𐴡 𐴀𐴡𐴥𐴙𐴓𐴊𐴠 𐴀𐴟𐴕𐴊𐴞𐴓𐴧𐴝 𐴁𐴝𐴀𐴣𐴐𐴧𐴝𐴌 𐴋𐴡𐴥𐴙𐴓𐴧𐴝, 𐴎𐴞𐴁𐴝𐴤𐴘𐴠 𐴕𐴞𐴎𐴡𐴌 𐴉𐴟𐴖𐴝𐴌 𐴁𐴡𐴘𐴌𐴝𐴃𐴡𐴌 𐴈𐴝𐴥𐴕𐴝 𐴒𐴡𐴙𐴅𐴧𐴠𐴥.3𐴎𐴠𐴃𐴝𐴌𐴝𐴤𐴌𐴠 𐴁𐴡𐴘𐴌𐴝𐴙𐴃𐴧𐴝 𐴈𐴝𐴥𐴕𐴝𐴌 𐴊𐴝𐴖𐴡𐴃𐴢 𐴊𐴞𐴘𐴝 𐴒𐴞𐴘𐴠𐴥, 𐴀𐴞𐴥𐴃𐴝𐴌𐴝𐴌𐴠 𐴔𐴝𐴃𐴝𐴘 𐴁𐴡𐴓𐴧𐴝 𐴘𐴡𐴥𐴒𐴧𐴗𐴝𐴘𐴠 𐴕𐴞𐴎𐴡𐴌 𐴒𐴡𐴗𐴀𐴌 𐴀𐴡𐴥𐴑𐴧𐴡𐴓𐴢 𐴊𐴞𐴉𐴠𐴍𐴝𐴥𐴘𐴧𐴠, 𐴔𐴡𐴕𐴃𐴡𐴌 𐴀𐴞𐴥𐴃𐴝𐴌𐴝 𐴀𐴝𐴘𐴃𐴡𐴤 𐴕𐴡𐴥 𐴏𐴝𐴀.4”𐴘𐴡𐴥𐴒𐴧𐴗𐴝𐴘𐴠 𐴀𐴝𐴁𐴝𐴌 𐴀𐴝𐴌 𐴇𐴡𐴊𐴟𐴥𐴕 𐴒𐴡𐴗𐴀𐴌𐴡𐴌𐴠 𐴀𐴠𐴕𐴊𐴞𐴓𐴧𐴝 𐴈𐴡𐴀𐴘𐴢 𐴊𐴞𐴉𐴠𐴍𐴝𐴥𐴘𐴧𐴠, ’𐴎𐴠𐴃𐴝𐴌𐴝𐴤𐴌𐴠 𐴊𐴝𐴖𐴡𐴃𐴢 𐴊𐴞𐴘𐴝 𐴒𐴞𐴘𐴠𐴥 𐴀𐴞𐴥𐴃𐴝𐴌𐴝𐴌𐴠 𐴈𐴡𐴘𐴁𐴝𐴤 𐴊𐴠, 𐴘𐴝𐴓𐴝 𐴀𐴝𐴣𐴀𐴃𐴧𐴟 𐴈𐴝𐴥𐴕𐴝 𐴕𐴝𐴓𐴢 𐴒𐴡𐴙𐴅𐴧𐴝𐴥 𐴀𐴡𐴥𐴘𐴧𐴠; 𐴀𐴝𐴣𐴀𐴌 𐴊𐴡𐴀𐴣𐴌𐴝 𐴒𐴡𐴌𐴟 𐴀𐴠𐴊𐴧𐴠 𐴁𐴡𐴓𐴞 𐴒𐴡𐴌𐴟 𐴎𐴡𐴦𐴌𐴝𐴥𐴘𐴧𐴞, 𐴘𐴝𐴓𐴝 𐴁𐴠𐴒𐴧𐴟𐴥𐴕 𐴕𐴝𐴓𐴢. 𐴃𐴟𐴣𐴀𐴝𐴥𐴌𐴝 𐴁𐴡𐴘𐴌𐴝𐴃𐴡𐴌 𐴈𐴝𐴥𐴕𐴝𐴃𐴢 𐴀𐴝𐴘𐴧𐴡𐴤.‘5”𐴔𐴡𐴕𐴃𐴡𐴌 𐴀𐴞𐴥𐴃𐴝𐴌𐴝 𐴀𐴠𐴥𐴐𐴑𐴝𐴌𐴝 𐴒𐴡𐴌𐴞𐴥 𐴕𐴞𐴎𐴡𐴌-𐴕𐴞𐴎𐴡𐴌 𐴈𐴝𐴔𐴡𐴃𐴢 𐴒𐴞𐴦𐴘𐴠𐴥𐴒𐴡𐴘, 𐴑𐴞𐴘𐴠𐴥 𐴕𐴞𐴎𐴡𐴌 𐴑𐴠𐴥𐴃𐴞𐴃𐴢 𐴀𐴝𐴌 𐴑𐴞𐴘𐴠𐴥 𐴕𐴞𐴎𐴡𐴌 𐴐𐴡𐴥𐴊𐴡𐴌𐴞𐴃𐴢,6𐴀𐴝𐴦𐴌 𐴁𐴝𐴑𐴞 𐴒𐴟𐴥𐴕𐴠 𐴘𐴡𐴥𐴒𐴧𐴗𐴝𐴌 𐴒𐴡𐴗𐴀𐴌 𐴒𐴟𐴥𐴕𐴡𐴌𐴠 𐴊𐴡𐴥𐴌𐴞 𐴀𐴞𐴥𐴃𐴝𐴌𐴝𐴌𐴠 𐴁𐴡𐴊𐴏𐴡𐴥𐴓𐴧𐴟𐴑 𐴒𐴡𐴙𐴅𐴧𐴠𐴥 𐴀𐴠𐴊𐴧𐴠 𐴔𐴝𐴌𐴞𐴉𐴠𐴥𐴓𐴝𐴘𐴧𐴠.7𐴓𐴠𐴑𐴞𐴕 𐴇𐴞𐴥𐴘𐴝𐴕 𐴉𐴟𐴥𐴕𐴞 𐴁𐴝𐴀𐴣𐴐𐴧𐴝 𐴁𐴞𐴐𐴞𐴤 𐴌𐴝𐴑 𐴀𐴡𐴥𐴘𐴒𐴞𐴘𐴡𐴘, 𐴀𐴝𐴦𐴌 𐴕𐴞𐴎𐴡𐴌 𐴉𐴡𐴥𐴗𐴏𐴢 𐴀𐴡𐴥𐴑𐴧𐴡𐴓𐴢 𐴊𐴞𐴉𐴠𐴍𐴝𐴥𐴘 𐴇𐴠𐴥 𐴑𐴟𐴥𐴕𐴞 𐴀𐴡𐴥𐴑𐴧𐴡𐴓𐴡𐴌𐴠 𐴊𐴡𐴥𐴚𐴐𐴡 𐴒𐴡𐴌𐴞𐴥𐴉𐴠𐴓𐴝𐴘𐴧𐴠, 𐴀𐴠𐴊𐴧𐴠 𐴀𐴞𐴥𐴃𐴝𐴌𐴝𐴌 𐴐𐴡𐴥𐴀𐴌 𐴉𐴟𐴌𐴝𐴃𐴢 𐴊𐴞𐴉𐴠𐴥𐴓𐴝𐴘𐴧𐴠.8”𐴁𐴝𐴦𐴊𐴠 𐴘𐴡𐴥𐴒𐴧𐴗𐴝𐴘𐴠 𐴕𐴞𐴎𐴡𐴌 𐴒𐴡𐴗𐴀𐴌 𐴒𐴟𐴥𐴕𐴡𐴌𐴠 𐴈𐴡𐴀𐴌 𐴊𐴠, ’𐴁𐴡𐴘𐴌𐴝𐴃𐴡𐴌 𐴈𐴝𐴥𐴕𐴝 𐴃𐴡 𐴕𐴝𐴓𐴢 𐴀𐴡𐴥𐴘𐴧𐴠, 𐴔𐴡𐴕𐴃𐴡𐴌 𐴎𐴠𐴃𐴝𐴌𐴝𐴤𐴌𐴠 𐴊𐴝𐴖𐴡𐴃𐴢 𐴊𐴞𐴘𐴝 𐴒𐴞𐴀𐴓𐴢 𐴀𐴞𐴥𐴃𐴝𐴌𐴝 𐴀𐴝𐴘𐴁𐴝𐴤𐴌 𐴓𐴝𐴦𐴘𐴠𐴑 𐴕𐴡.9𐴇𐴠𐴥𐴃𐴡𐴓𐴧𐴝, 𐴐𐴡𐴥𐴀𐴌𐴡𐴌 𐴌𐴝𐴏𐴃𐴝𐴌 𐴔𐴟𐴀𐴝𐴥𐴣-𐴔𐴟𐴀𐴝𐴥𐴣 𐴎𐴝𐴘 𐴎𐴠𐴃𐴡𐴥 𐴎𐴡𐴕 𐴓𐴡𐴦𐴃𐴢 𐴉𐴡𐴦, 𐴀𐴞𐴥𐴃𐴝𐴌𐴝𐴌𐴠 𐴁𐴡𐴘𐴌𐴝𐴃𐴡𐴌 𐴈𐴝𐴥𐴕𐴝𐴌 𐴊𐴝𐴖𐴡𐴃𐴢 𐴊𐴡𐴒𐴡𐴥𐴘.‘10𐴃𐴡𐴥𐴘 𐴒𐴡𐴗𐴀𐴌 𐴒𐴟𐴥𐴕𐴠 𐴁𐴝𐴀𐴌𐴠 𐴌𐴝𐴏𐴃𐴝𐴃𐴢 𐴎𐴝𐴘 𐴎𐴝𐴌𐴠𐴥-𐴎𐴝𐴌𐴠𐴥 𐴓𐴡𐴦𐴃𐴢 𐴉𐴝𐴘𐴧𐴠𐴥, 𐴒𐴡𐴔 𐴈𐴡𐴥𐴌𐴝𐴉𐴢 𐴁𐴠𐴒𐴧𐴟𐴥𐴕𐴡𐴌𐴠 𐴊𐴡𐴓𐴝 𐴒𐴡𐴙𐴅𐴧𐴠𐴥; 𐴁𐴝𐴦𐴊𐴠 𐴁𐴡𐴘𐴌𐴝𐴙𐴃𐴧𐴝-𐴈𐴝𐴥𐴕𐴝 𐴒𐴝𐴥𐴕 𐴔𐴠𐴀𐴔𐴝𐴕𐴠 𐴉𐴟𐴌𐴝𐴘𐴒𐴞𐴘𐴡𐴥𐴘.11”𐴔𐴡𐴕𐴃𐴡𐴌 𐴁𐴝𐴀𐴣𐴐𐴧𐴝𐴘𐴠 𐴁𐴟𐴥𐴃𐴡𐴌𐴠 𐴔𐴠𐴀𐴔𐴝𐴕 𐴀𐴡𐴥𐴑𐴧𐴡𐴓𐴡𐴌𐴠 𐴏𐴝𐴘𐴃𐴡𐴥 𐴀𐴝𐴙𐴐𐴧𐴠𐴥 𐴊𐴠 𐴀𐴡𐴑𐴃𐴡𐴥𐴃𐴢, 𐴇𐴠𐴥𐴍𐴠 𐴁𐴡𐴘𐴌𐴝𐴙𐴃𐴧𐴝 𐴇𐴡𐴦𐴌 𐴀𐴝𐴉𐴞𐴕𐴊𐴝𐴤 𐴀𐴠𐴎𐴧𐴡𐴕 𐴔𐴝𐴕𐴟𐴥𐴙𐴐𐴢 𐴊𐴠𐴙𐴑𐴧𐴠𐴥.12𐴘𐴡𐴥𐴒𐴧𐴗𐴝𐴘𐴠 𐴀𐴞𐴥𐴃𐴝𐴃𐴧𐴟 𐴉𐴟𐴏𐴝𐴥𐴌 𐴒𐴡𐴌𐴠𐴥𐴌 𐴊𐴠, ’𐴊𐴟𐴏𐴃𐴡𐴥, 𐴃𐴟𐴀𐴛 𐴁𐴡𐴘𐴌𐴝𐴙𐴃𐴧𐴝 𐴇𐴡𐴦𐴌 𐴏𐴝𐴥𐴌𐴝 𐴀𐴠𐴍𐴠𐴥 𐴁𐴟𐴥𐴃𐴡𐴌𐴠 𐴑𐴠𐴀𐴕𐴒𐴡𐴌𐴞 𐴒𐴡𐴥𐴙𐴓𐴧𐴡؟‘ 𐴔𐴝𐴕𐴟𐴥𐴙𐴐𐴧𐴗𐴝𐴘𐴠 𐴇𐴡𐴕𐴡𐴤 𐴎𐴟𐴖𐴝𐴁𐴢 𐴊𐴞 𐴕𐴡𐴥 𐴉𐴝𐴌𐴠.13”𐴇𐴠𐴥𐴃𐴟𐴕𐴡𐴃𐴢 𐴁𐴝𐴀𐴣𐴐𐴧𐴝𐴘𐴠 𐴈𐴝𐴥𐴀𐴊𐴠𐴔 𐴀𐴡𐴥𐴑𐴧𐴡𐴓𐴡𐴌𐴠 𐴈𐴡𐴀𐴌 𐴊𐴠, ’𐴀𐴞𐴃𐴝𐴌 𐴀𐴝𐴥𐴃𐴢 𐴄𐴠𐴥𐴚 𐴁𐴝𐴣𐴊𐴞𐴥, 𐴀𐴞𐴃𐴝𐴌𐴠𐴤 𐴁𐴝𐴀𐴌𐴠 𐴀𐴝𐴕𐴊𐴝𐴤𐴌𐴡𐴃𐴢 𐴉𐴠𐴥𐴓𐴝𐴘 𐴊𐴡𐴒𐴡𐴥𐴘; 𐴇𐴠𐴥𐴍𐴠 𐴈𐴝𐴣𐴊𐴝𐴈𐴝𐴍𐴞 𐴀𐴠𐴊𐴧𐴠 𐴊𐴝𐴃𐴠 𐴊𐴝𐴃𐴢 𐴑𐴞𐴌𐴑𐴞𐴌𐴝𐴕𐴞 𐴀𐴡𐴥𐴘𐴁𐴡.‘14”𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴋𐴝𐴈𐴝 𐴃𐴡 𐴁𐴡𐴀𐴗𐴃𐴢 𐴎𐴡𐴕𐴡𐴌𐴠 𐴒𐴞𐴘𐴠𐴥, 𐴔𐴡𐴕𐴃𐴡𐴌 𐴇𐴡𐴦𐴎𐴧𐴡𐴕𐴡𐴌𐴠 𐴁𐴠 𐴁𐴝𐴏𐴞𐴥𐴓𐴡𐴖𐴝 𐴒𐴞𐴥𐴘𐴠.“𐴌𐴡𐴔𐴞 𐴁𐴝𐴀𐴣𐴐𐴧𐴝𐴌𐴠 𐴇𐴝𐴥𐴎𐴝𐴕𐴝 𐴊𐴞𐴦𐴘𐴝
15𐴇𐴠𐴥𐴃𐴟𐴕𐴡𐴃𐴢 𐴉𐴠𐴥𐴌𐴡𐴐𐴞 𐴀𐴡𐴥𐴑𐴧𐴡𐴓𐴢 𐴎𐴝𐴘, 𐴀𐴞𐴏𐴝𐴤𐴌𐴠 𐴑𐴞𐴦 𐴁𐴡𐴃𐴠 𐴀𐴞𐴥𐴁𐴝𐴌 𐴈𐴡𐴃𐴝𐴤 𐴓𐴡𐴥𐴘 𐴈𐴡𐴓𐴡𐴃𐴢 𐴉𐴠𐴥𐴓𐴝𐴘 𐴉𐴝𐴌𐴞𐴁𐴡𐴥 𐴇𐴞𐴥𐴘𐴝𐴕 𐴏𐴡𐴥𐴓𐴧𐴝 𐴒𐴡𐴙𐴅𐴧𐴠𐴥𐴒𐴡𐴘.16𐴀𐴞𐴥𐴃𐴝𐴌𐴝 𐴕𐴞𐴎𐴡𐴌 𐴐𐴝𐴥𐴌𐴞𐴃𐴧𐴟𐴕𐴡𐴌𐴠 𐴈𐴠𐴥𐴌𐴟𐴊𐴞𐴀𐴡𐴥𐴓𐴡𐴌 𐴉𐴟𐴥𐴖𐴝𐴣𐴃𐴞 𐴀𐴞𐴥𐴁𐴝𐴌 𐴇𐴝𐴣𐴏𐴠 𐴊𐴞𐴉𐴠𐴍𐴝𐴥𐴘 𐴈𐴡𐴀𐴌 𐴊𐴠, ”𐴀𐴟𐴏𐴃𐴝𐴃𐴢, 𐴀𐴝𐴣𐴀𐴌𐴝 𐴎𐴝𐴕𐴞 𐴊𐴠, 𐴃𐴟𐴀𐴛 𐴏𐴡𐴥𐴘𐴧𐴞 𐴈𐴡𐴀 𐴀𐴠𐴊𐴧𐴠 𐴏𐴡𐴥𐴘𐴧𐴞𐴒𐴡𐴌𐴞 𐴀𐴝𐴓𐴧𐴝𐴌 𐴌𐴝𐴏𐴃𐴝𐴌 𐴃𐴝𐴦𐴓𐴞𐴔 𐴊𐴡. 𐴃𐴟𐴀𐴛 𐴔𐴝𐴙𐴕𐴐𐴠𐴥 𐴑𐴞𐴦 𐴈𐴡𐴀𐴌 𐴉𐴡𐴌𐴁𐴝 𐴕𐴡 𐴒𐴡𐴌𐴡𐴤, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴃𐴟𐴀𐴛 𐴃𐴡 𐴇𐴡𐴕𐴡𐴤𐴑𐴞𐴘𐴡𐴌𐴠 𐴉𐴡𐴌𐴡𐴥𐴑 𐴒𐴡𐴌𐴡𐴤 𐴊𐴠 𐴕𐴝𐴥𐴘.17𐴀𐴝𐴣𐴀𐴌𐴝𐴌𐴠 𐴈𐴡𐴀𐴏𐴝𐴘, 𐴃𐴟𐴀𐴛 𐴑𐴞𐴦 𐴁𐴝𐴥𐴉𐴡؟ 𐴌𐴡𐴔𐴞 𐴁𐴝𐴀𐴣𐴐𐴧𐴝 𐴌𐴠 𐴇𐴝𐴥𐴎𐴝𐴕𐴝 𐴊𐴡𐴦𐴕 𐴎𐴝𐴘𐴠𐴏𐴢 𐴀𐴝𐴏𐴠𐴤 𐴕𐴠𐴥 𐴕𐴝𐴥𐴑𐴞 𐴕𐴝𐴥𐴘؟“18𐴔𐴡𐴕𐴃𐴡𐴌 𐴀𐴞𐴏𐴝𐴤𐴘𐴠 𐴃𐴝𐴌𐴝𐴥𐴌 𐴈𐴡𐴥𐴌𐴝𐴉𐴢 𐴕𐴞𐴘𐴡𐴃𐴡𐴌𐴠 𐴎𐴝𐴕𐴞 𐴈𐴡𐴀𐴌 𐴊𐴠, ”𐴀𐴡𐴥 𐴔𐴟𐴕𐴝𐴉𐴠𐴥𐴑 𐴀𐴡𐴥𐴑𐴧𐴡𐴓𐴢, 𐴃𐴟𐴣𐴀𐴝𐴥𐴌𐴝 𐴀𐴝𐴣𐴀𐴌𐴠𐴥 𐴀𐴠𐴕𐴃𐴝𐴥𐴕 𐴒𐴡𐴌𐴡𐴤𐴌 𐴑𐴞𐴘𐴝𐴥؟19𐴇𐴝𐴥𐴎𐴝𐴕𐴝 𐴊𐴠𐴦 𐴊𐴠 𐴇𐴠𐴥𐴕𐴊𐴞𐴓𐴧𐴝 𐴀𐴠𐴑𐴧𐴝𐴥𐴕 𐴀𐴝𐴣𐴀𐴌𐴠𐴥 𐴉𐴡𐴘𐴐𐴝𐴤 𐴊𐴝𐴈𐴡𐴥.“𐴃𐴡𐴥𐴘 𐴃𐴝𐴌𐴝𐴥 𐴀𐴞𐴥𐴁𐴝𐴌𐴠 𐴀𐴠𐴑𐴧𐴝𐴥𐴕 𐴊𐴞𐴕𐴝𐴥𐴌 𐴀𐴝𐴕𐴞𐴤 𐴊𐴞𐴦𐴘𐴠𐴥.20𐴀𐴞𐴥𐴁𐴝𐴘𐴠 𐴃𐴝𐴌𐴝𐴥𐴌𐴠 𐴈𐴡𐴀𐴌 𐴊𐴠, ”𐴘𐴝𐴀𐴕 𐴇𐴝𐴌 𐴏𐴡𐴥𐴁𐴞 𐴀𐴠𐴊𐴧𐴠 𐴇𐴝𐴌 𐴕𐴝𐴔؟“21𐴃𐴝𐴌𐴝𐴥 𐴀𐴞𐴥𐴁𐴝𐴌𐴠 𐴈𐴡𐴀𐴌 𐴊𐴠, ”𐴌𐴡𐴔𐴞 𐴁𐴝𐴀𐴣𐴐𐴧𐴝𐴌.“𐴃𐴡𐴥𐴘 𐴀𐴞𐴥𐴁𐴝𐴘𐴠 𐴃𐴝𐴌𐴝𐴥𐴌𐴠 𐴈𐴡𐴀𐴌 𐴊𐴠, ”𐴃𐴡𐴥𐴀𐴘𐴓𐴠 𐴎𐴞𐴀𐴕 𐴁𐴝𐴀𐴣𐴐𐴧𐴝𐴌 𐴇𐴞𐴥𐴀𐴕 𐴁𐴝𐴀𐴣𐴐𐴧𐴝𐴌𐴠 𐴊𐴞𐴦𐴘𐴡, 𐴀𐴝𐴦𐴌 𐴎𐴞𐴀𐴕 𐴀𐴝𐴓𐴧𐴝𐴌 𐴇𐴞𐴥𐴀𐴕 𐴀𐴝𐴓𐴧𐴝𐴌𐴠 𐴊𐴞𐴦𐴘𐴡.“22𐴇𐴞𐴥𐴘𐴝𐴕 𐴉𐴟𐴥𐴕𐴞 𐴃𐴝𐴌𐴝𐴥 𐴃𐴝𐴦𐴅𐴟𐴂𐴢 𐴀𐴡𐴥𐴘𐴒𐴞𐴘𐴡𐴘, 𐴀𐴝𐴦𐴌 𐴀𐴞𐴥𐴁𐴝𐴌𐴠 𐴀𐴠𐴌𐴞 𐴒𐴞𐴦𐴘𐴠𐴥𐴒𐴡𐴘.
𐴇𐴝𐴥𐴣𐴐𐴡𐴌𐴡𐴌 𐴁𐴝𐴦𐴁𐴟𐴃𐴠 𐴏𐴟𐴥𐴖𐴝𐴓𐴢
23𐴇𐴠𐴥 𐴊𐴞𐴕 𐴏𐴝𐴊𐴟𐴑𐴝𐴥𐴘 𐴀𐴡𐴥𐴑𐴧𐴡𐴓𐴢 𐴀𐴞𐴏𐴝𐴤𐴌 𐴇𐴝𐴣𐴏𐴠 𐴀𐴝𐴙𐴐𐴧𐴠𐴥, 𐴏𐴝𐴊𐴟𐴑𐴝𐴥𐴘 𐴀𐴡𐴥𐴑𐴧𐴡𐴓𐴠 𐴇𐴝𐴥𐴣𐴐𐴡𐴌 𐴕𐴝𐴥𐴘 𐴈𐴡𐴀, 𐴀𐴞𐴥𐴃𐴝𐴌𐴝 𐴀𐴝𐴀𐴘𐴢 𐴀𐴞𐴥𐴁𐴝𐴌𐴠 𐴀𐴠𐴑𐴧𐴝𐴥𐴕 𐴏𐴟𐴥𐴖𐴝𐴓𐴢 𐴒𐴡𐴙𐴅𐴧𐴠𐴥,24𐴑𐴞 𐴈𐴡𐴘𐴓𐴠𐴥, ”𐴀𐴟𐴏𐴃𐴝𐴃𐴢, 𐴔𐴟𐴀𐴏𐴝𐴘𐴠 𐴈𐴡𐴘𐴧𐴠𐴥 𐴊𐴠, ’𐴎𐴡𐴊𐴞 𐴇𐴡𐴕𐴡𐴤 𐴔𐴝𐴕𐴟𐴥𐴙𐴐𐴢 𐴉𐴟𐴀𐴝𐴙𐴕 𐴏𐴝𐴥𐴌𐴝 𐴔𐴡𐴌𐴞𐴎𐴝𐴒𐴡𐴥𐴘, 𐴃𐴡𐴥𐴀𐴘𐴓𐴠 𐴀𐴞𐴥𐴃𐴝𐴌 𐴁𐴝𐴥𐴘𐴡𐴃𐴧𐴟 𐴀𐴞𐴥𐴃𐴝𐴌 𐴁𐴡𐴖𐴢 𐴇𐴞𐴥𐴁𐴝𐴌𐴠 𐴁𐴞𐴘𐴝𐴥 𐴒𐴡𐴌𐴞𐴥𐴉𐴠𐴓𐴝𐴘 𐴕𐴞𐴎𐴡𐴌 𐴁𐴝𐴥𐴘𐴡𐴓𐴧𐴝 𐴕𐴡𐴏𐴡𐴥𐴓𐴢 𐴉𐴡𐴘𐴊𐴝 𐴒𐴡𐴌𐴝𐴥 𐴉𐴡𐴌𐴞𐴁𐴡𐴥.‘25𐴊𐴡𐴥𐴌𐴡, 𐴀𐴝𐴣𐴀𐴌𐴝𐴌 𐴁𐴟𐴥𐴃𐴡𐴌𐴠 𐴇𐴝𐴥𐴣𐴃𐴢 𐴎𐴡𐴕 𐴁𐴝𐴥𐴘 𐴀𐴝𐴐𐴧𐴞𐴥𐴓𐴢. 𐴉𐴡𐴀𐴘𐴓𐴝 𐴖𐴝𐴘𐴠 𐴁𐴞𐴘𐴝𐴥 𐴒𐴡𐴌𐴞𐴥 𐴉𐴟𐴀𐴝𐴙𐴕 𐴏𐴝𐴥𐴌𐴝 𐴔𐴡𐴌𐴞𐴒𐴞𐴘𐴡𐴥𐴘, 𐴇𐴠𐴥𐴃𐴡𐴓𐴧𐴝 𐴀𐴞𐴥𐴃𐴠 𐴕𐴞𐴎𐴡𐴌 𐴁𐴡𐴖𐴢 𐴖𐴡𐴥𐴌𐴠 𐴁𐴝𐴥𐴘𐴡𐴓𐴧𐴝 𐴌𐴝𐴑𐴞𐴥𐴒𐴞𐴘𐴡𐴘.26𐴇𐴠𐴥𐴕𐴊𐴞𐴓𐴧𐴝 𐴇𐴝𐴥𐴓𐴡𐴃𐴢 𐴊𐴟𐴏𐴝𐴥𐴌𐴝, 𐴃𐴞𐴏𐴝𐴥𐴌𐴝 𐴀𐴠𐴁𐴧𐴠 𐴇𐴝𐴥𐴣𐴃𐴡 𐴁𐴝𐴥𐴘 𐴉𐴡𐴙𐴅𐴧𐴡𐴕𐴃𐴡 𐴀𐴡𐴥𐴘𐴧𐴠.27𐴀𐴝𐴇𐴠𐴥𐴌𐴞𐴃𐴢, 𐴔𐴝𐴘𐴝𐴉𐴟𐴖𐴝 𐴖𐴝 𐴘𐴡𐴥 𐴔𐴡𐴌𐴞𐴒𐴞𐴘𐴡𐴥𐴘.28𐴇𐴠𐴥 𐴀𐴞𐴥𐴏𐴝𐴉𐴠, 𐴇𐴝𐴥𐴣𐴐𐴡𐴌𐴡𐴌 𐴇𐴝𐴓𐴠 𐴇𐴞𐴥𐴁𐴝 𐴀𐴞𐴥𐴃𐴝𐴌𐴝 𐴇𐴝𐴥𐴣𐴃𐴡 𐴎𐴡𐴕𐴡𐴃𐴧𐴟 𐴇𐴝𐴌 𐴁𐴡𐴖𐴢 𐴀𐴡𐴥𐴘𐴁𐴡؟ 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴇𐴞𐴥𐴁𐴝𐴌𐴠 𐴃𐴡 𐴀𐴞𐴥𐴃𐴝𐴌𐴝 𐴁𐴠𐴒𐴧𐴟𐴥𐴕𐴠 𐴁𐴞𐴘𐴝𐴥 𐴒𐴡𐴙𐴅𐴧𐴞𐴥𐴓𐴢.“29𐴀𐴞𐴏𐴝𐴤𐴘𐴠 𐴀𐴞𐴥𐴃𐴝𐴌𐴝𐴌𐴠 𐴎𐴟𐴖𐴝𐴁𐴠 𐴈𐴡𐴘𐴧𐴠𐴥 𐴊𐴠, ”𐴃𐴟𐴣𐴀𐴝𐴥𐴌𐴝 𐴒𐴡𐴓𐴧𐴡𐴃𐴡𐴃𐴢 𐴀𐴝𐴏𐴡𐴤, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴃𐴟𐴣𐴀𐴝𐴥𐴌𐴝 𐴃𐴡 𐴕𐴡 𐴂𐴝𐴑-𐴑𐴝𐴓𐴝𐴔 𐴎𐴝𐴕𐴡, 𐴀𐴝𐴦𐴌 𐴕𐴡 𐴀𐴝𐴓𐴧𐴝𐴌 𐴑𐴟𐴊𐴟𐴌𐴟𐴃𐴢 𐴎𐴝𐴕𐴡.30𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴇𐴝𐴥𐴣𐴐𐴡𐴌𐴡𐴌 𐴇𐴝𐴥𐴓𐴠 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴕𐴡 𐴁𐴞𐴘𐴝𐴥 𐴒𐴡𐴌𐴞𐴥𐴁𐴡 𐴀𐴝𐴦𐴌 𐴕𐴡 𐴀𐴞𐴥𐴃𐴝𐴌𐴝𐴌𐴠 𐴁𐴞𐴘𐴝𐴥 𐴊𐴞𐴥𐴘𐴝 𐴎𐴝𐴘𐴁𐴡, 𐴁𐴡𐴥𐴓𐴑𐴠 𐴀𐴞𐴥𐴃𐴝𐴌𐴝 𐴀𐴝𐴏𐴔𐴝𐴕𐴡𐴃𐴢 𐴉𐴞𐴥𐴌𐴞𐴏𐴃𐴝𐴌 𐴋𐴡𐴥𐴙𐴓𐴧𐴝 𐴁𐴠 𐴀𐴡𐴥𐴘𐴁𐴡.31𐴔𐴡𐴌𐴝 𐴀𐴡𐴥𐴑𐴧𐴡𐴓𐴢 𐴎𐴞𐴕𐴊𐴝 𐴀𐴡𐴥𐴖𐴝𐴌 𐴁𐴝𐴦𐴁𐴟𐴃𐴠 𐴈𐴡𐴘𐴃𐴡𐴤 𐴏𐴝𐴘𐴓𐴠𐴥, 𐴃𐴟𐴣𐴀𐴝𐴥𐴌𐴝 𐴑𐴞𐴥 𐴀𐴝𐴓𐴧𐴝𐴘𐴠 𐴃𐴟𐴣𐴀𐴝𐴥𐴌𐴝𐴌𐴠 𐴈𐴡𐴘𐴧𐴠𐴥 𐴊𐴠 𐴘𐴝𐴀𐴕 𐴕𐴡𐴥 𐴉𐴡𐴌𐴡𐴥,32’𐴀𐴝𐴀𐴛 𐴀𐴡𐴥𐴘𐴓𐴝𐴔 𐴊𐴠 𐴀𐴞𐴁𐴌𐴝𐴇𐴞𐴥𐴔𐴡𐴌 𐴀𐴝𐴓𐴧𐴝, 𐴀𐴞𐴏𐴝𐴈𐴝𐴥𐴑𐴡𐴌 𐴀𐴝𐴓𐴧𐴝 𐴀𐴠𐴊𐴧𐴠 𐴘𐴝𐴑𐴟𐴁𐴡𐴌 𐴀𐴝𐴓𐴧𐴝‘؟ 𐴀𐴝𐴓𐴧𐴝 𐴃𐴡 𐴔𐴡𐴌𐴝 𐴀𐴡𐴥𐴑𐴧𐴡𐴓𐴡𐴌 𐴀𐴝𐴓𐴧𐴝 𐴕𐴡, 𐴁𐴡𐴥𐴓𐴑𐴠 𐴎𐴞𐴕𐴊𐴝 𐴀𐴡𐴥𐴑𐴧𐴡𐴓𐴡𐴌 𐴀𐴠𐴥𐴕𐴝.“33𐴔𐴝𐴕𐴟𐴥𐴙𐴐𐴧𐴟𐴥𐴕𐴠 𐴇𐴞𐴥𐴘𐴝𐴕 𐴉𐴟𐴥𐴙𐴕𐴧𐴠 𐴌𐴝𐴥𐴌, 𐴀𐴞𐴥𐴁𐴝𐴌 𐴇𐴠𐴥 𐴃𐴝𐴦𐴓𐴞𐴔𐴠 𐴃𐴝𐴦𐴅𐴟𐴂𐴢 𐴀𐴡𐴥𐴘𐴒𐴞𐴘𐴡𐴘.𐴀𐴠𐴁𐴧𐴠 𐴋𐴡𐴣𐴀𐴌 𐴇𐴡𐴥𐴑𐴟𐴔
34𐴎𐴠𐴣𐴃𐴧𐴠𐴥 𐴉𐴠𐴥𐴌𐴡𐴐𐴞 𐴀𐴡𐴥𐴑𐴧𐴡𐴓𐴠 𐴉𐴟𐴥𐴙𐴕𐴧𐴠 𐴊𐴠, 𐴀𐴞𐴏𐴝𐴤𐴘𐴠 𐴏𐴝𐴊𐴟𐴑𐴝𐴥𐴘 𐴀𐴡𐴥𐴑𐴧𐴡𐴓𐴡𐴌𐴠 𐴕𐴞𐴎𐴝𐴥𐴔 𐴔𐴝𐴥𐴌𐴝𐴘 𐴌𐴝𐴙𐴑𐴧𐴠𐴥, 𐴀𐴞𐴥𐴃𐴝𐴌𐴝 𐴀𐴠𐴑𐴧𐴝𐴥𐴕𐴡𐴃𐴢 𐴎𐴡𐴔𐴝 𐴀𐴡𐴥𐴘𐴧𐴠.35𐴀𐴞𐴥𐴃𐴝𐴌𐴝𐴃𐴧𐴟 𐴐𐴡𐴥𐴌𐴞𐴘𐴡𐴃𐴡𐴌 𐴀𐴠𐴥𐴎𐴧𐴡𐴕 𐴀𐴝𐴓𐴠𐴔𐴠 𐴀𐴠𐴕𐴃𐴝𐴥𐴕 𐴒𐴡𐴌𐴞𐴥 𐴁𐴡𐴓𐴧𐴝 𐴀𐴞𐴥𐴁𐴝𐴌𐴠 𐴏𐴟𐴥𐴖𐴝𐴓𐴢 𐴒𐴡𐴌𐴠𐴥𐴌 𐴊𐴠,36”𐴀𐴟𐴏𐴃𐴝𐴃𐴢, 𐴃𐴡𐴌𐴝𐴃𐴢 𐴐𐴡𐴥𐴌𐴞𐴉𐴡𐴃𐴢 𐴇𐴡𐴥𐴑𐴟𐴔 𐴇𐴡𐴕 𐴕𐴝𐴥𐴕 𐴀𐴠𐴁𐴧𐴠 𐴋𐴡𐴣𐴀𐴌؟“37𐴀𐴞𐴏𐴝𐴤𐴘𐴠 𐴘𐴡𐴥𐴒𐴧𐴗𐴝𐴌𐴠 𐴈𐴡𐴀𐴌 𐴊𐴠, ” ’𐴔𐴝𐴁𐴟𐴊𐴢 𐴃𐴟𐴣𐴀𐴝𐴥𐴌𐴝𐴌 𐴀𐴝𐴓𐴧𐴝𐴌𐴠 𐴕𐴞𐴎𐴡𐴌 𐴉𐴟𐴌𐴝 𐴊𐴞𐴓𐴠, 𐴉𐴟𐴌𐴝 𐴎𐴝𐴕𐴠, 𐴀𐴠𐴊𐴧𐴠 𐴉𐴟𐴌𐴝 𐴊𐴠𐴔𐴝𐴑𐴠 𐴔𐴟𐴇𐴝𐴥𐴁𐴧𐴡𐴃𐴢 𐴒𐴡𐴌𐴞𐴥𐴁𐴝.‘ 38𐴇𐴞𐴥𐴘𐴝𐴕 𐴀𐴡𐴥𐴙𐴓𐴊𐴠 𐴀𐴠𐴁𐴧𐴠 𐴋𐴡𐴣𐴀𐴌 𐴀𐴠𐴊𐴧𐴠 𐴀𐴠𐴁𐴧𐴠 𐴎𐴡𐴌𐴟𐴌𐴞 𐴇𐴡𐴥𐴑𐴟𐴔.39𐴀𐴠𐴁𐴧𐴠 𐴎𐴡𐴌𐴟𐴌𐴞 𐴇𐴡𐴥𐴑𐴟𐴔 𐴊𐴟𐴘 𐴕𐴡𐴔𐴁𐴡𐴥𐴌𐴡𐴌 𐴒𐴝𐴥𐴕 𐴀𐴡𐴥𐴙𐴓𐴊𐴠, ’𐴕𐴞𐴎𐴡𐴌 𐴀𐴝𐴃𐴠𐴇𐴝𐴣𐴏𐴡𐴥𐴌 𐴔𐴝𐴙𐴕𐴐𐴡𐴥𐴌𐴠 𐴕𐴞𐴎𐴡𐴌 𐴋𐴡𐴥𐴙𐴓𐴧𐴝 𐴔𐴟𐴇𐴝𐴥𐴁𐴧𐴡𐴃𐴢 𐴒𐴡𐴌𐴞𐴥𐴁𐴝.‘ 40𐴇𐴠𐴥 𐴇𐴡𐴥𐴑𐴟𐴔 𐴊𐴟𐴕𐴞𐴥𐴘𐴝𐴕𐴡𐴃𐴢 𐴉𐴟𐴌𐴝 𐴐𐴡𐴥𐴌𐴞𐴘𐴡𐴃𐴢 𐴀𐴠𐴊𐴧𐴠 𐴕𐴡𐴁𐴞 𐴀𐴡𐴥𐴑𐴧𐴡𐴓𐴡𐴌 𐴈𐴡𐴃𐴝𐴤 𐴓𐴡𐴄𐴑𐴝𐴘𐴧𐴝.“𐴔𐴡𐴀𐴏𐴞𐴤𐴌 𐴁𐴝𐴦𐴁𐴟𐴃𐴠 𐴏𐴟𐴥𐴖𐴝𐴓𐴢
41𐴉𐴠𐴥𐴌𐴡𐴐𐴞 𐴒𐴟𐴥𐴕 𐴀𐴠𐴑𐴧𐴝𐴥𐴕𐴡𐴃𐴢 𐴎𐴡𐴔𐴝 𐴀𐴝𐴏𐴠𐴤 𐴊𐴠 𐴀𐴡𐴑𐴃𐴡𐴥𐴃𐴢, 𐴀𐴞𐴏𐴝𐴤𐴘𐴠 𐴀𐴞𐴥𐴃𐴝𐴌𐴝𐴌𐴠 𐴀𐴠𐴑𐴧𐴝𐴥𐴕 𐴏𐴟𐴥𐴖𐴝𐴓𐴢 𐴒𐴡𐴌𐴠𐴥𐴌 𐴊𐴠,42”𐴔𐴡𐴀𐴏𐴞𐴤𐴌 𐴁𐴝𐴦𐴁𐴟𐴃𐴠 𐴃𐴟𐴣𐴀𐴝𐴥𐴌𐴝𐴌 𐴁𐴟𐴎𐴝𐴥 𐴑𐴞𐴦؟ 𐴀𐴞𐴥𐴁𐴝 𐴇𐴝𐴌 𐴉𐴟𐴖𐴝؟“𐴀𐴞𐴥𐴃𐴝𐴌𐴝 𐴀𐴞𐴥𐴁𐴝𐴌𐴠 𐴈𐴡𐴀𐴌 𐴊𐴠, ”𐴊𐴝𐴖𐴟𐴊𐴡𐴌 𐴉𐴟𐴖𐴝.“43𐴀𐴞𐴥𐴁𐴝𐴘𐴠 𐴀𐴞𐴥𐴃𐴝𐴌𐴝𐴌𐴠 𐴈𐴡𐴀𐴌 𐴊𐴠, ”𐴃𐴡𐴥𐴀𐴘𐴓𐴠 𐴊𐴝𐴖𐴟𐴊𐴠 𐴑𐴠𐴀𐴕𐴒𐴡𐴌𐴞 𐴀𐴞𐴥𐴁𐴝𐴌𐴠 𐴌𐴟𐴀𐴌 𐴇𐴠𐴥𐴊𐴝𐴘𐴧𐴡𐴃𐴠 ’𐴔𐴝𐴓𐴞𐴑‘ 𐴋𐴝𐴙𐴑𐴧𐴠𐴥؟ 𐴀𐴞𐴥𐴁𐴝𐴘𐴠 𐴃𐴡 𐴀𐴠𐴕𐴊𐴞𐴓𐴧𐴝 𐴈𐴡𐴘𐴧𐴠𐴥,44’𐴔𐴝𐴁𐴟𐴊𐴠 𐴀𐴝𐴣𐴀𐴌 𐴔𐴝𐴓𐴞𐴑𐴡𐴌𐴠 𐴈𐴡𐴀𐴌 𐴊𐴠,”𐴀𐴝𐴣𐴀𐴌 𐴊𐴠𐴕 𐴋𐴝𐴥𐴑𐴡𐴃𐴧𐴟 𐴁𐴡𐴘𐴧𐴡𐴥,𐴎𐴠𐴃𐴡𐴥𐴑𐴧𐴝𐴓𐴢 𐴉𐴡𐴙𐴅𐴧𐴡𐴕𐴃𐴡 𐴀𐴝𐴀𐴛 𐴃𐴟𐴣𐴀𐴝𐴥𐴣𐴌 𐴊𐴟𐴐𐴧𐴡𐴕 𐴀𐴡𐴥𐴑𐴧𐴡𐴓𐴢 𐴀𐴡𐴌𐴠𐴃𐴟𐴣𐴀𐴝𐴥𐴣𐴌 𐴉𐴡𐴦𐴌 𐴃𐴡𐴓𐴠 𐴒𐴡𐴌𐴞𐴥 𐴕𐴡𐴥 𐴉𐴠𐴓𐴝𐴘.“ ‘ 45𐴃𐴡𐴥𐴘 𐴊𐴝𐴖𐴟𐴊𐴠 𐴀𐴞𐴥𐴁𐴝𐴌𐴠 ’𐴔𐴝𐴓𐴞𐴑‘ 𐴋𐴝𐴙𐴑𐴧𐴠𐴥 𐴊𐴠 𐴀𐴡𐴥𐴘𐴓𐴠, 𐴀𐴞𐴥𐴁𐴝 𐴑𐴠𐴀𐴕𐴒𐴡𐴌𐴞 𐴊𐴝𐴖𐴟𐴊𐴡𐴌 𐴉𐴟𐴖𐴝 𐴊𐴠𐴥؟“46𐴀𐴞𐴥𐴁𐴝𐴌𐴠 𐴇𐴡𐴕𐴡𐴤𐴑𐴞𐴘𐴠 𐴀𐴠𐴈𐴡𐴀𐴌 𐴀𐴡𐴥 𐴎𐴟𐴖𐴝𐴁𐴢 𐴊𐴞 𐴕𐴡𐴥 𐴉𐴝𐴌𐴠, 𐴀𐴝𐴦𐴌 𐴇𐴠𐴥 𐴊𐴞𐴕 𐴓𐴡𐴥𐴃𐴞 𐴀𐴞𐴥𐴁𐴝𐴌𐴠 𐴀𐴝𐴌 𐴏𐴟𐴥𐴖𐴝𐴓𐴢 𐴒𐴡𐴌𐴞𐴥 𐴁𐴡𐴓𐴧𐴝 𐴇𐴡𐴕𐴡𐴤𐴑𐴞𐴘𐴠 𐴇𐴞𐴥𐴔𐴧𐴡𐴃𐴢 𐴕𐴡 𐴒𐴡𐴙𐴃𐴧𐴡𐴥.
The Word for the World International