𐴈𐴝𐴔𐴡𐴥𐴓𐴢21
𐴂𐴝𐴥𐴀𐴟𐴓𐴢 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴒𐴞𐴦𐴘𐴠𐴥
1𐴀𐴝𐴣𐴀𐴌𐴝 𐴀𐴞𐴥𐴃𐴝𐴌𐴝𐴌 𐴈𐴠𐴥𐴕𐴃𐴟 𐴎𐴝𐴘𐴒𐴡𐴥𐴘 𐴁𐴝𐴦𐴊𐴠, 𐴎𐴝𐴀𐴣𐴏𐴡𐴃𐴢 𐴒𐴡𐴥𐴌𐴞 𐴌𐴟𐴀𐴌𐴟 𐴑𐴡𐴏𐴢 𐴋𐴞𐴘𐴝𐴃𐴢 𐴒𐴞𐴦𐴘𐴞𐴥. 𐴃𐴝𐴌𐴉𐴡𐴌 𐴊𐴞𐴕 𐴌𐴡𐴊𐴠𐴏𐴢 𐴋𐴞𐴘𐴝𐴃𐴢, 𐴀𐴝𐴦𐴌 𐴈𐴠𐴥𐴕𐴃𐴟 𐴂𐴝𐴃𐴝𐴌𐴝 𐴐𐴡𐴥𐴀𐴌 𐴀𐴡𐴃𐴢.2𐴉𐴡𐴕𐴞𐴑𐴐𐴞𐴥𐴘𐴝𐴃𐴢 𐴎𐴝𐴦𐴌 𐴊𐴠 𐴀𐴠𐴑𐴧𐴝𐴥𐴕 𐴎𐴝𐴀𐴣𐴏𐴢 𐴓𐴡𐴦𐴃𐴢 𐴉𐴝𐴘, 𐴀𐴝𐴣𐴀𐴌𐴝 𐴇𐴞𐴥𐴘𐴝𐴕𐴡𐴃𐴢 𐴀𐴟𐴍𐴞𐴤 𐴌𐴡𐴖𐴝𐴕𐴝 𐴀𐴡𐴥𐴘𐴧𐴞.3𐴀𐴝𐴦𐴌 𐴏𐴝𐴥𐴘𐴉𐴌𐴟𐴏𐴢 𐴋𐴞𐴘𐴝 𐴖𐴝 𐴊𐴠𐴙𐴑𐴧𐴞𐴥 𐴌𐴝𐴥𐴌, 𐴘𐴞𐴥𐴁𐴝𐴌 𐴊𐴡𐴀𐴙𐴕 𐴔𐴞𐴥𐴑𐴧𐴝 𐴁𐴝𐴥𐴘 𐴎𐴝𐴘 𐴏𐴞𐴀𐴌𐴞𐴘𐴝 𐴔𐴟𐴓𐴧𐴟𐴑𐴡𐴌 𐴄𐴝𐴘𐴝𐴥𐴌𐴡𐴃𐴢 𐴓𐴝𐴙𐴔𐴧𐴞𐴥, 𐴎𐴠𐴍𐴠𐴥 𐴎𐴝𐴀𐴣𐴏𐴡𐴌 𐴔𐴝𐴓𐴏𐴝𐴥𐴔𐴝𐴕𐴝 𐴀𐴡𐴥𐴑𐴧𐴡𐴓𐴢 𐴓𐴝𐴔𐴝𐴘𐴁𐴝𐴥𐴌 𐴈𐴡𐴃𐴝𐴤 𐴀𐴝𐴐𐴧𐴞𐴥𐴓𐴢.4𐴇𐴠𐴥𐴍𐴠 𐴀𐴟𐴔𐴧𐴡𐴃𐴢 𐴀𐴡𐴥𐴑𐴧𐴡𐴓𐴢 𐴃𐴟𐴖𐴝𐴘 𐴉𐴝𐴘𐴧𐴡𐴌𐴠 𐴀𐴝𐴣𐴀𐴌𐴝 𐴀𐴞𐴥𐴃𐴝𐴌𐴝𐴌 𐴉𐴟𐴥𐴖𐴝𐴣𐴃𐴞 𐴀𐴠𐴑 𐴇𐴝𐴥𐴉𐴃𐴝 𐴃𐴝𐴥𐴙𐴑𐴧𐴞. 𐴂𐴝𐴑-𐴌𐴟𐴀𐴌 𐴇𐴠𐴥𐴊𐴝𐴘𐴧𐴡𐴃𐴠 𐴀𐴞𐴥𐴃𐴝𐴌𐴝 𐴂𐴝𐴥𐴀𐴟𐴓𐴡𐴌𐴠 𐴔𐴝𐴕𐴝𐴥 𐴒𐴡𐴙𐴅𐴧𐴞𐴥𐴓𐴢 𐴊𐴠, 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴕𐴡 𐴎𐴝𐴘𐴃𐴡.5𐴎𐴠𐴣𐴃𐴧𐴠𐴥 𐴀𐴝𐴣𐴀𐴌𐴝 𐴌𐴡𐴖𐴝𐴕𐴝 𐴀𐴡𐴥𐴘𐴁𐴝𐴌 𐴀𐴡𐴑𐴃𐴡𐴥 𐴀𐴡𐴥𐴘𐴧𐴠, 𐴀𐴝𐴣𐴀𐴌𐴝 𐴈𐴠𐴥𐴕𐴃𐴟 𐴁𐴝𐴐𐴝𐴥 𐴓𐴡𐴥𐴘 𐴀𐴝𐴣𐴀𐴌𐴝𐴌 𐴏𐴡𐴉𐴡𐴥𐴌𐴡𐴃𐴢 𐴎𐴝𐴦 𐴐𐴟𐴥𐴌𐴟 𐴒𐴡𐴙𐴅𐴧𐴞𐴥. 𐴀𐴞𐴥𐴃𐴝𐴌𐴝 𐴁𐴡𐴖𐴢 𐴉𐴟𐴀𐴝𐴙𐴕 𐴐𐴡𐴥𐴀 𐴁𐴠𐴒𐴧𐴟𐴥𐴕𐴠 𐴀𐴝𐴣𐴀𐴌𐴝𐴌𐴠 𐴐𐴡𐴥𐴀𐴌𐴡𐴌 𐴁𐴝𐴀𐴌𐴠 𐴉𐴡𐴙𐴅𐴧𐴡𐴕𐴃𐴡 𐴁𐴝𐴌𐴝𐴤𐴘𐴊𐴞𐴘𐴠. 𐴇𐴠𐴥𐴍𐴠 𐴀𐴝𐴣𐴀𐴌𐴝 𐴊𐴡𐴙𐴅𐴧𐴝𐴌 𐴇𐴝𐴣𐴏𐴝𐴃𐴢 𐴀𐴝𐴣𐴍𐴟𐴥 𐴉𐴠𐴥𐴓𐴝𐴘 𐴊𐴟𐴖𐴝 𐴒𐴡𐴙𐴅𐴧𐴞𐴥.6𐴁𐴝𐴦𐴊𐴠 𐴀𐴠𐴎𐴧𐴡𐴕𐴡𐴃𐴧𐴟 𐴀𐴠𐴎𐴧𐴡𐴕𐴠 𐴁𐴞𐴊𐴝𐴘 𐴓𐴡𐴘 𐴀𐴝𐴣𐴀𐴌𐴝 𐴎𐴝𐴀𐴣𐴏𐴡𐴃𐴢 𐴀𐴟𐴙𐴄𐴧𐴞𐴥𐴒𐴡𐴘, 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴕𐴞𐴎𐴡𐴌 𐴒𐴡𐴥𐴌𐴡𐴃𐴢 𐴖𐴝𐴦𐴉𐴠𐴏𐴢 𐴒𐴞𐴦𐴘𐴠𐴥𐴒𐴡𐴘.7𐴄𐴝𐴘𐴝𐴥𐴌𐴡𐴃𐴧𐴟 𐴎𐴝𐴀𐴣𐴏𐴢 𐴓𐴡𐴥𐴘 𐴏𐴡𐴉𐴡𐴥𐴌 𐴒𐴡𐴌𐴞𐴥 𐴂𐴝𐴃𐴡𐴓𐴡𐴔𐴞𐴏𐴢 𐴐𐴡𐴥𐴀𐴌𐴡𐴃𐴢 𐴉𐴡𐴀𐴣𐴙𐴐𐴧𐴞, 𐴀𐴝𐴦𐴌 𐴇𐴠𐴥𐴍𐴞𐴘𐴝𐴌 𐴀𐴞𐴔𐴝𐴕𐴊𐴝𐴥𐴌 𐴁𐴝𐴥𐴘𐴁𐴡𐴘𐴕𐴝𐴥𐴙𐴕 𐴊𐴡𐴌𐴠 𐴏𐴡𐴥𐴓𐴝𐴔 𐴎𐴝𐴕𐴝𐴘 𐴀𐴞𐴥𐴃𐴝𐴌𐴝𐴌 𐴉𐴟𐴥𐴖𐴝𐴣𐴃𐴞 𐴀𐴠𐴑 𐴊𐴞𐴕 𐴃𐴝𐴥𐴙𐴑𐴧𐴞.8𐴃𐴝𐴌𐴉𐴡𐴌 𐴊𐴞𐴕 𐴀𐴝𐴣𐴀𐴌𐴝 𐴌𐴡𐴖𐴝𐴕𐴝 𐴀𐴡𐴥𐴘 𐴑𐴝𐴘𐴏𐴝𐴥𐴌𐴞𐴘𐴝𐴃𐴢 𐴉𐴡𐴀𐴣𐴙𐴐𐴧𐴞, 𐴀𐴝𐴦𐴌 𐴑𐴟𐴥𐴐𐴈𐴡𐴥𐴁𐴡𐴌 𐴃𐴡𐴁𐴡𐴓𐴞𐴑-𐴒𐴡𐴌𐴡𐴤𐴘𐴝 𐴉𐴞𐴓𐴞𐴥𐴂𐴡𐴌 𐴒𐴡𐴥𐴌𐴡𐴃𐴢 𐴃𐴝𐴥𐴙𐴑𐴧𐴞. 𐴇𐴠𐴥 𐴉𐴞𐴓𐴞𐴥𐴂𐴢 𐴀𐴝𐴐𐴧𐴞𐴥𐴓𐴢 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴇𐴝𐴥𐴣𐴃𐴢 𐴎𐴡𐴕 𐴔𐴡𐴊𐴡𐴃𐴒𐴝𐴥𐴌 𐴁𐴝𐴏𐴞𐴥𐴓𐴡𐴙𐴓𐴢 𐴊𐴠 𐴀𐴞𐴥𐴃𐴝𐴌𐴝𐴌 𐴁𐴟𐴥𐴃𐴡𐴃𐴧𐴟 𐴀𐴠𐴑𐴎𐴡𐴕.9𐴘𐴡𐴥𐴒𐴧𐴗𐴝𐴃𐴧𐴟 𐴏𐴝𐴙𐴌𐴒𐴗𐴝𐴥 𐴀𐴝𐴁𐴞𐴘𐴝𐴥𐴃𐴝 𐴎𐴠𐴥𐴌𐴉𐴟𐴖𐴝 𐴀𐴝𐴐𐴧𐴞𐴥𐴓𐴢, 𐴎𐴠𐴃𐴝𐴌𐴝𐴤 𐴕𐴡𐴁𐴞 𐴀𐴞𐴥𐴏𐴝𐴉𐴠 𐴀𐴝𐴓𐴧𐴝𐴌 𐴑𐴝𐴓𐴝𐴔 𐴈𐴡𐴘𐴃𐴡𐴤.10𐴀𐴝𐴣𐴀𐴌𐴝 𐴇𐴠𐴥𐴍𐴠 𐴁𐴡𐴀𐴗𐴃𐴢 𐴊𐴞𐴕 𐴃𐴝𐴥𐴑𐴝𐴌 𐴁𐴝𐴦𐴊𐴠, 𐴘𐴡𐴇𐴟𐴥𐴊𐴞𐴘𐴝𐴃𐴧𐴟 𐴀𐴝𐴒𐴝𐴁𐴡𐴏𐴢 𐴕𐴝𐴔𐴡𐴌 𐴀𐴠𐴎𐴧𐴡𐴕 𐴕𐴡𐴁𐴞 𐴀𐴝𐴙𐴐𐴧𐴞𐴤𐴓𐴢.11𐴘𐴡𐴥𐴒𐴧𐴗𐴝 𐴀𐴝𐴣𐴀𐴌𐴝𐴌 𐴇𐴝𐴣𐴏𐴠 𐴀𐴝𐴀𐴘𐴢 𐴂𐴝𐴥𐴀𐴟𐴓𐴡𐴌 𐴊𐴟𐴖𐴝𐴓𐴞 𐴓𐴡𐴦𐴘𐴢 𐴕𐴞𐴎𐴡𐴌 𐴀𐴝𐴥𐴃𐴢 𐴄𐴠𐴥𐴚 𐴁𐴝𐴣𐴊𐴞𐴥𐴉𐴠𐴓𐴝𐴘 𐴈𐴡𐴀𐴌 𐴊𐴠, ”𐴂𐴝𐴑-𐴌𐴟𐴀𐴘𐴠 𐴉𐴡𐴥𐴌𐴔𐴝𐴌 𐴊𐴠, ’𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴠 𐴀𐴠 𐴊𐴟𐴖𐴝𐴓𐴞𐴌 𐴒𐴞𐴌𐴡𐴥𐴏𐴡𐴌𐴠 𐴀𐴠𐴕𐴊𐴞𐴓𐴧𐴝 𐴒𐴡𐴌𐴞 𐴁𐴝𐴣𐴊𐴞𐴥𐴁𐴡, 𐴀𐴝𐴦𐴌 𐴀𐴞𐴥𐴁𐴝𐴌𐴠 𐴁𐴠𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴡𐴌 𐴀𐴝𐴥𐴃𐴡𐴃𐴢 𐴒𐴡𐴏𐴝𐴥𐴘𐴊𐴞𐴁𐴡.‘ “12𐴇𐴞𐴥𐴘𐴝𐴕 𐴉𐴟𐴥𐴕𐴞 𐴀𐴝𐴣𐴀𐴌𐴝 𐴀𐴠𐴊𐴧𐴠 𐴇𐴠𐴥𐴍𐴞𐴘𐴝𐴌 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴂𐴝𐴥𐴀𐴟𐴓𐴡𐴌𐴠 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴕𐴡 𐴎𐴝𐴘𐴃𐴡 𐴉𐴡𐴥𐴌𐴞𐴘𐴝𐴃𐴢 𐴒𐴡𐴙𐴅𐴧𐴞𐴥.13𐴔𐴡𐴕𐴃𐴡𐴌 𐴂𐴝𐴥𐴀𐴟𐴓𐴠 𐴎𐴟𐴖𐴝𐴁𐴢 𐴊𐴞𐴘𐴠𐴥 𐴊𐴠, ”𐴃𐴟𐴣𐴀𐴝𐴥𐴌𐴝 𐴈𐴝𐴣𐴊𐴝𐴈𐴝𐴍𐴞 𐴒𐴡𐴌𐴞𐴥 𐴀𐴝𐴣𐴀𐴌 𐴊𐴞𐴓𐴢 𐴁𐴝𐴥𐴚𐴒𐴞𐴉𐴠𐴓𐴡𐴌 𐴑𐴞𐴘𐴝𐴥؟ 𐴀𐴝𐴀𐴛 𐴃𐴡 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴔𐴝𐴓𐴞𐴑 𐴀𐴞𐴏𐴝𐴤𐴌 𐴕𐴝𐴔𐴡𐴌 𐴖𐴝𐴏𐴃𐴠𐴥 𐴏𐴞𐴌𐴞𐴥𐴉𐴢 𐴁𐴝𐴣𐴊𐴝𐴤 𐴇𐴝𐴥𐴘 𐴁𐴡𐴓𐴧𐴝 𐴃𐴡𐴘𐴧𐴝𐴌 𐴀𐴝𐴏𐴞𐴤 𐴊𐴠 𐴕𐴡, 𐴁𐴡𐴥𐴓𐴑𐴠 𐴔𐴡𐴌𐴞 𐴁𐴡𐴓𐴧𐴝 𐴀𐴟𐴥𐴊𐴧𐴗𐴝 𐴃𐴡𐴘𐴧𐴝𐴌 𐴀𐴝𐴏𐴞𐴤.“14𐴀𐴞𐴥𐴁𐴝𐴌𐴠 𐴎𐴠𐴃𐴧𐴡𐴥𐴃𐴢 𐴀𐴝𐴣𐴀𐴌𐴝 𐴔𐴝𐴕𐴝𐴘 𐴕𐴡 𐴉𐴝𐴌𐴞𐴌, 𐴀𐴝𐴣𐴀𐴌𐴝 𐴘𐴝𐴀𐴕 𐴈𐴡𐴀𐴘𐴢 𐴕𐴞𐴎𐴝𐴥𐴔 𐴔𐴝𐴥𐴌𐴞 𐴃𐴝𐴥𐴙𐴑𐴧𐴞, ”𐴔𐴝𐴓𐴞𐴑𐴡𐴌 𐴔𐴡𐴕𐴐𐴝𐴥 𐴉𐴟𐴌𐴝 𐴀𐴡𐴥𐴑.“15𐴇𐴠𐴥 𐴊𐴞𐴕 𐴀𐴡𐴥𐴑𐴧𐴡𐴓𐴢 𐴁𐴝𐴦𐴊𐴠 𐴀𐴝𐴣𐴀𐴌𐴝 𐴃𐴡𐴘𐴧𐴝𐴌 𐴀𐴡𐴥𐴘 𐴖𐴡𐴌𐴠 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴎𐴝𐴘 𐴁𐴡𐴓𐴧𐴝 𐴌𐴡𐴖𐴝𐴕𐴝 𐴓𐴡𐴘𐴧𐴞𐴥.16𐴀𐴝𐴣𐴀𐴌𐴝𐴌 𐴉𐴟𐴥𐴖𐴝𐴣𐴃𐴞 𐴑𐴝𐴘𐴏𐴝𐴥𐴌𐴞𐴘𐴝𐴃𐴧𐴟 𐴇𐴡𐴦𐴎𐴧𐴡𐴕 𐴀𐴟𐴔𐴧𐴡𐴃𐴢 𐴀𐴡𐴥 𐴒𐴞𐴀𐴓𐴢; 𐴀𐴞𐴥𐴃𐴝𐴌𐴝 𐴀𐴝𐴣𐴀𐴌𐴝𐴌𐴠 𐴏𐴝𐴥𐴘𐴉𐴌𐴟𐴏𐴢 𐴋𐴞𐴘𐴝𐴌 𐴔𐴝𐴕𐴝𐴏𐴡𐴕 𐴕𐴝𐴔𐴡𐴌 𐴀𐴠𐴎𐴧𐴡𐴕 𐴔𐴝𐴕𐴟𐴥𐴙𐴐𐴡𐴌 𐴒𐴡𐴥𐴌𐴡𐴃𐴢 𐴓𐴡𐴘𐴒𐴞𐴘𐴠𐴥, 𐴎𐴠𐴍𐴠𐴥 𐴀𐴝𐴣𐴀𐴌𐴝 𐴃𐴝𐴥𐴑𐴞𐴁𐴝𐴌 𐴈𐴡𐴃𐴝𐴤 𐴀𐴝𐴐𐴧𐴞𐴥𐴓𐴢. 𐴇𐴠𐴥 𐴔𐴝𐴕𐴟𐴥𐴙𐴐𐴧𐴗𐴝 𐴀𐴝𐴐𐴧𐴞𐴥𐴓𐴢 𐴀𐴝𐴒𐴡𐴌 𐴀𐴟𐴔𐴧𐴡𐴃𐴢 𐴀𐴡𐴥𐴑𐴧𐴡𐴓𐴡𐴃𐴧𐴟 𐴀𐴠𐴎𐴧𐴡𐴕.𐴂𐴝𐴥𐴀𐴟𐴓𐴠 𐴘𐴝𐴑𐴟𐴁𐴢 𐴓𐴡𐴘 𐴔𐴞𐴓𐴃𐴡 𐴒𐴞𐴦𐴘𐴠𐴥
17𐴎𐴠𐴣𐴃𐴧𐴠𐴥 𐴀𐴝𐴣𐴀𐴌𐴝 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴉𐴡𐴀𐴣𐴙𐴐𐴧𐴞, 𐴀𐴞𐴔𐴝𐴕𐴊𐴝𐴥𐴌 𐴁𐴝𐴥𐴘𐴁𐴡𐴘𐴕𐴝𐴥𐴙𐴕 𐴊𐴠 𐴀𐴝𐴣𐴀𐴌𐴝𐴌𐴠 𐴑𐴟𐴥𐴐𐴞𐴌 𐴏𐴝𐴥𐴀𐴣𐴃𐴠 𐴀𐴠𐴏𐴃𐴠𐴑𐴁𐴝𐴓𐴢 𐴒𐴡𐴙𐴅𐴧𐴠𐴥.18𐴃𐴝𐴌𐴉𐴡𐴌 𐴊𐴞𐴕 𐴂𐴝𐴥𐴀𐴟𐴓𐴠 𐴀𐴝𐴣𐴀𐴌𐴝𐴌𐴠 𐴉𐴟𐴥𐴖𐴝𐴣𐴃𐴞 𐴓𐴡𐴦𐴘𐴢 𐴘𐴝𐴑𐴟𐴁𐴡𐴌𐴠 𐴏𐴝𐴘𐴃𐴡𐴥 𐴒𐴞𐴦𐴘𐴠𐴥. 𐴇𐴠𐴥𐴍𐴠 𐴎𐴡𐴔𐴝𐴥𐴃𐴡𐴌 𐴁𐴟𐴎𐴟𐴌𐴒𐴡𐴥 𐴁𐴠𐴒𐴧𐴟𐴥𐴕 𐴇𐴝𐴥𐴎𐴞𐴌 𐴀𐴝𐴐𐴧𐴞𐴥𐴓𐴢.19𐴂𐴝𐴥𐴀𐴟𐴓𐴠 𐴀𐴞𐴥𐴃𐴝𐴌𐴝𐴌𐴠 𐴏𐴡𐴥𐴓𐴝𐴔 𐴎𐴝𐴕𐴝𐴘 𐴁𐴝𐴦𐴊𐴠, 𐴀𐴞𐴥𐴁𐴝𐴌 𐴃𐴡𐴁𐴡𐴓𐴞𐴑𐴡𐴌 𐴈𐴝𐴔𐴡𐴌 𐴊𐴟𐴖𐴝𐴌𐴝 𐴀𐴝𐴓𐴧𐴝𐴘𐴠 𐴁𐴠𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴡𐴌 𐴊𐴡𐴌𐴔𐴞𐴘𐴝𐴕𐴡𐴃𐴢 𐴎𐴞𐴀𐴕-𐴎𐴞𐴀𐴕 𐴒𐴡𐴙𐴅𐴧𐴠𐴥 𐴇𐴞𐴥𐴀𐴕 𐴀𐴠𐴑𐴧𐴝𐴥𐴕-𐴀𐴠𐴑𐴧𐴝𐴥𐴕 𐴁𐴡𐴘𐴧𐴝𐴕 𐴒𐴡𐴌𐴝𐴥𐴃𐴢 𐴊𐴡𐴙𐴅𐴧𐴠.20𐴇𐴞𐴥𐴀𐴕 𐴉𐴟𐴥𐴕𐴞 𐴀𐴞𐴥𐴃𐴝𐴌𐴝 𐴀𐴝𐴓𐴧𐴝𐴌 𐴃𐴝𐴦𐴌𐴞𐴉𐴢 𐴒𐴡𐴙𐴅𐴧𐴠𐴥, 𐴀𐴝𐴦𐴌 𐴂𐴝𐴥𐴀𐴟𐴓𐴡𐴌𐴠 𐴈𐴡𐴘𐴧𐴠𐴥 𐴊𐴠, ”𐴁𐴝𐴥𐴘, 𐴃𐴟𐴀𐴛 𐴃𐴡 𐴊𐴠𐴑𐴡𐴥𐴌, 𐴇𐴡𐴃𐴡𐴥 𐴀𐴝𐴥𐴎𐴝𐴌 𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴠 𐴀𐴞𐴔𐴝𐴕 𐴀𐴝𐴙𐴕𐴧𐴠𐴤, 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴁𐴠𐴒𐴧𐴟𐴥𐴕𐴡𐴃𐴧𐴟 𐴐𐴡𐴥𐴌𐴞𐴘𐴡𐴃𐴡𐴓𐴧𐴝 𐴅𐴟𐴏𐴢 𐴀𐴝𐴏𐴠𐴤.21𐴀𐴞𐴥𐴃𐴝𐴌𐴝𐴌𐴠 𐴃𐴟𐴣𐴀𐴝𐴥𐴣𐴌 𐴁𐴝𐴦𐴁𐴟𐴃𐴠 𐴈𐴡𐴖𐴝𐴤 𐴒𐴞𐴥𐴘𐴠 𐴊𐴠 𐴑𐴞, 𐴃𐴟𐴀𐴛 𐴁𐴠𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴡𐴌 𐴁𐴟𐴥𐴃𐴡𐴌𐴠 𐴎𐴠 𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴢 𐴀𐴝𐴏𐴠𐴤 𐴀𐴞𐴥𐴃𐴝𐴌𐴝 𐴁𐴠𐴒𐴧𐴟𐴥𐴕𐴡𐴌𐴠 𐴔𐴟𐴀𐴏𐴝𐴌 𐴐𐴡𐴥𐴌𐴞𐴘𐴡𐴃𐴢 𐴁𐴝𐴊𐴢 𐴊𐴞 𐴏𐴡𐴓𐴞 𐴁𐴡𐴓𐴧𐴝 𐴃𐴝𐴦𐴓𐴞𐴔 𐴊𐴡. 𐴃𐴟𐴀𐴛 𐴁𐴡𐴥𐴓𐴠 𐴀𐴞𐴥𐴃𐴝𐴌𐴝𐴌𐴠 𐴈𐴡𐴘𐴧𐴡𐴥 𐴊𐴠, 𐴀𐴞𐴥𐴃𐴝𐴌𐴝𐴌 𐴉𐴟𐴀𐴝𐴙𐴕 𐴊𐴡𐴌𐴠 𐴀𐴝𐴥𐴎𐴡𐴔𐴞 𐴒𐴡𐴌𐴝𐴥 𐴕𐴡 𐴉𐴡𐴌𐴞𐴁𐴡𐴥, 𐴀𐴝𐴦𐴌 𐴀𐴝𐴣𐴀𐴌𐴝𐴌 𐴌𐴡𐴏𐴡𐴥𐴔 𐴀𐴡𐴥𐴑𐴧𐴡𐴓𐴢 𐴔𐴡𐴎𐴞𐴕 𐴏𐴡𐴓𐴝 𐴕𐴡 𐴉𐴡𐴌𐴞𐴁𐴡𐴥.22𐴃𐴡𐴥𐴀𐴘𐴓𐴠 𐴑𐴞𐴦 𐴒𐴡𐴌𐴝𐴥 𐴎𐴝𐴘𐴁𐴡؟ 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴊𐴠 𐴃𐴟𐴀𐴛 𐴀𐴠𐴍𐴠𐴥 𐴀𐴝𐴙𐴐𐴧𐴡𐴥 𐴊𐴠 𐴇𐴞𐴥𐴘𐴝𐴕 𐴈𐴝𐴥𐴔𐴝𐴈𐴝 𐴉𐴟𐴥𐴕𐴞𐴁𐴡.23𐴇𐴠𐴥𐴃𐴡𐴓𐴧𐴝 𐴀𐴝𐴣𐴀𐴌𐴝 𐴈𐴡𐴀𐴙𐴌 𐴊𐴠 𐴇𐴞𐴥𐴘𐴝𐴕 𐴒𐴡𐴌𐴡𐴤. 𐴀𐴝𐴣𐴀𐴌𐴝𐴃𐴧𐴟 𐴏𐴝𐴙𐴌 𐴎𐴡𐴕 𐴔𐴝𐴕𐴟𐴥𐴙𐴐𐴢 𐴀𐴝𐴏𐴠𐴤, 𐴎𐴠𐴃𐴝𐴌𐴝𐴤 𐴔𐴝𐴕𐴡𐴐𐴡𐴌 𐴃𐴡𐴓𐴠.24𐴀𐴞𐴥𐴃𐴝𐴌𐴝𐴌𐴠 𐴃𐴟𐴣𐴀𐴝𐴥𐴣𐴌 𐴉𐴟𐴥𐴖𐴝𐴣𐴃𐴞 𐴓𐴡𐴘𐴎𐴡, 𐴀𐴝𐴦𐴌 𐴕𐴞𐴎𐴡𐴌𐴠𐴥 𐴀𐴞𐴥𐴃𐴝𐴌𐴝𐴌 𐴉𐴟𐴥𐴖𐴝𐴣𐴃𐴞 𐴂𐴝𐴑-𐴏𐴝𐴥𐴉𐴢 𐴒𐴡𐴌𐴡𐴤𐴒𐴡𐴘. 𐴀𐴞𐴥𐴃𐴝𐴌𐴝 𐴕𐴞𐴎𐴡𐴌 𐴔𐴝𐴃𐴝𐴥 𐴀𐴠𐴣𐴌𐴝𐴘𐴉𐴠𐴥𐴓𐴝𐴘 𐴉𐴝𐴌𐴠 𐴉𐴝𐴥𐴕 𐴀𐴞𐴥𐴃𐴝𐴌𐴝𐴌𐴠 𐴇𐴡𐴥𐴏𐴧𐴝 𐴊𐴞𐴦𐴘𐴡. 𐴃𐴡𐴥𐴘 𐴔𐴝𐴕𐴟𐴥𐴙𐴐𐴢 𐴁𐴠𐴒𐴧𐴟𐴥𐴕𐴠 𐴎𐴝𐴕𐴞𐴁𐴡𐴥 𐴊𐴠, 𐴀𐴞𐴥𐴃𐴝𐴌𐴝𐴌 𐴇𐴝𐴣𐴏𐴠 𐴃𐴟𐴣𐴀𐴝𐴥𐴣𐴌 𐴁𐴝𐴦𐴁𐴟𐴃𐴠 𐴎𐴞𐴀𐴕 𐴈𐴡𐴖𐴝𐴤 𐴒𐴞𐴥𐴘𐴠 𐴇𐴞𐴥𐴀𐴕𐴡𐴌 𐴁𐴟𐴥𐴃𐴡𐴌𐴠 𐴇𐴡𐴕𐴡𐴤 𐴏𐴡𐴥𐴘𐴧𐴞 𐴕𐴝𐴥𐴘, 𐴁𐴡𐴥𐴓𐴑𐴠 𐴃𐴟𐴀𐴛 𐴕𐴞𐴎𐴠 𐴘𐴡𐴥 𐴐𐴡𐴥𐴌𐴞𐴘𐴡𐴃𐴢 𐴔𐴡𐴎𐴞𐴕 𐴎𐴞𐴕𐴊𐴞𐴒𐴞 𐴈𐴝𐴍𐴡.25𐴔𐴡𐴕𐴃𐴡𐴌 𐴎𐴠 𐴁𐴠𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴠 𐴀𐴞𐴔𐴝𐴕 𐴀𐴝𐴙𐴕𐴧𐴠𐴤, 𐴀𐴞𐴥𐴃𐴝𐴌𐴝𐴌 𐴇𐴝𐴣𐴏𐴠 𐴀𐴝𐴣𐴀𐴌𐴝 𐴉𐴝𐴥𐴘𐴏𐴠𐴓𐴝 𐴒𐴡𐴌𐴞𐴥 𐴀𐴠 𐴈𐴡𐴃𐴝𐴤 𐴈𐴡𐴀𐴘𐴢 𐴐𐴠𐴣𐴍𐴞𐴥 𐴓𐴠𐴙𐴑𐴧𐴞𐴥, 𐴑𐴞 𐴈𐴡𐴘𐴓𐴠𐴥, 𐴃𐴟𐴣𐴀𐴝𐴥𐴌𐴝 𐴔𐴟𐴃𐴧𐴞𐴌 𐴇𐴝𐴣𐴏𐴠 𐴑𐴟𐴌𐴁𐴝𐴕𐴞 𐴊𐴞𐴘𐴝 𐴈𐴝𐴥𐴕𐴝 𐴀𐴡𐴥𐴑𐴧𐴡𐴓𐴢 𐴕𐴝 𐴈𐴝𐴥𐴘𐴧𐴡, 𐴓𐴡𐴖𐴢 𐴕𐴝 𐴈𐴝𐴥𐴘𐴧𐴡, 𐴒𐴡𐴓𐴝 𐴏𐴞𐴁𐴞 𐴔𐴝𐴌𐴞𐴉𐴠𐴥𐴓𐴝𐴘𐴧𐴝 𐴅𐴝𐴕𐴟𐴖𐴝𐴌𐴡𐴌 𐴒𐴟𐴏𐴧𐴡 𐴕𐴝 𐴈𐴝𐴥𐴘𐴧𐴡, 𐴀𐴠𐴊𐴧𐴠 𐴎𐴠𐴕𐴝𐴤 𐴕𐴡 𐴒𐴡𐴌𐴞𐴥𐴘𐴡.“26𐴃𐴝𐴌𐴉𐴡𐴌 𐴊𐴞𐴕 𐴂𐴝𐴥𐴀𐴟𐴓𐴠 𐴔𐴝𐴕𐴟𐴥𐴙𐴐𐴢 𐴀𐴞𐴥𐴃𐴝𐴌𐴝𐴌𐴠 𐴉𐴟𐴥𐴖𐴝𐴣𐴃𐴞 𐴓𐴡𐴘𐴒𐴞𐴘𐴠𐴥, 𐴀𐴝𐴦𐴌 𐴀𐴞𐴥𐴃𐴝𐴌𐴝𐴌 𐴉𐴟𐴥𐴖𐴝𐴣𐴃𐴞 𐴕𐴞𐴎𐴡𐴌𐴠𐴥 𐴂𐴝𐴑-𐴏𐴝𐴥𐴉𐴢 𐴒𐴡𐴙𐴅𐴧𐴠𐴥. 𐴁𐴝𐴦𐴊𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴢 𐴎𐴝𐴘 𐴎𐴝𐴕𐴝𐴘𐴊𐴞𐴘𐴠𐴥 𐴊𐴠, 𐴂𐴝𐴑-𐴏𐴝𐴥𐴉𐴢 𐴀𐴡𐴥𐴖𐴝𐴌 𐴊𐴞𐴕 𐴇𐴡𐴣𐴃𐴧𐴠𐴥 𐴐𐴠𐴥𐴐𐴢 𐴀𐴡𐴥𐴘𐴁𐴡 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴉𐴡𐴃𐴧𐴞𐴥 𐴀𐴠𐴑𐴎𐴡𐴕𐴡𐴓𐴧𐴝 𐴇𐴡𐴣𐴃𐴧𐴠𐴥 𐴑𐴟𐴌𐴁𐴝𐴕𐴞 𐴊𐴞𐴘𐴝 𐴎𐴝𐴘𐴁𐴡.𐴂𐴝𐴥𐴀𐴟𐴓𐴡𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴧𐴟 𐴊𐴡𐴥𐴌𐴞𐴉𐴠𐴓𐴝𐴘𐴧𐴠
27𐴇𐴝𐴥𐴣𐴃𐴢 𐴊𐴞𐴕 𐴉𐴟𐴌𐴝 𐴀𐴡𐴥𐴘𐴁𐴝𐴌 𐴑𐴠𐴏𐴧𐴟𐴥 𐴄𐴝𐴙𐴔 𐴀𐴝𐴒𐴠, 𐴀𐴠𐴐𐴞𐴥𐴘𐴝𐴌 𐴘𐴡𐴇𐴟𐴥𐴊𐴞 𐴀𐴡𐴥𐴑𐴧𐴡𐴓𐴠 𐴂𐴝𐴥𐴀𐴟𐴓𐴡𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴌 𐴁𐴟𐴥𐴃𐴡𐴌𐴠 𐴊𐴠𐴙𐴑𐴧𐴠𐴥 𐴌𐴝𐴥𐴌, 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴡𐴌𐴠 𐴀𐴟𐴏𐴑𐴝𐴘𐴊𐴞 𐴀𐴞𐴥𐴁𐴝𐴌𐴠 𐴊𐴡𐴥𐴌𐴞𐴉𐴠𐴓𐴝𐴘𐴧𐴠.28𐴀𐴞𐴥𐴃𐴝𐴌𐴝 𐴒𐴟𐴎𐴡𐴌𐴝𐴕 𐴔𐴝𐴌𐴞 𐴈𐴡𐴀𐴌 𐴊𐴠, ”𐴀𐴡𐴥 𐴁𐴡𐴕𐴞 𐴀𐴞𐴏𐴌𐴝𐴥𐴙𐴓𐴢 𐴀𐴡𐴥𐴑𐴧𐴡𐴓𐴢, 𐴀𐴝𐴣𐴀𐴌𐴝𐴌𐴠 𐴔𐴡𐴊𐴡𐴃𐴢 𐴒𐴡𐴌𐴡𐴤𐴒𐴝𐴘! 𐴀𐴠 𐴔𐴝𐴕𐴟𐴥𐴙𐴐𐴢 𐴀𐴞𐴁𐴝𐴤 𐴀𐴡𐴥𐴙𐴓𐴊𐴠 𐴀𐴟𐴁𐴝𐴤 𐴎𐴞𐴁𐴝𐴤𐴘𐴠 𐴀𐴝𐴒𐴝𐴒𐴟𐴌𐴝 𐴉𐴡𐴃𐴧𐴞𐴥𐴑𐴞𐴘𐴡𐴌𐴠 𐴀𐴝𐴣𐴀𐴌𐴝𐴌 𐴑𐴡𐴗𐴔 𐴀𐴡𐴌, 𐴀𐴝𐴣𐴀𐴌𐴝𐴌 𐴐𐴡𐴥𐴌𐴞𐴘𐴡𐴃𐴢 𐴀𐴡𐴌, 𐴀𐴠𐴊𐴧𐴠 𐴀𐴠 𐴎𐴝𐴒𐴝𐴌 𐴇𐴠𐴥𐴓𐴝𐴉𐴢 𐴃𐴝𐴦𐴓𐴞𐴔 𐴊𐴠. 𐴀𐴝𐴦𐴌 𐴇𐴞𐴥𐴀𐴕 𐴁𐴝𐴦𐴊𐴠 𐴘𐴡, 𐴀𐴞𐴁𐴝𐴤𐴘𐴠 𐴒𐴞𐴌𐴞𐴥𐴑 𐴀𐴡𐴥𐴑𐴧𐴡𐴓𐴡𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴢 𐴀𐴝𐴕𐴞𐴤 𐴀𐴠 𐴂𐴝𐴑 𐴎𐴝𐴒𐴝𐴌𐴠 𐴕𐴝𐴉𐴝𐴑 𐴒𐴡𐴌𐴞𐴥𐴉𐴠𐴓𐴝𐴘𐴧𐴠.“29𐴀𐴞𐴥𐴃𐴝𐴌𐴝 𐴇𐴠𐴥𐴕𐴊𐴞𐴓𐴧𐴝 𐴑𐴞𐴘𐴡𐴥𐴓𐴧𐴝 𐴈𐴡𐴘𐴧𐴠𐴥 𐴈𐴡𐴘𐴓𐴠𐴥, 𐴘𐴝𐴥𐴌 𐴀𐴝𐴒𐴠 𐴀𐴞𐴥𐴃𐴝𐴌𐴝 𐴀𐴞𐴥𐴉𐴞𐴐𐴞 𐴔𐴝𐴕𐴟𐴥𐴙𐴐𐴢 𐴃𐴡𐴌𐴡𐴉𐴞𐴥𐴔𐴡𐴏𐴡𐴌𐴠 𐴀𐴞𐴥𐴁𐴝𐴌 𐴉𐴟𐴥𐴖𐴝𐴣𐴃𐴞 𐴐𐴡𐴥𐴀𐴌𐴡𐴌 𐴁𐴟𐴥𐴃𐴡𐴌𐴠 𐴊𐴠𐴙𐴑𐴧𐴞𐴥𐴓𐴢, 𐴀𐴝𐴦𐴌 𐴄𐴝𐴥𐴀𐴙𐴅𐴧𐴞𐴓𐴢 𐴊𐴠, 𐴂𐴝𐴥𐴀𐴟𐴓𐴠 𐴘𐴡𐴥𐴒𐴧𐴗𐴝𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴢 𐴀𐴝𐴙𐴕𐴧𐴠𐴤.30𐴃𐴝𐴌𐴉𐴡𐴌𐴠 𐴒𐴟𐴣𐴍𐴝 𐴐𐴡𐴥𐴀𐴌𐴡𐴃𐴢 𐴇𐴝𐴥𐴚𐴒𐴝𐴔𐴝 𐴉𐴡𐴘𐴊𐴝 𐴀𐴡𐴥𐴘𐴒𐴞𐴘𐴡𐴘, 𐴀𐴝𐴦𐴌 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴉𐴟𐴥𐴖𐴝𐴣𐴃𐴞 𐴀𐴠𐴑𐴧𐴟𐴥 𐴊𐴟𐴣𐴌𐴠 𐴀𐴝𐴀𐴘𐴢 𐴂𐴝𐴥𐴀𐴟𐴓𐴡𐴌𐴠 𐴊𐴡𐴥𐴌𐴞𐴉𐴠𐴓𐴝𐴘𐴧𐴠, 𐴁𐴝𐴦𐴊𐴠 𐴀𐴞𐴥𐴁𐴝𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴧𐴟 𐴄𐴝𐴕𐴞 𐴁𐴝𐴀𐴌𐴠 𐴀𐴝𐴕𐴞𐴤, 𐴀𐴠𐴥𐴇𐴡𐴕 𐴒𐴠𐴙𐴄𐴢 𐴄𐴟𐴥𐴕 𐴁𐴡𐴕 𐴒𐴡𐴌𐴞𐴥𐴉𐴠𐴓𐴝𐴘𐴧𐴠.31𐴀𐴞𐴥𐴃𐴝𐴌𐴝 𐴀𐴞𐴥𐴁𐴝𐴌𐴠 𐴔𐴝𐴌𐴞𐴉𐴠𐴥𐴓𐴝𐴘𐴃𐴡 𐴑𐴟𐴐𐴞𐴥𐴐𐴢 𐴒𐴡𐴌𐴠𐴥𐴌 𐴊𐴠 𐴀𐴡𐴑𐴃𐴡𐴥𐴃𐴢, 𐴌𐴡𐴔𐴞 𐴄𐴠𐴀𐴌𐴝𐴚𐴡𐴌 𐴎𐴡𐴕𐴧𐴝𐴓𐴡𐴌 𐴇𐴝𐴣𐴏𐴠 𐴀𐴠𐴑𐴧𐴝𐴥𐴕 𐴈𐴡𐴥𐴁𐴡𐴌 𐴉𐴡𐴀𐴣𐴙𐴐𐴧𐴠 𐴊𐴠 𐴑𐴞, ”𐴉𐴟𐴌𐴝 𐴅𐴠𐴌𐴟𐴥𐴏𐴝𐴓𐴠𐴔𐴡𐴃𐴢 𐴀𐴟𐴥𐴌𐴟𐴏𐴧𐴟𐴓𐴢 𐴏𐴡𐴓𐴠𐴌.“32𐴇𐴞𐴥𐴘𐴝𐴕 𐴉𐴟𐴥𐴕𐴞 𐴔𐴡𐴃𐴧𐴡𐴌 𐴇𐴠𐴥 𐴎𐴡𐴕𐴧𐴝𐴓𐴠 𐴇𐴡𐴦𐴎𐴧𐴡𐴕 𐴉𐴡𐴥𐴗𐴏𐴢 𐴀𐴠𐴊𐴧𐴠 𐴐𐴝𐴥𐴀𐴂𐴢 𐴉𐴟𐴥𐴖𐴝𐴣𐴃𐴞 𐴓𐴡𐴦𐴘𐴢 𐴊𐴟𐴣𐴌𐴞 𐴔𐴝𐴕𐴟𐴥𐴙𐴐𐴡𐴌 𐴊𐴡𐴓𐴢 𐴓𐴗𐴝𐴥𐴃𐴢 𐴒𐴞𐴦𐴘𐴠𐴥. 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴎𐴡𐴕𐴧𐴝𐴓𐴢 𐴓𐴗𐴝𐴥𐴌𐴠 𐴀𐴠𐴊𐴧𐴠 𐴉𐴡𐴥𐴗𐴏𐴢 𐴀𐴡𐴥𐴑𐴧𐴡𐴓𐴡𐴌𐴠 𐴊𐴠𐴙𐴑𐴧𐴠𐴥 𐴌𐴝𐴥𐴌, 𐴂𐴝𐴥𐴀𐴟𐴓𐴡𐴌𐴠 𐴔𐴝𐴌𐴝-𐴊𐴡𐴥𐴌𐴝 𐴁𐴡𐴕 𐴒𐴡𐴙𐴅𐴧𐴠𐴥.33𐴃𐴡𐴥𐴘 𐴎𐴡𐴕𐴧𐴝𐴓𐴢 𐴓𐴗𐴝𐴥 𐴋𐴝𐴥𐴑𐴠 𐴀𐴝𐴀𐴘𐴢 𐴂𐴝𐴥𐴀𐴟𐴓𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴌𐴞𐴥𐴉𐴠𐴓𐴝𐴘𐴧𐴠, 𐴀𐴝𐴦𐴌 𐴀𐴞𐴥𐴁𐴝𐴌𐴠 𐴊𐴟𐴘𐴧𐴝𐴥𐴕 𐴏𐴞𐴥𐴘𐴡𐴓𐴢 𐴓𐴡𐴥𐴘 𐴁𐴝𐴣𐴊𐴝𐴤 𐴎𐴝𐴘 𐴁𐴡𐴓𐴧𐴝 𐴇𐴡𐴥𐴑𐴟𐴔 𐴊𐴞𐴥𐴘𐴠. 𐴃𐴝𐴌𐴉𐴡𐴌𐴠 𐴘𐴡𐴥𐴒𐴧𐴗𐴝𐴘𐴠 𐴉𐴟𐴏𐴝𐴥𐴌 𐴒𐴡𐴌𐴠𐴥𐴌 𐴊𐴠, ”𐴔𐴝𐴕𐴟𐴥𐴙𐴐𐴢 𐴀𐴞𐴁𐴝𐴤 𐴇𐴡𐴕؟ 𐴀𐴞𐴁𐴝𐴤𐴘𐴠 𐴑𐴞𐴦 𐴒𐴡𐴙𐴅𐴧𐴠𐴥 𐴊𐴠𐴥؟“34𐴔𐴡𐴕𐴃𐴡𐴌 𐴔𐴝𐴕𐴟𐴥𐴙𐴐𐴡𐴌 𐴋𐴝𐴀𐴘𐴢 𐴖𐴝𐴌 𐴁𐴟𐴥𐴃𐴡𐴃𐴧𐴟 𐴇𐴡𐴊𐴟𐴥𐴕𐴠 𐴘𐴝𐴀𐴕 𐴈𐴡𐴀𐴘𐴢 𐴒𐴟𐴎𐴡𐴌𐴠𐴌 𐴀𐴝𐴦𐴌 𐴇𐴡𐴊𐴟𐴥𐴕𐴠 𐴖𐴝𐴀𐴕 𐴈𐴡𐴀𐴘𐴢 𐴒𐴟𐴎𐴡𐴌𐴠𐴌. 𐴎𐴡𐴕𐴧𐴝𐴓𐴢 𐴓𐴗𐴝𐴥𐴘𐴠 𐴎𐴠𐴃𐴧𐴡𐴥𐴃𐴢 𐴀𐴟𐴥𐴌𐴟𐴏𐴧𐴟𐴓𐴡𐴌 𐴎𐴡𐴌𐴞𐴘𐴝 𐴇𐴝𐴥𐴑𐴞𐴒𐴡𐴃𐴢 𐴎𐴝𐴕𐴞 𐴕𐴡 𐴉𐴝𐴌𐴠𐴌, 𐴂𐴝𐴥𐴀𐴟𐴓𐴡𐴌𐴠 𐴒𐴝𐴥𐴣𐴄𐴞𐴃𐴢 𐴓𐴡𐴘𐴎𐴝 𐴎𐴝𐴘 𐴁𐴡𐴓𐴧𐴝 𐴇𐴡𐴥𐴑𐴟𐴔 𐴊𐴞𐴥𐴘𐴠.35𐴂𐴝𐴥𐴀𐴟𐴓𐴢 𐴐𐴞𐴥𐴌𐴞𐴌 𐴃𐴡𐴥𐴑 𐴉𐴡𐴙𐴅𐴧𐴡𐴕𐴃𐴡 𐴉𐴡𐴀𐴣𐴙𐴐𐴧𐴠 𐴌𐴝𐴥𐴌, 𐴉𐴡𐴥𐴗𐴏𐴢 𐴀𐴡𐴥𐴑𐴧𐴡𐴓𐴡𐴃𐴧𐴟 𐴀𐴞𐴥𐴁𐴝𐴌𐴠 𐴁𐴡𐴀𐴘𐴢 𐴓𐴡𐴘𐴎𐴝 𐴉𐴡𐴙𐴅𐴧𐴠𐴥, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴔𐴝𐴕𐴟𐴥𐴙𐴐𐴡𐴌 𐴊𐴡𐴓𐴢 𐴓𐴗𐴝𐴥 𐴇𐴡𐴥𐴃𐴝𐴌𐴝 𐴀𐴝𐴐𐴧𐴞𐴥𐴓𐴢.36𐴔𐴝𐴕𐴟𐴥𐴙𐴐𐴢 𐴀𐴞𐴥𐴃𐴝𐴌𐴝 𐴀𐴞𐴥𐴁𐴝𐴌 𐴉𐴞𐴏𐴠𐴤-𐴉𐴞𐴏𐴠𐴤 𐴎𐴝𐴦𐴃𐴢 𐴀𐴝𐴐𐴧𐴞𐴥𐴓𐴢, 𐴀𐴝𐴦𐴌 𐴒𐴟𐴎𐴡𐴌𐴞-𐴒𐴟𐴎𐴡𐴌𐴞 𐴈𐴡𐴖𐴝𐴤𐴃𐴢 𐴀𐴝𐴐𐴧𐴞𐴥𐴓𐴢 𐴊𐴠, ”𐴀𐴞𐴁𐴝𐴤𐴌𐴠 𐴔𐴝𐴌𐴞𐴉𐴠𐴥𐴓𐴡.“𐴂𐴝𐴥𐴀𐴟𐴓𐴠 𐴕𐴞𐴎𐴡𐴌 𐴏𐴡𐴥𐴉𐴝𐴘 𐴊𐴞𐴥𐴘𐴠
37𐴂𐴝𐴥𐴀𐴟𐴓𐴡𐴌𐴠 𐴒𐴝𐴥𐴣𐴄𐴞𐴃𐴢 𐴒𐴡𐴥𐴓𐴝𐴘𐴁𐴝𐴌 𐴀𐴡𐴑𐴃𐴡𐴥𐴃𐴢, 𐴀𐴞𐴥𐴁𐴝𐴘𐴠 𐴎𐴡𐴕𐴧𐴝𐴓𐴢 𐴓𐴗𐴝𐴥𐴃𐴧𐴟 𐴉𐴟𐴏𐴝𐴥𐴌 𐴒𐴡𐴌𐴠𐴥𐴌 𐴊𐴠, ”𐴀𐴝𐴀𐴛 𐴃𐴟𐴣𐴀𐴝𐴥𐴣𐴌𐴠 𐴑𐴠𐴏𐴧𐴟𐴥 𐴈𐴡𐴀𐴘𐴢 𐴉𐴝𐴙𐴅𐴧𐴟𐴔 𐴕𐴠𐴥؟“𐴎𐴡𐴕𐴧𐴝𐴓𐴢 𐴓𐴗𐴝𐴥𐴘𐴠 𐴎𐴟𐴖𐴝𐴁𐴢 𐴊𐴠𐴌 𐴊𐴠, ”𐴃𐴟𐴘 𐴒𐴞𐴌𐴞𐴥𐴑 𐴎𐴟𐴁𐴝𐴕 𐴎𐴝𐴕𐴡𐴏𐴢 𐴕𐴞𐴑𐴞𐴥؟38𐴃𐴡𐴥𐴀𐴘𐴓𐴠 𐴑𐴞𐴥 𐴃𐴟𐴘 𐴀𐴞𐴅𐴞𐴤𐴂𐴞 𐴀𐴟𐴘𐴃𐴠 𐴕𐴡, 𐴎𐴠𐴦𐴕𐴞𐴑𐴞 𐴘𐴝𐴦𐴌 𐴇𐴡𐴦𐴊𐴧𐴞𐴕 𐴀𐴝𐴒𐴠 𐴁𐴝𐴒𐴞𐴘𐴝𐴘 𐴒𐴡𐴌𐴝𐴥𐴘 𐴏𐴝𐴙𐴌 𐴀𐴝𐴥𐴎𐴝𐴌 𐴑𐴟𐴥𐴕𐴞 𐴌𐴠 𐴔𐴡𐴘𐴊𐴝𐴕 𐴎𐴝𐴒𐴝𐴃𐴢 𐴓𐴡𐴘𐴒𐴞𐴥𐴓𐴒𐴡𐴘؟“39𐴔𐴡𐴕𐴃𐴡𐴌 𐴂𐴝𐴥𐴀𐴟𐴓𐴠 𐴎𐴟𐴖𐴝𐴁𐴢 𐴊𐴠𐴌 𐴊𐴠, ”𐴀𐴝𐴀𐴛 𐴀𐴠𐴥𐴎𐴧𐴡𐴕 𐴘𐴡𐴇𐴟𐴥𐴊𐴞, 𐴑𐴞𐴓𐴞𐴐𐴞𐴥𐴘𐴝 𐴀𐴠𐴓𐴝𐴑𐴝𐴌 𐴃𐴝𐴌𐴏𐴟𐴥𐴏𐴡𐴌 𐴔𐴝𐴕𐴟𐴥𐴙𐴐𐴢, 𐴀𐴝𐴀𐴛 𐴀𐴝𐴦𐴔𐴉𐴝𐴥𐴔 𐴐𐴡𐴥𐴀𐴌𐴡𐴌 𐴔𐴝𐴕𐴟𐴥𐴙𐴐𐴢 𐴕𐴡. 𐴔𐴠𐴀𐴌𐴁𐴝𐴕𐴞 𐴒𐴡𐴥𐴌𐴞 𐴀𐴝𐴣𐴀𐴌𐴠𐴥 𐴔𐴝𐴕𐴟𐴥𐴙𐴐𐴧𐴟𐴥𐴕𐴡𐴌𐴠 𐴈𐴡𐴃𐴝𐴤 𐴈𐴡𐴘𐴁𐴝𐴥𐴌 𐴀𐴠𐴎𐴞𐴕 𐴊𐴡.“40𐴎𐴡𐴕𐴧𐴝𐴓𐴢 𐴓𐴗𐴝𐴥𐴌 𐴀𐴠𐴎𐴞𐴕 𐴉𐴝𐴘𐴧𐴡𐴌𐴠, 𐴂𐴝𐴥𐴀𐴟𐴓𐴢 𐴐𐴞𐴥𐴌𐴞𐴌 𐴃𐴡𐴥𐴑𐴡𐴃𐴢 𐴃𐴞𐴥𐴘𐴝𐴘 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴡𐴌𐴠 𐴀𐴝𐴥𐴃𐴠 𐴀𐴞𐴐𐴝𐴥𐴌𐴝 𐴒𐴡𐴙𐴅𐴧𐴠𐴥. 𐴀𐴞𐴥𐴃𐴝𐴌𐴝 𐴁𐴠𐴒𐴧𐴟𐴥𐴕 𐴕𐴞𐴎𐴝𐴥𐴔 𐴀𐴡𐴥𐴘𐴧𐴠 𐴌𐴝𐴥𐴌, 𐴀𐴞𐴥𐴁𐴝𐴘𐴠 𐴇𐴞𐴁𐴌𐴟𐴤 𐴎𐴟𐴁𐴝𐴕𐴠 𐴈𐴡𐴀𐴌 𐴊𐴠,
The Word for the World International