Matthew4
1Vloh Yàc Je-su hũ Vơngãq Sơđah va tơma blàc choah pioh ãt kamlai ơniãi.2Hadơi nữn, tũq Pitrai song ãt bõc pàq plôh harơi sì pàq plôh mơlãp, nữn Pitrai lơ-pa.3Hadơi tũq trôh jẽq, kamlai trôh đơp sì Pitrai làiq: “Mơyah làiq ung la Anàq Yàc Pô Lơngĩq, iỡuq pơđar pioh ga dơgrữq voh patơu nĩ tơviãq jỡc bẽn vẽq.”4Nữn Yàc Je-su hẽ wỡq sì nhũ: “Hũ pơnuaĩq wãq làiq: ‘Anàq mơnuĩh hadiuq ôh iỡuq mĩn gơnang bẽn soh ôh, yơu nữn gơnang di dơgrữq pơnuaĩq đơp tơviãq mưng chơbuai Yàc Pô Lơngĩq.’”5Vloh nữn kamlai va Pitrai tơma palơi prõc sơđah, sì chẽq Pitrai pãq dlòc anĩh dloòng pavũc sàc talơvãt hũ,6vloh đơp sì Pitrai: “Mơyah làiq ung la Anàq Yàc Pô Lơngĩq, iỡuq plõc trỗt vẽq, kơyua hũ pơnuaĩq wãq, làiq: ‘Yàc ròq pơđar mơnuĩh gơnrơh Pitrai iãq chơ hã,’ sì: ‘Pơnõq nhũ ròq yỡc pa-tơgùq hã dơlãp plàq tơngãn, luơi ga tơkai hã ôh tèc gòq patơu.’”7Yàc Je-su hẽ wỡq sì nhũ: “Vơnah tơmo, hũ pơnuaĩq wãq làiq: ‘Hã juơi lòc Yàc, la Yàc Pô Lơngĩq hã hũ.’”8Sabãc tơra, Kamlai va Pitrai đìq pãq dlòc chỡq dloòng viãq sì pơto ga Pitrai iãq avih dơgrữq lơgar dơlãp dun kơyua sigỡuq sì avih kaya gơhluh lơgar nữn hũ.9Nhũ đơp sì Pitrai: “Kơu ròq vrơi ga ung avih dơgrữq kaya nĩ, mơyah làiq ung aguãl ta-ồq trỗt sì talơvãt kơu.”10Tũq nữn, Yàc Je-su đơp sì nhũ: “Ơ, kamlai Satan, tơviãq tlah anĩh nĩ vẽq! Kơyua hũ pơnuaĩq wãq làiq: ‘Hã iỡuq duh talơvãt Yàc, la Yàc Pô Lơngĩq hã hũ, sì hã mĩn duh talơvãt sa aràc Pitrai nữn soh.’”11Vloh kamlai tlàq luơi Pitrai nữn nao, sì iãq dih, dơgrữq mơnuĩh gơnrơh trôh sì duh vruãq Pitrai.12Tũq nữn, tũq Yàc Je-su hmỡq làiq Jãng kađòc mãq krỡq, nữn Pitrai pleh nao pãq lơgar Ga-li-le.13Tũq song tơviãq tlah mưng Na-sa-ret, Pitrai nao trôh dòq hadiuq pãq palơi Ka-be-na-um sa anĩh jẽq gah tơsìq, dơlãp rơnuãi lơgar Sa-bu-lôn sì Nep-ta-li.14Pioh tơviãq jỡc iỡuq viãq yơu pơnuaĩq song hũ đơp mưng mơnuĩh gơnuar hwơr E-sai, làiq:15“Tơnãh Sa-bu-lôn sì Tơnãh Nep-ta-li,pơweh mưng gah tơsìq, gah dih kròc Jô-đãnh,anĩh phũm Ga-li-le pơweh sì dơgrữq Vual vơla Lơniãu!16Vual vơla dòq dơlãp anĩh sồp kơnãm song iãq bôh kaya sơdah prong, sì đơpdơgrữq mơnuĩh dòq dơlãp lơgar sì vơngãq kaya mơtai,nữn kaya sơdah song pơsàc sơdah pãq dlòc pơnõq nhũ.”17Mưng tũq nữn, Yàc Je-su pơdòq kaya pơto sì akhàt làiq: “Iỡuq mơvai tlàq dlàiq, kơyua Lơgar dlòc lơngĩq song jẽq trôh.”18Tũq nĩ, ãn dòq lơvàq nao rah gah tơsìq Ga-li-le, Pitrai bôh dua aràc adơi sơai, Si-môn, angãn la Pier, sì An-dre, adơi ung nữn, ãn dãc sơnhuãl pãq tơsìq kơyua pơnõq nhũ la mơnuĩh ngãq akàt.19Nữn Yàc Je-su pơđar pơnõq nhũ làiq: “Iỡuq nao tui pôgrũ, pôgrũ ròq ngãq ga adơi sơai tơviãq jỡc mơnuĩh dãc sơnhuãl mơnuĩh.”20Nữn mư, pơnõq nhũ luơi sơnhuãl sì tui Pitrai.21Hadơi mưng nữn nao sa asit tơra, Pitrai bôh dua aràc adơi sơai tơmo, la Ja-kơ anàq Se-be-đe, sì adơi ung la Jãng. Pơnõq nhũ gãm dòq dơlãp ahòq, srồt sơnhuãl sigỡuq sì ama nhũ la Se-be-đe. Pitrai iơu dua aràc pơnõq nhũ,22sì tũq nữn mư, pơnõq nhũ luơi ahòq sigỡuq sì ama nhũ, vloh nao tui Pitrai.23Nữn Yàc Je-su nao anĩh nĩ anĩh dih dơlãp vãq lơgar Ga-li-le, pơto pơđar dơlãp dơgrữq sàc pơjũm pơtõm, pơto akhàt Pơnuaĩq Siàp mưng lơgar Yàc Pô lơngĩq, sigỡuq sì pasồq pakhơĩh dơgrữq kaya ruãq sơkìq sì dơgrữq kaya pơđìq pơđua dơlãp vual vơla.24Pơnuaĩq đơp mưng Pitrai tiẽng dơnai vãq avih lơgar Si-ri, sì aràc va trôh ga Pitrai avih dơgrữq mơnuĩh hũ ruãq, sì tãl dơgrữq kaya ruãq krơi gỡuq, kađòc kamlai ãp, dơgrữq mơnuĩh hanruơi, kađòc ruãq kao, sì Pitrai song pasồq pakhơĩh ga pơnõq nhũ.25Hũ dơgrữq tơpuôl vual vơla lũ nao tui Pitrai mưng lơgar Ga-li-le, lơgar Đe-ka-bu-lơ, palơi Je-ru-sa-lem, Ju-đe, sì mưng gah dih kròc Jô-đãnh.
FAR EAST BROADCASTING COMPANY