Colossians2
1Kơyua hlãq ưng pơnõq adơi sơai thơu hlãq hũ kaya mơsôh prõng yơu halơi ga pơnõq adơi sơai, sì ga dơgrữq mơnuĩh pãc-tui yàc pãq Lao-đi-xe, sigỡuq sì hadùp aràc mơnuĩh wỡq ôh-ka bôh mơta hlãq mưng vơnãh rơlo rùp,2pioh hatai pơnõq nhũ hũ paluơ padờp, tũq hũ salơnuãq sigỡuq dơlãp kaya khiãng duman sì pơweh trôh dơgrữq kaya mơda gơnãp mưng vruãq jãc thơu wil tãl gơnĩt viãq, va trôh kaya kơnãl thơu pơnuaĩq dơlãp dơđỡuq Yàc Pô Lơngĩq hũ, nữn la Yàc Dõc Pơ-tlah,3nữn dơlãp Pitrai la kaya dơđỡuq rơmiãq vuh avih dơgrữq adũq màc kaya jãc rgơi sì kaya pãc thơu.4Hlãq đơp pơnuaĩq nĩ pioh ôh asơi pơlih pa-gơla pơgàt pơnõq adơi sơai mưng pơnuaĩq đơp vlữq lor.5Kơyua bôh làiq iỡuq viãq la hlãq ôh bôh mơta dơlãp rơlo rùp, nữn hlãq dòq sì pơnõq adơi sơai dơlãp suàt vơngãq, uỗt sơh tũq iãq bôh kaya tui lơnãq dơlãp pơnõq adơi sơai, sigỡuq sì kaya prãn khãc voh-tui pơnõq adơi sơai hũ dơlãp Yàc Dõc Pơ-tlah.6Yơu nữn, mư tũq nữn pơnõq adơi sơai song tồq mãq Yàc Dõc Pơ-tlah Je-su ngãq Yàc drơi, yơu nữn iỡuq yàp nao dơlãp Pitrai,7ãt tơviãq akhà sì hũ vỡq padỡc dơlãp Pitrai, hũ ngãq ga gơjãp kađữc sigỡuq dơlãp voh-tui drưh yơu pơnõq adơi sơai song hũ pơto pơđar, sì dơlãh dơlai dơlãp kaya ỡn ngai.8Iỡuq gơrhia, huaĩq sa aràc halơi nữn ròq la mơnuĩh mãq pơnõq adơi sơai mưng pơnuaĩq jãc rgơi sì pơnuaĩq vlữq lor lơwah soh, tui adãt yão pơjẽh anàq mơnuĩh hũ, tui dơgrữq kaya ngãq gơnĩt dun kơyua hũ, nữn ôh tui Yàc Dõc Pơ-tlah.9Kơyua dơlãp Pitrai, avih dơgrữq kaya vãq sơrè vơngãq rùp Yàc Pô Lơngĩq hũ dòq dơlãp rùp phàp rơlo rùp,10sì pơnõq adơi sơai song hũ ngãq ga wil tãl dơlãp Pitrai, Pitao la akõq dơgrữq gơnuar prãn sì gơnuar chơnuãq hũ,11nữn dơlãp Pitao nữn, pơnõq adơi sơai kung hũ ãt sìq kalìq gãm sì adãt sìq kalìq ôh mưng tơngãn anàq mơnuĩh ngãq, nữn mưng vruãq la wàq tlàq vruãq ngãq rơlo rùp, nữn la mưng adãt ãt sìq kalìq Yàc Dõc Pơ-tlah hũ,12kơyua song hũ dor sigỡuq sì Pitrai dơlãp adãt ngãq bãp-tem, sì dơlãp Pitrai pơnõq adơi sơai song hũ hadiuq wỡq gơnang mưng voh tui dơlãp gơnuar chơnuãq Yàc Pô Lơngĩq hũ, Pitao song ngãq ga Pitrai hadiuq wỡq mưng anĩh mơtai.13Dòq vơnah pơnõq adơi sơai, ãn tũq mơtai lơhiãq dơlãp dơgrữq kaya sơnẽq sỗq sì dơlãp kaya wãc rơsi rơlo rùp ôh-ka sìq kalìq drơi hũ, nữn Pitrai song ngãq ga pơnõq adơi sơai hadiuq sigỡuq sì Pitrai, kơyua song wàq tơleh dơgrữq kaya sơnẽq sỗq ga pơnõq drơi,14song sapỡq tlàq sơrãq vơ-ar wãq mưng kaya ngãq dlàiq jơdrãq pơnõq drơi, nữn nhũ gãm la kaya jơdrãq sì pơnõq drơi, nữn Pitrai song suãq nhũ tlah tơviãq di khrãh nhũ, tũq pỡc đĩn nhũ tơma dơlãp kayơu pỡc,15suãq pa-trơh tơviãq dơgrữq gơnuar prãn sì gơnuar chơnuãq, Pitrai song ngãq ga nhũ tơviãq jỡc kaya tlao vlơi ga dun kơyua, tũq pha rlao nhũ pãq dlòc kayơu pỡc.16Yơu nữn, juơi luơi ga mơnuĩh halơi chahrơna pơnõq adơi sơai mưng kaya bõc sì mưng kaya mơnhũm, hẽla dơlãp dơgrữq kaya harơi adãt adia hũ, harơi ia vlàt vơhrơu, hẽla harơi Sa-bat,17nữn pơnõq nhũ mĩn la sẽq vơngãq dơgrữq kaya ròq trôh hũ, dòq rùp phàp pơweh pa Yàc Dõc Pơ-tlah.18Juơi luơi mơnuĩh halơi ngãq ga pơnõq adơi sơai lơhiãq thĩt kaya ban, tũq ngãq pa-gơla sơh duman mưng kaya vơviar rùp sì kaya duh talơvãt mơnuĩh gơnrơh, nhũ gơnang dơgrữq kaya halơi rùp phuỗt nhũ song iãq bôh, tơviãq jỡc yeh drơi savĩq lơhiãq soh kơyua mưng kaya sơnơng tui rơlo rùp drơi hũ,19sì ôh pơtlãp gơjãp akõq sì Akõq, nữn mưng dơlãp Pitrai, avih rùp phàp tơpa gãt dơgrữq pơtõq tơbuãq sì arãq grơjuàt hũ ròc vrơi sì tơbuãq siàp sigỡuq; rùp phàp nữn prõng tơgùq mưng kaya prãn pơtãl tơgùq trôh mưng Yàc Pô Lơngĩq.20Mơyah làiq pơnõq adơi sơai song mơtai sigỡuq sì Yàc Dõc Pơ-tlah, tơviãq tlah mưng dơgrữq kaya ngãq gơnĩt dun kơyua hũ, nữn kơyua hayơu dơlãp tũq ãn dòq hadiuq di khrãh dun kơyua, pơnõq adơi sơai vloh ngãq tui dơgrữq jơlàt lơnãq pơnõq nhũ hũ:21“Juơi apãt, juơi tơwơr, juơi rơwỡq!”22nữn la dơgrữq kaya ngãq gơnĩt nữn avih dơgrữq kaya kung va trôh kaya vrũq lơmuĩq tũq angui nhũ, tui yơu dơgrữq kaya dui-va sì pơto pơđar pơjẽh anàq mơnuĩh hũ?23Ôh thơu gơtha nữn la vruãq hagĩq, bôh làiq vuh vãq iãq yơu jãc rgơi dơlãp adãt adia drơi padỡc tơviãq, sigỡuq sì kaya pa-tìt rùp sì tlàq luơi rùp phàp, nữn ôh hũ avih dơgrữq kaya kuơ màc halơi jơdrãq wỡq sì kaya ham khiãng rơlo rùp hũ.
FAR EAST BROADCASTING COMPANY