1 Timothy6
1Avih dơgrữq mơnuĩh halơi ãn dòq gah ala yãu ngãq halỗt, iỡuq iãq pô drơi la đang mang avih hatai duh huaĩq, tồq ga angãn Yàc Pô Lơngĩq sì kaya pơto pơđar ôh kađòc đơp siẽq siẽl.2Vơnah tơmo, dơgrữq mơnuĩh halỗt hũ dơgrữq mơnuĩh pô la mơnuĩh pãc-tui yàc nữn juơi ngãq kơyua pơnõq nhũ la adơi mơnuĩh pãc-tui yàc nữn iãq ôh srãp, nữn iỡuq duh huaĩq brõq rlao wỡq, kơyua pơnõq nhũ mơnuĩh pãc-tui yàc sì la mơnuĩh hũ anĩt anar, nhũ kung hũ vơnah dơlãp kaya duh vruãq. Anàq iỡuq pơto pơđar sì pachôh pasũl ngãq dơgrữq kaya nữn.3Mơyah làiq mơnuĩh halơi pơto pơđar sa jơlàt duh talơvãt tơmo sì ôh tồq mãq dơgrữq pơnuaĩq siàp tơpãq dãng, nữn la pơnuaĩq Yàc pơnõq drơi hũ, la Yàc Dõc Pơ-tlah Je-su sigỡuq sì kaya pơto akhàt mưng kaya duh huaĩq,4sì mơnuĩh nữn la mơnuĩh pa-dlòc rùp, ôh thơu pãc hagĩq, nữn hũ hatai brữh iãh sì duah dơlãp vruãq pơnuaĩq đơp pakỡuq gơrlah sì pơrjai gỡuq mưng ơkhar gơtha, mưng nữn ngãq tơviãq kaya lơmùq mơvai, mơvlah gơchah, đơp sơvĩl, ưng ngãq kaya iãh mơsãc,5dơgrữq pơnuaĩq gơrlah sigỡuq, di khrãh dơgrữq mơnuĩh kađòc vrũq lơmuĩq dơlãp dlò sơnơng sì kađòc lơhiãq thĩt pơnuaĩq tơpãq, iãq kaya duh huaĩq la kaya pioh ngãq mơda ga drơi.6Nữn kaya duh huaĩq sigỡuq sì kaya siàp hatai la phuỗt akhà hajũc hlàq prõng.7Kơyua pơnõq drơi ôh va hagĩq tơma dơlãp dun kơyua, nữn pơnõq drơi kung ôh pơlih va hagĩq nao jỡc.8Vơnah tơmo, tũq hũ kaya bõc, ao chồq, nữn pơnõq drơi ròq siàp hatai sì dơgrữq kaya yơu nữn.9Dòq dơgrữq mơnuĩh ưng hũ mơda gơnãp nữn ròq tơma dơlãp kaya ơniãi sì dơlãp vơnrẽq, sì lũ kaya hãm sơh gơla pơtòq, savữc rỡc, nữn la avih dơgrữq kaya ưng pa-nhĩp anàq mơnuĩh tơma dơlãp kaya pa-lơhiãq sì kaya mơtai.10Kơyua phuỗt akhà tãl dơgrữq kaya mơsãc la kaya hãm jĩn priãq, nữn hũ tơkìq mơnuĩh, kơyua pagui tui nhũ, song kađòc pa-gơla tơviãq tlah mưng voh tui sì jỡc pãp ga drơi lũ kaya pơđìq pơđua.11Nữn anàq, la mơnuĩh Yàc Pô Lơngĩq hũ, iỡuq pleh ơtah dơgrữq kaya nữn, sì pagui tui kaya tơpãq dãng, kaya duh huaĩq, voh tui, kaya khiãng duman, hatai ãt-ỡl, hatai lơmuỡn siàp.12Iỡuq mơsôh dơlãp kaya mơsôh mơkrờ siàp voh tui hũ, iỡuq rơmiãq gơjãp kaya hadiuq gãm gãm, la kaya nữn anàq song iơu trôh sì song akhàt tơviãq pơnuaĩq ngãq chưng tơpãq siàp di anãq hũ lũ mơnuĩh iãq bôh.13Kơu vrơi gơnuar ga anàq di anãq Yàc Pô lơngĩq, Pitao ngãq ga dơgrữq kaya hũ hadiuq, sì di anãq Yàc Dõc Pơ-tlah Je-su, Pitao va tơviãq pơnuaĩq akhàt tơpãq siàp di anãq Bôn-xơ Phi-lat,14làiq anàq iỡuq rơmiãq jàc pơnuaĩq pơđar-va nĩ savĩq wil tãl, ôh hũ kaya gơrloh pơkhè, tãl trôh harơi Yàc pơnõq drơi hũ pabôh tơviãq, la Yàc Dõc Pơ-tlah Je-su,15la Pitao nữn Yàc Pô Lơngĩq Dloòng Dlòc đang mang sơ-uỗt mơyòp sì rlao avih, la Pitao dơgrữq pitao hũ sì Yàc dơgrữq Yàc hũ, ròq ràc tơviãq iỡuq dơlãp tũq lơwah,16mĩn sa aràc Pitrai ôh hũ kaya mơtai, dòq dơlãp kaya sơdah ôh tũq halơi trôh jẽq jỡc, la Pitao ka-ôh asơi iãq bôh, kung ôh hũ mơnuĩh halơi pơlih bôh jỡc, lakơu kaya sơuỗt mơyòp sì gơnuar chơnuãq gãm gãm pơweh sì Pitrai. A-men.17Iỡuq pơto pơđar vẽq mơnuĩh mơda gơnãp dơlãp rài nĩ juơi yeh drơi, kung juơi chơkhãq chàc dơlãp kaya mơnã ôh gơjãp gơnĩt, nữn iỡuq chơkhãq chàc dơlãp Yàc Pô Lơngĩq, Pitao vrơi ga pơnõq drơi dơgrữq kaya savĩq vãq sơrè pioh uỗt sơh,18sì iỡuq pơto akhàt pơnõq nhũ ngãq kaya siàp, lơveh lơvai dơlãp vruãq ngãq siàp, hũ hatai lơnang lơnai, rơchãc lơĩh vrơi pa-mơpha,19akhiẽm pioh ga rùp phuỗt drơi sa gơnãq siàp mơkrờ ga dơgrữq kaya ròq trôh, pioh pơnõq nhũ pơlih rơmiãq gơjãp kaya hadiuq viãq.20Ơ Ti-mô-the, anàq iỡuq iãq jàc kaya hũ pơjao vrơi ga anàq, pleh vẽq dơgrữq vruãq pơnẽq vơyai iãh gah dun kơyua, sì dơgrữq kaya mơvlah gơrlah hũ angãn la kaya jãc thơu,21nữn hũ tơkìq mơnuĩh ngãq tơviãq yơu nữn song nao sỗq suẽl voh tui.
Lakơu kaya anĩt dòq sigỡuq sì dơgrữq pơnõq adơi sơai.
Lakơu kaya anĩt dòq sigỡuq sì dơgrữq pơnõq adơi sơai.
FAR EAST BROADCASTING COMPANY