1 Timothy5
1Juơi đơp tơrãq pơnuaĩq sì dơgrữq mơnuĩh tơhã prõng thũt, nữn iỡuq pơto pơđar mơnuĩh nữn yơu ama, dòq dãm dơra nữn yơu adơi sơai,2dơgrữq tơpuôl mòq prõng thũt nữn yơu ami, dơgrữq adơi sơai kamơi dơra nữn yơu sơai kamơi, dơlãp kaya sơđah sơchih wil tãl.3Iỡuq ki ngãm dơgrữq mơnuĩh kamơi vlơu — dơgrữq mơnuĩh kamơi vlơu tơpãq viãq.4Nữn mơyah làiq kamơi vlơu halơi hũ anàq hẽla tơcho, nữn hlơu avih anàq tơcho pơnõq nhũ iỡuq mơgrũ pioh ràc tơviãq hatai duh huaĩq dơlãp sàc anĩh drơi, sì ràc tơviãq hatai ngãq dõc ga ami ama, nữn la kơyua kaya nĩ siàp hatai di anãq Yàc Pô Lơngĩq.5Bôh làiq, mơnuĩh kamơi vlơu tơpãq viãq, nữn mĩn hũ rùp phuỗt sa aràc drơi, nữn chơkhãq chàc dơlãp Yàc Pô Lơngĩq, sì miẽt gơjãp kađữc dơlãp kaya rãn lakơu sì iơu lakơu mơlãp harơi.6Dòq mơnuĩh halơi hadiuq duah iãq kaya sơh sơr ling lang nữn song mơtai, bôh làiq ãn dòq hadiuq.7Kung iỡuq akhàt payơr dơgrữq pơnuaĩq gơnuar pơđar nĩ, pioh pơnõq nhũ pơlih ôh hũ anĩh gơrloh pơkhè.8Nữn mơyah làiq asơi nữn ôh rơchãc vrơi ga gỡuq gãt drơi, nữn halơu avih la mơnuĩh sàc anĩh drơi, nữn mơnuĩh nữn song kơmlah tlàq voh tui sì la uãn rlao mơnuĩh ôh tui.9Sa aràc mơnuĩh kamơi vlơu iỡuq wãq angãn dơlãp srãq sì mơnuĩh kamơi vlơu nữn hũ tãl nãm plôh thũt va tơgùq, la sơdiuq hũ mĩn sa aràc vơsàc,10hũ tiẽng dơnai mưng dơgrữq vruãq ngãq siàp: mòq ròc chiẽp pơto pơđar anàq tơcho nhũ lơĩq, mòq tồq ròq thuãi chrih lơĩq, mòq rao tơkai ga dơgrữq mơnuĩh gơnuar sơđah lơĩq, mòq dõc iãq mơnuĩh pãp kaya rũc rài lơĩq, mòq avih hatai lơĩq sì dơgrữq vruãq ngãq siàp.11Nữn iỡuq kơmlah luơi dơgrữq mơnuĩh kamơi vlơu dòq tìt thũt, kơyua dơlãp tũq ham ưng rơlo rùp nữn jơdrãq sì Yàc Dõc Pơ-tlah, nữn pơnõq nhũ ròq khiãng lakơi wỡq,12tồq mãq kaya chahrơna kơyua pơnõq nhũ ròq prah luơi kaya hẽ pa-guỡt tũq chơmrờp nhũ hũ.13Kung yơu nữn, pơnõq nhũ kung ròq lơđãp ngãq ơlah atàq, miẽt pơhua tơkai duah nao rah sàc nĩ sàc dĩh, nữn ôh mĩn ơlah atàq ôh, nữn kung dòq lơđãp đơp vlìq sì sơh sròq chơbuai tơma vruãq mơnuĩh tơmo, đơp dơgrữq pơnuaĩq pơnõq nhũ ôh iỡuq đơp.14Kơyua yơu nữn, kơu ưng dơgrữq kamơi vlơu dòq tìt thũt iỡuq khiãng lakơi, đeh anàq, iãq chơ sàc anĩh drơi, pioh ôh ngãq tũq lơwah ga mơnuĩh sòq jơdrãq hũ pơnuaĩq đơp iãh.15Kơyua hũ tơkìq mơnuĩh song pa-chơlah nao tui Sa-tan vloh.16Mơyah làiq mơnuĩh kamơi hlơi hũ dòq voh-vlơu dơlãp sàc drơi, nữn iỡuq dõc iãq pơnõq nhũ, sì jươi pioh Sàc Pơjũm Sơđah kađòc ơnong tơrãq, pioh Sàc Pơjũp Sơđah pơlih dõc iãq dơgrữq mơnuĩh kamơi vlơu viãq.17Dơgrữq pô tơhã halơi khưh apãt akõq iỡuq hũ iãq mững nữn la đang mang ki ngãm lũ vơnah, hlơu avih la dơgrữq mơnuĩh ãt dleh dlàr pơto Pơnuaĩq Yàc sì kaya pơto pơđar.18Kơyua Sơrãq Sơđah pơto: “Hã juơi kavỡq mơvah anàq lơmo ãn tũq nhũ juãq vơdai,” sì “Mơnuĩh ngãq ơpah đang mang hũ jĩn harơi drơi ngãq.”19Juơi tồq mãq pơnuaĩq yãq sòq jơdrãq sì sa aràc mơnuĩh pô tơhã, mơyah làiq ôh hũ dua aràc hẽla tlơu aràc mơnuĩh ngãq chưng.20Iỡuq gơloh pơkhè mơnuĩh sỗq dlàiq di anãq dơgrữq mơnuĩh pioh dơgrữq mơnuĩh dòq wỡq pơlih kung thơu huaĩq.21Kơu pơdòq pơnuaĩq ngãq chưng pơto pơđar anàq di anãq Yàc Pô lơngĩq sì Yàc Dõc Pơ-tlah Je-su, sigỡuq sì dơgrữq mơnuĩh gơnrơh hũ duỡt ruãh, làiq anàq iỡuq rơmiãq jàc dơgrữq pơnuaĩq gơnuar pơđar nĩ nữn ôh pa sơdua pơnuaĩq halơi, nữn juơi ngãq hagĩq mưng hatai dòq gah vơnah halơi.22Juơi sơkuãq chẽq tơngãn pãq dlòc aràc asơi, kung juơi sròq tơma dlàiq dơnũh mơnuĩh tơmo hũ. Iỡuq rơmiãq jàc rùp drơi sơđah sơchih.23Anàq juơi mĩn mơnhũm ia, nữn iỡuq angui sa asĩt alãc sì kơyua mưng vũc hơjai anàq sì dơgrữq kaya ruãq sơkìq anàq ròq pãp dơgrữq harơi.24Hũ tơkìq mơnuĩh nữn dlàiq pa-thơu nĩq nũn, va nao trôh pãq anĩh chahrơna, nữn kung hũ dơgrữq dlàiq mĩn pabôh tơviãq hadơi sì tũq chahrơna.25Kung yơu nữn, kung hũ dơgrữq vruãq siàp nữn ngãq tơviãq nĩq nũn, dòq dơgrữq vruãq ngãq tơmo nữn ngãq tơviãq suà lìt, nữn trôh tũq hadơi kung ôh padỡuq dơđỡuq jỡc.
FAR EAST BROADCASTING COMPANY