JONAS1
1Re' i QaJaaw Dios je' wili i xuq'or reh i Jonás rak'uun i Amitai:2Yu'naak hiy pan nimlaj tinamit Nínive, cha q'or rib'iral keh chi naanusacham kiwach. Ruum re' hin xinq'uhtik chik reh i kiyiib' wach na'ojb'al inki a'n inki.3Xanaah re' i Jonás ma' xunimaj taj ixq'orarik reh ruum i QaJaaw Dios, xumol la' chi elik xooj kochichii' i palaw wilik ar Jope, re' i kik'ulik sutinoq wii' i barko. Eh ar xureq jinaj i barko ojik i rub'an pan tinamit Tarsis, xutoj roojb'aal, xjohtik reje chupaam, reh chi xooj naq ar.4Eh re' i QaJaaw Dios xutaq'aaj chaloq jinaj i kowlaj teew chinaah i palaw, ruch'ihil i runimaal kaq suut teew jab', je' chi xanaa chik ruxereb'eem i barko noq xk'utinik.5Re' taqe i kib'esanik reh i barko ma' k'isiin ta xchalik kiyo'jiik, eh chi kiju'junaal xkipahqaaj chi naa kitoob'jiik ruum i ki dios. Eh xkikutib'eej pan palaw i ihq, re' naq inkaaj chi kow naa rojiik i barko. Eh re' Jonás ar chupaam i molarik wii' i ihq pan barko, choparik ruum jinaj i runimaal wirik.6Eh re' ink'amwik kib'eeh i kikamanik pan barko je' wili i xuq'or reh i Jonás: Raaj i hat qaman wiraal ¿Chihreet i wirik i na a'n? Wukteen cha q'oreej aaDios nee oon naq inche qoh ruko'leej chupaam i yohb'aal wilkooj wii'.7Eh re' taqe i kikamanik pan barko je' wili i xkiq'or chikiwach:
Yu'naak qaq'ijej taq riij reh chi neenqanab'eej awach i wilik ru mahk chi k'ahchi' qak'ulum i ti' k'axik wili, inki taqe.
Noq xkiq'ijej riij xkireq chiriij chi re' Jonás wilik ru mahk.8Eh je' wili i xkiq'or reh i Jonás: Chaq'or qeh ¿Chib'ih reet noq xchalik chi qanaah i runimaal ti' k'axik wili? ¿Chib'ih rijariik ab'eeh noq xat chalik ayu' aha' ti chalik aha' aatinamiit? ¿awach ak'un aweh? inki taqe reh.9Re' Jonás je' wili i xuq'or:
Re' hin, hin aj hebreo re' k'achlik Dios wilik cho pan taxaaj i nuloq'ej. Re' ixyej-anik reh i palaw wili, ruch'ihil i wach ak'al, inki.10Eh xuq'or keh i kikamanik pan barko chi elik i rub'an chuwach i Dios.
Re' taqe i winaq re' re' xchalik kiyo'jiik, eh xkipahqaaj reh chi je' wili:
¿Chib'ih reet noq xat elik chuwach aaDios? inki taqe.11Eh noq xkilow chi ma' k'isiin chik i wuktik i rub'an i rub'ohl i palaw, je' wili i xkiq'or reh i Jonás:
¿Chib'ih i naaqanam awuuk' reh chi neenqajik wach i rujosq'iil i palaw? inki taqe.12Re' Jonás je' wili i xuq'or:
Cinakut taq pan palaw, chi je' re' neerumay i rujosq'iil. Re' hin weht'al chi korik chi wuum i hin xchalik i runimaal kaq suut teew jab' taq cha naah, inki.13Eh re' taqe i kib'esanik reh i barko xkesaj wo' naq i kaansil chi rusuutjiik reje i barko chichii' i chiq yuuq', xa re' la' ma' xkian ta rub'aan ruum re' palaw qopik chik wach i rub'an i rujosq'iil, xanponik chik taxaaj i rub'ohl.14Noq xkilow chi je' re', je' wili i xkiq'or reh QaJaaw Dios pan kitiij: Chakuy maa qohayeew chi kimik xa ruum i ru mahk i winaq wili. Eh wila' ma' chih ru mahk chawach maakoj pan qanaah i rukimiik. Ruum re' hat QaJaaw Dios xa a'n quuk' aha' wilik inawaaj, inki taqe.15Eh xkichop chaloq Jonás xkikut qohoq ko paruchamiil i palaw, eh xanoq wo' xumay i wuktik i rub'ohl.16Re' taqe i kib'esanik reh i barko xi yo'jik ruum i re' chu'nchel kik'ux xkiloq'ej i QaJaaw Dios. Eh xkik'at kimayiij chuwach, xkiq'or reh chi ma' naa ta chik kikanaam runimjiik.17Eh re' i QaJaaw Dios ruyejaam cho wach jinaj i qamaam kar reh chi xb'iq'arik i Jonás, eh ixib' q'iij ixib' aq'ab' xub'an chupaam i kar. Re' rutiij xub'an i Jonás1Eh re' Jonás noq wilik cho chupaam i mama' kar xub'an rutiij chuwach i QaJaaw Dios.2Je' wili i xuq'or:
Noq ti' nuk'ux xnupahqaaj aweh chi naakiin atoob'eem xinatob'eej wo' hoq. Eh noq xakimik chik weh xat nuq'oreej, xinab'iraj wo' hoq.3Eh yu'naak xinakut ko paruchamiil i palaw xub'ur nunaah i rub'ohl re' i rukowiil rooq xub'ak'ej nuwach. Ruum i runimaal kaq suut teew jab' xataq'aaj chaloq i hat.4Ruuk' i re' xnunab'eej chi xinaq'eb' chiriij ak'ux, re' hin xnukapaaj chi ma' naa ta chik wilom wacha santo laj apaat.5Re' hin wilkiin chupaam i ruchamiil i palaw, eh xutz'ap nunaah, re' taqe ch'ahn wilkeeb' chupaam xkisuq'ej kiib' wach nunaah.6Xti yohb'aal wach chamiil yohb'aal wach ti' kiil xin wihik wii' xa pankimik chik wilkiin noq xwik'raaj. Eh re' hat WaJaaw nuDios xinawesaj chupaam.7QaJaaw Dios noq xwik'raaj chi xanaa chik nukimiik jumehq'iil xat nuq'oreej panutiij eh xinab'iraj wo' cho chupaam asantolaj paat.8Raaj taqe i kinimanik reh taqe i xa tiyoox inkikanaa' animjiik chi jumpech.9Eh re' hin naanuk'atam i numayiij chawach t'iosb'al reh aawotob'il, naa nub'anam chu'nchel i nuq'orom aweh, QaJaaw Dios xa re' wo' hat nee ti ko'linik weh, inki i Jonás.10Eh re' i QaJaaw Dios, xrisaj reje i mama' kar chichii' i chiq yuuq' chii' palaw, reh chi ar xponik ruxab'ej i Jonás. Re' taqe i aj Nínive xkiyot' i kik'ux chiriij i kimahk1Re' i QaJaaw Dios xuq'oreej wo' chik ruka'peech i Jonás, je' wilik i xuq'or reh:2Jonás yu'naak cha yejaa' awiib', naa awojiik chupaam i nimlaj tinamit Nínive neenaq'or rib'iral keh chib'ih i naa nuq'orom aweh, inki.3Eh re' Jonás xooj wo' pan tinamit Nínive je' rukab' i xq'orarik reh ruum i QaJaaw Dios. Re' i tinamit Nínive xiik' nah nimaal, je' naa ixib' q'iij imb'eehjiik paam chi oqis.4Eh noq xokik i koq i Jonás jinaj q'iij xb'ehik pan tinamit k'erlik chii' chi q'orariik chi je' wili: Je' yu' pankaa' winaq q'iij naarusachariik wach i tinamit Nínive ruum i Dios inki.5Noq xkib'iraj chi je' re' taqe i aj Nínive, chi nimaq chi kok' taq xkinimaj i Dios. Eh xkian kitiij chi ma' kianam ta kiwa' kihaa' xkikoj kiq'as wach so' chikiij.6Eh noq xponik rib'iral ruuk' i wilik chi reyil Nínive i xuq'or i Jonás jumehq'iil xresaj i ruholohik so' chiriij, q'as chik wach i ruso' xukoj ruum i ruti'kiil ruk'ux. Eh xelik chaloq chupaam i ruye'aab', xutzunaa' riib' nah chaaj.7Eh re' i reey ruch'ihil taqe i nimaq kiwach kikamanik ruuk' jinaj i k'uhb'aal xkesaj ruq'orkiil ar Nínive je' wili i xkiq'or: Ma' wach ta chik jino'q taq aweh i naa rub'anam ruwa' ruhaa', ni xata re' taqe i wakax, ni xata re' taqe i tentzun naa kianam kiwa' kihaa', inki.8Eh q'as taq chik wach aso' chakoj, rehtalil chi xayot' taq chik awánima chiriij taq amahk. Eh kow taq cha pahqaaj kuyb'al amahk ree Dios, cha kanaa' taq ayiib' wach na'ojb'al je' wo' chu'nchel i ti' k'axik i na a'n taq keh aawas ach'aaq'.9Chi je' re' nee oon naq inche rujal wach i rukapeb'aal i Dios, nee oon naq inche jot'looj wach i rujosq'iil, chi je' re' ma' nee ta naq qoh kimik, inki taqe.10Eh re' i QaJaaw Dios xrilow i xkian i tinamit Nínive, chi xkikanaa' i kiyiib' wach na'ojb'al. Eh xukapaaj wo' chik chi ma' naa ta rusacham kiwach, je' naq rukab' i xuq'or cho pampeet. Re' Jonás xchalik ruk'aah ruum i xub'an i Dios1Eh re' Jonás ma' xponik ta chuwach chi re' Dios ma' xukansaj taqe i aj Nínive, xchalik ruk'aah.2Eh xub'an rutiij chuwach i Dios, je' wili i xuq'or:
QaJaaw Dios ¿Mi ma' re' re' wili xnukapaaj noq kowilkiin cho panutinamiit? Noq xnumol chi elik xinooj naq Tarsis, re' hin wehta'al chi re' hat, hat jinaj Dios q'e' hat atoob', aj keteloom wachiis. Eh ma' jumehq'iil tanchalik aajosq'iil, ruum aj re' noq inaq'or chi naa asacham kiwach i tinamit, ma' na a'n ta wo' chik.3Ruum aj re' Jaaw, re' hin i nupahqaaj otob'il aweh chi chawesaj inuk'achariik, ruum ma' xta reet chinee kinkimik chuwach chi hin k'achalkiin, inki.4Eh re' QaJaaw Dios je' wilik i xuq'or reh i Jonás:
¿Mi ma' xta reet cha weh chi ma' k'isiin ta xchalik ak'aah? inki.5Re' Jonás xelik chaloq pan tinamit Nínive xooj reje chi korkiil ireelb'aal q'iij, ar xuye'jaa' jinaj i k'isa rumuuj, eh xutzunaa' riib' chi ri'sil, ar xtohq'ik ruy-eem chib'ih i naaruk'ulum i tinamit Nínive.6Eh re' i QaJaaw Dios xuyeew q'ab' chi xk'ihik jinaj i rax k'ahaam chinaah i Jonás reh chi xkahnik chi rumuuj taqe xaq, reh chi xsuuqb'ik ruk'ux. Re' Jonás ma' k'isiin ta xsuuqb'ik ruk'ux chiriij taqe xaq i juniwal chi k'ahaam re' re'.7Eh xa chi junwar xuyeew q'ab' i QaJaaw Dios chi xk'uxarik ruum i haah i raa' i raxk'ahaam re' re', eh xanoq wo' chiqik.8Noq xelik chaloq i q'iij re' i QaJaaw Dios jinaj i tz'a' laj teew xutaq'aaj chaloq parelb'aal q'iij, eh re' Jonás xk'atarik paam i naah ruum i rutz'a'iil i q'iij, eh xchalik ruq'uhtiik. Ruum i re' xupahqaaj rukimiik, je' wili i xuq'or:
Re' hin ma' xta reet chinee kinkimik chuwach chi hin k'achalkiin, inki.9Eh re' i QaJaaw Dios je' wili i xuq'or reh i Jonás:
¿Chib'ih reet noq ma' k'isiin ta xchalik ak'aah xa ruum chi xchiqik i rax k'ahaam re' re'? inki.
Hoo' re' hin ma' naa ta rik'iik i nuk'aah korehtaal i nukimiik, inki.10Eh je' wili i xq'orarik reh ruum i QaJaaw Dios:
Jonás chakoj rehtaal chi ma' re' tee hat xatikwik, xatk'isanik reh i rax k'ahaam re' re', eh xa ruuk' i jinaj aq'ab' xk'i'hik, xa parukab' aq'ab' wo' chik xchiqik, re' hat q'e' xaketelaaj wach.11Ra'j naa chik re' hin ma' neenuketelaaj wach i nimlaj tinamit Nínive, re' i wilkeeb' wii' i jinaj siento miil ruuk' juninaq miil chi tinamit re' i ma' inkikoj ta rehtaal i holohik, i ma' holohik taj, eh re' wo' i wilkeeb' wii' i ma' k'isa chikop, inki reh.
Yu'naak qaq'ijej taq riij reh chi neenqanab'eej awach i wilik ru mahk chi k'ahchi' qak'ulum i ti' k'axik wili, inki taqe.
Noq xkiq'ijej riij xkireq chiriij chi re' Jonás wilik ru mahk.8Eh je' wili i xkiq'or reh i Jonás: Chaq'or qeh ¿Chib'ih reet noq xchalik chi qanaah i runimaal ti' k'axik wili? ¿Chib'ih rijariik ab'eeh noq xat chalik ayu' aha' ti chalik aha' aatinamiit? ¿awach ak'un aweh? inki taqe reh.9Re' Jonás je' wili i xuq'or:
Re' hin, hin aj hebreo re' k'achlik Dios wilik cho pan taxaaj i nuloq'ej. Re' ixyej-anik reh i palaw wili, ruch'ihil i wach ak'al, inki.10Eh xuq'or keh i kikamanik pan barko chi elik i rub'an chuwach i Dios.
Re' taqe i winaq re' re' xchalik kiyo'jiik, eh xkipahqaaj reh chi je' wili:
¿Chib'ih reet noq xat elik chuwach aaDios? inki taqe.11Eh noq xkilow chi ma' k'isiin chik i wuktik i rub'an i rub'ohl i palaw, je' wili i xkiq'or reh i Jonás:
¿Chib'ih i naaqanam awuuk' reh chi neenqajik wach i rujosq'iil i palaw? inki taqe.12Re' Jonás je' wili i xuq'or:
Cinakut taq pan palaw, chi je' re' neerumay i rujosq'iil. Re' hin weht'al chi korik chi wuum i hin xchalik i runimaal kaq suut teew jab' taq cha naah, inki.13Eh re' taqe i kib'esanik reh i barko xkesaj wo' naq i kaansil chi rusuutjiik reje i barko chichii' i chiq yuuq', xa re' la' ma' xkian ta rub'aan ruum re' palaw qopik chik wach i rub'an i rujosq'iil, xanponik chik taxaaj i rub'ohl.14Noq xkilow chi je' re', je' wili i xkiq'or reh QaJaaw Dios pan kitiij: Chakuy maa qohayeew chi kimik xa ruum i ru mahk i winaq wili. Eh wila' ma' chih ru mahk chawach maakoj pan qanaah i rukimiik. Ruum re' hat QaJaaw Dios xa a'n quuk' aha' wilik inawaaj, inki taqe.15Eh xkichop chaloq Jonás xkikut qohoq ko paruchamiil i palaw, eh xanoq wo' xumay i wuktik i rub'ohl.16Re' taqe i kib'esanik reh i barko xi yo'jik ruum i re' chu'nchel kik'ux xkiloq'ej i QaJaaw Dios. Eh xkik'at kimayiij chuwach, xkiq'or reh chi ma' naa ta chik kikanaam runimjiik.17Eh re' i QaJaaw Dios ruyejaam cho wach jinaj i qamaam kar reh chi xb'iq'arik i Jonás, eh ixib' q'iij ixib' aq'ab' xub'an chupaam i kar. Re' rutiij xub'an i Jonás1Eh re' Jonás noq wilik cho chupaam i mama' kar xub'an rutiij chuwach i QaJaaw Dios.2Je' wili i xuq'or:
Noq ti' nuk'ux xnupahqaaj aweh chi naakiin atoob'eem xinatob'eej wo' hoq. Eh noq xakimik chik weh xat nuq'oreej, xinab'iraj wo' hoq.3Eh yu'naak xinakut ko paruchamiil i palaw xub'ur nunaah i rub'ohl re' i rukowiil rooq xub'ak'ej nuwach. Ruum i runimaal kaq suut teew jab' xataq'aaj chaloq i hat.4Ruuk' i re' xnunab'eej chi xinaq'eb' chiriij ak'ux, re' hin xnukapaaj chi ma' naa ta chik wilom wacha santo laj apaat.5Re' hin wilkiin chupaam i ruchamiil i palaw, eh xutz'ap nunaah, re' taqe ch'ahn wilkeeb' chupaam xkisuq'ej kiib' wach nunaah.6Xti yohb'aal wach chamiil yohb'aal wach ti' kiil xin wihik wii' xa pankimik chik wilkiin noq xwik'raaj. Eh re' hat WaJaaw nuDios xinawesaj chupaam.7QaJaaw Dios noq xwik'raaj chi xanaa chik nukimiik jumehq'iil xat nuq'oreej panutiij eh xinab'iraj wo' cho chupaam asantolaj paat.8Raaj taqe i kinimanik reh taqe i xa tiyoox inkikanaa' animjiik chi jumpech.9Eh re' hin naanuk'atam i numayiij chawach t'iosb'al reh aawotob'il, naa nub'anam chu'nchel i nuq'orom aweh, QaJaaw Dios xa re' wo' hat nee ti ko'linik weh, inki i Jonás.10Eh re' i QaJaaw Dios, xrisaj reje i mama' kar chichii' i chiq yuuq' chii' palaw, reh chi ar xponik ruxab'ej i Jonás. Re' taqe i aj Nínive xkiyot' i kik'ux chiriij i kimahk1Re' i QaJaaw Dios xuq'oreej wo' chik ruka'peech i Jonás, je' wilik i xuq'or reh:2Jonás yu'naak cha yejaa' awiib', naa awojiik chupaam i nimlaj tinamit Nínive neenaq'or rib'iral keh chib'ih i naa nuq'orom aweh, inki.3Eh re' Jonás xooj wo' pan tinamit Nínive je' rukab' i xq'orarik reh ruum i QaJaaw Dios. Re' i tinamit Nínive xiik' nah nimaal, je' naa ixib' q'iij imb'eehjiik paam chi oqis.4Eh noq xokik i koq i Jonás jinaj q'iij xb'ehik pan tinamit k'erlik chii' chi q'orariik chi je' wili: Je' yu' pankaa' winaq q'iij naarusachariik wach i tinamit Nínive ruum i Dios inki.5Noq xkib'iraj chi je' re' taqe i aj Nínive, chi nimaq chi kok' taq xkinimaj i Dios. Eh xkian kitiij chi ma' kianam ta kiwa' kihaa' xkikoj kiq'as wach so' chikiij.6Eh noq xponik rib'iral ruuk' i wilik chi reyil Nínive i xuq'or i Jonás jumehq'iil xresaj i ruholohik so' chiriij, q'as chik wach i ruso' xukoj ruum i ruti'kiil ruk'ux. Eh xelik chaloq chupaam i ruye'aab', xutzunaa' riib' nah chaaj.7Eh re' i reey ruch'ihil taqe i nimaq kiwach kikamanik ruuk' jinaj i k'uhb'aal xkesaj ruq'orkiil ar Nínive je' wili i xkiq'or: Ma' wach ta chik jino'q taq aweh i naa rub'anam ruwa' ruhaa', ni xata re' taqe i wakax, ni xata re' taqe i tentzun naa kianam kiwa' kihaa', inki.8Eh q'as taq chik wach aso' chakoj, rehtalil chi xayot' taq chik awánima chiriij taq amahk. Eh kow taq cha pahqaaj kuyb'al amahk ree Dios, cha kanaa' taq ayiib' wach na'ojb'al je' wo' chu'nchel i ti' k'axik i na a'n taq keh aawas ach'aaq'.9Chi je' re' nee oon naq inche rujal wach i rukapeb'aal i Dios, nee oon naq inche jot'looj wach i rujosq'iil, chi je' re' ma' nee ta naq qoh kimik, inki taqe.10Eh re' i QaJaaw Dios xrilow i xkian i tinamit Nínive, chi xkikanaa' i kiyiib' wach na'ojb'al. Eh xukapaaj wo' chik chi ma' naa ta rusacham kiwach, je' naq rukab' i xuq'or cho pampeet. Re' Jonás xchalik ruk'aah ruum i xub'an i Dios1Eh re' Jonás ma' xponik ta chuwach chi re' Dios ma' xukansaj taqe i aj Nínive, xchalik ruk'aah.2Eh xub'an rutiij chuwach i Dios, je' wili i xuq'or:
QaJaaw Dios ¿Mi ma' re' re' wili xnukapaaj noq kowilkiin cho panutinamiit? Noq xnumol chi elik xinooj naq Tarsis, re' hin wehta'al chi re' hat, hat jinaj Dios q'e' hat atoob', aj keteloom wachiis. Eh ma' jumehq'iil tanchalik aajosq'iil, ruum aj re' noq inaq'or chi naa asacham kiwach i tinamit, ma' na a'n ta wo' chik.3Ruum aj re' Jaaw, re' hin i nupahqaaj otob'il aweh chi chawesaj inuk'achariik, ruum ma' xta reet chinee kinkimik chuwach chi hin k'achalkiin, inki.4Eh re' QaJaaw Dios je' wilik i xuq'or reh i Jonás:
¿Mi ma' xta reet cha weh chi ma' k'isiin ta xchalik ak'aah? inki.5Re' Jonás xelik chaloq pan tinamit Nínive xooj reje chi korkiil ireelb'aal q'iij, ar xuye'jaa' jinaj i k'isa rumuuj, eh xutzunaa' riib' chi ri'sil, ar xtohq'ik ruy-eem chib'ih i naaruk'ulum i tinamit Nínive.6Eh re' i QaJaaw Dios xuyeew q'ab' chi xk'ihik jinaj i rax k'ahaam chinaah i Jonás reh chi xkahnik chi rumuuj taqe xaq, reh chi xsuuqb'ik ruk'ux. Re' Jonás ma' k'isiin ta xsuuqb'ik ruk'ux chiriij taqe xaq i juniwal chi k'ahaam re' re'.7Eh xa chi junwar xuyeew q'ab' i QaJaaw Dios chi xk'uxarik ruum i haah i raa' i raxk'ahaam re' re', eh xanoq wo' chiqik.8Noq xelik chaloq i q'iij re' i QaJaaw Dios jinaj i tz'a' laj teew xutaq'aaj chaloq parelb'aal q'iij, eh re' Jonás xk'atarik paam i naah ruum i rutz'a'iil i q'iij, eh xchalik ruq'uhtiik. Ruum i re' xupahqaaj rukimiik, je' wili i xuq'or:
Re' hin ma' xta reet chinee kinkimik chuwach chi hin k'achalkiin, inki.9Eh re' i QaJaaw Dios je' wili i xuq'or reh i Jonás:
¿Chib'ih reet noq ma' k'isiin ta xchalik ak'aah xa ruum chi xchiqik i rax k'ahaam re' re'? inki.
Hoo' re' hin ma' naa ta rik'iik i nuk'aah korehtaal i nukimiik, inki.10Eh je' wili i xq'orarik reh ruum i QaJaaw Dios:
Jonás chakoj rehtaal chi ma' re' tee hat xatikwik, xatk'isanik reh i rax k'ahaam re' re', eh xa ruuk' i jinaj aq'ab' xk'i'hik, xa parukab' aq'ab' wo' chik xchiqik, re' hat q'e' xaketelaaj wach.11Ra'j naa chik re' hin ma' neenuketelaaj wach i nimlaj tinamit Nínive, re' i wilkeeb' wii' i jinaj siento miil ruuk' juninaq miil chi tinamit re' i ma' inkikoj ta rehtaal i holohik, i ma' holohik taj, eh re' wo' i wilkeeb' wii' i ma' k'isa chikop, inki reh.
Bible Society in Guatemala