De Openboarunk von Johanes13
1Un ekj stunt oppem Saunt aum Mäa un sach een Tia von ut daut Mäa oppstieen, daut haud säwen Kjap un tieen Hieena, un opp siene Hieena tieen Kroonen, un opp siene Kjap dän Nomen von de Lastrunk. Dan 7:3-72Un daut Tia, daut ekj sach, wia soo aus een Leopard, un siene Feet wieren soo aus von een Boa, un sien Mul soo aus een Leiws-Mul. Un de Drachen jeef am siene Krauft un sienen Troon un groote Macht.3Un ekj sach eent von siene Kjap, soo aus bat aum Doot vewunt. Un siene Doodes-Wund wort jeheelt, un de gaunze Ieed wundad daut Tia hinjaraun.4Un see bäden dän Drachen aun, dee daut Tia de Macht jejäft haud, un see bäden daut Tia aun un säden: Wäa es daut Tia jlikj? Wäa kaun met am kjriejen?5Un am wort een Mul jejäft, daut groote Dinja un Lastrungen räd; un am wort Macht jejäft, twee-un-vieetich Moonat to wirkjen. Opb 11:26Un hee muak sien Mul op enne Lastrunk jäajen Gott, sienen Nomen to lastren un siene Woninj un dee, waut em Himmel wonen.7Un am wort daut jejäft, Kjrich to fieren met de Heilje un äant to äwakomen; un am wort de Macht jejäft äwa jieda Staum un Tung un Volkj. Dan 7:21; Opb 11:78Un aule, dee opp Ieeden wonen, woaren am aunbäden, wäms Nomes nich en daut Läwens-Buak von daut jeschlachte Laum jeschräwen sent von de Welt-Gruntlajunk aun.9Wan wäa een Ua haft, lot am hieren.10Wäa en de Jefangenschoft fieet, saul en Jefangenschoft gonen; wäa met daut Schwieet dootmoakt, mott met daut Schwieet dootjemoakt woaren. Hia es de Jedult un de Gloowen von de Heilje. 1Mo 9:6; Mat 26:52; Opb 14:1211Un ekj sach een aundret Tia von ut de Ieed oppkomen; un daut haud twee Hieena soo aus een Laum, un daut räd soo aus een Drachen.12Un daut eewd aul de Macht von daut ieeschte Tia ver am; un hee muak de Ieed un dee doarenn wonen daut ieeschte Tia aunbäden, wäms Doodes-Wund jeheelt worden wia.13Un daut deed groote Wundatieekjens, soo daut et uk Fia raufkomen leet von utem Himmel no de Ieed ver de Menschen. Mat 24:2414Un vefieet dee, waut opp Ieeden wonen derch de Wundatieekjens, woone am jejäft wieren to doonen ver daut Tia; un sajcht to dee, waut opp Ieeden wonen, daut dee sullen fa daut Tia een Bilt moaken, daut de Wund vom Schwieet haud un läwd.15Un am wort daut jejäft, daut Tia sien Bilt dän Odem to jäwen, om daut daut Tia sien Bilt räden sull uk moaken, daut aule, dee nich daut Tia sien Bilt aunbäden, sullen dootjemoakt woaren.16Un hee muak aule, de Kjliene un de Groote, de Rikje un de Oame, de Friee un de Kjnajchts, daut äant een Moltieekjen opp äare rajchte Haunt ooda aun äare Stierns jejäft wort; Opb 19:2017un daut kjeena kjeepen ooda vekjeepen kaun, buta hee daut Moltieekjen haft ooda dän Nomen von daut Tia ooda daut Numma von sien Nomen.18Hia es Weisheit. Wäa Vestentnis haft, lot am daut Numma von daut Tia äwatalen, wiels daut es daut Numma von een Mensch, un sien Numma es sas-hundat-sas-un-zastich. Opb 15:2
Lebenswasser