De Openboarunk von Johanes12
1Un doa erscheen een grootet Wundatieekjen em Himmel: Eene Fru, aunjetrocken met de Sonn, un de Mon unja äare Feet, un opp äarem Kopp eene Kroon von twalw Stierns.2Un see wia schwanga un schrieech en Jeburts-Weedoag un wia enne Kwol toom jebuaren.3Un doa erscheen een aundret Wundatieekjen em Himmel, un kjikj, een groota fiarooda Drachen, dee haud säwen Kjap un tieen Hieena un opp siene Kjap säwen Kroonen. Dan 7:7; Opb 13:1; 19:124Un sien Zoagel schlapt een Dreddel von de Stierns vom Himmel un schmeet dee no de Ieed; un de Drachen stunt ver dee Fru, dee bat aum jebuaren wia, om äa Kjint, wan daut jebuaren wia, opp to fräten. Dan 8:105Un see jebua een Maunskjint, daut aule Nazionen rejieren saul met eene Iesastang. Un äa Kjint wort wajchjenomen no Gott un sienem Troon. Ps 2:96Un de Fru fluach en de Wiltnis, wua see eene Städ haft, von Gott reedjemoakt, om daut see ar doa ernäaren dusent-twee-hundat-zastich Doag. Opb 11:37Un doa wia Kjrich em Himmel: Michael un siene Enjel kjriejden jäajen dän Drachen; un de Drachen kjriejd un siene Enjel,8un see jewonnen nich; un em Himmel wia äare Städ uk nich mea jefungen.9Un de groota Drachen wort rutjeschmäten, de oole Schlang, woona de Diewel un Soton jenant woat, woona de gaunze Welt vefieet; am wort oppe Ieed jeschmäten, un siene Enjel worden met am raufjeschmäten. 1Mo 3:1,4; Luk 10:18; Opb 20:2,3,810Un ekj hieed eene lude Stemm em Himmel sajen: Nu es de Radunk un de Macht un ons Gott sien Rikj jekomen un de Vollmacht von sien Christus; wiels onse Breeda äa Vekjläaja es raufjeschmäten, dee äant ver onsem Gott Dach un Nacht vekloagd. Opb 11:1511Un see haben am äwakomen derch daut Bloot von daut Laum un derch daut Wuat von äa Zeichnis, un see haben äa Läwen nich jeleeft bat aum Doot. Opb 7:14; 6:912Doawäajens freit junt, jie Himmels un jie, waut doabennen wonen! Wee to dee, waut de Ieed un daut Mäa bewonen! Wiels de Diewel es no junt raufjekomen un haft groote Wutt, wäajens hee weet, daut hee weinich Tiet haft.13Un aus de Drachen sach, daut hee oppe Ieed jeschmäten wia, vefoljd hee de Fru, dee daut Maunskjint jebuaren haud.14Un de Fru wort twee Flichten von däm grooten Odla jejäft, om daut see mucht enne Wiltnis flieejen, no äare Städ, wua see ernäat woat fa eene Tiet un Tieden un eene haulwe Tiet, wajch von de Schlang äa Aunjesecht.15Un de Schlang schmeet Wota ut äa Mul, soo aus een Stroom, de Fru hinjaraun, daut see doavon sull metjeräten woaren.16Un de Ieed holp de Fru, un de Ieed muak äa Mul op un schlukt dän Stroom, woonen de Drachen ut sien Mul schmeet.17Un de Drachen wia wuttich äwa de Fru un jinkj, om Kjrich to moaken met de äwaje von äa Nokomen,18dee Gott siene Jebooten hoolen un daut Zeichnis von Jesus Christus haben.
Lebenswasser