Evangelium Markus9
1Un Hee säd to äant: Ekj saj junt woarhauftich: Doa sent atelje, dee hia stonen, waut dän Doot nich schmakjen woaren, bat see Gott sien Rikj jeseenen haben met Macht komen.2Un no sas Doag nemt Jesus met sikj Petrus, Jakobus un Johanes, un brinjt äant auleen opp eenen huagen Boajch oppoat, un Hee wort ver äant vewaundelt.3Un siene Kjleeda worden jlenzent, sea witt, soo aus Schnee, soo aus kjeen Wauscha opp de Ieed dee witt moaken kaun.4Un äant erscheen Elia met Moses, un see räden met Jesus.5Un Petrus auntwuad un säd to Jesus: Rabbi, daut es goot, daut wie hia sent; un lot ons dree Zelten moaken, eent fa Die un eent fa Moses un eent fa Elia.6Wiels hee wist nich, waut hee sajen sull, wiels see wieren voll Forcht.7Un doa kjeem eene Wolkj, dee een Schauten äwa äant jeef; un dan kjeem eene Stemm ut de Wolkj, dee säd: Dit es mien leewa Sän; horcht no Am! Mrk 1:11; 2Pe 1:178Un haustich, aus see romkjikjten, sagen see kjeenem mea bie äant, aus Jesus auleen.9Aus see vom Boajch raufjinjen, befool Hee äant, daut see kjeenem sajen sullen, waut see jeseenen hauden, bat de Menschensän von de Doodje oppjestonen wia. Mrk 8:3010Un see behilden dit Wuat fa sikj un fruagen sikj unjarenaunda: Waut es daut: Von de Doodje oppstonen?11Un see fruagen Am un säden: Wuarom sajen de Schreftjelieede, daut Elia mott ieescht komen?12Hee oba auntwuad un säd to äant: Elia kjemt woll ieescht un stalt aules häa; un soo aus äwa dän Menschensän jeschräwen steit, daut Hee väl lieden mott un fa nuscht je-acht woaren. Jes 53:3-5; Mal 4:513Oba Ekj saj junt, daut Elia aul jekomen es, un see haben met am jedonen, waut see wullen, soo aus äwa am jeschräwen steit. 1Kje 19:2,10; Mat 11:1414Un aus Hee no de Jinja kjeem, sach Hee eene groote Volkjshäad rom äant, un Schreftjelieede, dee sikj met äant streeden.15Un fuaz, aus de gaunze Volkjshäad Am sach, vewundaden see sikj sea un randen no Am un bejreesten Am.16Un Hee fruach de Schreftjelieede: Äwa waut stried jie junt met äant?17Un eena utem Volkj auntwuad un säd: Meista, ekj hab mienen Sän no Die jebrocht, dee haft eenen stommen Jeist;18un wua emma dee am tohoolen kjricht, schmitt dee am han, un hee schumt un kjnirscht siene Tänen un vewalkjt; un ekj säd to diene Jinja, daut see dän rutdriewen sullen, oba see kunnen daut nich.19Oba Hee auntwuad äant un säd: Oo onjleewje Jennerazion, woo lang saul Ekj bie junt sennen? Woo lang saul Ekj junt noch vedroagen? Brinjt am häa no Mie!20Un see brochten dän no Am. Un fuaz aus hee Am sach, schmeet de Jeist am han, un hee foll opp de Ieed, rold sikj un schumd.21Un Hee fruach sienen Voda: Woo lang es daut aul soo met am jewast? Hee säd: Von Kjint aun;22un dee haft am foaken en Fia un en Wota jeschmäten, om am om to brinjen; oba wan du irjentwaut kaust, dan erboarm die äwa ons un halp ons!23Jesus oba säd to am: Wan du jleewen kaust. Aules es mäajlich däm, dee doa jleeft.24Un fuaz schrieech daut Kjint sien Voda un säd met Tronen: Ekj jleew, Har; halp mienem Ongloowen!25Oba aus Jesus daut Volkj sach toopranen, beschwicht Hee dän onreinen Jeist un säd to am: Du doofa un stomma Jeist, Ekj jebeed die, ut am rut to foaren un niemols mea en am nenn to foaren!26Dan schrieech hee un vetekjt am sea un fua rut, un hee wort soo aus een Doodja, soo daut väle säden: Hee es jestorwen. Mrk 1:2627Oba Jesus foot am aun de Haunt un recht am opp; un hee stunt opp.28Un aus Hee en een Hus nenjekomen wia, fruagen siene Jinja Am auleen: Wuarom kunn wie dän nich rutdriewen?29Un Hee säd to äant: Dise Sort kaun met nuscht rutfoaren, aus met Bäden un Fausten.30Un see jinjen von doa wajch un waundelden derch Galiläa. Un Hee wull nich, daut et irjentwäa weeten sull.31Wiels Hee lieed siene Jinja un säd to äant: De Menschensän es en de Menschen äare Henj äwajäft; un see woaren Am dootmoaken, un no däm Hee dootjemoakt es, woat Hee aum dredden Dach oppstonen. Mrk 8:31; 10:32-3432Oba see vestunden daut Wuat nich un ferchten sikj, Am to froagen. Luk 18:3433Un Hee kjeem no Kapernaum; un aus Hee em Hus wia, fruach Hee äant: Waut hab jie hinjawäajes unja junt vehaundelt?34See oba wieren stell; wiels see hauden sikj hinjawäajes unjarenaunda doaräwa jesträden, wäa de Jratsta wia.35Un Hee sad sikj dol un roopt de Twalw un säd to äant: Wan irjentwäa de Ieeschta sennen well, hee saul de Latsta sennen von aulem un saul aulem äa Deena sennen. Mat 23:11; Mrk 10:43-44; Luk 22:26-2736Un Hee neem een Kjint un stald daut medden mank äant; un aus Hee daut en siene Oarms jenomen haud, säd Hee to äant:37Wäa een soon Kjint en mienem Nomen oppnemt, dee nemt Mie opp; un wäa Mie oppnemt, nemt nich Mie opp, oba dän, dee Mie jeschekjt haft. Mat 10:4038Johanes oba auntwuad Am un säd: Meista, wie sagen eenen en dienem Nomen Diewels rutdriewen, dee ons nich nofolcht, un wie vebooden am daut, wiels hee ons nich nofolcht. 4Mo 11:27-2839Oba Jesus säd: Vebeet am daut nich; wiels doa es kjeena, dee een Wundawoakj en mienem Nomen deit un boolt doaropp Beeset von Mie räden kaun. 1Kor 12:1340Wiels wäa nich jäajen ons es, dee es fa ons. Mat 12:30; Luk 11:2341Wiels wäa junt een Kuffel Wota en mienem Nomen to drinkjen jeft, wiels jie Christus aunjehieren, Ekj saj junt woarhauftich: Dee woat sienen Loon nienich velieren. Mat 10:4242Un wäa eent von dise Kjliene, dee aun Mie jleewen, een Aunstoos woat, fa dän wia daut bäta, wan een Molsteen aun sienen Hauls jebungen wort, un hee en daut Mäa jeschmäten wort.43Un wan diene Haunt die een Aunstoos woat, dan hak dee auf! Daut es bäta fa die, wan du aus een Kjräpel en daut Läwen nenjeist, aus daut du beid Henj hast un en de Hal foascht, en daut Fia, daut nich ut to laschen jeit, Mat 5:3044wua äa Worm nich dootjeit un daut Fia nich utlascht.45Un wan dien Foot die een Aunstoos woat, dan hak dän auf! Daut es bäta fa die, wan du lom en daut Läwen nenjeist, aus met twee Feet en de Hal jeschmäten to woaren, wua daut Fia nich ut to laschen jeit,46wua äa Worm nich dootjeit un daut Fia nich utlascht.47Un wan dien Uag die een Aunstoos woat, riet daut ut. Daut es bäta fa die, een-uagich en Gott sien Rikj nenn to gonen, aus daut du twee Uagen hast un en daut Halenfia jeschmäten woascht, Mat 5:2948wua äa Worm nich dootjeit un daut Fia nich utlascht. Jes 66:2449Wiels een jiedra mott met Fia jesolten woaren, un jieda Opfa woat met Solt jesolten.50Daut Solt es goot; oba wan daut Solt ieescht fleiw woat, wuamet well jie daut soltich moaken? Habt Solt bie junt, un habt Fräd unjarenaunda! Mat 5:13; Luk 14:34; Kol 4:6
Lebenswasser