Evangelium Markus8
1En dee Doag, aus sea väl Volkj doa wia un see nuscht to äten hauden, roopt Jesus siene Jinja no sikj un säd to äant:2Mie jaumat daut äwa de Volkjshäad, wiels see sent hia aul dree Doag bie Mie un haben nuscht to äten. Mrk 6:34-443Un wan Ekj dee onen jejäten wudd no äa Hus gonen loten, dan wudden see oppem Wajch veschmachten, wiels eenje von äant sent von wietauf jekomen.4Un siene Jinja auntwuaden Am: Wuahäa wudd eena dise hia en de Wiltnis met Broot saut moaken?5Un Hee fruach äant: Woo väl Brood hab jie? See säden: Säwen.6Un Hee befool daut Volkj, sikj opp de Ieed dol to saten; un Hee neem de säwen Brood, dankt, bruak dee un jeef siene Jinja dee, daut see dee väaläden; un see läden daut Volkj dee väa.7Un see hauden uk een poa kjliene Fesch. Un aus Hee dee jesäajent haud, befool Hee dee uk väa to lajen.8Un see eeten un worden saut un hoowen de äwajebläwne Brocken opp, säwen Kjarw voll.9Un dee doa jejäten hauden, wieren bie vea-dusent; un Hee leet äant gonen.10Un fuaz stieech Hee met siene Jinja en daut Schepp un kjeem en de Jäajent von Dalmanuta.11Un de Farisäa jinjen rut un fungen aun, met Am to strieden, un see velangden von Am een Tieekjen vom Himmel, om Am to vesieekjen. Joh 6:3012Un Hee seft en sienem Jeist un säd: Wuarom foddat dise Jennerazion een Tieekjen? Ekj saj junt woarhauftich: Dise Jennerazion woat kjeen Tieekjen jejäft woaren.13Un Hee veleet äant, stieech wada en daut Schepp un fua äwa no de aundre Sied.14Un see hauden vejäten, Brood met to nämen, un hauden nuscht met sikj em Schepp, aus mau een Broot.15Un Hee jeboot äant un säd: Heet junt fa dän Suadieech von de Farisäa, un fa dän Suadieech von Herodes. Mrk 3:6; Luk 12:116See räden doavon to sikj unjarenaunda un säden: Daut es, wiels wie nich Brood haben.17Un aus Jesus daut moakjt, säd Hee to äant: Waut räd jie doaräwa, daut jie kjeene Brood haben? Vesto jie noch nich, un bejriep jie noch nich? Hab jie jun Hoat noch soo hoat? Mrk 6:5218Jie haben Uagen, un seenen nich? Un jie haben Uaren, un hieren nich? Un denkj jie nich doaraun? Mat 13:13,1619Aus Ekj de fief Brood mank de fief-dusent bruak, woo väl Kjarw voll Brocken hoow jie doa opp? See sajen to Am: Twalw. Mrk 6:41-4420Un aus de säwen mank de vea dusent, woo väl Kjarw voll Brocken hoow jie opp? See säden: Säwen. Mrk 8:921Un Hee säd to äant: Woo vesto jie nich?22Un Hee kjemt no Betsaida; un see brinjen eenen Blinjen no Am un prachren Am, daut Hee am aunschieed. Mrk 6:5623Un Hee foot dän Blinjen aun de Haunt un leid am utem Darp rut, spieech en siene Uagen un läd siene Henj opp am un fruach am, auf hee waut seenen kunn. Joh 9:624Un hee kjikjt opp un säd: Ekj see Menschen, soo aus wan ekj Beem see, romgonen.25Dan läd Hee siene Henj noch eenmol opp siene Uagen un leet am oppkjikjen. Un hee wort wada häajestalt un hee sach aules kloa.26Un Hee schekjt am no sien Hus un säd: Go nich en daut Darp nenn, un saj daut kjeenem em Darp.27Un Jesus jinkj rut met siene Jinja en de Darpa von Cäsarea Filippi. Un oppem Wajch fruach Hee siene Jinja un säd to äant: Wäa sajen de Menschen, daut Ekj sie?28Un see auntwuaden: Johanes de Deepa; un aundre: Elia; oba aundre: Eena von de Profeeten. Mrk 6:1529Un Hee säd to äant: Jie oba, wäa saj jie, daut Ekj sie? Dan auntwuad Petrus un säd to Am: Du best de Christus!30Un Hee bedreiwd äant, daut see Kjeenem von Am sajen sullen. Mrk 9:931Un Hee funk aun, äant to lieren, daut de Menschensän väl lieden un veschmäten woaren mott von de Eltestasch un Huagepriesta un Schreftjelieede un dootjemoakt un no dree Doag wada oppstonen wudd. Mrk 9:31; 10:32-3432Un Hee räd daut Wuat frie effentlich, un Petrus neem Am tosied un funk aun Am to bedreiwen.33Hee oba dreid sikj om un kjikjt siene Jinja aun un beschwicht Petrus un säd: Go hinja Mie, Soton! Wiels du denkjst nich, waut von Gott, oba waut von Menschen es.34Un Hee roopt daut Volkj met siene Jinja toop no sikj un säd to äant: Wäa Mie nofoljen well, lot am sikj selfst velieejen, sien Kjriez opp sikj nämen un Mie nofoljen.35Wiels wäa sien Läwen raden well, woat daut velieren; oba wäa sien Läwen wäajens Mie un daut Evangelium velieren woat, dee woat daut raden. Mat 10:3936Wiels waut wudd eenem Mensch daut halpen, wan hee de gaunze Welt jewonn, un velua siene Seel?37Ooda waut wudd een Mensch aus Leesunk jäwen fa siene Seel?38Wiels wäaemma sikj met Mie un miene Wieed schämt en dise sintelje un ehebräakjarische Jennerazion, met däm woat de Menschensän sikj uk schämen, wan Hee en sien Voda siene Harlichkjeit met de heilje Enjel komen woat. Mat 10:33
Lebenswasser