Paulus sien Breef aun de Galata6
1Breeda, wan uk een Mensch en eenem Fäla äwanomen wudd woaren, dan halpt jie, dee jie jeistlich sent, soo eenem trajcht en eenem Jeist von Saunftmoot, un kjikj doabie opp die selfst, daut du nich uk vesocht woascht. Mat 18:15; Jak 5:192Droacht eena dän aundren siene Lausten, un soo woa jie Christus sien Jesaz erfellen. 2Kor 11:293Wiels, wan irjentwäa jleeft, waut to sennen, wäarent hee nuscht es, dee schmäat sikj selfst aun.4Een jiedra oba lot sien ieejnet Woakj priefen, un dan woat hee en sikj selfst Low haben un nich en eenem aundren. 2Kor 13:55Wiels een jiedra woat siene ieejne Laust droagen. Ree 14:126Wäa doa em Wuat unjarecht woat, saul met däm, dee am unjarecht, von aule goode Dinja metdeelen. 1Kor 9:147Errt junt nich! Gott lat sikj nich spotten. Waut de Mensch seit, daut woat hee uk arnten. Jer 21:148Wiels wäa opp sien Fleesch seit, woat vom Fleesch Vedoawen arnten; wäa oba opp dän Jeist seit, woat vom Jeist eewjet Läwen arnten. Ree 8:139Well wie nich meed woaren Goodet to doonen, wiels to siene Tiet woa wie uk arnten, wan wie nich vezoagen. 2Tess 3:1310Aulsoo, doano aus wie Jeläajenheit haben, well wie Goodet doonen aun aulem, besondasch aun de Jeschwista em Gloowen. 2Pe 1:711Kjikjt, met waut fa groote Latren ekj junt jeschräwen hab met miene ieejne Haunt!12Aul dee, waut em Fleesch wellen goot aunjeseenen sennen, dee dwinjen junt, daut jie junt beschnieden loten, bloos, daut see nich met Christus sien Kjriez vefolcht woaren. Gal 5:1113Wiels nich eenmol see, dee beschnäden sent, hoolen daut Jesaz, oba see velangen, daut jie junt beschnieden loten, daut see sikj von jun Fleesch riemen kjennen.14Von mie oba saul daut wietauf sennen, mie to lowen, aus bloos von ons Har Jesus Christus sien Kjriez, derch wäm mie de Welt jekjriezicht es un ekj fa de Welt. 1Kor 1:31; 1Kor 2:215Wiels en Christus Jesus talt nich de Beschniedunk uk nich de Onbeschniedunk, oba eene niee Kjreatua. 1Kor 7:19; 2Kor 5:17; Gal 5:616Un sooväl aus no dise Räajel waundlen, Fräd un Erboarmunk äwa dee un äwa Gott sien Israel. Ps 125:517Em äwajen, moak mie kjeena mea Mieej; wiels ekj droag de Moltieekjens von däm Harn Jesus aun mienem Kjarpa. 2Kor 4:1018De Jnod von ons Har Jesus Christus sie met junem Jeist, Breeda! Amen.
Lebenswasser