Paulus sien Breef aun de Galata5
1Aulsoo stot nu faust en de Frieheit, wuamet Christus ons friejemoakt haft, un lot junt nich wada en daut Sklowenjoch spaunen. Apj 15:10; Gal 4:52Kjikjt, ekj, Paulus, saj junt: Wan jie junt beschnieden loten, dan woat junt Christus nuscht nutzen.3Ekj bezeij noch eenmol to jiedrem Mensch, dee sikj beschnieden lat, daut hee schuldich es, daut gaunze Jesaz to hoolen.4Jie sent loosjetrant von Christus, dee jie derch daut Jesaz jerajchtfoadicht woaren wellen; jie sent von de Jnod jefollen.5Wie oba luaren em Jeist derch dän Gloowen, no de Hopninj von de Jerajchtichkjeit.6Wiels en Christus Jesus jelt nich Beschniedunk uk nich de Onbeschniedunk, oba de Gloowen, dee derch de Leew wirkjsom es. Ree 2:26; 1Kor 7:19; Gal 6:157Jie randen fein; wäa haft junt oppjehoolen, daut jie de Woarheit nich jehorchen?8Dise Äwarädunk kjemt nich von däm, dee junt beroopen haft.9Een bätje Suadieech vesuat dän gaunzen Dieech. 1Kor 5:610Ekj vetru junt oba en däm Harn, daut jie nich woaren aundasch jesonnen sennen. Oba wäa junt vewert, dee woat daut Uadeel droagen, eendoont wäa daut es. Gal 1:711Ekj oba, Breeda, wan ekj noch de Beschniedunk prädj, wuarom woa ekj dan noch vefolcht? Dan haud je de Aunstoos vom Kjriez oppjehieet. 1Kor 1:23; 15:30; Gal 6:1212Ekj wensch, daut dee uk muchten aufjeschnäden woaren, dee junt trublen!13Wiels jie, Breeda, sent to de Frieheit beroopen, bloos, moakt nich de Frieheit to eene Jeläajenheit fa daut Fleesch; oba derch de Leew deent junt unjarenaunda. 1Pe 2:16; 2Pe 2:1914Wiels daut gaunze Jesaz woat en een Wuat erfelt, en dit: “Du saust dienen Näakjsten leewen soo aus die selfst.” 3Mo 19:1815Wan jie junt oba unjarenaunda bieten un fräten, dan seet too, daut jie junt nich unjarenaunda venichten. Jak 4:216Ekj oba saj: Waundelt em Jeist, dan woa jie de Lost vom Fleesch nich vollbrinjen.17Wiels daut Fleesch velangt jäajen dän Jeist un de Jeist jäajen daut Fleesch; un dise wadastonen sikj eenaunda, soo daut jie nich doonen, waut jie wellen. Ree 1:15,2318Woa jie oba vom Jeist jeleit, dan sent jie nich unja daut Jesaz.19De Woakjen vom Fleesch sent oba openboa: Doa es Ehebruch, Huararie, Onreinichkjeit, Onzucht, 1Kor 6:9-1020Aufjettarie, Zaubarie, Fientschoft, Striet, iewrich sennen, Wutt, Zank, Spoolarie, Sekten, Aufgonst, Mord,21Besopenheit, Nachtläwen un soowaut mea. Wuavon ekj junt em verut saj, soo aus ekj junt aul verhäa jesajcht hab, daut dee, dee soont doonen, Gott sien Rikj nich oawen woaren. Efs 5:5; Opb 22:1522Oba de Frucht vom Jeist es Leew, Freid, Fräd, Jedult, Leeftolichkjeit, Gootjesonnenheit, Gloowen, Saunftmoot, Selfstbeharschunk. Efs 5:923Jäajen soone es kjeen Jesaz. 1Tim 1:924Oba dee, waut Christus aunjehieren, haben daut Fleesch met de Liedenschoften un Losten jekjriezicht. Ree 6:625Wan wie em Jeist läwen, dan lot ons uk em Jeist waundlen. Ree 8:426Lot ons nich ieajiezich sennen, ons unjarenaunda to reizen, unjarenaunda Aufgonst to haben. Flp 2:3
Lebenswasser