Paulus sien ieeschta Breef aun de Korinta7
1Un nu äwa de Dinja, waut jie mie schreewen: Daut es goot fa eenen Mensch, nich eene Fru aun to schieren.2Oba wäajens de Huararie, lot eenem jiedren siene ieejne Fru haben un jieda Fru äaren ieejnen Maun haben.3De Maun saul de Fru daut trafende Frintschoft jäwen un jrod soo uk de Fru dän Maun.4De Fru haft nich Macht äwa äaren ieejnen Kjarpa, oba de Maun; un jrod soo uk de Maun haft nich Macht äwa sienen ieejnen Kjarpa, oba de Fru.5Trakjt junt nich trigj eena vom aundren, buta met Enweljunk fa eene Tiet, soo daut jie toom Fausten un Bäden frie sent; dan komt wada toop, daut de Soton junt nich vesieekjt wäajens june Onbehoolsomkjeit .6Oba ekj saj dit fa june Gonst, nich aus een Jeboot.7Ekj wensch, daut aule Menschen soo wieren aus ekj selfst, oba een jiedra haft siene ieejne Gow von Gott, dee eena soo, dee aundra soo. Mat 19:128Oba ekj saj de Onbefriede un Wätfrues: Daut es goot fa äant, wan see soo bliewen aus ekj.9Oba wan see sikj nich enthoolen kjennen, dan lot äant befrieen; daut es bäta befrieen, aus brennen. 1Tim 5:1410De Befriede oba jebeed ekj, doch nich ekj, oba de Har, daut de Fru sikj nich von däm Maun scheeden lat; Mat 5:3211wan see sikj oba scheet, dan lot ar onbefriet bliewen ooda sikj met äarem Maun veseenen, un lot dän Maun de Fru nich wajchschekjen.12Oba de äwaje saj ekj, nich de Har: Wan een Brooda eene onjleewje Fru haft, un ar jefelt daut, bie am to bliewen, dee saul ar nich wajchschekjen.13Un eene Fru, wan see eenen onjleewjen Maun haft, un am jefelt daut, bie ar to bliewen, dee saul am nich wajchschekjen.14Wiels de onjleewja Maun es jeheilicht derch de Fru, un de onjleewje Fru es jeheilicht derch dän Maun. Sest wieren june Kjinja onrein, oba nu sent see heilich. Ree 11:1615Oba wan de Onjleewja velat, dan lot am veloten. Een Brooda ooda Sesta es en soonem Faul nich jebungen; oba Gott haft ons toom Fräd beroopen. 1Pe 3:116Wiels waut weetst du, Fru, auf du dän Maun raden woascht? Ooda waut weetst du, Maun, auf du de Fru raden woascht?17Oba soo aus Gott eenem jiedren toojedeelt haft, soo aus de Har eenen jiedren jeroopt haft, soo lot am waundlen. Un soo orden ekj daut en aule Jemeenten.18Es wäa beschnäden jeroopt worden? dan lot am nich onbeschnäden woaren. Es wäa onbeschnäden jeroopt worden? dän lot sikj nich beschnieden.19De Beschniedunk es nuscht, un de Onbeschniedunk es nuscht, oba daut Hoolen von Gott siene Jebooten. Gal 5:6; 6:1520Een Jiedra bliew en dämselwjen Roop, en däm hee beroopen worden es.21Best du aus een Sklow beroopen worden, lot die daut nich sorjen; oba wan du frie woaren kaust, dan nutz daut leewa ut.22Wiels wäa aus Sklow en däm Harn beroopen es, es däm Harn sien Frie-Jelotna; jrod soo dee, aus frie beroopen, es Christus sien Sklow. Efs 6:6; Fil 1:1623Jie sent met eenem Pries jekoft; woat nich de Menschen äare Sklowen! 1Kor 6:2024Breeda, lot eenen jiedren, wuarenn hee jeroopt es, doabennen bliewen bie Gott.25Oba äwa de Junkfrues hab ekj kjeen Jeboot von däm Harn. Oba ekj jäw miene Meeninj, aus eena, dee von däm Harn Boarmherzichkjeit erlangt haft, tru to sennen.26Ekj meen nu, daut dit goot es wäajens de jäajenwuatje Noot, daut et fa eenen Mensch goot es, soo to sennen. 1Kor 10:1127Best du aun eene Fru jebungen? Sieekj nich, loos to woaren; best du loos von eene Fru? Sieekj nich eene Fru.28Oba wan du friest, sindichst du nich; un wan eene Junkfru friet, sindicht see nich; oba soone woaren Trubbel em Fleesch haben; oba ekj veschoond junt jieren.29Oba ekj saj dit, Breeda: De Tiet es kort. Äwajens, daut uk dee, dee Frues haben, soo sent, aus wan see kjeene haben, Luk 14:26; Ree 13:1130un dee, waut hielen, aus hielden see nich, un dee sikj freien, aus freiden see sikj nich, un dee doa kjeepen, aus wan dee nich besetten,31un dee dise Welt brucken, daut see dee nich mesbrucken. Wiels dee Mood von dise Welt vejeit. 1Joh 2:15-1732Ekj well oba, daut jie onen Sorjen sent. De Onbefrieda sorcht fa de Dinja, waut däm Harn aunjehieren, woo däm Harn to jefaulen.33Oba de Befrieda sorcht fa de Dinja von de Welt, woo hee siene Fru jefaulen mucht. Luk 14:2034Doa es een Unjascheet tweschen eene Ehefru un eene Junkfru. De Onbefriede sorcht fa däm Harn siene Dinja, daut see mucht heilich sennen, beides, em Kjarpa un em Jeist. Oba de Befriede sorcht fa de Dinja von de Welt, woo see äarem Maun jefaulen mucht.35Daut saj ekj oba fa junen ieejnen Nutzen; nich, daut ekj eene Schlenj äwa junt schmiet, oba om daut jie aunstendich un onjehindat däm Harn deenen.36Wan oba irjentwäa denkjt, daut hee siene Junkfru onjeziemt behaundelt, wan see äwa de Tiet von daut Blieejen jekomen es un daut soo sennen mott, lot am doonen, waut hee well; hee sindicht nich: See kjennen frieen.37Wäa oba en sien Hoat faust steit un nich de Noot haft, oba Macht haft äwa sienen ieejnen Wellen un haft daut soo en sien Hoat beschloten, siene Junkfru to bewoaren, dee deit goot.38Aulsoo, wäa friet, deit goot; oba wäa nich friet, deit bäta.39De Fru es jebungen derch daut Jesaz, soolang aus äa Maun läft; wan oba äa Maun jestorwen es, es see frie, sikj to befrieen, met wäm see well, oba bloos em Harn. Ree 7:240Jlekjlicha oba es see, wan see soo blift, no miene Meeninj. Ekj denkj oba uk, daut ekj Gott sien Jeist hab.
Lebenswasser