Paulus sien ieeschta Breef aun de Korinta6
1Woacht sikj irjentwäa mank junt, wan hee eene Sach jäajen dän aundren haft, nom Jerecht to gonen ver de Onjerajchte un nich ver de Heilje? Luk 22:30; Dan 7:222Weet jie nich, daut de Heilje de Welt rechten woaren? Un wan de Welt saul von junt jerecht woaren, sent jie dan onwirdich, de jerinjste Dinja to rechten? Mat 19:283Weet jie nich, daut wie Enjel rechten woaren? Woo väl mea noch Dinja, waut to dit Läwen jehieren?4Wan jie nu Dinja von dit Läwen to rechten haben, dan sat jie soone doahan, dee en de Jemeent läajch-je-acht sent.5Ekj saj dit to june Schaund. Es doa kjeen Weisa mank junt? Es doa nich eena, dee doa kaun rechten tweschen siene Breeda?6Oba een Brooda jeit rechten met däm Brooda un daut ver de Onjleewende!7Doa es nu äwahaupt aul een Fäla mank junt, wiels jie haben Aunkloagen mank junt selfst. Wuarom lot jie junt nich leewa Orrajcht doonen? Wuarom lot jie junt nich leewa auflaupsen? Mat 5:38-41; 1Tess 5:15; 1Pe 3:98Oba jie doonen Orrajcht un laupsen auf un daut aun de Breeda.9Weet jie nich, daut de Onjerajchte Gott sien Rikj nich oawen woaren? Lot junt nich veleiden: Wiels nich de Huara, nich de Jetta-Aunbäda, nich Ehebräakja, nich Wieekjlinja , nich Homoseksuelle , 1Tim 1:9-11; Gal 5:19-2110nich Stäla, nich Jiezje, nich Drinkja, nich Lastra, nich Reiba woaren Gott sien Rikj oawen.11Un soone wieren atelje von junt; oba jie sent jewoschen, oba jie sent jeheilicht, oba jie sent jerajchtfoadicht en däm Nomen vom Harn Jesus un derch dän Jeist von ons Gott. Ree 3:26; 1Kor 1:2; Tit 3:3-712Aules es mie erlaupt, oba nich aules es nutzboa. Aules es mie erlaupt, oba nuscht saul mie beharschen. 1Kor 10:2313Daut Äten fa dän Buck un de Buck fa daut Äten; oba Gott woat beides venichten, disen uk daut. Oba de Kjarpa es nich fa de Huararie, oba fa dän Harn un de Har fa dän Kjarpa. 1Tess 4:3-514Gott haft dän Harn opperwakjt un woat uk ons opperwakjen derch siene Krauft. 1Kor 15:20; 2Kor 4:1415Weet jie nich, daut june Kjarpasch Christus siene Jlieda sent? Sull ekj dan Christus siene Jlieda nämen un dee to Huarenjlieda moaken? Niemols nich!16Ooda weet jie nich, daut, wäa sikj met eene Hua toopdeit, es een Kjarpa met ar? “Wiels doa woaren”, sajcht Hee, “dee twee een Fleesch sennen”. 1Mo 2:2417Wäa sikj oba met däm Harn toopdeit, es een Jeist met Am. Joh 17:21-2218Kleift ut von de Huararie! Jieda Sind, waut een Mensch deit, es buta däm Kjarpa; oba wäa huat, sindicht jäajen sienen ieejnen Kjarpa.19Ooda weet jie nich, daut jun Kjarpa de Tempel vom Heiljen Jeist es, dee en junt es, dän jie von Gott haben un jie nich junt selfst jehieren? 1Kor 3:1620Wiels jie sent met eenem Pries jekoft; doawäajen veharlicht Gott en junem Kjarpa un en junem Jeist, dee Gott jehieren.
Lebenswasser