Paulus sien ieeschta Breef aun de Korinta16
1Waut oba de Kollakjt fa de Heilje aunbelangt, soo aus ekj de Jemeenten von Galatien aunjeordent hab, soo doot uk jie. 2Kor 8:1-9; Gal 2:102Aun jieda ieeschta Dach von de Wäakj lot eenen jiedren von junt waut en Vewoa lajen, doano aus hee jebuat haft, daut nich, wan ekj kom, dan ieescht eene Kollakjt jemoakt woat. Apj 20:73Un wan ekj ieescht jekomen sie, wämemma jie goot-heeten, well ekj met Breew schekjen, daut see june Leewdot no Jerusalem brinjen.4Wan daut oba rodsom es, daut ekj uk hanreis, sellen see met mie gonen.5Oba ekj well no junt komen, wan ekj Mazedonien derchjereist sie, wiels ekj well derch Mazedonien reisen. Apj 19:216Veleicht woa ekj oba bie junt bliewen ooda soogoa äwawintren, daut jie mie muchten toschekj-halpen, wuaemma ekj dan hanreis.7Wiels ekj well junt nu nich biem Vebie-Gonen seenen, oba ekj hop, eene jewesse Tiet bie junt to bliewen, wan de Har daut erlaupt. Apj 20:28Oba ekj woa en Efesus bliewen bat Pinjsten; Apj 19:1,109wiels eene groote erfolchrikje Däa es mie opjegonen, un doa sent väle Jäajna. 2Kor 2:12; Kol 4:310Wan oba Timotäus kjemt, kjikjt doano, daut hee bie junt forchtloos sennen kaun, wiels hee wirkjt en däm Harn sien Woakj, soo aus uk ekj. 1Kor 4:17; Flp 2:19-2211Lot kjeenen am ve-achten, oba fieet am en Fräd, om daut hee no mie kjemt, wiels ekj lua met de Breeda no am.12Waut oba Brooda Apollos aunbelangt, ekj hab am väl ermooticht, daut hee met de Breeda no junt komen sull; oba daut wia derchut nich sien Wellen, daut hee nu kjeem; oba hee well komen, wan Jeläajenheit sennen woat. 1Kor 1:1213Woakt, stot faust em Gloowen, siet menlich, un siet stoakj! Efs 6:1014Lot aules en Leew jedonen woaren.15Ekj ermon junt, Breeda, jie kjanen daut Hus von Stefanas, daut see de ieeschte Frucht von Achaja sent, un haben sikj selfst fa de Heilje toom Deenst jeordent, 1Kor 1:1616daut jie junt selfst soone unjadon moaken un uk to aule, dee metwirkjen un oabeiden.17Ekj frei mie äwa daut Komen von Stefanas un Fortunatus un Achaikus; wiels see haben daut ersat, waut aun june Sied fäld.18Wiels see haben mienen un junen Jeist erfrescht; doawäajens doot soone aunerkjanen. Flp 2:29; 1Tess 5:1219De Jemeenten von Asien jreessen junt. Aquila un Priscilla jreessen junt välmol en däm Harn, met de Jemeent en äa Hus. Apj 18:2; Ree 16:3,520Aul de Breeda jreessen junt. Jreest junt unjarenaunda met eenem heiljen Kuss.21De Gruss met miene, Paulus siene ieejne Haunt. Gal 6:11; Kol 4:18; 2Tess 3:1722Wan irjentwäa dän Harn Jesus Christus nich leef haft, lot dän Anathema sennen; Maranatha . Opb 22:2023De Jnod von ons Har Jesus Christus sie met junt!24Miene Leew sie met junt aula en Christus Jesus! Amen. No de Korinta jeschräwen von Filippi, derch Stefanus un Fortunatus un Achaikus un Timotäus.
Lebenswasser