Paulus sien ieeschta Breef aun de Korinta15
1Oba ekj lot junt weeten, Breeda, daut Evangelium, woont ekj to junt vekjindicht hab, daut jie uk aunjenomen haben, en woont jie uk stonen, 1Tess 2:132derch woont jie uk jerat woaren, wan jie daut Wuat fausthoolen, daut ekj junt vekjindicht hab; buta jie haben vejäfs jejleeft.3Wiels ekj hab junt daut aum ieeschten äwajäft, waut ekj uk jekjräajen hab: Daut Christus jestorwen es fa onse Sinden no de Schreften; Jes 53:124un daut Hee begroft wort, un daut Hee aum dredden Dach oppjestonen es, no de Schreften; Hos 6:2; Luk 24:27,44-465un daut Hee jeseenen worden es von Kefas, dan von de Twalw. Luk 24:34; Joh 20:19,266No daut es Hee von mea aus fief-hundat Breeda opp eenmol jeseenen worden, von woone de mieeschte noch bat nu jebläwen sent, eenje oba sent aul enjeschlopen.7No daut es Hee jeseenen worden von Jakobus, dan von aul de Apostel. Luk 24:508Aum latsten von aulem es Hee von mie jeseenen worden, aus eenem von Butatiets-Jeburt. Apj 9:3-6; 1Kor 9:19Wiels ekj sie de Jerinjsta von de Apostel, un sie nich wirdich, een Apostel jenant to woaren, wiels ekj Gott siene Jemeent vefoljd. Apj 8:3; Efs 3:810Oba derch Gott siene Jnod sie ekj, waut ekj sie. Un siene Jnod äwa mie es nich vejäfs jewast, oba ekj hab väl mea jeoabeit aus see aula; doch nich ekj, oba Gott siene Jnod, dee met mie wia. 2Kor 11:5,2311Auf daut nu ekj sie ooda jane, soo prädj wie, un soo hab jie jejleeft.12Wan oba Christus jeprädicht woat, daut Hee von de Doodje oppjestonen es, woo sajen atelje mank junt, daut doa kjeen Oppstonen von de Doodje es?13Wan et oba kjeen Oppstonen von de Doodje jeft, dan es Christus nich oppjestonen.14Wan Christus nich oppjestonen es, dan es uk onse Prädicht vejäfs, un jun Gloowen es uk vejäfs.15Un wie woaren aus faulsche Zeijen von Gott befungen, wiels wie von Gott jezeicht haben, daut Hee Christus opperwakjt haft, dän Hee nich opperwakjt haft, wan werkjlich de Doodje nich opperwakjt woaren. Apj 1:2216Wiels wan de Doodje nich opperwakjt woaren, es uk Christus nich opperwakjt.17Un wan Christus nich opperwakjt es, dan es jun Gloowen vejäfs; jie sent noch en june Sinden.18Dan sent uk dee, waut en Christus enjeschlopen sent, veloaren.19Wan wie bloos en dit Läwen opp Christus hopen, dan sent wie de Jaumalichste mank aule Menschen.20Oba nu es Christus von de Doodje opperwakjt un es de ieeschte Frucht jeworden von de Enjeschlopne. 1Kor 6:14; Kol 1:1821Wiels wäajens derch eenen Mensch de Doot kjeem, soo uk derch eenen Mensch de Opparstonunk von de Doodje. 1Mo 3:17-19; Ree 5:1822Wiels jrod soo aus see en Adam aula stoawen, soo woaren see uk aula en Christus läwendich jemoakt woaren.23Een jiedra oba en siene ieejne Ordnunk: Christus, de ieeschte Frucht, doano dee, woone Christus aunjehieren, bie sien Komen. 1Tess 4:16-1724Dan daut Enj, wan Hee woat daut Rikj aun dän Gott un Voda äwajäft haben, wan Hee woat aule Harschoft un aul de Autorität un Macht tonicht jemoakt haben. Ree 8:3825Wiels Hee mott harschen, bat Hee aule Fiend unja siene Feet jelajcht haft. Ps 110:1; Mat 22:4426De latsta Fient, dee venicht woat woaren, es de Doot. Opb 20:14; 21:427Wiels “Hee haft aules unja siene Feet jedonen”. Oba wan Hee sajcht, daut Am aules unjajedonen es, dan es et kloa, daut Hee nich met enjenomen es, dee Am aules unjadon jemoakt haft. Ps 8:628Wan oba aules woat Am unjadon sennen, dan woat uk de Sän selfst Däm unjadon sennen, dee Am aules unjadon jemoakt haft, daut Gott aules en aulem es.29Waut wudden dee sest doonen, dee fa de Doodje jedeept woaren, wan de Doodje äwahaupt nich oppstonen? Wuarom woaren dee dan fa de Doodje jedeept?30Un wuarom sto wie dan jieda Stund en Jefoa? Ree 8:36; Gal 5:1131Sechalich, derch jun Riemen, daut ekj hab en Christus Jesus, onsem Harn, ekj stoaw däachlich. 2Kor 4:1032Wan ekj no menschliche Wies met wille Tieren jekjamft hab en Efesus, waut nuzt mie daut, wan de Doodje nich oppstonen? Lot ons äten un drinkjen; wiels morjen stoaw wie! Jes 22:1333Lot junt nich vefieren; schlajchte Jesalschoften vedoawen goode Jewanheiten.34Wakjt opp, woat rajchtschaufen un sindicht nich; wiels atelje weeten nuscht äwa Gott; daut saj ekj junt to ne Schaund. 1Tess 5:835Wudd oba wäa sajen: Woo woaren de Doodje oppstonen? Un met waut fa Kjarpa woaren dee komen?36Du Noa! Waut du seist, woat nich läwendich, buta daut stoaft. Joh 12:2437Un daut, waut du seist, es nich de Kjarpa, dee woaren saul, oba een bloosset Kuarn, auf Weit ooda waut aundret.38Gott oba jeft daut eenen Kjarpa, soo aus Hee jewult haft un fa jieda Sot sienen ieejnen Kjarpa.39Nich aul daut Fleesch es dautselwje Fleesch; oba eenjet es Fleesch von Menschen, aundret Fleesch von Vee, aundret von Fesch un aundret von Väajel.40Un daut jeft himlische Kjarpasch un irdische Kjarpasch; oba eene aundre Harlichkjeit haben de Himlische un eene aundre de Irdische.41Eene Harlichkjeit haft de Sonn, eene aundre Harlichkjeit de Mon, eene aundre Harlichkjeit de Stierns; wiels een Stiern es veschieden von een aundret Stiern en Harlichkjeit.42Soo uk de Opparstonunk von de Doodje. Dee woat en Vewäsunk jeseit un woat en Onvewäsunk oppstonen.43Dee woat en Oniea jeseit un woat oppstonen en Harlichkjeit; dee woat en Schwakheit jeseit un woat oppstonen en Krauft. Flp 3:21; Kol 3:444Doa woat een naturala Kjarpa jeseit un woat oppstonen een jeistlicha Kjarpa. Doa es een naturala Kjarpa, doa es uk een jeistlicha Kjarpa.45Soo steit daut uk jeschräwen: “De ieeschta Mensch, Adam, wort eene läwendje Seel”; de latsta Adam, een läwendich-moakenda Jeist. 1Mo 2:7; 2Kor 3:1746Oba daut Jeistliche es nich daut ieeschte, oba daut Naturale un no daut daut Jeistliche.47De ieeschta Mensch es von de Ieed, irdisch; de tweeda Mensch es de Har vom Himmel.48Un soona aus de Irdischa es, sent uk de Irdische un soona aus de Himlischa, sent uk de Himlische.49Un soo aus wie daut irdische Bilt jedroacht haben, soo woa wie uk daut himlische Bilt droagen. 1Mo 5:350Nu saj ekj dit, Breeda, daut Fleesch un Bloot kjennen Gott sien Rikj nich oawen; uk daut Vewäsliche woat daut Onvewäsliche nich oawen.51Kjikjt, ekj saj junt een Jeheemnis: Wie woaren nich aula enschlopen, oba wie woaren aula vewaundelt woaren, 1Tess 4:15-1752en eenem Nu, en eenem Uagenblekj, bie de latste Trompeet; wiels de Trompeet woat schaulen, un de Doodje woaren oppstonen onvewäslich, un wie woaren vewaundelt woaren. Mat 24:3153Wiels dit Vewäsliche mott de Onvewäslichkjeit auntrakjen; un dit Stoafliche mott de Onstoaflichkjeit auntrakjen. 2Kor 5:454Wan oba dit Vewäsliche de Onvewäslichkjeit auntrakjen woat un dit Stoafliche de Onstoaflichkjeit auntrakjen woat, dan woat daut Wuat erfelt woaren, daut jeschräwen steit: “De Doot es oppjeschlukt en dän Siech”. Jes 25:8; Hos 13:1455“Doot, wua es dien Stachel? Hal, wua es dien Siech?”56Däm Doot sien Stachel es de Sind, un de Krauft von de Sind es daut Jesaz. Ree 7:8,11,1357Oba Dank to Gott, dee ons dän Siech jeft derch onsen Harn Jesus Christus! 1Joh 5:458Doawäajens, miene jeleewde Breeda, siet faust, onbewäajchlich, nämt emma too en däm Harn sien Woakj, wiels jie weeten, daut june Oabeit nich vejäfs es en däm Harn.
Lebenswasser