Aganebo Kolidi4
1Godehe ninimo kanulusia, dabalu ewe ninifea melu. Aulugulu, nini bonesia kiwi sanelale.2Aubale. Ninimo yuaeyodolu kegele molobale ligia, muguba mololo mana faiso melu. Ninihe sulu selesiamo, yogoleba daafa gegeba sulu sodale. Aufia, ninihe Godene sulu mana no dedegeba sodale. Aubale. Ninihe seale sulumo ulufaba dafa walelo. Idele inolohe nine manamo ulufaba baafia osolamesi walesu. Aufia, ine asigi nafulune si amohe, ninimo Godene si saabia mana isolu waleba labeba fadaba babiyobafe.3Aufia, idele inolo abehe, awalu sulu nafulu nini walesu ewene nafuluba fadaba asigiba difalemo, ine asigimo fagulo haguba ufulu amogulu labe. Idele inolo ili amomo afiyo alebaibu.4Ili asigi ule ofale kakainabu. Maumo, Sedene, hilia fogo aga eweda yasiba labemone gode ehe, ine asigimo gasiagusia, kakaba dafaliba labe. E auba ausiamo, ilihe yane awalu sulu nafulufeafia neefe amo bolosifia aufe. Godene mimisililu Keliso E-mo, Ene awalu sulu nafulu amofeafia yane elalelumo neeba labe.5Doma. Ninihe walesiamo, nine mana mololomone wi digiba walelale. Aubale. Sulu nini walelomo ewe. “Yesu Keliso E-mo, Saminilo labe. Aulune, ninihe Ene sulu kuliba abia, ninimo gine dabalu mololo inolo lolu.”6Samini koleba Gode selesia, nigili gagaiya amifia yane neeba dowemaba solu. Auba molomaba solu E hamagasu, nine libo usu yane neeba dowemalu. Gode auba ausimo, Ehe nini Ene elalelumo bafasia asigimesi aufe. Ene elalelu amo Yesu Kelisone olegiafia fofagesi, nine miliyolu usumo yane neeba ofelefe.7Godene elalelu nine libo usu neeba dowefe amomo, beleme yogolelu saeyodoluale koleba. Auluso, nine domalamo, beleme amoda usu sela ami, gofo hele mololugulu, alebale gaselelo labe. Amo nafulu. Enebamo, amo alefasia nini eweguba hilisebu. Gofo hele mololu kiwidaleguba, ninida kiwidale lolu. Aulune, kiwigagalu bule, nini nine miliyo abulu amo, nine ninifea alefasia holobagalale. Aubale. Kiwi amo Godefea alefasia mulu koleba.8Godene kiwigagalumo, nine miliyolu usu labe amo, nini eweguba eloba bosolu.
Higinilu nonoba nini aleba holobagagaba labeso, higinilu amohe nini dufa dafogolale. Kegele wedinalehe nine asigi dabagalaba ofoloso, nine asigimo sunia woba ofolale.9Gisa inolohe ninifea aiba gasalabia aafeso, Godehe nini afelesiale labi, nini ninibisu adale. Inolo noolohe nini helea dufa dafogofeso, nini sunia woba dafelesia dufa olaluale.10Nine domala auba naga diabia sisiamo, ninihe Yesu naga difasia, olaluba ulufaba walefe. Ausi, Yesune miliyolu amoda, nine domala usufeafia ulufaba walefe.11Inolo noolohe Yesu dufa olalugulu, nini aso bebea sigia, Ene dabalu mololabia aafe ewe alefasia, ninida dufa olalugulu adefe. Auba ausimo, nine olaeyo domala ewefeamo, Yesune miliyolumo ulufaba walesia aufe.12Auba aulugulu, olalohe ninifea ene dabalu molosi, bebeahe gilifea dabalu moloba ado.13Godene bugo usu eweguba selelu dobu. “Na Godefea asigi ule ufulune, na sulu saaba dafelagolu.” Nini hamagubasu Godefea asigi ule ufulune, ninida Godene sulu mana saaba dafelagoba lolu.14Enebamo, nini eweguba asigife. Gode Saminilo Yesuda haiba degeba ifolu amo Ehe, nini Yesudai melesi degeba ifosimo, gilida nini galiba Ene olegia miliyo milesi ulubia miyobafe.15Kegele ninifea holobagafe ewemo, gili sagoba ofelesia, moloba labe. Gode Ene kanululo mana amohe, idele inolo wedinale holobagalabia aasimo, idele inolo amohe Godefea henelu buleba selefe amone wasigasia, galeba dalesiamo, ilihe Ene elalelumo digife.16Aulugulu, nini bonesia kiwi sanefale. Seale, nine domala bado saabialomo, woba dafelabia aafeso, hilia sunia, nine libo usu iligimo, Godehe miliyolu hili no hagagaeaba ofolabasu labe.17Higinilu aga nini diabia aafe ewemo, bulale. Hilia fogo bulale ufia miliyobafe. Seale, higinilu nini aga dife amohe, elalelu amo ninifea alefalu melesi gadefafe. Elalelu yogolelu amohe, higiniludeno nini aga dife amo waseba suniafia daalu labe.18Aulugulu, ninihe si besabe kegele amofea si galiba bisigiale, si besabale kegele amone si galiba babiyoba. Maumo, kegele aga nini besabe ewemo, fogo abobodeno ufia miliyobafe. Auluso, kegele si besabale ewemo, alefalu ufia miliyobafe.
Higinilu nonoba nini aleba holobagagaba labeso, higinilu amohe nini dufa dafogolale. Kegele wedinalehe nine asigi dabagalaba ofoloso, nine asigimo sunia woba ofolale.9Gisa inolohe ninifea aiba gasalabia aafeso, Godehe nini afelesiale labi, nini ninibisu adale. Inolo noolohe nini helea dufa dafogofeso, nini sunia woba dafelesia dufa olaluale.10Nine domala auba naga diabia sisiamo, ninihe Yesu naga difasia, olaluba ulufaba walefe. Ausi, Yesune miliyolu amoda, nine domala usufeafia ulufaba walefe.11Inolo noolohe Yesu dufa olalugulu, nini aso bebea sigia, Ene dabalu mololabia aafe ewe alefasia, ninida dufa olalugulu adefe. Auba ausimo, nine olaeyo domala ewefeamo, Yesune miliyolumo ulufaba walesia aufe.12Auba aulugulu, olalohe ninifea ene dabalu molosi, bebeahe gilifea dabalu moloba ado.13Godene bugo usu eweguba selelu dobu. “Na Godefea asigi ule ufulune, na sulu saaba dafelagolu.” Nini hamagubasu Godefea asigi ule ufulune, ninida Godene sulu mana saaba dafelagoba lolu.14Enebamo, nini eweguba asigife. Gode Saminilo Yesuda haiba degeba ifolu amo Ehe, nini Yesudai melesi degeba ifosimo, gilida nini galiba Ene olegia miliyo milesi ulubia miyobafe.15Kegele ninifea holobagafe ewemo, gili sagoba ofelesia, moloba labe. Gode Ene kanululo mana amohe, idele inolo wedinale holobagalabia aasimo, idele inolo amohe Godefea henelu buleba selefe amone wasigasia, galeba dalesiamo, ilihe Ene elalelumo digife.16Aulugulu, nini bonesia kiwi sanefale. Seale, nine domala bado saabialomo, woba dafelabia aafeso, hilia sunia, nine libo usu iligimo, Godehe miliyolu hili no hagagaeaba ofolabasu labe.17Higinilu aga nini diabia aafe ewemo, bulale. Hilia fogo bulale ufia miliyobafe. Seale, higinilu nini aga dife amohe, elalelu amo ninifea alefalu melesi gadefafe. Elalelu yogolelu amohe, higiniludeno nini aga dife amo waseba suniafia daalu labe.18Aulugulu, ninihe si besabe kegele amofea si galiba bisigiale, si besabale kegele amone si galiba babiyoba. Maumo, kegele aga nini besabe ewemo, fogo abobodeno ufia miliyobafe. Auluso, kegele si besabale ewemo, alefalu ufia miliyobafe.
Wycliffe Bible Translators, Inc.