Luke5
1บัดแล่วยามที่พระเยซูยืนยุเถิงฝั่งทะเลสาบเยนเนซาเรท และผุคนกะลังเบียดเสียดพระองค์ย้อนสิมาฟังคำสอนของพระเจ้านั่น2พระเยซูแนมเบิ่งเห็นเฮือสองลำจอดยุฮิมตาฝั่งทะเลสาบ แต่ชาวประมงขึ้นจากเฮือแล้วกะลังซักอวนอยู่3พระเยซูจั่งย้างลงเฮือลำซึ่งเป็นเฮือของซีโมน พระเยซูขอให้เขาถอยออกไปจากตาฝั่งจักหน่อย แล้วพระองค์กะนั่งลงสอนผู้คนจากเฮือนั้น4บัดยามพระองค์เว่าสอนเสร้จแล้ว จั่งเว่ากับซีโมนว่า ให้ถอยออกไปบ้อนน้ำลึก แล้วป่อนอวนลงจับปลา5ซีโมนจั่งตอบว่า อาจารย์ เฮาทอดอวนมาเบิ๊ดคืนแล้วมันบ่ได่อิหยังเลย แต่ผู้ข้ากะสิย้อนลงตมคำของท่านเด้อ6บัดซุมเขาย้อนอวนลงแล้วกะจับปลาได้หลายเติบจนอวนของเขาเริ่มสิขาด7ซุมเขาจั่งเฮ็ดไม้เฮ็ดมือบอกหมู่ที่อยู่ในเรืออีกลำหนึ่งให้มาช้อยซุมเขาเขากะพากันมา และกะได่ปลาเต็มเรือเมิ่ดสองลำยัดอิ่งติ่ง8ซีโมนเปโตรเห็นจั่งซั่นแล้วกะหมอบลงบ้อนเข่าของพระเยวูเว่าว่า เจ้านายเอ้ย ขอท่านไปจากผู้ข้าสาเถาะ เพราะว่าผู้ข้าเป็นคนบาป9ย้อนว่าซุมเขาเบิ่ดซุคนที่อยุ่นำเบื่ดสุคนกะพากันงึดหลายย้อนเรื่องปลาที่ขาจับได่10ยากอบกับยอห์นลูกของเศเบดี ซึ่งเป็นหมู่ร่วมอาชีพกับซีโมนกะงึดคือกัน พระเยซูเว้ากับซีโมนว่า "บ่ต้องย่านนับตั้งแต่มื้อนี้ไปเจ้าสิเป็นผู้จับคน"11ยามนำเฮือมาฮอดตาฝั่งแล้ว ซุมพวกเขากะถิ่มซุอย่างซุแนวและนำก้นพระเยซูไป12ต่อมายามที่พระเยซูเพิ่นอยู่ในเมืองนึ้ง อยู่ฮั่นมีคนนึ้งเป็นขี้ทูดเต็มโต บาดลาวเห็นพระเยซูกะหลบหน้าลี้ลงดิน เว้าอ้อนวอนพระเยซูว่า "องค์พระผู้เป็นเจ้า ขอแต่พระองค์เต็มใจท้อนั้น กะสิเฮ็ดให้ข้าน้อยเซาเกลี้ยงได้"13พระเยซูจั่ง ยื่นมือแตะลาว แล้วเว้าว่า "เฮาเต็มจงเซาสาเถาะ" บาดนั้นขี้เฮื้อของลาวกะเซา14พระเยซูย้ำกับซุมเขาบ่อให้บอกผู้ได๋ และเว้าว่า "ไปแสดงโตนำอาจารย์ และประเคนเครื่องบูชาสำหรับคนที่เซาเป็นขี้ทูดแล้ว ตามที่โมเสสสั่งไว้ เพื่อเป็นหลักฐานยืนยันต่อผู้อื่น15ชื่อเสียงพระเยซูแฮงซ่าไปทั่วและซุมไทเมืองมาจุ้มกัน เพื่อสิฟังพระเยซูเว้าและฮับการปั๋วโรคภัย16พาดพระเยซูมักย่างออกไปบ่อนมิดๆและอธิษฐาน17มื้อใหม่มา ยามที่พระเยซูกำลังสอนอยู่ มีซุมพวกอาจารย์กับคนสอนศาสนามานั่งซุมกันอยู่ เป็นผู้ที่มาแต่ซุหม่องซุแจในเมืองแคว้นกาลิลี แคว้นยูเดียและนครเยรูซาเล็ม ฤทธิ์เดชของพระเจ้ากะอยู่นำพระเยซูเพื่อปั๋วโรคได้18และฮั่นหละ มีบางคนหามคนง่อยที่นอนอยู่เทิงที่นอน ซุมพวกเขากะเคี่ยวหาทางหามคนง่อยเข้ามาวางต่อหน้าพระเยซู19พาดหาทางเข้ามาบ่อได้ ย้อนมีคนหลาย เขาจั่งขึ้นไปทางเทิงหลังคาเฮือน แล้วกะป่อนคนง่อยพร้อมกับบ่อนนอนลงมาตามป่องกระเบื้อง วางต่อหน้าพระเยซูท่ามกลางซุมคน20ยามพระเยซูแนมเบิ่ง กะเห็นความเชื่อของซุมพวกเขา พระเยซูจั่งเว้าว่า "หมู่เอ้ย บาปของซุมเจ้าได้รับการยกโทษแล้ว"21ซุมพวกคนสอนศาสนาและอาจารย์จั่งคึดในใจว่า "คนผู้นี้หมิ่นประมาทพระเจ้า ลาวเป็นผู้ได๋แท้ ไผ๋สิยกความบาปได้นอกจากพระเจ้าท้อนั้น22แต่พระเยซูฮู้ความคึดของซมพวกเขา พระเยซูจั่งเว้ากับซุมพวกเขาว่า "เป็นหยังซุมเจ้าทั้งเบิ๊ดจั่งคึดในใจแนวนี้"23การที่เว้าว่า "บาปต่างๆ ของเจ้าได้ฮับการยกโทษแล้ว กับการเว้าว่า จั่งลุกขึ้นย่างไปเถาะ" แนวได๋สิง่ายกว่ากัน24แต่ทั้งเบิ๊ดนี้ ย้อนให้ซุมเจ้าฮู้ว่า ลูกของพระเจ้ามีสิทธิอำนาจในโลกที่สิยกโทษบาปได้ พระเยซูจั่งเว้าสั่งคนง่อยว่า "เฮาเว้าสั่งเจ้าว่า ลุกขึ้นยกบ่อนนอนแล้วกะหลบเมือเฮือนของเจ้าสาเถาะ"25บาดเดี๋ยวนั้น เขากะลุกขึ้นต่อหน้าซุคน ยอบ่อนนอนแล้วกะหลบเมือเฮือน พร้อมกับฮ้องเพลงสรรเสริญพระเจ้า26ซุผู้ซุคนกะงึดใจหลายและได้ถวายเกียรติแด่พระเจ้า ต่างกะย่านและเว้ากันว่า "มื้อนี้เฮาได้เห็นแนวที่เป็นตางึด"27หลังจากเรื่องนั้นแล้ว พระเยซูกะย่างออกไปและแนมเห็นคนเก็บภาษีคนนึ้ง ซื่อเลวี นั่งอยู่หม่องด่านเก็บภาษี จั่งเว้ากับลาวว่า "จั่งย่างตามเฮามาเถาะ"28ลาวกะลุกขึ้น ถิ่มซุอย่างแล้วกะนำก้นพระเยซูไป29แล้วเลวีกะจัดงานเลี้ยงงันกันให้พระเยซูในเฮือนของลาว มีซุมคนเก็บภาษีจุ้มใหญ่และผู้อื่น มาฮ่วมในงานนี้นำกัน30ซุมพวกอาจารย์และคนสอนศาสนาในจุ้มของซุมเขา กะจ่มว่า ซุมพวกลูกศิษย์ของพระเยซู เว้าว่า "เป็นหยังซุมเจ้าจั่งมากินดื่มกับซุมพวกคนเก็บภาษีและคนขี้บาป"31พระเยซูจั่งเว้าตอบซุมพวกเขาว่า "คนสบายบ่ออยากได้หมอ แต่คนเจ็บคนไข้จั่งสิอยากได้"32เฮาบ่อได้มาเพื่อเอิ้นคนดี แต่มาเอิ้นคนขี้บาปให้กลับใจใหม่33ซุมเขาทั้งหลายเว้ากับพระเยซูว่า "ศิษย์ของยอห์นอดข้าวอดน้ำและอธิษฐานดุดุ และศิษย์ของซุมพวกอาจารย์กะเฮ็ดคือกัน บาดศิษย์ของเจ้าทั้งกินทั้งดื่ม"34พระเยซูจั่งเว้ากับซุมพวกเขาว่า "เจ้าสิให้ซุมหมู่ของเจ้าบ่าวอดข้าวตอนที่เจ้าบ่าวยังอยู่กับเขาจั่งซั่นบ่อ"35แต่มื้อที่เจ้าบ่าวสิต้องหลบเมือ และในมื้อนั้นเขาจั่งสิได้ถืออดอาหาร36แล้วพระเยซูเว้าคำผญาเรื่องนึ้งให้ซุมเขาฟัง "บ่อมีไผ๋จีกผ้าจากเสื้อโตใหม่มาปะเสื้อโตเก่า ถ้าเฮ็ดจั่งซั่นเสื้อใหม่กะสิขาด และผ้าที่ได้จากเสื้อใหม่กะบ่อเข้ากับเสื้อเก่านำ37บ่อมีไผ๋เอาเหล้าโทที่เฮ็ดใหม่ ไปใส่ไว้ในถุงหนังเก่า ขั้นเฮ็ดจั่งซั่น เหล้าโทที่หมักใหม่สิเฮ็ดให้ถุงหนังเก่าขาด และเหล้าโทกะสิฮั่ว ถุงหนังกะสิเสียนำ38แต่เหล้าโทที่เฮ็ดใหม่กะต้องใส่ในถุงหนังใหม่39บ่มีผู้ไดบัดยามได้กินเหล็าโทที่เป็นแล้ว สิอยากได้เหล้าโทมักใหม่ดอก ย้อนซุมเขาสิเว้าว่า ของเก่านั้นกะดีกว่า
Son Light Foundation