Mark8
1ยามแน๊น บัดปะฮุนหลวงหลายมาหาวั๊วอีก และโบ๋มีแนวกิ๋นด๋ากิ๋น พระเยซูจั่งเร๊กลึ๊กศิษย์ น๊อยกับเหร่ากระ2ฮอยฮ๊ายปะฮุนนี้ เย้อเหร่าอยู่กับฮอยสามมื้อแล่วและโบ๋มีแนวกิ๋น3แค๊นฮอยด๋าเห๊อเหร่าหลบร๊านขณะที่เหร่าอึ๊ดแนวกิ๋น เหร่าด๋าเหมิ๊ดแรงล๊องตร๊างทางเย้อกระลางแอ้งม๊าแต่ไกล4ลึ๊กศิษยืจั่งจ๊อวั๊วกระ ในโบ๊กแห้งโบ๊กแล้งลี๊ด๋าห๊าแนวกิ๋นเห๊อเหร่ากิ๋นอิ่มได่ห๊าไห๊5วั๊วลิ๊น๊อยจ๊อเหร่ากระ ไทเจ้ามีข้าวหนมปังจักโคบ เหร่าจ๊อกระ มีเจ็ดโคบ6วั๊วจ่งน๊อยกับปะฮุนเห๊อนั่งล๊อง แล่วรับข้าวหนมปังเจ็ดโคบแน๊น อธิษฐาน แล่วบิส่งเห๊อซุมลึ๊กศิษย์ตีเบ๊ง7เหร่ามีปลาทรั๊วหน๊อยเห๊อโต๊ย วั๊วจั่งถร๊อพร แล้วจ๊อซุมลึ๊กศิษย์เห๊อตีเบ๊ง8ปะฮุนได่กิ๋นอิ่มและเศษแนวกิ๋นที่เหลือแน๊นเก็บได้เจ็ดกะต๊า9ปะฮุนที่อยู่แน๊นมีประมาณสี่พันฮุนแล่ว แล่วเห๊อเหร่าหลบคืนร๊าน10วั๊วกึ๊งสด็จล๊องรั๊วกับซุมลึ๊กศิษย์ห๊องวั๊วแท๊นทีตียังเขตเมืองดาลมานูธา11ซุมฟาริสีม๊าเฝ็าและเริ่มเถียงกับวั๊วเหร่าจ๊อถร๊อเห๊อวั๊วฮิดหมายสำคัญค๊อยส๊างบึ๋นเย้อด๋าลองวั๊ว12วั๊วถอนจื๊อแล่วน๊อยกระ อะทา ฮุนยุคลี๊กึ๊งซ๊อกห๊าหมายสำคัญ ฮอยน๊อยเจี๊ยนจริงกับไทเจ้ากระ ด๋าโบฮิดเห๊อหมายสำคัญเหน่อยุคลี๊13แล่ววั๊วเสด็จตีค๊อยเหร่า เสด็จล๊องรกตีวั๊งอุ๊น14ซุมลึ๊กศิษย์ลืมเอาข้าวหนมปังและเหน๊อรั๊วมีข้าวหนมปังโคบเดียว ทร่อแน๊น15วั๊วจั่งเตือนเหร่ากระ จั่งสังเกตุและระวังเซื้อห๊องฟาริสีและเซื้อห๊องเฮโรดเห๊อดี16ลึ๊กศิษย์จั่งน๊อยกิ๊นกระ เย้อซุมฮอยโบมีข้าวหนมปังห๊าไห้17บัดวั๊วล๊อจั่งน๊อยกับเหร่ากระ อะทา ไทเจ้าจั่งน๊อยเรื่องโบ๋มีข้าวหนมปัง ไทเจ้ายังโบ๋ล๊อและโบ๋เห๊าจื๊อห๊า จื๊อห๊องเจ้าแข็งกระด้างห๊า18มีตร๊องแล่วยังโบ๋แล๊น มีหูแล่วยังโบ๋เงี๊ยห๊า ไทเจ้าจื่อโบ๋ได่ห๊า19บัดฮอยบิข้าวหนมปังห้าโคบเห๊อฮุนห้าพันฮุนแน๊น ไทเจ้าเก็บได่จักกะต๊า เหร่าจ๊อกระ สิบสอง2021ว๊วจั่งน๊อยกับเหร่ากระ ไทเจ้ายังโบ๋เห๊าจื๊อห๊า22วั๊วกับล๊กศษย์ตียังเพียงเบธไซดา มีลางแอ้งพาแอ้งตร๊องบอดแอ้งหนึ่งมาส๊อว๊ว และจ๊อถร๊อเห๊อวั๊วปั๋วแอ้งแน๊น23วั๊วจั่งจูงมือแอ้งตร๊องบอดออกตีมะร๊อกมะร๊าน ทรงบ๊วนน่ำลายล๊องโบ๊กตร๊องห๊องแอ้งแน๊น วางมือเทิ๊งทรั๊วเหร่าจ๊อกระ เจ้าแล๊นอะทาห๊าไห๊24แอ้งแน๊นเงยหน้าแล๊นแล้วจ๊อกระ ฮอยแนมแล๊นฮุนคือโค๊ไม้ย๊างตีย๊างม๊า25วั๊วจั่งวางมือเทิ๊งตร๊องห๊องเหร่า แล่วเหร่าด๋าแนมแล๊น ตร๊องห๊องเหร่ากะดีโอ้ม แนมแล๊นต๊องล๊อง26วั๊วจั่งน๊อเห๊อแอ้งแน๊นหลบคืนตีร๊านห๊องเจ้าสู่ จ๊อกำชับ โบ๋เห๊อเห๊าไปเหน๊อมะร๊านแน๊น27พระเยซูกับลึ๊กศิษย์กะย๊างตียังมะร๊านต่างๆในเพียงซีซารียาฟิลิปปี บัดอยู่หว่างทางแน๊นวั๊วลิน๊อยจ๊อเหร่ากระ ปะฮุนน๊อยกิ๊นด๋าฮอยพันด๋อ28เหร่าจ๊อวั๊วกระ พันยอห์นผู้เห๊อบัพติสมา ลางฮุนกระพันแอ้งหนึ่งในซุมเผยพระวจนะ29วั๊วน๊อยเหร่ากระ แล่วไทเจ้าล่ะคึดกระฮอยพันเด๋อ เปโตรโหร่ทอยกระ วั๊วพันพระคริสต์30วั๊วน๊อยกำชับลึ๊กศิษย์โบ๋เห๊อน๊อยกับเด๋อกึ๊งเรื่องห๊องวั๊ว31แค๊นเสร๊อแน๊น วั๊วกะสอนลึ๊กศิษย์กระ บุตรมนุษย์ด๋าทนทุกข์หลายอย่าง ซุมผู้พันบึ๊กและหัวหน้าปุโรหิต ธรรมมาจารย์ด๋าโบ๋ยอมรับว๊ว วั๊วด๋าถึกก่าปร๋าย และค๊อยแน๊นสามมื้อด๋าเปร๋อม๊าโล้32เจี๊ยนเหล่าลี๊วั๊วน๊อยลิ๊กระ เปโตรแน๊นพาวั๊วแยกออกม๊าโหร๊ท๊อยโบ๋เห๊อน๊อย33วั๊วแนมแล๊นลึ๊กศิษย์แล่วน๊อยโบ๋ดีกับเปโตรกระ ม๊างโบ๋ดี เห๊อตีเห๊อไปไกลๆ เย้อกระเจ้าคึดอย่างฮุน โบ๋ได่คึดอย่างวั๊ว34พระองค์เร๊กปะฮุนและลึ๊กศิษย์เห๊อเห๊าม๊า แล้วน๊อยกับเหร่ากระ ถ่าฮุนได๋ย๊ากด๋านำฮอย เห๊อฮุนแน๊นปะเจ้าสู่ รับกางเขนห๊องเจ้าสู่นำฮอยมา35เย้อกระฮุนได๋ด๋าเอาซวิตเห๊อรอด ฮุนแน๊นด๋าปร๋าย ฮั๊กฮุนได๋ยอมปร๋ายเย้าแล๊นแดฮอยและข่าวประเสริฐ ฮุนแน๊นด๋าได่ซีวิต36เย้อกระเหร่าด๋าได่อะทาถ่าได่เทรื่องทร๊องเหมิ๊ดเปนบั๋นฮั๊กทรั๊วต้องปร๋าย37ฮุนแน๊นด๋าเอาอะทาไปแลกกับซีวิตห๊องเจ้าสู่คืนม๊า38ผะเด๋อมีเจี๊ยนละอายเย้อฮอยและเจี๊ยนสอนห๊องฮอย เหน๊อยุคที่โบ๋ซื่อทร่อวั๊ว บุตรมนุษย์ด๋ามีเจี๊ยนอายเย้อฮุนแน๊น บัวั๊วด๋าเสด็จม๊า
Empower Asia Bible Translation Movement