Mark14
1ก่อนด๋าซอดเทศกาลปัสกาและเทศกาลกิ๋นข้าวหนมปังไร้เชื้อสองมื้อ ซุมหัวหน้าปุโรหิตและซุมธรรมาจารย์คึ๊ดแผนที่ด๋าจับวั๊วเย้อด๋าก๊า2แต่เหร่าน๊อยกิ๊นกร๊ะ อย๊าเพิ่งฮิดอุ๊นเทศกาล เย้อกร๊ะปะฮุนด๋าวุ่นวาย3ขณะที่วั๊วประทับที่มะร๊านเบธานีอุ๊นร๊านห๊องซีโมนแอ้งที่เคยพันโรคขี๊ตู๊ด ขณะวั๊วนั่งและกิ๋นแนวกิ๋นอยู่แน๊น มีแม่บึ๊กแอ้งนึ๊งถือผอบน่ำฮ๊อมนารดาทีมีราคาแพง มาส๊อวั๊วแล่วเปิดผอบเทน่ำมันแน๊น ชโลมล๊องคึ๊นเทร๊าห๊องวั๊ว4ฮักมีลางแอ้งโบ๋พอจื๊อนั๊นกิ๊นกร๊ะ ห๊าไห๊กึ๊งฮิดเห๊อน่ำมันนี้เส๊ถิ๊ม5เย้อน๊ำมั๊นนี้ถ่าไปขายได่เง็นด๊อสามร้อยเดนาริอัน แล่วด๋าเอาไปแจกแอ้งทุกข์ได่ เหร่ากึ๊งติ๊แม่บึ๊กแอ้งแน๊น6พระเยซูกึ๊งน๊อยกับฮุนอ๊างแน๊นกร๊ะ อย่าติอย่ากวนนางเลย นางฮิดสิ่งที่ดีสำหรับฮอย7เย้อกร๊ะไทเจ๊าด๋าโบ๋ก๊าดฮุนทุกข์ฮุนยากอยู่นำ และไทเจ้าด๋าฮิดดีและไทเจ้าด๋าฮิดดีทร๊อเหร่ามื้อเหร๋อด๋าได่ ฮั๊กฮอยด๋าโบ๋ได่อยุ่กับเจ้าเสมอไป8แม่บึ๊กแอ้งนี้ฮิดดีที่ซอดส่ำกำลังห๊องนางแล่ว นางม๊าชโลมทรั๊วห๊องฮอยกรื๊อก่่อนที่ด๋าฝังศพห๊องฮอย9ฮอยโหร๊ทอยเจี๊ยนจริงกับเจ้ากร๊ะ สิ่งที่แม่บึกแอ้งนี้ฮิดด๋าถึกน๊อยกึ๊งทุกโบ๊กตรั๊วโลกทีมีการประกาศข่าวประเสริฐเย้อพันการระลึกกึ๊งนาง10ยูดาสอิสคาริโอทลึ๊กศิษย์ห๊องวั๊วไปส๊อหัวหน้าปุโรหิตเย้อด๋ามอบทรั๊ววั๊วเห๊อแด๋เหร่า11เย้อเหร่าได่งิ๋นอ๊างแน๊นก๊ะดีจื๊อและสัญญากร๊ะด๋าเห๊เง็นแด๋ยูดาส แล่วยูดาสกึ๊งถ่าส๊อโอกาสที่ด๋ามอบทรัววั๊วเห๊แด๋เหร่า12บั๊ดซอดมื้อต๊ำอิ๊ดห๊องเทศกาลกิ๋นข้าวหนมปังไร้เชื้อ กึ๊งพันยามที่เหร่าด๋าก๊าลึ๊กแกะสำหรับปัสกาแน๊น ลึ๊กศิษย์มาจ๊อทอยวั๊วกร๊ะ ด๋าเห๊อฮอยไปจัดเตรี๊ยงปัสกาเห๊อวั๊วกิ๋นโบ๊กเหน๊อ13วั๊วกึ๊งใช้ลึ๊กศิษย์สองฮุนไป น๊อยเหร่ากร๊ะ เห๊อเห๊าไปเหน๊อเพียง แล้วด๋ามีพ่อซายแอ้งหนึ๊งทูนหม้อน๊ำมาส๊อเจ้า เห๊อนำแอ้งแน๊นไป14เหร่าเห๊าไปที่เหน๊อด๋าเห๊อโหร๊เจ้าห๊องร๊านแน๊นกร๊ะ พระอาจารย์จ๊อกร๊ะ ห๊องที่ฮอยกับลึ๊กศิษย์ด๋ากิ๋นปัสกาอยู่ที่เหน๊อ15เจ้าห๊องร๊านด๋าชี้เห๊อแล๊นโฮ๊งบึ๊กเทิ๊งคึ๊นที่เตรี๊ยงกรื๊อแล่ว โบ๊กแน๊นแน๊ะ เห๊อเตรี๊ยงกรื๊อสำหรับฮอยเถ๊าะ16ลึ๊กศิษย์สองแอ้งแน๊นกึ๊งเท๊วเปร๋อ ย๊างเห๊าไปเหน๊อเพียง พ้อด๊ออ๊างคือกิ๊นกับเจี๊ยนท่วั๊วลิ๊น๊อยแด๋เหร่าแล่วเหร่าด๋าจัดเตรี๊ยงปัสกากรื๊อพร๊อม17ซอดมื้อแลงแล่ว วั๊วกึ๊งเสด็จม๊ากับลึ๊กศิษย์สิบสองแอ้ง18ขณะกำลังนั่งกิ๋นเกว๊าอยู่แน๊น พระเยซูน๊อย กับเหร่ากร๊ะฮอยน๊อยเจี๊ยนจริงกับไทเจ้ากร๊ะ ฮุนนึ๊งในซุมเจ้าด๋าหักหลังฮอย พันแอ้งที่กิ๋นเกว๊านำฮอย19ลึ๊กศิษย์ด๊ะพากิ๊นพันทุกข์แล๊วโหร๊ทอยวั๊วทีละแอ้งกร๊ะ พันฮอยห๊า20วั๊วกึ๊งน๊อยจ๊อเหร่ากร๊ะ พันแอ้งหนึ๊งพันลึ๊กศิษย์สิบสองแอ้งนี้ พันแอ้งที่จ๊ำเหน่อโถ๊ยเดียวกิ๊นกับฮอย21เย้อกร๊ะบุตรมนุษย์ด๋าต้องพันไปนำที่เขียนไว้เกี่ยวกับวั๊ว แต่แนวโบ๋ดี๊ด๋าเกิดแด๋แอ้งที่หักหลังบุตรมนุษย์ ถ่าแอ้งแน๊นโบ๋ได่เกิดม๊าด๋าดี22พันยามกิ๋นเกว๊ามื้อแน๊น พระเยซูทรงยุ๊บข้าวหนมปังม๊า บั๊ดถร๊อพรแล่ว ด๋าบิส่งเห๊แด๋ซุมลึ๊กศิษย์น๊อยกร๊ะ เห๊อรับเถ๊าะ นี่พันทรั๊วห๊องฮอย23แล่ววั๊วด๋ายุ๊บโถ๊ยแค๊นขอบพระคุณ(อธิษฐาน)แลวกึ๊งส่งเห๊อเหร่า เหร่าด๊ะรับไปกิ๊นดอแอ้ง24แล่ววั๊วน๊อยกับเหร่ากร๊ะ นี่พันล๊วดห๊องฮอยพันล๊วดแห่งพันธสัญญาที่ด๋าไหล๊เท๊วเย้อฮนจำนวนด๊อ25ฮอยน๊อยเจี๊ยนจริงแด๋ไทเจ้ากร๊ะ ฮอยด๋าโบ๋กิ๋นน่ำค๊อยโหน๊ยหมากองุ่นอิ๊ก จนด๋าซอดมื้อแน๊น คือมื้อที่ฮอยด๋ากิ๊นเหน๊อเป็นบั๋นห๊องพระเจ้า26บั๊ดร๊องเพลงย้องวั๊วแล่ว เหร่าด๊พากิ๊นตีที่ส๊างร๊อยมะฮ๊อกเทศ27พระเยซูน๊อยกับลึ๊กศิษย์กร๊ะ ไทเจ้าดอแอ้งด๋าถิ๊มออย เย้อมีเจี๊ยนเขียนกรื๊ออุ๊นพระคัมภีร์กร๊ะ ฮอยด๋าก๊าผู้เลี้ยงลึ๊กแกะและแกะฝูงแน๊นด๋ากระจัดกระจายไป28ฮั๊กวั๊วทรงฮิดเห๊อฮอยพันหึ๊นม๊าแล่ว ฮอยด๋าตียังเพียงกาลิลี29เปโตรโหร๊ทอยวั๊วกร๊ะ ฮั๊กแม๊นดอแอ้งด๋าถิ๊มวั๊ว แต่ฮอยด๋าโบ๋ถิ๊มวั๊ว30พระเยซูกึ๊งน๊อยกับเหร่ากร๊ะ ฮอยน๊อยเจี๊ยนจริงกับเจ้ากร๊ะ เหน๊อมื้อนี้เหน๊อมื้อแลงนี้ ก่อนไก่ด๋าขันสองเทื๊อ จ้าด๋าปฏิเสธฮอยสามเทื๊อ31เปโตรจ๊อยืนยันกร๊ะ ฮักแม๊นกร๊ะ ฮอยด๋าต้องปร๋ายกับวั๊ว ฮอยด๊ะโบ๊ปฏิเสธวั๊วเลย ซุมลึ๊กศิษย์กะจ๊อคือกิ๊นดอแอ้ง32แล่วพระเยซูกับลึ๊กศิษย์ม๊าซอดโบ๊กโบ๊กหนึ๊งชื่อเกทเสมนี วั๊วน๊อยกับลึ๊กศิษย์ห๊องวั๊วกร๊ะ เห๊อน่งอยู่โบ๊กนี้ยามที่ฮอยอธิษฐาน33วั๊วด๊ะพาเปโตร ยอห์น ยากอบไปนำกิ๊น แล่ววั๊วด๋าทรงพันทุกข์และหักจื๊ออ๊างอิ๊ง34กึ๊งน๊อยกับลึ๊กศิษย์กร๊ะ จื๊อห๊องฮอยพันทุกข์จนด๋าปร๋าย เห๊อเฝ้าอยู่โบ๊กนี้เถ๊าะ35แล่วด๋าเสด็จทร๊อเปร๊ออีกหน๊อยนึ๊ง ซุ๊บทรั๊วล๊องโบ๊กบั๋นอธิษฐานกร๊ะ ถ่าพันได่ถรอเห๊อโมงนี้ก๊ายเท๊วค๊อยวั๊ว36วั๊วจีอกร๊ะ อับบาพ๊อ ด๊อสิ่งพันได่เหร๊อวั๊ว ถร๊อเห๊โถ๊ยนี้เท๊วค๊อยฮอยเถ๊าะ ฮักอย่าเห๊อพันตีตามจื๊อคึดห๊องฮอย แต่เห๊อพันตามจื๊อห๊องวั๊ว37แค๊นวั๊วเสด็จหลบม๊า วั๊วแนมแล๊นลึ๊กศิษย์นั๊มดั๊กอยู่ กึ๊งน๊อยกับเปโตรกร๊ะ ซีโมนเอ๊ย เจ้าด๋านั๊มดั๊กห๊าไห๊ เฝ้าระวังจั๊กชั่วโมงโบ๋ได่ห๊า3839ไทจ้าเห๊อเฝ้าระวังแลอธิษฐานเย้อด๋าโบ๋ถึกทดลอง จิตวิยญาณพร๊อมด๋าแม๊นอยู่ แต่ทรั๊วยังเหมิ๊ดแฮง40วั๊วกึ๊งเสด็จหลบม๊าอิีกด๊ะแนมแล๊นลึ๊กศิษย์นั๊มดั๊กอยู่ เย้อตร๊องห๊องเหร่ามื๊นโบ๋หึ๊น เหร่าโบ๋ล๊อกร๊ะด๋าจ๊อวั๊วอ๊างเหร๊อ41บั๊ดเสด็จหลบม๊าเทื๊อที่สาม วั๊วน๊อยกับเหร่ากร๊ะ ไทเจ้าด๋านั๊มเห๊อเซาเหนื่อยอีกห๊า พอเถ๊าะ ซอดยามที่บุตรมนุษย์ด๋าถึกมอบกรื๊อมือห๊องฮุนบาปแน๊นมาซอดแล่ว42ลุกหึ๊นไปกิ๊นเถ๊าะ แอ้งที่หักหลังฮอยเตร๊อร๊ะแล่ว43วั๊วน๊อยโบ่ทันจบ แค๊นทรู๊แน๊น ยูดาสซึ่งพันฮุนอุ๊นซุมลึ๊กศิษย์สิบสองแอ้งแน๊น ด๊ะมาสีอวั๊วนำกิ๊นกับปะฮุนที่ถือดาบ ถีอไม้ตะบองซึ่งพันฮุนห๊องหัวหน้าปุโรหิต ซุมธรราจารย์และซุมผู้บึ๊ก44ฮุนที่หักหลังวั๊วด๊ะเห๊อสยญารกับเหร่ากร๊ะ ฮอยจุ๊บคำนับเด๋อด๊ะคือฮุนแน๊นแน๊ะ เห๊อจับคุ๊มทรั๊วเหร่าตีเห๊อแน่นหนา45แล่วยุดาสด๊ะอุ๊นเห๊ามาส๊อวั๊วแท๊นทีจ๊อกร๊ะ พระอาจารย์แล่วด๋าจุ๊บวั๊ว46ฮุนอ๊างแน๊นด๊ะตีจับกุมวั๊ว47ฮั๊กมีแอ้งหนึ๊งที่ย๊องอยู่ที่แน๊นชักดาบเท๊วฟันลุ๊แล๊งห๊องมหาปุโรหิต48พระเยซูน๊อยกับอุนอ๊างแน๊นกร๊ะ ไทเจ้าแล๊นฮอยพันโจรห๊า กึ๊งได้ถือดาบถือกะบองเท๊วม๊าจับฮอย49ฮอยอยู่กับไทเจ้าดอมื้อและสั่งสอนเหน๊อพระวิหาร ไทเจ้าคือโบ๊จับฮอยห๊า ด๊ออ๊างด๋าต้องสำเร็จตามพระคัมภีร์50แล่วลึ๊กศิษย์ทึ๊งเหมิ๊ดด๊ะถิ๊มวั๊วกรื๊อแล่วด่าพากิ๊นหนี51มีพ่อซายแอ้งหนึ๊งห่มกะเพี๊ยป๊านผืนหนึ๊งนำวั๊วตี แอ้งอ๊างแนีนด๋าจับบ่าวแอ้งแน๊น52ฮั๊กเหร่าสะลัดกะเพี๊ยะผืนแนั๊นแล่วป๊ะทรั๊วหนีไป53เหร่านำทรั๊วพระเยซูไปส๊อมหาปุโรหิต มีซุมหัวหน้าปุโรหิต ซุมผู้บึ๊ก ซุมธรรมาจารย์จุ๊มกิ๊นอยู่โบ๊กแน๊น54เปโตรแน๊น นำพระเยซูไปห่าง ห่าง จนเห๊าไปซอดเดิ๊นร๊าน ห๊องมหาปุโรหิต เหร่าเห๊าไปนั่งผี๊งไฟอยู่นำซุมทหารยาม55ซุมหัวหน้าปุโรหิตกับสมาชิกสภากำลังส๊อพยานม๊าเส๊อเจี๊ยนพระเยซูเย้อกร๊ะด๋าก๊าวั๊ว ฮั๊กส๊อหลักฐานโบ๋ได่56เย้อกร๊ะมีหลายแอ้งมาพันพยานโบ่แม๊นเจี๊ยนจริงเส๊อวั๊ว ฮั๊กเหร่าน๊อยโบ๋คือกิ๊น57ลางแอ้งย๊องหึ๊นน๊อยโบ๋แม๊นเจี๊ยนจริงเส๊อวั๊วกร๊ะ58ฮอยอุ่นงิ๋นฮุนนีจ๊อกร๊ะ ออยด๋าม้างพระวิหารที่สร้างด้วยมือมนุษย์และภายเหน๊อสามมื้อฮอยด๋าฮิดวิหารหึ๊นที่โบ๋ได้ถึกสร้างด้วยมือมนุษย์59ฮั๊กเจี๊ยนพยานห๊องแอ้งอ๊างแน๊นด๋าโบ๋คือกิ๊น60มหาปุโรหิตกึ๊งลุกหึ๊นตร๊างที่ฮุนซุมกิ๊นโหร๊พระเยซุกร๊ะ เจ้าด๋าโบ๊แก้ทรั๊วเหน๊อสิ่งที่เหร่าน๊อยกล่าวหานี้ห๊าไห๊61แต่วั๊วอยู่เดยเดย มหาปุโรหิตกึ๊งโหร๊วั๊วอิ๊กกร๊ะ ฮอยพันพระคริสต์ลึ๊กห๊องวั๊วผู้ที่ควรย้องยอกราบไหว็ห๊าไห๊62พระเยซูน๊อยจ๊อกร๊ะ ฮอยพัน และไทเจ้าด๋าแล๊นบุตรมนุษย์ นั่งอยู่ข้างขวาห๊องผู้มีฤทธิ์และด๋าเสด็จม๊าเหน๊อเวี๊ยะแห่งส๊างสวรรค์63มหาปุโรหิตด๋าจี๊กกะเพี๊ยะห๊องพ่อสู่จ๊อกร๊ะ ฮอยด๋าส๊อพยานอะทา64ไทเจ้าได่งิ๋นเหร่าน๊อยหมิ่นประมาทวั๊วห๊า ไทเจ้าคึดอ๊างไร ปะฮุนกึ๊งกึ๊ดคือกิ๊นกร๊ะควรด๋าก๊าพระเยซู65ลางแอ้งถ่มน่ำน๊ายเส๊อวั๊ว ปิดหน้าวั๊ว ทุบตีวั๊ว แล่วน๊อยกับวั๊วกร๊ะ เห๊อทวยดุ๊ แล่วซุมทหารยามด๊ะเอามือตบวั๊ว66ระหว่างที่เปโตรอยู่ที่เดิ๊นร๊านทางเต๊อร๊าน มีแม่บึ๊กแอ้งหนึ๊งพันฮุนรับใช็ห๊องมหาปุโรหิต67แค๊นแล๊นเปโตรผิงไฟอยู่ นางจ๊องแล๊นแล้วน๊อยกร๊ะ เจ้าด๋าอยู่นำพระเยซุปะฮุนนาซาเร็ธเย้อห๊า68แต่เปโตรปฏิเสธกร๊ะ เจ้าน๊อยอะทา ฮอยโบ๋ล๊อและโบ๋เห๊าจื๊อ69บัดฮุนรับใช้แอ้งแน๊นแล๊นเปโตร ด๊ะน๊อยหึ๊นกับแอ้งที่ย๊องอยู่กร๊ะ ฮุนนี้พันซุมเหร่าด้วย70แต่เปโตรอิ๊กกร๊ะ เจ้าพันฮุนหนึ๊งอุ๊นซุมแน๊นแน๊แน๊เย้อกระเจ้าพันปะฮุนกาลิลี71แต่เปโตรด๋าเริ่มน๊อยสาบานกร๊ะ แอ้งที่เจ้าน๊อยแน๊นฮอยโบ๋ล๊อจัก72แค๊นทรุ๊แน๊นไก่ด๋าขันเทื๊อที่สอง เปโตรจั่งคึดซวดซอดเจี๊ยนที่พระเยซุน๊อยกับเหร่ากร๊ะ ก่อนไก่ขันสองเทื๊อ เจ้าด๋าปกิเสะฮอยสามเทื๊อ เปโตรด๋าไก๊ไต๊
Empower Asia Bible Translation Movement