Mark13
1แค๊นแน๊นพระเยซุเท๊วค๊อยบริเวณพระวิหาร มีลึ๊กศิษย์แอ้งหนึ่งจ๊อกระ ท่านอาจารย์ ศิลากับร๊านอ๊างนี้บึ๊กดีดี๊2พระเยซูกึ๊งน๊อยกับลึ๊กศิษย์ฮุนแน๊นกร๊ะ เจ้าแล๊นร๊านบึ๊กอ๊างนี้ห๊า โบ๊กนี้ด๋าโบ๋มีก้อนขี้รี๊นซ้อนทับกิ๊นแม๊แทร๊ก้อนเด๊ว ฮั๊กด๋าถึกม้างล๊องเหมิ๊ด3บัดวั๊วนั่งล๊องเหน๊อส๊างร๊อยมะฮ๊อกเทศหุ๊นหน้าพระวิหาร เปโตร ยากอบ ยอห์นและอันดรูว์ม๊าโหร๊ทอยวั๊วพันส่วนทรั๊วกร๊ะ4ถร๊อเห๊อซุมฮอยล๊อกร๊ะ เหตุการณ์อ๊างนี้ด๋าเกิดหึ๊นมื้เหร่อ อะทด๋าพันหมายสำคัญที่ด๋าล๊อกร๊ะเหตุการณ์ทึ๊งเหมิ๊ดนี้เตร๊อร๊ะแล่ว5พระเยซูกึ๊งน๊อยเหร่ากร๊ะ ระวังเห๊อดี อย๊าเห๊อเด๋อล่อเจ้าเห๊อโหล๊งเปร๊อ6เย้อกร๊ะด๋ามีหลายฮุนม๊าอ้างนามห๊องฮอยกร๊ะ ฮอยพันผู้แน๊น และด๋าเห๊อฮุนจำนวนด๊อโหล๊งเปร๊อ7แค๊นเจาได่งิ๋นเรื่องสงคราม อย่าตื่นต๊อกจื๊อ เย้อกร๊ะสิ่งอ๊างนี้พันต้องเกิดหึ๊น เย้อโบ๋ซอดกาลอวสาน8เย้อประชาชาติกับประชาชาติ เพียงกับเพียงด๋าทร๊อสู้กิ๊น ทึ๊งด๋าเกิดเป็นบั๋นสั่นไหว๊แะด๋าเกิดอึ๊ดแนวอยากแนวกิ๋น เหตุการณ์อ๊างนี้พันแค่เริ่มตำอิ๊ดห๊องเจี๊ยนทุกข์ยาก9ฮั๊กเห๊อระวังทรั๊วเห๊อดี เย้อมีแอ้งด๋ามอบไทเจ๊ากรื๊อกับศาล และด๋าเฆี่ยนไทเจ๊าอุ๊นศาลาตร๊างมะร๊าน และไทเจ๊าด๋าต้องย๊องอยู่หุ๊นหน๊าเจ้าเพียงและกษัตริย์เย้อฮอย เย้อด๋าพันพยานกับเหร่า10และข่าวประเสริฐด๋าต้องประกาศแด๋ปะฮุนทุกชาติ11แค๊นไทเจ๊าถึ๊กมอบทรั๊วกรื๊อแน๊น อย๊าคึ๊ดพักกร๊ะด๋าน๊อยอะทาดี๊ ฮั๊กเห๊อน๊อยที่วั๊วด๋าเห๊อเจ้าน๊อยยามแน๊น เย้อกระผูี่ที่น๊อยแน๊นโบ๋แม๊นทั๊วห๊องเจ้าฮั๊กพันพระวิญญาณบริสุทธิ์12ฮั๊กแทร๊พี่กะด๋ามอบน๊องกรื๊เห๊อก๊งเจี๊ยนปร๋าย พ๊อด๋ามอบลึ๊กและลึ๊ด๋าคึ๊ดโบ๋หุ๊นกับพ๊อเม๊เห๊อกึ๊งเจียนปร๋าย13แอ้งทั้งด๊อด๋าซังไทเจ๊า เย้อนามห๊องฮอย ฮั๊กแอ้งที่อดทนซอดที่สุดด๋ารอด14แค๊นไทเจ๊าแล๊นสิ่งที่ก่อเห๊อเกิดเจี๊ยนหายนะ ตั๊งอยู่โบกที่โบ๋ควรด๋าตั้งมื้อแน๊นเห๊อพวกที่อยู่เห่อเพียงยูเดียลี๊เปร๋อที่ส๊างร๊อย15แอ้งที่อยู่เหร๊อเทิ๊งส๊าง โบ๋เห๊อล๊องมาหรือเห๊าไปกิ๊บเทรื๊องทร๊องเหน่อร๊านห๊องพอสู่16ฮั๊กแอ้งที่อยู่ทุ๊งรี๊ทุ๊งนาอย่าหล๊บกื๊นเปร๋อเอาไห้กะเพี๊ยะห๊องพ่อสู่17เจี๊ยนโบ๋ดีแด๋แม่บึ๊กที่มีท๊องหรือมีลึ๊กอิ๊ดกินจู๊18เห๊ออธิษฐานถร๊อเย้อกร๊ะสิ่งอ๊างนี้ด๋าโบ๋เกิดหึ๊นในย๊ามหนาว19เย้อกร๊ะ ในย๊ามแน๊นด๋าเกิดเจี๊ยนทุกข์เจี๊ยนลำบากอย่างที่โบ๋พบโบ๋พ๊อม๊าก่อน ทั๊งแทร๊วั๊วสร้างโล๊กจนซอดมื้อนี้และเหน๋อทางหน้าด๋าโบ๋มีอิ๊ก20ถ่าวั๊วโบ่เห๊อมื้ออ๊างแน๊นเห๊าเตร๊อร๊ะ ด๋าโบ๋มีเด๋อรอดได่ฮักเย้อวั๊วแล๊นแด๋แอ้งที่วั๊วเร๊กกรื๊อ วั๊วด๋าโปรดเห๊อมื้ออ๊างแน๊นเตร๊อร๊ะเห๊าม๊า21พันโมงแน๊น ถ่าเด๋อด๋าน๊อยไทเจ้ากร๊ะ แน๊นแน๊พระคริสต์อยู่โบ๊กนี่หรืออยู่โบ๊กแน๊น โบ่เห๊อเจ้าเชื่อเหร่า22เย้อกร๊ะ ด๋ามีพระคริสต์เทียมเท็จและผู้เผยพระวจนะเทียมเท็จหลายแอ้งหุ๊นปรากฏ แสดงหมายสำคัญแลการอัศจรรย์เย้อล่อแอ้งที่วั๊วเร๊กกรื๊อเห๊อโหล๊ง23แค๊นแน๊น เห๊อระวังเห๊อดี๊ ฮอยน๊อยเจ้าดออย่างแล่ว24เท๊วคีอยเจี๊ยนทุกข์ยากแน๊นก๋ายไปแล่ว ขี้ตาเว็นด๋ามื๊ดไป และอิเกิ๊งด๋าโบ๋ส๊องแส๊ง25ดวงด๊าวทึ้งหลายด๋าต๊อกค๊อยส๊าง และซุมสิ่งทีมีอำนาจด๋าสะเทือนสะท้าน26มื้อแน๊นเหร่าด๋าแล๊นลึ๊กมนษย์เสด็จม๊าอุ๊นเมฆ ทรงฤทธานุภาพและพระรัศมีด๊ออิ๊ก27มื้อแน๊นวั๊วด๋าทรงไซ้ฑูตสวรรค์ม๊าเห๊อรวบรวมปะฮุนหลวงหลายที่วั๊วทรงเร๊กกรื๊อค๊อยทึ๊งสี่ทิศ ค๊อยที่สุดปลายเป็นบั๊นห๊องโลกซอดที่สุดฮิมส๊าง28เห๊อเรียนบทเรียนค๊อยโคร๊หมากเดื่อ บัดมั๊นแปร๊กกิ่งแปร๊กใบ ไทเจ้าด๊ะล๊อกร๊ะยามฮ้อนเตร๊อร๊ะซอดแล่ว29คื๊อกิ๊น บัดไทเจ้าแล๊นเหตุการณ์อ๊างแ๊นเกิดหึ๊น เห๊อล๊อกร๊ะวั๊วเสด็จเตร๊อร๊ะซอดพักตูแล่ว30ฮอยน๊อยเจี๊ยนจริงแด๋ไทเจ๊ากร๊ะ แอ้งเหน่อยุคนี้ด๋าโบ๋นั๊มดั๊กไป31ส๊างละบั๋นด๋าโหล๊งไป แต่ซุมเจี๊ยนห๊องฮอยด๋าโบ่เหี๊ยถิ๊มไป32แต่โบ๋มีเด๋อล๊อเรื่องมื้อหรือโมงแน๊น แม๊แทร๊ซุมฑูตสวรรค์ในส๊างสวรรค์หือพระบุตร มีแต่พระบิดาทร๊อแน๊น33เห๊อเฝ้าระวังและอธิษฐาน เย้อซุมเจ้าโบ๋ล๊อกร๊ะมื้อแนีนหรอโมงแน๊นด๋าม๊าซอดมื้อเหร๊อ34คือกิ๊นกับพ่อซายแอ้งหนึ๊งเท๊วเดินทาง บั๊ดเหร๊าด๋าเท๊วค๊อยร๊าน เหร๊าด๋ามอบการงานเห๊อแล๊งแต่ละแอ๊งฮิดแล่วโหร๊ทอยแอ้งเฝ้าพักตูเห๊อถ่าเฝ้าระวังเห๊อดี35เย้อรู่แน๊น ไทเจ้าจั่งเฝ้าระวัง เย้อไทเจ้าโบ๋ล๊อกร๊ะเจ้าห๊องร๊านด๋าม๊ามื้อเหร๊อ เย้อด๋าม๊าอุ๊นยามแลง หรือเที๊ยงกึ๊นหรือยามไก่หั๊นหรือยามเช้า36ทรุ๊แน๊นแล่วฮักเจ้าห๊องร๊านหลบม๊าเร๊ว เหร่าอาจด๋าพ้อไทเจ้ากำลังนั๊มดั๊กอยุ่37สิ่งที่ฮอยน๊อยกับไทเจ้าแน๊น ฮอยด๋าน๊อยปะฮุนดอแอ้งคือกิ๊น กร๊ะ เห๊อเฝ้าระวังอยู่
Empower Asia Bible Translation Movement