Mark9
1พระเยซู หวาว ตอฺจี ปาย “ไฮ หวาว หมัดเหม็ย จิง เกิด กูย หนืจ หลึง บวน แหน จิง ปุ แหล็ฮ จน ปาย จิง เผิห์ พระเจ้า เกิด ซะดัจ ขุม หลึง ริดอำนาด.”2กะผัด ตไง ตอฺเจา พระเยซู ดึง เปโตร ยากอบ หนะ ยอน จี ซ็อฺฮ บรู ถีๆ แต โมหนาว. โมหนาว ก็ เผิห์ จะ ค็อฺง พระเยซู พีน จี เกิด หงัล.3ฮับ อึนฉิจ เทาะ เซอ กู ก็ บัวะ หงัล ญาบๆ จิง บวย เฉียง โบว์ อึนฉิจ กูย เหนีย หลึง กแตห์ จิง หวัว ออฺน บัวะ มัฮ ปุ บืน.4แหลว โมหนาว เผิห์ เอลียา หนะ โมเซ หวาว อึนดัว กู หนะ พระเยซู.5เปโตร หวาว หลึง พระเยซู ปาย “ออฺ เนาะ อาจาน เทาะ โมไฮ บืน เจา กู บวน แหน. ออฺน โมไฮ หวัว โหรง ซ็อฺฮ อไป ออฺน หมวง กู หมูย โมเว กู หมูย เอลียา กู หมูย.”6เปโตร หนะ โม เทาะ เจา อะตูง ผัว หวาว หนอฺ ปุ ไกร.7เกิด กเหม็อล หลอย เจา อึนเย็อง กู. เกิด เซง โซล หล็อฺฮ เจา รู กเหม็อล ขัย ปาย “แหน กอฺน หมูย เทาะ หมัก ค็อฺง ไฮ ออฺน ตะงัด หนาว เดอ!”8ปุบปับ ซ็อฺฮ โม กอฺนซิด หวิฮ ซี ซะวีล แต ก็ ปุ เผิห์ ดาย เผิห์ แต พระเยซู.9ฮุจ โตน นา แซงเจา รู บรู ขัย พระเยซู ฮาม กอฺนซิด ปุ ออฺน หวาวหมาล เทาะ เผิหื แหน ออฺน ดาย ตะงัด จน ปาย กอฺนกูย+ จิง หมอฮ ซ็อฺฮเจา รู แหล็ฮ.10โมหนาว ก็ หวัว โตน เทาะ พระเยซู ซัง แต ด็อฺง หม็อฺฮ อึนดัว แต โมหนาว ปาย “เทาะ พระเยซู หวาว ปาย หมอฮ ซ็อฺฮเจา รู แหล็ฮ แหน มาย ตอห์ หนอฺ?”11แหลว โม กอฺนซิด หม็อฺฮ พระเยซู ปาย “เกิด หนอฺ แต โม อาจาน ซอฺน กด+ ค็อฺง โมเซ หวาว ปาย เอลียา ต็อฺง เจา หญูง ลัฮ?”12พระเยซู หวาว ปาย “เอลียา เจา หญูง เฮย เจา หมีน ขูยาง ดัวะ ออฺน ผรวม. แต เกิด หนอฺ อึมผี+ หวาว ดัวะ ปาย กอฺนกูย จิง ต็อฺง เท็อน อึมเบียะ ยัง อึนต็อฺง ดาล ยาง ต็อฺง ไกร กูย ดาล หนะ ดูทูก อึนแตน.13แต ไฮ อึนเต โมหมวง ปาย เอลียา เจา แหลว แหลว กูย ดาล หนะ บืน หวัวเซอ หนาว โตน ผัวกะฮอฺม นะ เทาะ อึมผี คีน ดัวะ.”14ผัว โม พระเยซู เจา ตอฺห์ กอฺนซิด โม กะน็อฺฮ ก็ เผิห์ กูย หมูด โมด ผืด ฮุม โมหนาว กู เกิด โม อาจาน ซอฺน กด ค็อฺง โมเซ กะฉีน อึนดัว หนะ โม กอฺนซิด.15ผัว กูย ฉิม หนะ เผิห์ พระเยซู ก็ หงึด หมัดเหม็ย อึมปรอญ จี อึมผาฮ พระเยซู.16พระเยซู หม็อฺฮ โม กอฺนซิด “โมหมวง กะฉน อึนดัว หลึง โมหนาว หรืง หนอฺ?”17กูย อึนถรุฮ หมูย หนะ หลึง โมด ขัย หวาว ปาย “อาจาน ลัฮ ไฮ ดึง กอฺน อึนถรุฮ หมาลหมูด เจา บวย หมวง หมาล ขัย ปุ ออฺน หนาว หวาว.”18หนาว กู บวน เหนีย ก็ หวัว ออฺน อะหละ เดียะหวี ก็ กโป็ฮ ปิฮ กะนอฮ ชัก กับ กแนง ไฮ ดึง เจา เถียร ออฺน โม กอฺนซิด ค็อฺง หมวง ผูย หล็อฺฮ แต ผูย หล็อฺฮ ปุ บืน.”19พระยซู หวาว หลึง โม กอฺนซิด ปาย “เกิด หนอฺ โมหมวง ปุ ญอฺม ฉือ? จิง ออฺน ไฮ กู หลึง โมหมวง ดูญ มัฮเหนีย? จีๆ ดึง แอ กอฺนแนน เจา แหน!”20หนาว ก็ จี ดึง กอฺนแนน เจา บวย พระเยซู. หมาลหมูด ผัว เผิห์ พระเยซู ก็ หวัวออฺน กอฺนแนน อึนตอล บิดจะ อะหละ เดียะหวี ก็ กเผ็อร ปิฮ กะนอฮ.21พระเยซู หม็อฺฮ อาหนุ ขัย ปาย “หนาว เกิด นะแหน ดูญ มัฮเหนีย?”22อาหนุ อึนเต ปาย “เกิด เจา รู แกดๆ. หมาลหมูด ยัก ออฺน หนาว แหล็ฮ หวัว อึนถรุฮ เซอ อูฮ เซอ เดียะ เล็ยๆ. คัน หมวง จิง ฉูย บืน เถียร ออฺน เหยาะเหฺยียล ไฮ หนืจ!”23พระเยซู หวาว หลึง หนาว ปาย “เกิด หนอฺ แต หวาว ปาย คัน ฉูย บืน? คัน ผัย กูย เหนีย จิง ฉือ ขูยาง เกิด จี บืน ติงฉิม.”24อาหนุ ค็อฺง กอฺนแนน ขัย ก็ เตรห์ หวาว ปาย “ไฮ ฉือ กู เฮย! เทาะ ไฮ ปุ ฉือ เถียร ฉูย ออฺน ไฮ ฉือ ดาล ซ็อฺฮ.”25ผัว พระเยซู เผิห์ ปาย กูย ดาล หนะ อึมปรอญ หมูดเจา หนาว ก็ ซัง หมาลหมูด ขัย ปาย “ไอ หมาล กืห์ กะตอร ตง ไฮ อึนเต หมัย ออฺน หล็อฺฮ แหลว จิ หมูด กู หลึง กอฺนแนน เถิน เดอ!”26หมาลหมูด ก็ เตรห์ เซง โซล หวัว ออฺน กอฺนแนน ขัย อึนตอล บิดจะ แหลว ก็ หล็อฺฮ เจา. กอฺนแนน ขัย ก็ บิจ นะ กูยแหล็ฮ จน ดาล หนะ หวาว ปาย แหล็ฮ แหลว.27แต พระเยซู กอบ เต กอฺนแนน ขัย กะหยุง ออฺน หฺยูร หนาว ก็ หฺยูร บืน.28กรอย พระเยซู หมูดจี หลึง ดุง โม กอฺนซิด เจา บวย พระเยซู แต โมหนาว หม็อฺฮ ปาย “เกิด หนอฺ โมไฮ แต ผูย หมาลหมูด ปุ หล็อฺฮ ลัฮ?”29พระเยซู ตอฺบ ปาย “จิง ผูย หมาลหมูดเหนว แหน หล็อฺฮ บืน ต็อฺง เผียวะเหนีย มัฮขัย.”พระเยซู หวาว เถิน ตอฺห์ หรืง หนาว จิง แหล็ฮ30โม พระเยซู หนาว หล็อฺฮ จี รู บวน ขัย จี ปา เทิน ทเหลจืด กาลิลี. พระเยซู ปุ ยัก ออฺน ดาย ดิง ปาย หนาว กู บวน เหนีย31เพราะ หนาว ซอฺน โม กอฺนซิด กู อึนเต ปาย “ไฮ กอฺนกูย จิง ไกร กอบ ฉูน จี ออฺน กูย เกิด อำนาด. โมหนาว จิง กแจด บ็อฺฮ. แต ตไง เทาะ อไป ไฮ จิง หมอฮ ซ็อฺฮเจา รู แหล็ฮ.”32แต โม กอฺนซิด หนาว ปุ เคาไจ แตก็ ปุ ฮาน หม็อฺฮ พระเยซู.33พระเยซู หนะ โม กอฺนซิด จี ตอฺห์ โซะ คาเปอนาอุม. หมูด ดุง แหลว พระเยซู หม็อฺฮ กอฺนซิด ปาย “ฮุจ โตน นาอะดึฮ โมหมวง กะฉีน อึนดัว หรืง หนอฺ?”34แต โม กอฺนซิด ปุ ฮาน ตอฺบ เพราะ ฮุจ โตน นา ขัย หนาว กะฉีน อึนดัว ยัก กะหนัฮ ดาย จิง เกิด ผืด เหลิฮ โม.35พระเยซู ตะกาว แซง แหลวก็ กเหฺยีย กอฺนซิด ซิบซอง หนะ เจา ซอฺน หนาว ปาย “กูย เหนีย ยัก กะหนัฮ โม ออฺน กูย ขัย หรับเปรฺอ โม ขูหนะ.”36แหลว พระเยซู เตอะ กอฺนแนน หมูย หนะ เจา กเย็อง กู อึนดี. หนาว ออบ กอฺนแนน ขัย ดัวะ หวาว หลึง กอฺนซิด ปาย37“หมวง กูย เหนีย เทาะ จำ หรับ กอฺนแนน นะแหน เพราะ เผิห์ แก ไอ ก็ มัฮ จำ หรับ ไฮ. แหลว กูย เหนีย เทาะ จำ หรับ ไฮ ก็ มัฮ จำ หรับ ปุ แหมน ไฮ มะหนะเอง แต ด็อฺง จำ หรับ พระเจ้า เทาะ ฉูน ไอ เจา น็อฺง.”38ยอน หวาว หลึง พระเยซู ปาย “อาจาน ลัฮ โมไฮ เผิห์ กูย หมูย หนะ หนาว แอ กะหมึฮ ค็อฺง หมวง จี ผูย หมาลหมูด หล็อฺฮ. โมไฮ อึนเต ออฺน หนาว ฉาว เพราะ ปุ แหมน โม อึนดัว หลึง โมไฮ.”39แต พระเยซู หวาว ปาย “จิ ฮาม หนาว เล็ย. ปุ เกิด ดาย เอ็อฮ เทาะ จิง หวัว อัดซะจัน เทาะ เปรฺอ กะหมึฮ ไฮ แหลว เจา หวาว อึนโถฮ ไฮ บืน.40กูย เหนีย ปุ ซู ไฮ ก็ เกิด โม ค็อฺง ไฮ แหลว.41ไฮ หวาว หมัดเหม็ย คัน ดาย ออฺน เดียะ หมวง หงวจ เพราะ เผิห์ ปาย หมวง เกิด ค็อฺง ไฮ พระเจ้า จิง เถียน เขีย ออฺน หนาว ยัง หมัดเหม็ย.”42คัน ดาย เจา หญาว ออฺน กอฺนแนน แกดๆ หมูย หนะ โม แหน เทาะ ฉือ หลึง ไฮ ออฺน หนาว ตัฮ ฉือ เกลอะ จี จิง แอ กเมา เกลด อึนเต็อฮ ผืดๆ เจา ซัด ขัลตะกอฺง เหลียฮ แซง ทเหล ออฺน แหล็ฮ ออฺ เหลิฮ.43นะขัย คัน เต หวัว ออฺน หมวง เกลอะ จี ออฺน อึงก็อฺฮ บ็อฺฮ ออฺ เหลิฮ. เต งุด บืน หมูดจี กู หลึง ซะวัน ก็ ออฺ เหลิฮ เทาะ เกิด เต ขรบ แต ไกร เหลียฮ แซง นาหรก เทาะ เกิด อูฮ กาด กู ปุ ดิง กะซัด.44นะขัย คัน เต หวัว ออฺน หมวง เกลอะ จี ออฺน อึงก็อฺฮ บ็อฺฮ ออฺ เหลิฮ. เต งุด บืน หมูดจี กู หลึง ซะวัน ก็ ออฺ เหลิฮ เทาะ เกิด เต ขรบ แต ไกร เหลียฮ แซง นาหรก เทาะ เกิด อูฮ กาด กู ปุ ดิง กะซัด.45คัน หฺยืง ค็อฺง หมวง หวัว ออฺน เกลอะ จี ออฺน อึงก็อฺฮ บ็อฺฮ. หฺยืง งุด บืน หมูดจี กู หลึง ซะวัน ก็ ออฺ เหลิฮ เทาะ เกิด หฺยืง ขรบ แต ไกร เหลียฮ แซง นาหรก.46คัน หฺยืง ค็อฺง หมวง หวัว ออฺน เกลอะ จี ออฺน อึงก็อฺฮ บ็อฺฮ. หฺยืง งุด บืน หมูดจี กู หลึง ซะวัน ก็ ออฺ เหลิฮ เทาะ เกิด หฺยืง ขรบ แต ไกร เหลียฮ แซง นาหรก.47คัน หมัด ค็อฺง หมวง หวัว ออฺน หมวง หวัว เบียบ เกลอะ จี ออฺน เจาะ บ็อฺฮ. เทาะ เกิด หมัด มะหนี แต บืน หมูดจี กู หลึง ซะวัน ก็ ออฺ เหลิฮ เกิด หมัด กู ขรบ แต ไกร เหลียฮ เซอ นาหรก.48บวน ขัย เกิด อึมปาง ปุ ดิง แหล็ฮ จำ อึนเติห์ จะ แหล เกิด อูฮ กาด กู ปุ ดิง กะซัด.49“เพราะ พระเจ้า จิง เปรฺอ อูฮ อึมหระ กูย ขูหนะ ออฺน ปอฺด นะ โมไฮ เปรฺอ ผอฺฮ หวัว ออฺน หมาลจา เกิด แกล็น.50ผอฺฮ เกิด หมาล ออฺ แต คัน ผอฺฮ ขัย ฉิม อแรง จิง หวัว ออฺน อแรง ลบ กรอย บืน นะเหนีย? ขูหนะ ออฺน ระซา กะฮอฺมออฺ ค็อฺง ยะเอง ดัวะ แบบ ผอฺฮ ระซา อแรง. ออฺน กู หลึง อึนดัว กะออฺบ อึมปอ.”
Empower Asia Bible Translation Movement