Nɔɔneŋ97
1Degbeŋgyoo ne diina gyoori, tɛɛle pou dɛɛ nyaŋee,ɛ yela akpiisebia tɛɛlese pou ke nyaŋee.2Debuŋta na detiŋtɛɛ tuum te kilisi e,katenee na nombia kedi kegbɛɛ dɔɔ yɛna ɔ gyoorogbeli mokɔɔ kasee.3Boalaŋ dɔŋ ɔ siaman,keŋ ne kpa ɔ kɔlara yenaŋ kamasɛ.4Ɔ keŋmaale ne ŋmaale tɛɛle pou,tɛɛle naa ke te ke sereewɔ.5Bulase ne yalakee ŋgba keeni nɛ Degbeŋgyoo siaman,tɛɛle kei pou Gbeŋgyoo siaman.6Adido ne gyɔ ɔ katenee dekpeŋkpeŋ,te balaŋ pou naa ɔ gyoorobiiri.7Desɛŋ te kyaŋ baŋ pou bɛɛ som bɛɛneŋ nɛ,baŋ bɛɛ gate ba wose lee bɛɛneŋ dɔɔ,ɛmɛɛ wurubuarɛse pou ɛ som e.8Siyɔn nyiiwɔ te ɔ nyaŋeewɔ,yɛɛ baŋ be kyaa Yuda akuraase man nɛ gyoŋ,Degbeŋgyoo, lee n nombia kedi dɔɔ.9Nawolo nyi nyaŋ Degbeŋgyoo, yɛna Adidote tɛɛle pou dɔɔ,be te gyina neŋ adido kela wurubuarɛse pou.10Ɛmɛɛ baŋ ɛ ne gyae Degbeŋgyoo nɛ, ɛ kɔla nombiakumɛɛ,nawolo nyi ɔ ne gyee baŋ bee di anokoare fa e nɛ nyeedoŋ,na ɔ te lɛɛ wɔ lee akpanyanyaŋtena nyiŋmaa man.11Keŋmaŋee ne ŋmaŋee baŋ ba tenɛɛ nɛ dɔɔ,te baŋ be konɔɔse man dei nɛ nyaŋeewɔ.12Ɛmɛɛ baŋ ɛ tenɛɛ nɛ, ɛ nyaŋee lee Degbeŋgyoo dɔɔ,na ɛ ka lese ɔ yele fereŋkyeŋ keŋ.
The Seed Company