Nɔɔneŋ96
Wurubuarɛ gyoo dinaa ŋon
1Ɛ kpee nɔɔneŋ wɔle fa Degbeŋgyoo,tɛɛle pou ɛ kpee nɔɔneŋ fa Degbeŋgyoo.2Ɛ kpee nɔɔneŋ fa Degbeŋgyoo, ɛ lese ɔ yele,ɛ gyɔ ɔ nyeekelɛɛ dekpeŋkpeŋ wee kamasɛ.3Ɛ gyɔ ɔ gyoorobiiri keŋ dekpeŋkpeŋ tɛɛlese pou man,ɔ gyakoloŋ nombia keyɛɛ balaŋ pou man.4Nawolo nyi Degbeŋgyoo kerɛɛ, te ɔ kaboena nyi baa lese ɔ yele,kaboena nyi baa yee e kela wurubuarɛse pou.5Nawolo nyi tɛɛlese dɔɔ wurubuarɛse pou yɛɛ bɛɛneŋwɔ,mɔna Degbeŋgyoo yɛɛna adido.6Obuo na gyoorobiiri doo ɔ siaman,doŋ na gyoorobiiri doo ɔ fereŋkyeŋ man.7Ɛmɛɛ tɛɛlese pou, ɛ lese Degbeŋgyoo yele,ɛ mo obuo na doŋ fa Degbeŋgyoo.8Ɛ mo obuo keŋ kaboena Degbeŋgyoo yele nɛ fa e,ɛ mo kedeesa abɔɔ kɔŋ ɔ dekpaŋalaŋ man.9Ɛ mo wose keyɔkɔse fereŋkyeŋ som Degbeŋgyoo,tɛɛle pou ɛ mo wose keseree kɔŋ ɔ siaman.10Ɛ yako tɛɛlese man nyiaa, <Degbeŋgyoo ne diina gyoori.>Tɛɛle seŋɛɛ ke nawɔɔ dɔɔ, be gyae ke wosi ya,waa di balaŋ pou nombia kyɛɛkyɛɛ.11Ɛ yela adido ke nyaŋee, na ke yɛɛ tɛɛle gyoŋ,ɛpo na ŋan pou doo ke man nɛ dɛɛ fae yeesa.12Ɛ yela wɔɔse na ŋan pou doo ŋe man nɛ, ke nyaŋee,daase na laaneŋ pou, ɛ nyaŋee kpee nɔɔneŋ.13Abɔɔ ŋan pou Wurubuarɛ be yɛɛ nɛ, ɛ nyaŋee Degbeŋgyoo siaman, nawolo nyi ɔ ne kɔŋ,ɔ ne kɔŋ ɔ kaa di tɛɛle kei dɔɔ nombia.Waa di tɛɛle kei nombia kegbɛɛ dɔɔ,na waa di balaŋ nombia anokoare man.The Seed Company