Nɔɔneŋ85
Kefane fa Iserae deeli
1Degbeŋgyoo, nyaŋ wiina n balaŋ baŋ be kyaa tɛɛle kei dɔɔ,te n besenaa Yakɔbe dedii fa e.2N moo n balaŋ nombiakumɛɛ kyɛɛ wɔ,te n wuu be nombiakumɛɛ pou dɔɔ.3N moo n baŋ pou see yenaŋ,te n tinaa n baŋ nedoŋ keŋ yela.4Ao Wurubuarɛ da nyeelɛɛre, besena daa see da dekyae bene man,na n ka lese n baŋ lee de dɔɔ.5Nyaŋ ka gyeŋ baŋ do daa kekpaakekpaa?Nyaŋ ke yela n baŋ ke doo kelii de kalola kegyakaarese dɔɔ?6N ba do daa doŋ bela,na n balaŋ ke nyaŋee lee n man yee?7Degbeŋgyoo, lese n kegyae keŋ be taŋ ɔto ya nɛ wola daa,na n ke yela dee nyiŋ n nyeekelɛɛ.8Maa tei keŋ Degbeŋgyoo Wurubuarɛ waa yako,ɔ yakowɔsee nyi waa fa ɔ tewulɛɛ baŋ be gbɛɛneŋ tenɛɛ nɛ wosefɛɛreŋ,mɔna be naa bese keyɛɛ diyiŋ nombia ya.9Ampaŋ, ɔ nyeekelɛɛ benaana baŋ bee yee e nɛ,na ɔ gyoorobiiri ke kyaa de tɛɛle keŋ dɔɔ.10Kegyae na anokoare kedi gyae ke gyaŋeena dɔŋa,na nombia kedi kegbɛɛ dɔɔ na wosefɛɛreŋ ke pukaa dɔŋa.11Anokoare kedi gyae ketu lee tɛɛle keŋ man,na nombia kedi kegbɛɛ dɔɔ ka lee adido.12Ampaŋ Degbeŋgyoo waa fa daa abɔɔ kpaakpaa,na de tɛɛle ke de weenɛɛ nideli.13Nombia kedi kegbɛɛ dɔɔ gyae ke ta ɔ siaman,na ke desina gbɛɛ ɔ nawɔɔ kekulu man.The Seed Company