Nɔɔneŋ84
Sia keyɛɛ kɛo Wurubuarɛ ɔsom deni
1Degbeŋgyoo Dekpataakpere,n dekyae dana kyeo nideli.2Degbeŋgyoo dekpaŋalaŋ man kagyoo,ne gyɔ ma woo loo nideli,Wurubuarɛ ŋon ɔ kyaa kekpaakekpaa nɛ,ne gyɔ me konɔɔ na ma wose pou loo nideli.3Akpeelee gba koraŋ dana dedoi,te kamelegyagyaa dana desaa,keŋ man ɔ na mo ɔ bia see,botɔɔ benaana n kedeesaboe keŋ,Degbeŋgyoo Dekpataakpere yɛna me Gyoo na me Wurubuarɛ.4Baŋ be kyaa n dekpaŋalaŋ man nɛ baŋna nyeebam,bee kpee nɔɔneŋ lese n yele debaŋ kamasɛ.5Baŋ be doŋ ba lee n gyaŋ,te be konɔɔse gyakaa Siyɔn gbɛɛneŋ dɔɔ nɛ baŋna nyeebam.6Nyi be dɔŋ Siasaraŋ detaŋgya keŋ man na,bee yele botɔɔ na bese depaa,ɔga gyaŋgbate ne yele botɔɔ na bese depaa.7Bee nyiŋ doŋ debaŋ kamasɛ,kelii debaŋ keŋ baa kaa lee Wurubuarɛ siaman Siyɔn.8Degbeŋgyoo Wurubuarɛ Dekpataakpere, nyii ma kefane,Yakɔbe Wurubuarɛ, tei maŋ.9Ao Wurubuarɛ, kɛɛ de yoo nyeele pampasaŋ keŋ,wii walaŋ ŋon n be tiu e nuŋ nɛ.10N dɛɛ kekyaa wee dokoloŋ dei,kela yenaŋ daale kekyaa weeya burum,Ma kegyae yɛna nyi maa kyaa me Wurubuarɛ dɛɛ ŋgba denaanɔɔ gyeeri nɛ,kela nyi maa kyaa akpanyanyaŋtena dɛɛgyaŋee man.11Nawolo nyi Degbeŋgyoo Wurubuarɛ yɛɛ ŋgba weese na yoo nyeele pampasaŋ nɛ,ɔ na boele walaŋ te ɔ na do e obuo,ɔ bɛɛ bɛɛse baŋ be gbɛɛneŋ tenɛɛ nɛ,kolo kpaakpaa ya.12Degbeŋgyoo Dekpataakpere,ŋon ɔ na mo n wose lɔ n dɔɔ nɛ, ŋonna nyeebam.The Seed Company