Nɔɔneŋ60
Kefane fa kelɛɛ
1Wurubuarɛ, n te bɛɛ daa te n yaasee daa,n ta gyeŋ baŋ do daa, nɛnɛɛ besena daa see da beneŋ man.2N te wosi tɛɛle keŋ, te n bɛɛse ke man.bese takee ke, nawolo nyi kee wosi.3Nyaŋ yelela n balaŋ gyoowɔ kayeyɛɛ man,n faa daa waen de nyɔɔwɔ dɛɛse.4Mɔna baŋ bee yee neŋ nɛ, n gyinaa felage adido,na ke gyee wɔ lee baŋdaŋ keŋ man.5Lɛɛ da nyee, na n ka mo n dunoluŋ nyiŋmaa kyɔ daa,na n ke nyiŋ lɛɛ baŋ n ne gyae wɔ nɛ.6Wurubuarɛ te kolosi lee ɔ fereŋkyeŋ keŋ man,<<Maa nyaŋee, na maa kpala Sekem man,na maa kpala Sukɔte detaŋgya keŋ.7Gileade yɛɛ me wui, te Manase mɔ yɛɛ me wui,Ɛferayim yɛna ma nyeele kotɔtɔɔ,Yuda yɛna me gyooro gbutu.8Moabe yɛna me tasa anefaafoŋ abɔɔ,Ɛdom dɔɔ te mɛɛ mo ma nkyokota gyakaa,Filisitena dɔɔ te mɛɛ fae keyoodi yeesa.>>9Amɔte ne gyaela waa mo maŋ gyu donɔɔ dinaa keŋ bɔɔ baŋ dekyaŋ kilisi ke nɛ man?Amɔte ne gyaela waa ta me siaman gyu Ɛdom?10Na nyaŋ Wurubuarɛ ŋon nɛnɛɛ n be bɛɛ daa,keŋ n bɛɛ tekaa sila de yoonɔɔtena nɛ yee?11Seŋ de wɔle lee de kɔlara dɔɔ,nawolo nyi deniwalaŋ kekyɔ yɛɛ yakaa.12Nyi Wurubuarɛ kpuɛna daa na dee yoodi,ŋon ne gyaela waa sakatee de kɔlara dɔɔ.The Seed Company