Nɔɔneŋ113
Degbeŋgyoo deeli yele kalese
1Ɛ lese Degbeŋgyoo yele,Ɛmɛɛ Degbeŋgyoo tewulɛɛ, ɛ lese ɔ yele,Ɛ lese Degbeŋgyoo yele keŋ yele.2Ɛ yela baa lese Degbeŋgyoo yele,lee gyɛŋ na kekpaakekpaa.3Lee weese dɛɛlee kelii weese dɛɛyalae man,kaboena nyi baa lese Degbeŋgyoo yele.4Be te gyina Degbeŋgyoo kela tɛɛlese pou,ɔ gyoorobiiri korɛɛ kela adido adido.5Amɔte kyaala ŋgba Degbeŋgyoo de Wurubuarɛ,ŋon ɔ kyaa gyooro gbeli dɔɔ adido,6te ɔ ne gɔŋase kɛɛ,adido na tɛɛle nɛ?7Ɔ ne gyina ayematena adido lee akuŋkuŋ man,te ɔ ne gate baŋ bɔɔ dana kolo ya nɛ lee tɔŋ man,8na waa mo wɔ kyaase kyaarabia man,kpuna ɔ balaŋ kyaarabia.9Ɔ ne yele ɔlamanbo ne nyiŋ dekpaŋalaŋ kyaa ke man,na ke yɛɛ e gyoŋ ŋgba talabo na ɔ bia nɛ.Ɛ lese Degbeŋgyoo yele.
The Seed Company